Morgunblaðið - 17.06.2004, Qupperneq 22

SUÐURNES
22 FIMMTUDAGUR 17. JÚNÍ 2004 MORGUNBLAÐIÐ
Borgarnes | Vímuvarnarnefnd Borgarbyggðar afhenti reyklausum nem-
endum í 7.–10. bekk í Grunnskólanum í Borgarnesi og Varmalandi for-
varnarboli með slagorðum. Það eru Indriði Jósafatsson, íþrótta- og æsku-
lýðsfulltrúi, Hjördís Hjartardóttir félagsmálstjóri ásamt Þorgrími
Þráinssyni hjá tóbaksvarnarnefnd sem eiga þessi hvetjandi slagorð til ung-
menna í Borgarbyggð, en á bolunum stendur:
Ég hugsa sjálfstætt…ég reyki ekki!
Ég virði líkama minn…ég reyki ekki!
Ég er vinur vina minna…ég reyki ekki!
Ég stunda félagslífið…ég reyki ekki!
Ég stunda íþróttir…ég reyki ekki!
Ég er rokkari… ég reyki ekki!
Ég er frábær…ég reyki ekki!
Ég er frjáls…ég reyki ekki!
Ég elska lífið…ég reyki ekki!
Alls eru það tæplega 180 unglingar sem fá boli. Tóbaksvarnarnefnd
styrkir tiltækið.
Morgunblaðið/Guðrún Vala
Bolirnir afhentir: Lilja S. Ólafsdóttir aðstoðarskólastjóri, Eðvar Trausta-
son, starfsmaður Óðals, Svavar Abraham Jónsson mátar bol og Aðalsteinn
Hugi Gíslason bíður eftir því að röðin komi að sér.
Bolir fyrir reyklausa
unglinga í Borgarbyggð
Keflavík | „Við verðum auðþekkj-
anleg á brosinu. Ætli við eigum ekki
eftir að spóka okkur um með fjöl-
skyldunni í skrúðgarðinum með
bros allan hringinn,“ sögðu Guð-
björg Sigurðardóttir hjúkr-
unarfræðingur og Hörður Hilm-
arsson viðskiptafræðingur en þau
eru í hópi fyrstu útskriftarnema í
fjarkennslu í gegnum Miðstöð sí-
menntunar á Suðurnesjum (MSS).
Þau sögðust ekki trúa því að þessi
dagur væri að renna upp þegar
blaðamaður Morgunblaðsins settist
niður með þeim í húsakynnum Mið-
stöðvarinnar en dagurinn í dag
markar endalok langrar námslotu,
sem hefur þó ekki síður verið
skemmtileg en strembin, að þeirra
sögn.
Fyrsti fjarnemahópurinn hjá Mið-
stöð símenntunar verður útskrif-
aður í Keflavíkurkirkju í dag en
hópurinn hefur numið hjúkr-
unarfræði og viðskiptafræði frá Há-
skólanum á Akureyri. Hópurinn
samanstendur af 9 hjúkrunarfræð-
ingum og 8 viðskiptafræðing-
um.MSS bauð fyrst upp á fjar-
kennslu á haustmánuðum 2000 í
hjúkrunarfræði og rekstrarfræði og
þar með var brotið blað í sögu
menntunar á Suðurnesjum. Mið-
stöðin fékk inni í elsta skólahúsi í
Keflavík, sem þótti vel við hæfi
vegna sögu þess og gildis fyrir
byggðarlagið. Möguleikar á fjar-
námi fyrir íbúa Suðurnesja eru ekki
síður mikil lyftistöng fyrir svæðið og
bæði Guðbjörg og Hörður voru fljót
að slá á svartsýnistón blaðamanns
þegar hann innti þau eftir því hvort
það væru til störf á svæðinu fyrir allt
þetta menntafólk. „Við erum að
hækka stigið núna og auka,“ sagði
Guðbjörg. „Ég myndi telja að þetta
væri mikil lyftistöng fyrir bæj-
arfélagið. Hér mun bætast við fjöldi
menntaðra einstaklinga sem búsett-
ir eru á svæðinu. Atvinnulífið er
kannski ekki búið að átta sig á því að
þetta er allt í einu orðinn valkostur.
Ég efast ekkert um að þetta fólk
muni fljótt fá vinnu við sitt hæfi,
þetta er gott nám og ég veit að
nokkrir hafa þegar fengið góða
vinnu. Flestir okkar eru að útskrif-
ast af fjármálasviði sem skólinn taldi
í fyrstu ómögulegt að kenna í fjar-
kennslu vegna stærðfræðinnar,“
bætti Hörður við. Guðbjörg og þeir 5
hjúkrunarfræðingar sem búsettir
eru á Suðurnesjum og útskrifast í
dag munu á haustmánuðum hefja
störf hjá Heilbrigðisstofnun Suð-
urnesja.
Guðbjörg var annar tveggja
hjúkrunarfræðinga sem stóðu að
undirbúningi námsins. „Þannig var
að Hjálmar Árnason alþingismaður
og Friðjón Einarsson, þá forsvars-
maður Markaðs- og atvinnu-
málaskrifstofu Reykjanesbæjar,
höfðu eitthvað verið að kanna fjar-
námið á Ísafirði gegnum Háskólann
á Akureyri, sem þá var nýhafið,
ásamt Skúla Thoroddsen, þá fram-
kvæmdastjóra MSS. Ég og Sólveig
Guðmundsdóttir, eiginkona Frið-
jóns, hittumst svo einn daginn og
mönuðum hvor aðra upp í að vinna
nú að því að fá fjarkennslu í hjúkr-
unarfræði hingað suður. Við höfðum
samband við ráðamenn í bæjarfélag-
inu og eftir þónokkrar umræður,
frestun og undirbúning hófst námið
haustið 2000,“ sagði Guðbjörg.
– Þú virðist hafa verið mjög
ákveðin varðandi námið?
„Já, ég held að ég hafi stefnt að
þessu frá því að ég var bara stelpa.
Ég byrjaði snemma að eignast börn
og lagði allt nám á hilluna þar til ég
settist á skólabekk í Fjölbrautaskóla
Suðurnesja árið 1991. Ég útskrif-
aðist svo í desember 1996, þá ófrísk
að mínu fjórða barni. Ég byrjaði svo
í hjúkrunarfræði í Háskóla Íslands
en fannst nú ekki mikil skynsemi í
því að keyra á milli á hverjum degi
með lítið barn og ákvað að forgangs-
raða. Þegar möguleikar opnuðust á
fjarnámi gegnum Háskólann á Ak-
ureyri ákvað ég að gera allt sem í
mínu valdi stæði til að koma því af
stað.“ Guðbjörg tók fram að hún
hafi fengið mikinn stuðning og með-
byr frá samborgurum sínum og það
hafi verið góð tilfinning. „Fólk var
alltaf að spyrja hvernig gengi og
vildi fylgjast með. Ég fann fljótt að
ég yrði að standa mig. Nú líður held-
ur ekki sá dagur að einhver óski mér
ekki til hamingju með áfangann,“
sagði Guðbjörg.
Háskólasaga Harðar er ekki ýkja
frábrugðin sögu Guðbjargar, enda
ekki algengt að fólk á þessum aldri
hafi tök á því að rífa sig upp og setj-
ast á skólabekk í nokkur ár. „Ég
hafði lengi hugsað mér að fara í
frekara nám, enda langt síðan ég
hafði lokið stúdentsprófi. Ég var tví-
vegis búinn að fylla út umsókn í Há-
skóla Íslands en sá ekki hvernig ég
gæti gert þetta án vinnu og fram-
fleytt fjölskyldunni. Ég missti því
kjarkinn í bæði skiptin og skilaði
aldrei inn umsóknunum. Þegar ég sá
auglýsingu í blöðunum um að fjar-
kennsla í rekstrarfræði myndi hefj-
ast haustið 2000 ákvað ég hins vegar
strax að slá til,“ sagði Hörður og
bætir því við til skýringar að námið
hafi á tímabilinu breyst úr rekstr-
arfræði í viðskiptafræði, þegar
einkarétti Háskóla Íslands á að út-
skrifa viðskiptafræðinga var aflétt
með nýrri lagasetningu. „Við í við-
skiptafræðinni höfum hins vegar allt
aðra upplifun af náminu en hjúkr-
unarfræðinemarnir. Þeir hafa setið í
dagskóla og sinnt náminu eingöngu
en viðskiptafræðin hefur verið
kennd á fjarfundum seinnipart dags
enda námið sniðið fyrir vinnandi
fólk. Einhverjir hafa hins vegar kos-
ið að hætta að vinna og helga sig
náminu, enda hefur þetta ekkert
tekið minni tíma.“
Hörður lét hins vegar ekki staðar
numið við BS gráðu í viðskiptafræði
heldur hóf mastersnám við Háskóla
Íslands samhliða lokaönninni í fjar-
kennslunni og hyggst ljúka því á
næstu árum. „Ég taldi að þannig
myndi ég gera þessi ár verðmætari.“
Í lokin líta þau yfir skólastofuna
og um hugann fara eflaust ljúfar
minningar frá náminu og skóla-
félögunum og ekki síst sú staðreynd
að þau hafi rutt brautina. „Þetta er
búið að vera mjög skemmtilegur
tími og það er góður andi í þessu
húsi,“ eru þau sammála um. Guð-
björg bætti við að sumir nemendur
hafi fengið klapp á bakið á erfiðum
tímum í náminu og segir nemendur
hafa verið sannfærða um að þar hafi
framliðnir kennarar úr gamla
barnaskólanum verið að stappa í
þau stálinu. Þau bæta hins vegar við
að húsnæðið sé löngu sprungið og að
það sé brýnt að finna fjarkennslunni
stærra húsnæði, það sé farið að
standa nemendum fyrir þrifum.
„Það vantar til dæmis sárlega vinnu-
aðstöðu fyrir hópverkefni og gott
kennslubókasafn,“ sögðu brautryðj-
endurnir að lokum.
Langþráður draumur verður að veruleika hjá fyrstu
fjarnemunum sem útskrifast hjá Miðstöð símenntunar
Með bros allan hringinn
Morgunblaðið/Svanhildur Eiríksdóttir
Langri törn lokið: Guðbjörg Sigurðardóttir hjúkrunarfræðingur og Hörður Hilmarsson viðskiptafræðingur eru í
hópi fyrstu útskriftarnema í fjarkennslu í gegnum MSS. Námið er stundað við Háskólann á Akureyri.
Hefðbundin dagskrá | Hátíð-
arhöldin á þjóðhátíðardaginn, 17.
júní, fara fram með hefðbundnum
hætti í sveitarfélögunum á Suð-
urnesjum.
Í Reykjanesbæ verður hátíð-
armessa í Keflavíkurkirkju klukkan
13 og að henni lokinni skrúðganga
undir stjórn skáta. Hefðbundin
þjóðhátíðardagskrá hefst í skrúð-
garðinum klukkan 14 og síðan verð-
ur skemmtidagskrá sem íþrótta-
félögin hafa umsjón með. Síðdegis
verður barna- og fjölskylduball í
Stapa og loks kvöldskemmtun í
Reykjaneshöll.
Í Grindavík verður hátíðarguðs-
þjónusta í kirkjunni kl. 13 og síðan
skrúðganga að hátíðarsvæðinu við
Festi þar sem dagskrá hefst klukk-
an 14 og stendur fram eftir degi.
Í tilefni þjóðhátíðardagsins verð-
ur haldin brúðusýning í húsnæði
Seglagerðarinnar á Gauksstaðavegi
2 í Garði. Á sýningunni verða 700
brúður og verður hún opin frá
klukkan 13 til 18.
Í Garði verður dagskrá í og við
íþróttamiðstöðina og hefst hún
klukkan 14.
LANDIÐ
Vestmannaeyjar | Til margra ára
hefur það verið siður, að aðstand-
endur heimilisfólksins og starfsfólk-
ið á Hraunbúðum leggi til kökur og
annað meðlæti einhvern heppilegan
sunnudag á hverju vori og standi
fyrir sölu á kaffi ásamt góðgætinu.
Allur ágóði sölunnar rennur síðan
til kaupa á einhverju því sem til
góða kemur heimilisfólkinu á
Hraunbúðum. Að sögn starfsfólks-
ins var aðsóknin að þessu sinni sú
besta í mörg ár og enginn var svik-
inn af því sem hann ofaní sig lét.
Auk þessarar kaffisölu var haldin
sýning á handavinnu heimilisfólks-
ins. Kenndi þar margra fallegra
muna í hundraðavís. Er alveg með
ólíkindum hvað hugur og hönd
þessa fólks fær áorkað, hvort sem
er í prjónaskap, ísaumi eða ýmis-
konar föndri, og mætti sumt af því
kallast listaverk. Mikið af þessari
handavinnu heimilisfólksins var til
sölu og á ótrúlegu verði. Og þótt
sýningin sem slík sé búin, er hand-
verkinu þar á bæ haldið áfram alla
virka daga og þar geta allir litið inn,
hvort sem er til að koma við hjá
ættingja eða vinum og til að verða
sér úti um fallegt handverk á góðu
verði.
Ljósmynd/Gísli Valtýsson
Það er með ólíkindum hvað hugur og hönd fólksins fær áorkað.
Gestkvæmt á
Hraunbúðum
HVAMMSVÍK ehf. hefur gefið Sigl-
ingaklúbbnum Sæfara á Ísafirði tíu
vaðbuxur til að nota á barna- og
unglinganámskeiði í siglingum sem
nú stendur yfir. Hjá Hvammsvík í
Hvalfirði eru m.a fluttar inn vörur
fyrir kajakræðara og eru buxurnar
úr svokölluðu neoprene-efni sem
sagt vera er vatnshelt og einangra
vel.
Hvammsvík
gefur vaðbuxur