Morgunblaðið - 03.08.2004, Blaðsíða 14
ERLENT
14 ÞRIÐJUDAGUR 3. ÁGÚST 2004 MORGUNBLAÐIÐ
Reykjavík v/ Ægisgarð • S. 555 3565 • www.elding.is
Hvalaskoðun
Þrjár ferðir daglega – fróðleg skemmtun
fyrir alla fjölskylduna!
Ferðir alla þriðjudaga kl. 18:00 og
laugardaga kl. 13:30. Einnig sérferðir
fyrir hópa, tímar eftir samkomulagi.
Sjóstangaveiði á sjó
Ævintýri
1 4 4 4
w w w. g u l a l i n a n . i s
FERÐALÖG
AÐ MINNSTA kosti 340 manns fór-
ust í eldsvoða í verslunarmiðstöð í
útjaðri Asunción, höfuðborgar Para-
gvæ, á sunnudag. Manntjónið varð
svo mikið vegna þess að öryggis-
verðir verslunarmiðstöðvarinnar
lokuðu útgöngudyrum til að koma í
veg fyrir að viðskiptavinirnir gætu
flúið út úr byggingunni án þess að
greiða fyrir vörur sem þeir höfðu
keypt. Lögreglan sagði að tala lát-
inna kynni að hækka.
Talið er að neisti hafi komist í gas í
eldhúsi skyndibitastaðar í verslunar-
miðstöðinni. Fólk heyrði sprenging-
ar og síðan breiddist eldurinn hratt
út.
Edgar Sanchez, saksóknari sem
stjórnar rannsókn málsins, sagði við
blaðamenn að eigandi verslunarmið-
stöðvarinnar yrði ákærður fyrir
manndráp. Eigandinn gaf sig fram
við lögreglu en neitaði því að hafa
gefið öryggisvörðum fyrirskipun um
að loka dyrunum.
„Enginn fer héðan án
þess að borga“
Verslunarstjóri stórmarkaðar í
byggingunni, sonur eigandans, var
einnig handtekinn og yfirheyrður.
Kona, sem komst lífs af, sagði við
blaðamenn að hún hefði heyrt ein-
hvern hrópa: „Lokið dyrunum, lokið
þeim,“ og „enginn fer héðan án þess
að borga“. Þegar lögregla og
slökkviliðsmenn komu á staðinn voru
dyrnar opnaðar en þá var það of
seint, að sögn konunnar.
Talsmaður slökkviliðsins sagði að
öryggisverðirnir hefðu jafnvel skotið
á slökkviliðsmenn þegar þeir reyndu
fyrst að opna aðaldyr byggingarinn-
ar. Hann sagði að enginn fótur væri
fyrir fréttum um að eldurinn hefði
kviknað af völdum bílsprengju í bíla-
geymslu byggingarinnar.
Að minnsta kosti 600 manns voru
inni í verslunarmiðstöðinni þegar
eldurinn blossaði upp en í bygging-
unni eru einnig skrifstofur og bíla-
geymslur. Yfir 300 manns voru flutt
á sjúkrahús vegna reykeitrunar.
Slökkviliðsmenn sögðu að flestir
þeirra 340 sem fórust hefðu dáið af
völdum reykeitrunar.
Forseti Paragvæ, Nicanor
Duarte, lýsti yfir þriggja daga þjóð-
arsorg vegna eldsvoðans. Forseti
þingsins, Miguel Carrizosa, sagði að
þetta væri sorglegasti atburðurinn í
sögu landsins frá mannskæðu stríði
Paragvæ og Bólivíu á árunum
1932–35.
AP
Slökkviliðsmenn bera fólk út úr verslunarmiðstöð í Asunción, höfuðborg Paragvæ, eftir að mannskæður eldur blossaði þar upp á sunnudag.
Minnst 340 manns brunnu
inni í verslunarmiðstöð
Asunción. AFP.
Öryggisverðir höfðu lokað útgöngu-
dyrunum til að koma í veg fyrir að
fólk kæmist út án þess að borga
BOBBY Fischer, fyrrverandi
heimsmeistari í skák, hefur óskað
eftir hæli sem pólitískur flóttamað-
ur í Japan, að sögn lögfræðings
hans í gær.
Lögfræðingurinn, Masako Suz-
uki, kvaðst vera að leggja fram
gögn sem þyrftu að fylgja umsókn-
inni. „Það er óvenjulegt að Banda-
ríkjamaður óski eftir hæli sem póli-
tískur flóttamaður. Enginn veit
hvort stjórn Japans getur sam-
þykkt þetta,“ sagði Suzuki.
Fischer áfrýjaði í gær til dóms-
málaráðherra Japans úrskurði um
að honum yrði vísað úr landi.
John Bosnitch, talsmaður Fisch-
ers í Japan, sagði að hann væri
einnig í sambandi við nokkur ríki
sem kynnu að bjóðast til að veita
honum hæli bæri áfrýjunin í Japan
árangur. Bosnitch kvaðst ekki geta
staðfest frétt útvarpsstöðvar í Bel-
grad um að Fischer vildi fara til
Svartfjallands.
Haft var eftir forseta Svartfjalla-
lands, Filip Vujanovic, að þarlend
stjórnvöld léðu máls á því að bjóða
Fischer hæli í landinu. Hann bætti
þó við að þetta væri háð því skilyrði
að yfirvöld í Bandaríkjunum og
Japan næðu samkomulagi um að
Fischer yrði ekki framseldur.
Fischer er eftirlýstur í Banda-
ríkjunum fyrir að hafa brotið al-
þjóðlegt viðskiptabann gagnvart
Júgóslavíu 1992 þegar hann tefldi
þar gegn Borís Spasskí.
Fischer óskar eftir
pólitísku hæli
FLUGVÉLAR á vegum Matvælaað-
stoðar Sameinuðu þjóðanna (WFP)
byrjuðu í gær að varpa niður mat-
arpökkum á svæði í Darfur-héraði í
Súdan sem ekki var hægt að kom-
ast að landleiðina vegna úrhell-
isrigninga og átaka.
„Maturinn mun hjálpa meira en
70.000 flóttamönnum og íbúum á
svæðinu sem ekki hafa fengið hjálp
hingað til vegna regntímabilsins og
ótryggs ástands,“ sagði í yfirlýs-
ingu hjálparstofnunarinnar.
Hörð átök milli uppreisnar-
manna í Darfur og arabískra víga-
manna, sem styðja ríkisstjórn Súd-
ans, hafa leitt til hungursneyðar í
héraðinu. Átökin hafa kostað um
50.000 manns lífið og meira en
milljón hefur hrakist frá heimilum
sínum.
Her Súdans kvaðst í gær vera
staðráðinn í að berjast gegn erlend-
um hersveitum yrðu þær sendar til
Darfur í því skyni að binda enda á
átökin. Stjórn landsins samþykkti
þó með semingi ályktun örygg-
isráðs Sameinuðu þjóðanna þar
sem þess var krafist að vígamenn-
irnir yrðu afvopnaðir innan mán-
aðar.
Matvælum varpað
niður í Darfur