Morgunblaðið - 03.08.2004, Blaðsíða 1
STOFNAÐ 1913 . TBL. 92. ÁRG. ÞRIÐJUDAGUR 3. ÁGÚST 2004 PRENTSMIÐJA ÁRVAKURS HF. mbl.is
Saumað
á vinina
Halldór Óskarsson dubbar vini
sína upp í tískuföt | Daglegt líf
ÓLAFUR Ragnar Grímsson var
settur í embætti forseta Íslands
þriðja sinni á sunnudag. Forsetinn
veifar hér almenningi á Austurvelli
af svölum Alþingishússins ásamt
Dorrit Moussaieff forsetafrú, sem
skrýddist skautbúningi í tilefni
dagsins.
Í ræðu sinni við innsetninguna
sagði Ólafur Ragnar m.a. að for-
setaembættið hefði breyst í tímans
rás og svo yrði áfram. „Mikilvægt er
þó að varðveita rætur þess í vitund
þjóðarinnar og sess þess í stjórn-
skipun landsins um leið og tekist er
á við umbreytingarnar sem ein-
kenna framrás heimsins og framtíð
Íslendinga,“ sagði forseti. /Miðopna
Morgunblaðið/Jim Smart
Þriðja kjörtímabilið hafið
RÚMLEGA eitt hundrað
fíkniefnamál komu upp á
landinu um verslunar-
mannahelgina. Langflest
málanna komu upp á Ak-
ureyri og í Vestmanna-
eyjum eða um 90, um það
bil jafnmörg á hvorum
stað. Þetta er talsvert
meira en verið hefur síð-
ustu ár og helgast að sögn
lögreglu bæði af því að
meira af efnum sé í um-
ferð og af öflugra eftirliti.
Í Vestmannaeyjum var
lagt hald á ríflega 100
grömm af amfetamíni, 12
e-töflur og nokkuð af
hassi.
Jóhannes Ólafsson, yf-
irlögregluþjónn í Vestmannaeyjum,
segir að strax á fimmtudag hafi lög-
reglan orðið vör við að nokkuð væri
um fíkniefni í umferð og var eftirlit
því enn hert. Fíkniefnalögreglumenn
frá höfuðborgarsvæðinu og ríkislög-
reglustjóra voru fengnir til aðstoðar
auk tollvarðar og fíkniefnaleitar-
hunds frá Keflavíkurflugvelli og segir
Jóhannes að mikið hafi munað um
þennan liðsauka.
Aukið magn fíkniefna
Aðspurður segist Jóhannes telja að
skýringin á auknum fjölda fíkniefna-
mála sé í senn öflugri löggæsla og
aukið magn fíkniefna í umferð. Að
öðru leyti hafi heildarbragur hátíðar-
haldanna verið góður og þrátt fyrir
mikinn fjölda fíkniefnamála hafi
heildarfjöldi brotamála verið minni en
í fyrra.
Fíkniefnamálin á Akureyri voru 46,
þar af var grunur um dreifingu og
sölu í þremur tilvikum. Daníel Guð-
jónsson, yfirlögregluþjónn, segir
fjöldann fyrst og fremst skýrast af
auknu eftirliti. Liðsauki frá ríkislög-
reglustjóra sem sendi þrjá lögreglu-
menn og tollverði með fíkniefnaleit-
arhunda, hefði komið sér vel.
Lögreglumennirnir frá höfuðborgar-
svæðinu hefðu þekkt „sína menn“
sem lögreglan á Akureyri kannaðist
síður við og hundarnir reynst happa-
drjúgir. „Þeir þefuðu þetta uppi, í
orðsins fyllstu merkingu,“ segir hann.
Fjögur kynferðisbrotamál
Neyðarmóttöku vegna nauðgana
höfðu í gær borist upplýsingar um
fjögur kynferðisofbeldismál um versl-
unarmannahelgina, tvö í Vestmanna-
eyjum, eitt á Akureyri og eitt á höf-
uðborgarsvæðinu.
Samkvæmt upplýsingum frá lög-
reglunni á Akureyri leitaði kona um
tvítugt til neyðarmóttöku á Akureyri í
gærmorgun og í kjölfarið var leitað til
lögreglu.
Tvær konur leituðu á sjúkrahúsið í
Vestmannaeyjum, ein á sunnudags-
kvöld og önnur í gærmorgun.
Málin höfðu ekki verið kærð.
Í gærkvöldi fengust ekki upplýs-
ingar hjá lögreglu um fjórða málið.
Rúmlega hundr-
að fíkniefnamál
um helgina
Fátt sleppur/8
Morgunblaðið/Júlíus
Fíkniefnahundar fundu mikið af ólöglegum efn-
um á hátíðum verslunarmannahelgarinnar.
Fjögur kynferðisofbeldismál
tilkynnt en engin kæra lögð fram
ALAIN Jourden, 43 ára gamall
Frakki, varð heimsmeistari í lítt
þekktri íþrótt um helgina þegar
hann spýtti lifandi snigli 9,38
metra.
Jourden sigraði 110 keppendur
frá 14 löndum en náði þó ekki að
bæta eigið heimsmet, sem var 10,4
metrar.
„Vindskilyrðin voru ekki hag-
stæð,“ sagði einn skipuleggjenda
keppninnar í hafnarbænum
Mogueriec á Bretagneskaga í
Frakklandi. Um 2.000 manns
fylgdust með keppninni.
Keppendurnir í þessari íþrótt
velta lifandi snigli í munninum til
að tryggja að þeir hræki honum í
réttri stellingu, hlaupa eftir 20 m
langri braut og spýta.
Breskur keppandi setti lands-
met í íþróttinni og spýtti 5,82
metra. Kona setti met í snigla-
spýtingu kvenna (4,10 metrar) og
met barna undir 10 ára aldri var
einnig slegið (þrír metrar).
Heimsmeistari
í sniglaspýtingu
Mogueriec. AFP.
PARAGVÆMENN við útför ættingja sem fórst í eldsvoða í stórverslun í
Asunción, höfuðborg Paragvæ, á sunnudag. Þarlend yfirvöld sögðust í gær
vera að rannsaka ásakanir um að eigandi stórverslunarinnar hefði fyrir-
skipað öryggisvörðum hennar að læsa útgöngudyrum til að koma í veg fyr-
ir að fólk kæmist út úr byggingunni með vörur án þess að borga fyrir þær.
Að minnsta kosti 340 manns fórust.
„Flestir þeirra sem létu lífið dóu af völdum reykeitrunar. Þeir hefðu ekki
dáið ef þeim hefði verið leyft að fara út,“ sagði Hugo Onieva, slökkviliðs-
stjóri í Asunción.
Saksóknari, sem stjórnar rannsókn á eldsvoðanum, sagði að eigandi
stórverslunarinnar yrði ákærður fyrir manndráp. Um 20 vitni hefðu sagt
lögreglunni að öryggisvörðunum hefði verið skipað að læsa dyrunum. / 14
Reuters
Ákærður fyrir manndráp
vegna mannskæðs bruna
GEORGE W. Bush Bandaríkjafor-
seti kvaðst í gær vera hlynntur því
að skipaður yrði sérstakur embætt-
ismaður, sem fengi það hlutverk að
stjórna leyniþjónustustofnunum
landsins, og að komið yrði á fót nýrri
stofnun sem hefði yfirumsjón með
baráttunni gegn hryðjuverkastarf-
semi.
„Við erum þjóð í hættu,“ sagði
Bush við blaðamenn í garði Hvíta
hússins eftir að öryggisviðbúnaður-
inn var aukinn í þremur borgum
Bandaríkjanna um helgina vegna
hættunnar á hryðjuverkum.
Kerry gagnrýnir Bush
Forsetinn samþykkti tvær af
helstu tillögum nefndar sem rann-
sakaði hryðjuverkin 11. september
2001. Bush hafnaði þó þeirri tillögu
nefndarinnar að nýja embættið og
stofnunin heyrðu beint undir for-
setaembættið.
John Kerry, forsetaefni demó-
krata, gagnrýndi þessa afstöðu Bush
í gær. Hann sakaði forsetann um að
tefja nauðsynlegar umbætur í ör-
yggismálum og hvatti hann til að
kalla þingið saman til að hefja und-
irbúning þeirra þegar í stað.
„Erum
þjóð í
hættu“
Bush hlynntur
nýju leyniþjón-
ustuembætti
Washington. AP.
Óttast árásir/15
Fasteignir og Íþróttir í dag
Fasteignir | Verk Manfreðs Vilhjálmssonar Fasteignalán í
erlendri mynt Nýtt hverfi í hrauninu Íþróttir | Vala langt
undir ólympíulágmarki Ísland mætir Rússlandi á HM í Túnis