Morgunblaðið - 12.06.2004, Blaðsíða 2
FRÉTTIR
2 LAUGARDAGUR 12. JÚNÍ 2004 MORGUNBLAÐIÐ
MEÐ 5005 E-TÖFLUR
Kona var tekin með 5005 e-töflur í
Leifsstöð í fyrradag. Þetta er eitt
stærsta smygl á e-töflum sem tekist
hefur að hindra en andvirði fíkni-
efnanna var nærri níu milljónir
króna. Konan var úrskurðuð í
tveggja vikna gæsluvarðhald.
Hagnaður 9,5 milljarðar
Hagnaður Baugs Group hf á árinu
2003 var rúmir 9,5 milljarðar. Í árs-
reikningi félagsins er tekið tillit til
hugsanlegra skattbreytinga vegna
frumskýrslu skattrannsóknarstjóra
sem er í andmælafresti til 25. júní.
Verðbólgan „stundarskot“
Davíð Oddsson telur hækkun
verðbólgunnar vera „stundarskot“
sem hjaðni fljótt. Ríkisstjórnin hefur
ekki tekið ákvörðun um hvort
stjórnvöld grípi til einhverra ráð-
stafana til að hamla gegn verðbólgu
en hún hækkaði í maí um sem nemur
3,9% á ársgrundvelli.
Reagan kvaddur
Bandaríkjamenn kvöddu í gær
Ronald Reagan, 40. forseta Banda-
ríkjanna, og minntust hans sem
tákngervings lands og þjóðar,
manns, sem hefði flutt með sér
ferskan blæ einlægni og alúðar.
Kom þetta meðal annars fram í
ræðu George W. Bush, forseta
Bandaríkjanna, og Margaret
Thatcher, fyrrverandi forsætisráð-
herra Bretlands og náinn vinur
Reagans, sagði, að hann hefði unnið
Kalda stríðið án þess að hleypa af
skoti. Var athöfnin mjög áhrifamikil
en að henni lokinni var kista Reag-
ans flutt til Kaliforníu þar sem hann
var lagður til hinstu hvílu.
Játa ódæðisverkin
Bosníu-Serbar viðurkenndu í
fyrsta sinn í gær, að þeir bæru
ábyrgð á dauða þúsunda múslíma,
sem teknir hefðu verið af lífi án
dóms og laga í Srebrenica 1995.
Hefðu þeir, sem glæpina frömdu,
her, lögregla og sveitir serbneska
innanríkisráðuneytisins í Bosníu,
reynt að fela glæpinn.
Y f i r l i t
Í dag
Sigmund 8 Minningar 38/42
Viðskipti 12 Umræðan 36/37
Erlent 14/16 Kirkjustarf 43
Höfuðborgin 19 Úr Vesturheimi 30
Akureyri 20 Staksteinar 50
Suðurnes 23 Myndasögur 48
Árborg 24 Bréf 48
Landið 22 Dagbók 50/51
Listir 28/29 Leikhús 56
Neytendur 25/27 Fólk 56/61
Heilsa 27 Bíó 58/61
Forystugrein 32 Ljósvakamiðlar 62
Viðhorf 36 Veður 63
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
RJÚPNATALNINGAR á vegum
Náttúrufræðistofnunar Íslands (NÍ) í
vor sýndu mikla aukningu í rjúpna-
stofninum miðað við síðasta ár. Upp-
sveiflu gætir nú í nær öllum lands-
hlutum, en hennar varð vart síðasta
vor á friðaða svæðinu á Suðvestur-
landi. Að mati NÍ er vöxtur rjúpna-
stofnsins í samræmi við þær vænting-
ar sem gerðar voru til
friðunaraðgerða fyrir einu ári, en
miðað við fyrri reynslu má búast við
vexti næstu þrjú til fjögur árin. Þrátt
fyrir þennan umtalsverða vöxt telur
NÍ stofninn ekki enn nógu sterkan til
að ástæða sé til að aflétta þriggja ára
veiðibanni sem ákveðið var í fyrra.
Að sögn Kristins Hauks Skarphéð-
inssonar, fuglafræðings hjá NÍ,
sveiflast íslenski rjúpnastofninn mik-
ið af náttúrulegum orsökum, en á síð-
ustu áratugum virðist hafa dregið úr
sveiflunum og rjúpum fækkað stöð-
ugt. Meginástæða þeirrar fækkunar
er talin síaukin afföll fullorðinna
rjúpna. Því hafi verið mælt með veru-
legum samdrætti rjúpnaveiða. Í fyrra
lagði NÍ til fimm ára veiðibann, en
umhverfisráðherra ákvað að friða
rjúpur í þrjú ár, til haustsins 2006.
Sjálfbærni langtímamarkmið
Nú hefur rjúpnastofninn, að sögn
Kristins, vaxið verulega á langflestum
af þeim fjörutíu talningarsvæðum
sem fylgst hefur verið með undanfar-
ið, eða að meðaltali u.þ.b. 104%. Hlut-
fallslega var aukningin mest á Norð-
vesturlandi, um 171%. „Við teljum
skammtímamarkmið við stjórn
rjúpnastofnsins eiga að vera að forða
rjúpnastofninum frá frekari hnignun
og nota það lag sem nú hefur myndast
til að byggja upp sterkan stofn,“ segir
Kristinn. „Langtímamarkmiðið er þá
að rjúpnaveiðar á landinu verði sjálf-
bærar til lengri tíma litið, þ.e. að
stofninn fái næði til vaxtar á upp-
sveifluárum og að honum hnigni ekki
til langframa. Tímabundin friðun
rjúpna uppfyllir að okkar mati
skammtímamarkmiðið, en þó teljum
við ekki tímabært að hefja veiðar að
nýju. Bæði vegna þess að stofninn er
enn mjög lítill og einnig að svo virðist
sem friðunaraðgerðir séu að skila ár-
angri og því ekki skynsamlegt að
hverfa af þeirri braut sem mörkuð
hefur verið.“
NÍ leggur áherslu á að langtíma-
markmiðinu, sjálfbærum veiðum úr
sterkum stofni, verði einungis náð
með markvissu veiðistjórnunarkerfi,
þar sem hægt verði að grípa til sölu-
banns, svæðafriðunar og annarra tak-
markandi aðgerða, gerist þess þörf.
Vortalning Náttúrufræðistofnunar
Rjúpnastofn-
inn á uppleið
! "
#"
#"
$
% "
%
&
&'''&%()*
+ $ "
$
'
,-.
,/.
,0,.
0.
,1.
,0.
,.
FJÁRMÁLAEFTIRLITIÐ mun ekki fara fram
á lækkun iðgjalda tryggingafélaga í ökutækja-
tryggingum, veruleg samkeppni er sögð ríkja í
lögboðnum ökutækjatryggingum og dregið hef-
ur úr ofmati tjónaskulda félaganna frá fyrri ár-
um.
Þetta er meðal niðurstaðna í athugun Fjár-
málaeftirlitsins á verklagi tryggingafélaganna
við mat á tjónum, sem fram fór nýlega á grund-
velli laga um vátryggingastarfsemi. Fjármála-
eftirlitið segir m.a. í tilkynningu sinni að dregið
hafi úr ofmati tjónaskulda síðustu ár, m.a.
vegna bætts verklags við mat á tjónum og auk-
ins aðhalds. Telur stofnunin að bætt verklag við
mat á tjónum sé einn af þeim þáttum sem valdi
auknum hagnaði vátryggingafélaganna á síðustu
árum, en hann hefur aukist allt frá árinu 2001.
Eftirlitið segir að hjá þeim félögum og í þeim
greinum, þar sem ofmat mældist, hafi verið lagt
mat á hvaða áhrif lækkun tjónaskuldar hefði á
hlutfall tjóna af iðgjöldum miðað við iðgjöldin
eins og þau voru árið 2002. Þannig hafi verið
gerðar spár um afkomu til framtíðar sem bendi
ekki til að hagnaður, sem gæti myndast vegna
ofmats á tjónaskuld, gefi til kynna að iðgjöld
séu ósanngjörn í skilningi laganna.
Fjármálaeftirlitið segist hafa vitneskju um að
nú sé ríkjandi veruleg samkeppni í lögboðnum
ökutækjatryggingum sem komi fram í veruleg-
um frávikum frá iðgjaldaskrá. Beinir Fjármála-
eftirlitið því til félaganna að þessar iðgjalda-
lækkanir verði gerðar almennar svo að allir
viðskiptavinir njóti góðs af hagstæðri stöðu
greinarinnar.
Þá telur Fjármálaeftirlitið að iðgjaldalækk-
anir undanfarið séu í samræmi við niðurstöður
sínar úr tölfræðigreiningu og vettvangsathugun.
Í ljósi stöðu tjónaskuldar og núverandi fjár-
hagsstöðu félaganna telur eftirlitið að enn sé
svigrúm til lækkunar iðgjalda, enda haldist sú
góða afkoma í greininni sem þróast hafi á síð-
ustu þremur árum.
Í framhaldi af þessari athugun telur Fjár-
málaeftirlitið eðlilegt að styrkja eftirlit með
tjónaskuld með reglum, sem fyrirhugað er að
gera síðar á þessu ári. Verður þar tekið mið af
alþjóðlegum stöðlum og reglum nágrannaland-
anna.
Fjármálaeftirlitið gerði athugun á ökutækjatryggingum
Ekki farið fram á lækkun iðgjalda
MYND Sveins M. Sveinssonar,
Heimur kuldans, var frumsýnd á
heimildar- og stuttmyndahátíðinni
Reykjavik shorts&docs, í Regnbog-
anum í gærkvöld. Heimur kuldans
fjallar um ferð Ragnars Axelssonar,
ljósmyndara Morgunblaðsins, til
nyrstu byggða Grænlands, en Ragn-
ar fór þangað fyrir fimmtán árum og
myndaði veiðimenn á svæðinu norð-
an Thule-herstöðvarinnar.
Í myndinni endurnýjar Ragnar
kynni sín við tvo grænlenska bræður
og fer með þeim í fimm daga veiði-
leiðangur á hundasleðum út á ísinn.
Þá er í myndinni komið við í nyrsta
þorpi veraldar, Shiorapaluk, en þar
búa aðeins um 70 manns.
Morgunblaðið/ÞÖK
Ragnar Axelsson ásamt Sveini M. Sveinssyni, leikstjóra heimildarmynd-
arinnar Heims kuldans, á frumsýningunni í Regnboganum.
Heimur kuldans
frumsýnd
MIKIÐ annríki hefur verið síðustu
daga hjá lögreglunni í Reykjavík og
á Selfossi við rannsókn fíkniefna-
mála. Hjá lögreglunni á Selfossi eru
þrjú mál til rannsóknar og hið nýj-
asta kom upp í Þorlákshöfn í gær.
Þar fannst við húsleit nokkurt magn
fíkniefna, ætlað þýfi, skotvopn, skot-
færi og annar vopnabúnaður, s.s.
hnífar og axir. Ungur karlmaður var
handtekinn eftir húsleitina. Önnur
mál Selfosslögreglu eru vegna 16 ára
stúlku sem reyndi að smygla hassi
inn á Litla-Hraun á fimmtudag og að
kvöldi sama dags var kona stöðvuð
við akstur á Selfossi, grunuð um að
vera undir áhrifum fíkniefna. Við leit
í húsi hennar fundust fíkniefni.
Fíkniefnadeild lögreglunnar í
Reykjavík er áfram með í rannsókn
tvö stór mál, sem greint hefur verið
frá í Morgunblaðinu. Vegna annars
þeirra, innflutnings frá Kaupmanna-
höfn á kílói af amfetamíni og kílói af
kókaíni, var karlmaður á þrítugs-
aldri úrskurðaður í gær í tveggja
vikna gæsluvarðhald. Fyrir er sá
enn í varðhaldi sem handtekinn var
með fíkniefnin í Leifsstöð 24. maí sl.
Í hinu málinu var karlmanni á þrí-
tugsaldri sleppt úr varðhaldi í gær.
Annar maður er áfram í haldi eftir að
í fórum þeirra fundust eitt kíló af
amfetamíni og 40 grömm af hassi við
húsleit lögreglu í austurhluta borg-
arinnar nýlega.
Mikið annríki í
fíkniefnamálum