Morgunblaðið - 03.08.2004, Blaðsíða 13

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 3. ÁGÚST 2004 13
● BANDARÍSKA fyrirtækið VIASYS
Healthcare Inc. hefur tilkynnt að það
hafi nánast keypt upp öll bréf í
Taugagreiningu hf., sem framleiðir
heilarita. Þetta kemur fram í frétt
Business Wire.
Lori Cross, deildarstjóri VIASYS
NeuroCare, sagði við þetta tilefni að
Taugagreining kæmi með inn í fyr-
irtækið tækni og þekkingu sem ykju
enn hæfni VIASYS á sviði taugagrein-
ingar. Sagði hún helsta styrk Tauga-
greiningar hf. felast í skapandi hug-
búnaðarþróun með áherslu á
einfaldara notendaviðmót og mögu-
leika á þýðingu á önnur tungumál.
Í fréttinni er haft eftir Agli Más-
syni, forstjóra Taugagreiningar hf.,
að fyrirtækið sé ánægt með að
ganga til liðs við VIASYS, og að að-
standendur fyrirtækisins trúi því að
reynsla og þekking VIASYS muni
auka dreifingu á tækni og fram-
leiðslu Taugagreiningar.
VIASYS er fyrirtæki sem framleiðir
tæki til greiningar og lækninga með
áherslu á öndunar-, tauga- og skurð-
lækningar. Höfuðstöðvar fyrirtæk-
isins eru í Pennsylvaníuríki í Banda-
ríkjunum.
VIASYS kaupir
Taugagreiningu
RANNSÓKNASTOFNUN fiskiðn-
aðarins er smám saman að draga sig
út úr samkeppnisrekstri að sögn
Sjafnar Sigurgísladóttur, forstjóra
stofnunarinnar, en í Morgunblaðinu
á fimmtudag kom fram gagnrýni
Rannsóknarþjónustunnar Sýni ehf.
á þjónustusvið stofnunarinnar fyrir
að standa í samkeppni við einkafyr-
irtæki og njóta til þess niður-
greiðslna frá ríkinu.
Sjöfn segir starfsemi Rannsókna-
stofnunar fiskiðnaðarins (Rf) tví-
þætta, annars vegar sé um að ræða
þjónustusvið um útseldar mælingar
og hins vegar séu rannsóknir sem
miði að því að auka verðmæti sjáv-
arfangs og séu þær fjármagnaðar
með styrkjum. „Þjónustusviðið hef-
ur verið fjárhagslega aðgreint hjá
okkur og við höfum ekki fengið at-
hugasemdir frá Samkeppnisstofnun
eða Ríkisendurskoðun við þann að-
skilnað.“
Hún segir að síðastliðin tvö ár hafi
verið unnið að áherslubreytingum á
Rf. Þær feli í sér aukna áherslu á
rannsóknir og þróun en á sama tíma
dragi Rf sig út úr samkeppnisrekstri
í þjónustumælingum.
„Við höfum rekið útibú á Ísafirði,
Akureyri, í Neskaupstað, Vest-
mannaeyjum og Reykjavík, en á síð-
asta ári lögðum við niður þjónustu-
þáttinn á Ísafirði, Akureyri og í
Vestmannaeyjum vegna þess að
reksturinn var ekki hagkvæmur. Á
Akureyri og á Ísafirði tóku einkaað-
ilar við rekstri þjónustumælinganna
en einkavæðingu hefur ekki verið
lokið í Vestmannaeyjum, að ég best
veit. Nú er tæpur helmingur þjón-
ustustarfsemi Rf eftir, þannig að það
hafa orðið gríðarlegar breytingar á
einu ári. “
Sjöfn segir þetta í takt við stefnu
Rf um að draga sig jafnt og þétt út úr
samkeppnisrekstri. „Ef einkafyrir-
tæki eru tilbúin til að taka við þessu
þá tel ég það eðlilegt.“
Hún stafestir að stofnunin hafi
verið rekin með tapi. Hins vegar hafi
Rf ekki undirboðið keppinauta sína.
„Þessi starfsemi hefur verið vel
rekin og við höfum alls ekki verið að
undirbjóða þá. Það er rétt að það
hefur verið hallarekstur hjá okkur í
gegnum árin vegna þess að við höf-
um verið að reka litlar einingar á
mörgum stöðum á landinu og erum
ekki með nema 60–70 manns í vinnu.
Því fylgir mikill kostnaður og slíkt
þarf að fjármagna sérstaklega. En
stofnunin hefur ekki verið í mínus út
af þjónustusviðinu þó svo að það hafi
borið einhvern halla líka.“
Rf að
draga sig
út úr sam-
keppni
Samkeppni Rannsóknastofnun fiskiðnaðarins er að draga sig út úr sam-
keppnisrekstri á sviði þjónustumælinga.
Morgunblaðið/Jim Smart