Morgunblaðið - 03.08.2004, Blaðsíða 36
MENNING
36 ÞRIÐJUDAGUR 3. ÁGÚST 2004 MORGUNBLAÐIÐ
Fös . 06 .08 20 .00
Fös . 13 .08 20 .00
Lau . 14 .08 20 .00
ATH ! ATRIÐ I Í SÝNINGUNNI
ERU EKKI FYRIR V IÐKVÆMA
ÓSÓTTAR PANTANIR SELDAR DAGLEGA
Þriðjudagstónleikar
3. ágúst kl. 20:30
Listasafn Sigurjóns Ólafssonar,
Laugarnestanga 70, 105 Rvík.
www.lso.is - lso@lso.is
Margrét Árnadóttir selló og
Lin Hong píanó. Fantasiestücke
eftir R. Schumann, Duo
eftir B. Adolphe og Sónata
í A-dúr eftir C. Franck
10. ágúst kl. 20:30
Kristjana Helgadóttir flauta,
Ingólfur Vilhjálmsson klarinetta
og Gunnhildur Einarsdóttir harpa.
Verk m.a. eftir Berio, Scelsi,
Carter, Stockhausen og Takemitsu
MIÐASALAN er opin á fame.is,
á þjónustuborði Smáralindar
og í síma 528 8008
JÓNSI
SVEPPI Yfir 12.000 miðar seldir
ÓSÓTTAR PANTANIR SELDAR DAGLEGA
Fös. 6. ágúst kl. 19.30 Lau. 7. ágúst kl. 19.30
Fim. 12. ágúst kl. 19.30 Fös. 13. ágúst kl. 19.30
Lau. 14. ágúst kl. 18.00 Fim. 19. ágúst kl. 19.30
Fös. 20. ágúst kl. 19.30 Sun. 22 ágúst kl. 19.30
Í KLINK og Bank hafa 12 lista-
menn sett upp verk sín undir nafn-
inu Dystópía, sem að mínu viti er
andstæða útópíu, s.s. staður þar
sem allt er eins slæmt og hugsast
getur. Í sýningarskrá er að finna
texta sem ég geri mitt besta til að
skilja en held ég nái ekki alveg. Þar
er fjallað um egóið og samkeppni
listamanna, að í útópíunni klappi all-
ir hver öðrum á bakið. Einnig kem-
ur fram að útópía verði óhjákvæmi-
lega leiðigjörn en gallarnir gefi
lífinu gildi. Draumurinn vegur salt á
hnífsegg egósins, segir undir lokin.
Hvað merkir það? Hljómar flott en
ég næ því ekki alveg. Ég næ heldur
ekki alveg að tengja textann í
skránni verkunum á sýningunni,
hann er fullháfleygur og virkar
meira sem verk út af fyrir sig en
hugsanlegur inngangur að sýning-
unni, en það er allt eins gott og gilt.
Í raun er ekki hægt að segja að nein
heildarsýn setji mark sitt á þessa
sýningu, það er helst að hún hafi á
sér yfirbragð skólaverkefnis en sal-
urinn í Klink og Bank er kannski
ágæt millilending þeirra sem nýlega
hafa lokið námi eða eru enn í námi
og langar að fá viðbrögð við verkum
sínum. Hér sýnir hver og einn eitt
verk og fátt stendur upp úr. Ljós-
myndir Elínar Helenu Evertsdóttur
við innganginn sýna skemmtilega
skrýtið sjónarhorn á borg sem gæti
verið Reykjavík en er það þó ekki.
Brenglun sjónarhornsins með því að
stilla stól upp við húsvegg nær að
skapa forvitnilegar myndir sem þó
eru ekki ýkja persónulegar. Fána-
stöng upp úr gólfi er húmorísk að-
ferð til að vinna með rýmið á óvænt-
an hátt í verki – að því er ég best
gat séð – Darra Lorenzen. Áhrifa-
mesta verkið er innsetning Haf-
steins Michaels, ljósrit sem þekur
heilan vegg og sýnir herbergi með
innanstokksmunum frá sjöunda ára-
tug síðustu aldar og ungan mann
sem situr og les, mynd sem áhorf-
andinn getur túlkað að vild. Mynd
af verkinu í sýningarskrá er frá-
brugðin verkinu á staðnum, í
skránni er hvítur flötur á vegg þar
sem stendur Ég og hann, en í saln-
um er þar að finna málverk eftir
Jón Sæmund Auðarson. Mér virðist
sem hér hafi sjálfsprottin samvinna
átt sér stað með niðurstöðu sem
auðgar upprunalega verkið, kannski
einmitt sú tegund samvinnu sem
Klink og Bank getur boðið upp á
þegar best lætur?
Inn af Græna salnum er að finna
innsetningu Erwin van der Werve,
sem hefur málað þrívítt strangflat-
armálverk í hollenskum anda og
minnir litanotkun og línur nokkuð
t.d. á málverk Mondrians frá öðrum
áratug sl. aldar.
Klink og Bank hefur ótakmarkað
– a.m.k. hugmyndafræðilega séð
–frelsi til athafna. Það kemur manni
því eiginlega á óvart hversu hefð-
bundin verkin eru sem þarna eru
sýnd og hvað formúlan um að mynd-
list snúist fyrst og fremst um að búa
til hluti og sýna þá er lífseig. Einnig
formúlan að samsýningu undir
ákveðnu nafni eða í anda ákveðins
þema.
Því hvar á nýsköpunin að eiga sér
stað ef ekki þarna?
Verk Hafsteins Michaels og Jóns Sæmundar í Klink og Bank.
MYNDLIST
Klink og Bank
Til 31. ágúst. Sýningarsalur Klink og
Bank er opinn alla daga frá kl. 14–18.
DYSTÓPÍA, SAMSÝNING 12 LISTAMANNA
Ragna Sigurðardóttir
MARGRÉT Árnadóttir sellóleikari
og Lin Hong píanóleikari skipa sam-
an dúett sem hefur gert víðreist í
sumar, en þau halda tónleika í Lista-
safni Sigurjóns Ólafssonar í kvöld
og voru í júní á þriggja vikna tón-
leikaferðalagi um Kína, en eru bæði
búsett í New York í Bandaríkjunum.
Mikill áhugi í Kína
Á tónleikaferðalaginu léku þau
Margrét og Lin í þremur borgum,
Beijing, Xiamen og Quanzhou, og
hlutu að sögn alls staðar mjög góðar
viðtökur. „Kínverjar hafa mikinn
áhuga á klassískri tónlist og hann
fer vaxandi,“ segja þau í samtali við
Morgunblaðið. „Samleikur á selló og
píanó er þó ekki algengur þar í
landi, því þrátt fyrir að margir leggi
stund á klassíska tónlist er lítil hefð
fyrir kammertónlist af þessu tagi.
Við unnum því visst brautryðj-
endastarf í þeim skilningi,“ bætir
Lin við.
Þessa vöntun á kammertónlist má
greinilega merkja í aðsókn á tón-
leika þeirra sem var með eindæmum
góð, en þau léku fyrir fullu húsi í
1.000 manna sal á einum tónleikum
sínum. Einnig var greinilegur mikill
áhugi fjölmiðla á komu þeirra, tón-
leikar þeirra voru forsíðuefni dag-
blaða og var einum þeirra sjón-
varpað í heild.
Þetta var í fyrsta sinn sem Mar-
grét kom til Kína og sagði hún ferð-
ina hafa verið mikla upplifun. „Ég
fann að fólk hafði mikinn áhuga á Ís-
landi og oft voru hátt settir embætt-
ismenn á tónleikum okkar. Fólki í
smærri borgum fannst mikið til þess
koma að vestræn manneskja héldi
tónleika þar, enda er það ekki al-
gengt,“ segir hún og Lin bætir við
að Margrét hafi alls staðar vakið
mikla athygli.
Lin er hins vegar sjálfur fæddur í
Kína, en hefur ekki komið þangað
síðastliðin 16 ár. „Það var frábært
að koma aftur, allt var mjög nútíma-
legt. Fólk þar er augljóslega mjög
hrifið af klassískri tónlist og fleiri að
læra hana en þegar ég fór þaðan,“
segir hann, en þau Margrét héldu
einnig masterclass-námskeið fyrir
strengjakvartett við Ji Mei-
háskólann í Xiamen.
Lærir hjá David Soyer
Samstarf Margrétar og Lin hófst
fyrir rúmum tveimur árum í Juilli-
ard-tónlistarháskólanum í New
York, en Margrét lauk B.M.-prófi
þaðan nú í vor og heldur áfram í
mastersnám þar í haust hjá hinum
virta sellóleikara David Soyer úr
Guarneri-kvartettinum. Lin starfar
sem meðleikari við Juilliard og hef-
ur jafnframt lokið mastersgráðu frá
skólanum.
Á tónleikunum í Listasafni Sig-
urjóns Ólafssonar í kvöld ætla þau
að leika Fantasiestücke op. 73 eftir
Robert Schumann, dúó fyrir selló og
píanó í fjórum þáttum eftir Bruce
Adolphe frá árinu 1998 og sónötu í
A-dúr eftir César Franck.
Tónlist | Selló og píanó á tónleikum í
Listasafni Sigurjóns Ólafssonar
Sellóleikarinn Margrét Árnadóttir og píanistinn Lin Hong eru nýsnúin aft-
ur úr tónleikaferðalagi um þrjár borgir í Kína, en þau halda tónleika í
Listasafni Sigurjóns Ólafssonar í kvöld.
Frá Kína til Íslands
ÓLYMPÍULEIKVANGURINN í
Berlín, sem reistur var fyrir Ólymp-
íuleikana árið 1936, var opnaður að
nýju við hátíðlega athöfn um helgina
eftir umfangsmiklar viðgerðir og
breytingar. Framkvæmdirnar tóku
fjögur ár og kostuðu meira en 20
milljarða króna. Úrslitaleikur
heimsmeistarakeppninnar í knatt-
spyrnu árið 2006 á að fara fram á
leikvanginum.
Ólympíuleikvangurinn og fleiri
íþróttamannvirki í grenndinni sem
byggð voru á árunum 1934-1936 áttu
að sýna umheiminum yfirburði Þjóð-
verja og Þriðja ríkisins. Arkitektinn
Werner March teiknaði leikvanginn,
en bæði Adolf Hitler og bygg-
ingameistari hans, Albert Speer,
höfðu áhrif á endanlega gerð hans.
Hlaupabrautin blá
Mannvirki nasista njóta ekki öll
mikillar hylli nú á dögum, en leik-
vangurinn þykir bæði vera glæsi-
legur og vel skipulagður. Hann er að
hálfu niðurgrafinn þannig að
íþróttavöllurinn í miðjunni er mörg-
um metrum lægri en svæðið í kring-
um leikvanginn, og taldist það til
nýjunga á sínum tíma. Það gerir að
verkum að áhorfendur komast mjög
hratt inn og út af leikvanginum og
hægt er að tæma hann á um 15 mín-
útum.
Endurbæturnar fólust meðal ann-
ars í því að þak var reist yfir alla
áhorfendapallanna, og þykir sú
framkvæmd hafa tekist mjög vel.
Umdeildari var sú ákvörðun að hafa
hlaupabrautina kringum íþróttavöll-
inn í bláum einkennislit knatt-
spyrnuliðsins Hertha Berlin, en Ól-
ympíuleikvangurinn er heimavöllur
liðsins. Upprunalega var brautin
rauð að lit, eins og slíkar brautir
nánast undantekingarlaust eru ann-
ars staðar.
Afreka Jesse Owens minnst
Bandaríski blökkumaðurinn Jesse
Owens gerði að engu vonir Hitlers
um að á Ólympíuleikunum 1936
kæmu yfirburðir aríska kynstofns-
ins í ljós. Owens vann fern gull-
verðlaun á leikunum, í 100 metra og
200 metra hlaupi, 4 sinnum 100
metra boðhlaupi og langstökki.
Áhorfendur fögnuðu afrekum hans,
en Hitler og þýskir fjölmiðlar
reyndu að gera sem minnst úr þeim.
Áhersla hefur verið lögð á að gera
upp við fortíðina til þess að leikvang-
urinn geti skammlaust þjónað hlut-
verki sínu sem heimavöllur liðsins
Hertha Berlin og við heimsmeist-
aramótið í knattspyrnu sem haldið
verður í Þýskalandi árið 2006. Jesse
Owens hefur orðið eins konar tákn-
gervingur þeirra breytinga sem orð-
ið hafa síðan 1936. Fyrir um tuttugu
árum síðan var gata sem liggur með-
fram Ólympíuleikvanginum nefnd í
höfuðið á Owens. Eftir endurbæt-
urnar ber einn af básunum fyrir
heiðursgesti einnig nafn hans og við
opnunarhátíðina um helgina var
barnabarn hans heiðursgestur og af-
reka Owens var minnst.
Ólympíuleikar í Berlín 2016?
Berlín sótti um að fá að halda Ól-
ympíuleikana árið 2000, en varð að
láta í minni pokann fyrir Sydney.
Klaus Wowereit, borgarstjóri Berl-
ínar, lét nýlega hafa eftir sér að til
greina kæmi að gera aðra tilraun og
sækja um Ólympíuleikana 2016 eða
2020. Við opnunarhátíðina um
helgina tóku fleiri stjórnmálamenn
og íþróttafrömuðir undir þessar ósk-
ir.
Margt hefur breyst í Þýskalandi
frá árinu 1936 og merki nasista hafa
löngu verið fjarlægð af Ólympíu-
leikvanginum. Blaðið Berliner Zeit-
ung velti því þó fyrir sér í nýlegri
grein hvort það væri við hæfi að láta
kanslara Þýskalands og aðra heið-
ursgesti fylgjast með opnunarhátíð
Ólympíuleikana úr heiðursstúku
Adolfs Hitlers.
Byggingarlist|Endurbætur á Ólympíuleikvangi Hitlers
Leikvang-
urinn
opnaður
að nýju
Ljósmynd/Helgi Þorsteinsson
Nýja þakið þykir falla vel að Ólympíuleikvanginum og hugmyndum arki-
tektsins Werners March, sem teiknaði leikvanginn á sínum tíma.