Morgunblaðið - 13.06.2004, Blaðsíða 28

LISTIR
28 SUNNUDAGUR 13. JÚNÍ 2004 MORGUNBLAÐIÐ
Kynntu þér tilboð okkar
á bílaleigubílum
Pantaðu AVIS bílinn áður en þú leggur af stað
Það borgar sig – Hringdu til AVIS í síma 591-4000
Við erum í 170 löndum
5000 stöðum
T.d. Reykjavík, London, Kaupmannahöfn,
Frankfurt, Milano, Alicante ...
AVIS Knarrarvogi 2 – 104 Reykjavík – Sími 591 4000 – Fax 591 4040 – Netfang avis@avis.is – Heimasíða www.avis.is
Minnum á Visa afsláttinn
Tónskóli Sigursveins D.Kristinssonar fagnaðimerkisafmæli í vor semleið, en 30. mars síðastlið-
inn voru 40 ár liðin frá stofnun skól-
ans og var afmælinu fagnað með tón-
leikahaldi víða um borgina.
Sigursveinn Magnússon er skóla-
stjóri Tónskóla Sigursveins og hefur
gegnt því starfi í hartnær 20 ár, en
fram að því hafði hann verið móð-
urbróður sínum og nafna, Sig-
ursveini D. Kristinssyni sem stofnaði
skólann árið 1964, til aðstoðar.
„Krakkarnir halda stundum að ég
eigi skólann, en það er nú ekki þann-
ig,“ segir Sigursveinn og hlær. „Áður
unnum við nafnarnir saman og ég
gegndi hlutverki aðstoðarmanns, en
hann hætti störfum árið 1985. Ég tók
þá við og hef verið skólastjóri síðan.
Það má segja að ég hafi hlotið tón-
listaruppeldi mitt hjá honum sem
barn, og heiti jafnframt í höfuðið á
honum.“
Spurður um aðdragandann að
stofnun skólans segir Sigursveinn að
menntun hinna vinnandi stétta hafi
verið frænda sínum hugleikin.
„Hann var róttækur sósíalisti og
dreymdi alltaf um menningarvakn-
ingu alþýðufólks. Hann sá fyrir sér
að batnandi hagur verkafólks fælist
ekki bara í því að fá hærri laun, held-
ur líka í upplýsingu og því að geta
nýtt tíma sinn í þágu menningar og
mennta: Að lesa bækur, syngja í kór
eða læra á hljóðfæri. Í aðdragand-
anum að stofnun skólans gerði hann
tilraunir á þessu sviði, var til dæmis
einn af stofnendum Lúðrasveitar
verkalýðsins sem ennþá starfar og
Söngfélags verkalýðssamtakanna í
Reykjavík, og hann tók þátt í stofnun
Tónskóla Siglufjarðar 30. mars árið
1958. Þar átti hann ásamt áhugafólki
frumkvæði að samstarfi við verka-
lýðsfélögin á Siglufirði um þennan
skóla. Það er útaf fyrir sig mjög
merkileg saga sem vert væri að yrði
skráð,“ segir Sigursveinn. „Hvort
það er einber tilviljun eða yfirveguð
ákvörðun að stofndagur beggja skól-
anna skyldi vera 30. mars skal ég
ekki fullyrða, en svo mikið er víst að
brautryðjandinn var mikill frið-
arsinni og þess vegna andvígur því
að Ísland léti draga sig inn í hern-
aðarbandalag árið 1949. Að hefja
menningarsókn á þessum degi gat
því haft táknræna merkingu í huga
hans.“
Árið 1963 urðu tímamót í tónlist-
arsögu Íslendinga, en þá hafði Gylfi
Þ. Gíslason, þáverandi mennta-
málaráðherra, frumkvæði að setn-
ingu laga um tónlistarskóla á Íslandi,
sem kváðu á um rétt til fjárstuðnings
frá opinberum aðilum til slíkrar
starfsemi. Fram til þess tíma höfðu
tónlistarskólar aðeins starfað á örfá-
um stöðum á landinu, en uppsöfnuð
þörf fyrir slíka starfsemi átti eftir að
koma í ljós. „Þá stofnaði Sigursveinn
þennan skóla hér í Reykjavík, Tón-
skóla Sigursveins D. Kristinssonar,
árið 1964 sem var ári eftir setningu
laganna, og hafði einmitt með sér
nokkra frammámenn úr verkalýðs-
hreyfingunni. Það er svolítið merki-
legt, að fyrstu fundargerð tónskólans
skrifar Tryggvi Emilsson rithöf-
undur, sem þá var einn af stjórn-
armönnum í Dagsbrún. Og framan af
lögðu verkalýðsfélögin skólanum til
styrk, sem auðveldaði honum að
komast yfir byrjunarörðugleikana.“
Hugmyndafræði Sigursveins í
sambandi við tónlistarnámið var
jafnréttissinnuð, en hann taldi að
hver og einn ætti rétt á tækifæri til
tónlistarnáms sem hefði áhuga á því.
„Áður voru hugmyndir um tónlist-
arnám þannig að þeir einir ættu að
stunda það sem ætluðu að verða eitt-
hvað, og það var svolítill betriborg-
arastimpill á því. En um það leyti
sem Tónskólinn var stofnaður voru
að vakna hugmyndir, meðal annars
vegna lagasetningarinnar, um að all-
ir sem áhuga hefðu ættu að fá tæki-
færi til að læra á hljóðfæri. Og áhug-
inn var greinilega fyrir hendi, því á
fáum árum voru stofnaðir margir
tónlistarskólar sem fylltust af fólki.“
Skólar og tónlistarlíf
haldast í hendur
Að sögn Sigursveins er ekki síður í
dag en fyrir fjörutíu árum gífurleg
eftirspurn eftir tónlistarnámi og
mikill áhugi á tónlist hérlendis. „Við
flesta tónlistarskóla held ég að séu
biðlistar, þannig að það komast færri
að en vilja, og það er auðvitað gott að
starfa í umhverfi þar sem námið er
svona eftirsótt. Svo hefur skóla-
starfið breyst að mjög mörgu leyti,
það eru komnar nýjar kennsluað-
ferðir, nýtt námsefni og við eigum nú
orðið mjög færa og reynda kennara
og tónlistarfólk.“ Hann bendir jafn-
framt á að skólarnir og tónlistarlífið
haldist mjög vel í hendur og þær
stórfelldu framfarir sem orðið hafa í
klassískum tónlistarflutningi hér-
lendis eigi að miklu leyti rætur í
bættu umhverfi í tónlistarnámi. „Við
höfum ræktunarstöðina fyrir hendi
og það gerist af sjálfu sér, að úr þess-
um fjölda sem byrjar veljast ein-
staklingar sem hafa mikinn áhuga,
dugnað og hæfileika til að bera. Og
það er hlutverk skólanna að koma til
móts við þá, velja þeim hæf viðfangs-
efni og hjálpa þeim að skapa sér
tækifæri.“
Það er í fullkomnu samræmi við
jafnréttishugmyndir Sigursveins
eldri fyrir fjörutíu árum að Tónskóli
Sigursveins er í dag ætlaður öllum,
ungum sem öldnum. „Við höfum allt-
af reynt að velja hverjum nemanda
verkefni við sitt hæfi. Innan okkar
raða rúmast bæði fólk sem stundar
námið sér til lífsfyllingar og er í öðru
námi eða vinnu líka, og nemendur
sem hafa áhuga á að leggja tónlist
fyrir sig og ljúka þaðan burtfar-
arprófi, eða fullnaðarprófi eins og við
köllum það,“ segir Sigursveinn.
Nemendur sem stunda nám við skól-
ann eru á öllum aldri. „Yngstu nem-
endurnir hefja nám eftir Suzuki-
aðferðinni, allt frá fjögurra og fimm
ára aldri og við höfum einnig fjöl-
mennan forskóla. Framhaldsnem-
endahópurinn er vaxandi og svo er
alltaf svolítill hópur fullorðinna í
námi.“
Það samræmist einnig jafnrétt-
isstefnu Tónskólans, að í skipulags-
skrá hans er ákvæði um að hann
skuli koma til móts við nemendur í
úthverfum borgarinnar. Því starfar
skólinn á þremur stöðum í Reykja-
vík, hefur höfuðstöðvar hér á Engja-
teigi 1, en hefur einnig kennsluað-
stöðu í eigin húsnæði í Hraunbergi 2
í Breiðholti og í félagsmiðstöðinni
Árseli í Árbæ. Þó tengja eflaust
margir Tónskóla Sigursveins við
Þingholtin – Hellusund 7. „Já, Hellu-
sund 7 var fyrsta húsnæðið sem skól-
inn eignaðist. Það var keypt árið
1971 og var stærsta stökkið í hús-
næðismálum í sögu skólans. Fyrst
voru fest kaup á efstu hæðinni og þá
voru hinir íbúar hússins fljótir að
setja sínar íbúðir á sölu! Árin í Hellu-
sundinu voru skemmtilegur tími og
margir söknuðu þess þegar við flutt-
um hingað. En auðvitað er aðstaðan
hérna við Engjateig allt önnur og
betri.“
Tónskóli Sigursveins er stærsti
tónlistarskólinn í Reykjavík, með um
það bil 600 nemendur, og eru nánast
allar hljóðfæragreinar auk söngs
kenndar þar. Úr þeim hópi sem
stundað hefur nám við skólann hljóta
að vera margir sem hafa náð langt í
tónlistinni. „Jú, og það er nokkuð
sem okkur þykir mjög vænt um, þeg-
ar nemendur okkar standa sig vel.
Hópur af fyrrum nemendum skólans
starfar nú í útlöndum, þar á meðal er
stjórnandi stórrar tónlistardeildar í
Englandi, konsertmeistari sinfón-
íuhljómsveitar í Köln, tenór við
óperuhús í Berlín og gítarleikari á
Spáni svo fátt eitt sé talið, en einnig
eru í þeim hópi margir tónlistar-
skólakennarar og starfandi hljóð-
færaleikarar. Það er auðvitað mjög
skemmtilegt að fylgjast með þessu
fólki, en ekki er síður gaman þegar
fyrrum nemendur koma með börnin
sín í skólann. Nemendur sem við
þekkjum frá fyrri árum eru fjöl-
skyldufólk og óska þess að krakk-
arnir sínir fari sömu braut. Það gefur
okkur ákveðið sjálfstraust, því það
bendir til þess að fólki hafi liðið vel
hér í skólanum.“
Umræða um stöðu
tónlistarskólanna
Afmæli Tónskólans í vor var fagn-
að með víðtæku tónleikahaldi, eins
og við á. Meðal annars voru haldnir
hátíðartónleikar í Háskólabíói 20.
mars þar sem 350 nemendur komu
fram, og einnig voru samin verk sér-
Tækifæri til tónlistarnáms
Morgunblaðið/ÞÖK
Sigursveinn Magnússon hefur gegnt starfi skólastjóra Tónskóla Sigursveins D. Kristinssonar frá árinu 1985, en
áður hafði hann verið stofnanda skólans, móðurbróður sínum og nafna, Sigursveini D. Kristinssyni, til aðstoðar.
Hér ávarpar hann gesti á skólaslitum 4. júní síðastliðinn.
Tónskóli Sigursveins D. Kristinssonar
fagnaði fjörutíu ára afmæli í vor sem leið.
Inga María Leifsdóttir ræddi við Sigur-
svein Magnússon skólastjóra, sem leggur
ríka áherslu á skólann sem samfélag og
samstarf og samræðu í starfinu.
Tónskóli Sigursveins er stærsti tónlistarskólinn í Reykjavík og býður
kennslu í nánast öllum hljóðfæragreinum og söng.
Spilað saman við skólaslit: Samstarf og samspil er lykilþáttur í skólastarfi
að mati Sigursveins: „Þannig sköpum við raunverulegt skólasamfélag, því
skóli er vettvangur margra sem ganga hönd í hönd að sama marki.“