Morgunblaðið - 12.06.2004, Blaðsíða 27
FERÐALÖG
MORGUNBLAÐIÐ LAUGARDAGUR 12. JÚNÍ 2004 27
Skór
Mikið og frábært úrval
Barnaföt • dömuföt
herraföt
Könnun dönskuneytendasamtak-anna hefur leitt í
ljós að lággjaldaflugfélög
lofa oft upp í ermina á
sér þegar þau auglýsa
fargjöld á tilboðsverði.
Umboðsmaður neytenda í
Danmörku segir það
ólöglegt og íhugar að
herða reglur um auglýs-
ingar flugfélaga þannig
að þau verði t.d. að upp-
lýsa ef færri en tuttugu
farmiðar eru í boði á tilboðsverði
eða ef tilboð gildir bara ákveðna
daga. Þetta kemur fram á vef
Politiken.
Tilboð lággjaldaflugfélaga
eins og Sterling, Maersk Air,
Ryanair, Snowflake og Easyjet,
auk SAS, voru skoðuð og í ljós kom
að oft fundust alls engir miðar á
verðinu sem auglýst var, þrátt fyrir
að leitað væri að miðum utan há-
annatíma, þ.e. í fyrri hluta nóv-
ember.
Munaði þúsundum
danskra króna
Mismunurinn á auglýstu verði og
verðinu á þeim miðum sem dönsku
neytendasamtökunum tókst að
finna, nam oft nokkur þúsund
dönskum krónum, að því er segir á
vef Politiken. Á vef dönsku neyt-
endasamtakanna kemur m.a. fram
að annað hvort fundust ekki ódýr-
ustu farmiðarnir eða að í ljós kom
að ferðaáætlunin þyrfti að vera
mjög svo sveigjanleg ef greiða ætti
lægsta verð. Maersk Air auglýsti
t.d. ferð frá Kaupmannahöfn til
London fyrir 315 danskar krónur
aðra leiðina, þ.e. 1.260 fyrir tvo
fram og til baka en eftir leit dönsku
neytendasamtakanna sem reyndu
að vera sveigjanleg hvað varðar
ferðatíma, fannst ekki lægra verð
en 3.018 danskar krónur fyrir tvo
fram og til baka.
SAS auglýsti ferð frá Kaup-
mannahöfn til Helsinki á 395
danskar krónur aðra leiðina. Reynt
var að bóka ferð fram og til baka
og í ljós kom að tilboðið var 595
danskar krónur aðra leiðina. Mið-
að við ferð fyrir tvo báðar leiðir
ætti ferðin að kosta 2.380 danskar
krónur en ekki fannst verð undir
12.522 dönskum krón-
um, þrátt fyrir að níu
mismunandi dagsetningamögu-
leikar væru prófaðir. Mis-
munurinn var rúmar
10.000 danskar krónur, þ.e. yf-
ir 110 þúsund íslenskar.
Refsivert að gefa
villandi upplýsingar
Umboðsmaður neytenda í Dan-
mörku, Hagen Jørgensen, segir
refsivert að gefa villandi upplýs-
ingar. „Ef flugfélag auglýsir ferð á
315 [danskar] krónur til London, þá
eiga líka að vera til ferðir frá 315
krónum. Það er villandi að auglýsa
farmiða á því verði sem ekki er
raunverulega hægt að kaupa þá
á..,“ segir hann. Hann segir flug-
félög ekki geta leyft sér að auglýsa
farmiða á ákveðnu verði bara til að
lokka viðskiptavini til sín.
FERÐALÖG|Lággjaldaflugfélög lofa upp í ermina á sér
Örfáir miðar á auglýstu verði
Hverjir eru að fara á þetta mót?
„Á dönsku fótboltahátíðina Denmark Soccer Festival
mæta 170 knattspyrnulið frá fjöldamörgum löndum.
HK-ingar ætla að tefla fram fimm liðum á mótinu. Sam-
tals fara því 80 krakkar, sem fædd eru á árunum 1988–
1991, út og ekki minni fjöldi foreldra, sem eru að sögn
þeirra, sem til þekkja, ekki minna spennt, en foreldra-
samstaða og samstarf í HK er alveg magnað. Ég á tvo
strákar í hópnum, Egil Örn í þriðja flokki og Anton Örn í
fjórða flokki.“
Hvernig verður ferðatilhögunin?
„Eftir flugið til Kaupmannahafnar koma keppendur, far-
arstjórar og þjálfarar sér fyrir í skólastofum í bænum Is-
höj, sem er í um fimmtán mínútna akstursfjarlægð frá
miðborg Kaupmannahafnar. Foreldrar koma sér fyrir á
hinum og þessum gistiheimilum. Til að mynda hefur
stór hluti hópsins tekið á leigu þriggja hæða hús, sem
rekið er sem gistiheimili, í bænum Hvidovre. „Svo verð-
ur helgin notuð til að losa um spennu hjá keppendum
með því að kynnast nánasta umhverfi, fara í tívolíið, á
ströndina og rasa pínulítið út. Möguleikar eru á því að
heimsækja Bakken, fara í verslunarleiðangur og á diskó-
tek.“
Mótssetning verður á sunnudagskvöldinu og á mánu-
dagsmorgni eiga menn að mæta til leiks óþreyttir, en
svona mót geta tekið verulega á. Það þarf því að passa
vel upp á hvíld og mataræði og svo þarf auðvitað að
vökva ungu keppendurna hressilega á meðan á spark-
inu stendur. Úrslitin verða svo spiluð á fimmtudeginum.“
Mikil spenna í loftinu?
„Já, og það er skemmtilegt fyrir okkar fólk að fá tæki-
færi til að upplifa svona ferðir og sjá hvað aðrir eru að
gera, en ég get með sanni fullyrt, eftir að hafa farið á
fjögur Essó-mót, fjögur Shell-mót og fjögur Lottó-mót
með mínum drengjum, að Íslendingar kunna svo sann-
arlega að halda stórkostleg mót þó ég sé á engan hátt
að gagnrýna mótshald annarra. Öll umgjörð er hér-
lendis til mikils sóma.“
HVERT ERTU AÐ FARA? | Danmörk
Til Ishöj með HK-ingum
Eftirvænting liggur í loftinu í herbúðum HK-
inga því fyrir dyrum stendur vikulangt
ferðalag til Danaveldis þar sem krakkar
munu etja saman kappi í knattleikni við er-
lend lið. Gunnar Örn Rúnarsson verður í
hópi fararstjóra.
Morgunblaðið/Sverrir
Fararstjóri: Gunnar Örn Rúnarsson ásamt sonunum og
fótboltaköppunum Agli Erni og Antoni Erni.