Morgunblaðið - 03.08.2004, Blaðsíða 33

DAGBÓK
MORGUNBLAÐIÐ ÞRIÐJUDAGUR 3. ÁGÚST 2004 33
Nú er þess skammt að bíða að Ólymp-íuleikarnir í Aþenu hefjist, en þeirverða settir föstudaginn 13. ágúst.Formleg ákvörðun um hverjir muni
keppa þar fyrir Íslands hönd verður tekin á
morgun. Ellert B. Schram er forseti Íþrótta-
og Ólympíusambands Íslands.
Hvernig gengur undirbúningurinn vegna
þátttöku Íslendinga á Ólympíuleikunum?
„Undirbúningurinn gengur samkvæmt áætl-
un. Hann felst annarsvegar í því að undirbúa
keppendur sem best og fylgjast með því hverj-
ir nái lágmörkum og hafi unnið sér keppn-
isrétt, og það er mest í höndum viðkomandi
sérsambanda. Hins vegar þarf að huga að
skipulagningu og framkvæmd fararinnar og
dvalarinnar í Aþenu. Í þeim efnum er í mörg
horn að líta, til dæmis hvernig aðbúnaður
fólksins er og æfingaaðstaða, hvernig á að
komast á milli keppnisstaða og ólympíuþorps,
og sjá til þess að allir flokksstjórar, farar-
stjórar og gestir hafi aðgang og farartæki.“
Er orðið ljóst hverjir fara?
„Það liggur nokkurn veginn fyrir hverjir
hafa náð lágmörkum og unnið sér keppnisrétt,
en frestur fyrir frjálsíþróttafólk rennur ekki út
fyrr en í þessari viku og við lítum núna fyrst
og fremst til tveggja frjálsíþróttamanna sem
við bindum vonir við að komist á leikana, auk
þeirra sem þegar hafa unnið sér keppnisrétt.
Á morgun, 4. ágúst, verður tekin formleg
ákvörðun um hverjir fari til Aþenu fyrir Ís-
lands hönd, þá bæði íþróttafólk, flokksstjórar,
þjálfarar, sjúkraþjálfarar, læknar og svo fram-
vegis.“
Hvað er útlit fyrir að þetta verði stór hópur?
„Hópurinn getur orðið í kringum 30–35
manns með öllu. Það eru 15–16 handknattleiks-
menn, auk aðstoðarmanna, að minnsta kosti
tveir frjálsíþróttamenn, 6–7 sundmenn, einn
fimleikamaður og einn siglingamaður.“
Hvaða vonir gerið þið ykkur um frammi-
stöðu íslensku keppendanna?
„Við höfum stillt öllum vonum okkar í hóf,
markmiðið er fyrst og fremst að senda fram-
bærilegt fólk á leikana fyrir Íslands hönd og að
allir geri sitt besta. Ef við komumst á verð-
launapalla er það rós í hnappagatið, en við er-
um ekki að gera neinar kröfur um verðlaun á
þessu stigi málsins, við erum fyrst og fremst
stolt af því að eiga efnilegt íþróttafólk sem hef-
ur unnið sér rétt til að taka þátt í leikunum.
Meira getum við ekki farið fram á.“
Ellert segir að kostnaður við þátttökuna á
Ólympíuleikunum sé verulegur, en Íslendingar
fái ríflega styrki frá Alþjóða Ólympíunefndinni
og ýmsum fyrirtækjum.
Íþróttir | Ólympíuleikarnir í Aþenu
Undirbúningur á áætlun
 Ellert B. Schram er
fæddur í Reykjavík 10.
október 1939. Hann
lauk lögfræðiprófi frá
Háskóla Íslands árið
1966 og hefur meðal
annars starfað sem
lögmaður, ritstjóri og
þingmaður. Hann hefur
gegnt ýmsum trún-
aðarstörfum fyrir
íþróttahreyfinguna og
verið forseti Íþrótta- og
Ólympíusambands Íslands frá 1997. Ellert á
sjö börn og er kvæntur Ágústu Jóhannsdóttur
hjúkrunarfræðingi.
Velvakandi
Svarað í síma 5691100 frá 10–12
og 13–15 | velvakandi@mbl.is
Lærið af sögunni
ALVIN Cullum York, f. 1887, d.
1964. Stríðshetja í Bandaríkjaher í
fyrri heimsstyrjöld. York gekk í her-
inn 1917. Í Argonne-bardaganum
1918 vann York afrek sem Ferdin-
and Foch lýsti sem mesta afreki
unnið af ótignum hermanni, í öllum
herjum í Evrópu.
Hann drap yfir 20 óvinahermenn,
fangaði 132, lagði undir sig hæð
ásamt 36 vélbyssum. Hann hlaut
„Congressional Medal of Honor“ frá
stjórn Bandaríkjanna og frönsku
„Croix de Guerre“ og var gerður
heiðursborgari í New York. Eftir
stríðið hvarf hann til heimabyggðar
sinnar.
Hann var mikið í sviðsljósinu, þar
sem nafn hans var mikið notað í aug-
lýsingar. Umboðsmaður sá um pen-
ingahliðina og mikið fé streymdi inn
og jafnharðan út. Skattheimtan elti
hann og reyndist skæðari en þýski
herinn og neyddist hann að lokum til
að fara huldu höfði. Árið 1964 komst
blaðamaður hjá Times Life á slóð
hans og fann hann á sorphaug New
York-borgar, þar sem hann bjó í tré-
kassa og nærðist á matarleifum úr
sorpinu. Hann var þá að dauða kom-
inn og var fluttur á sjúkrahús, þar
sem hann lést. Það sem þýska hern-
um tókst ekki var létt verk hjá am-
eríska skattkerfinu, að drepa mestu
stríðshetju Bandaríkjanna fyrr og
síðar.
Sagan endurtekur sig. Í dag er
hetjan Bobby Fischer á flótta undan
kerfisköllum ameríska stjórnkerf-
isins. Lærið af sögunni, réttið meist-
aranum sáttahönd.
Einar Vilhjálmsson.
Myndlistarmaðurinn
Árni Elfar
MÖRGUM er eflaust í minni tónlist-
armaðurinn Árni Elfar og hinn sér-
stæði og frábærlega skemmtilegi pí-
anóleikur hans á áratugum áður, en
hann lék með hinum ýmsu tónlist-
armönnum á skemmtistöðum í
Reykjavík og víðar um árabil og
stjórnaði eigin hljómsveit í nokkur
ár. Auk þessa lék hann á básúnu í
Sinfóníuhljómsveit Íslands um langt
árabil.
Meðfram þessu lagði hann stund á
myndlist í fjölbreyttu formi og ligg-
ur eftir hann mikið upplag málverka
og teikninga.
Nú hefur slagharpan þagnað að
mestu en höndin sem áður sló kord-
urnar hefur stýrt pensli og skúf um
víðáttur léreftsins og skilið eftir
myndmál sem hugnast auganu ekki
síður en hljómlistin eyranu.
Árni er maður hógvær og tranar
sér ekki fram og má vera að fyrir
þær sakir hafi verk hans ekki komist
nægilega vel á framfæri í öllu því
framboði – misjöfnu að gæðum væg-
ast sagt – sem sjá má í dag.
Ég vil hvetja þá sem áhuga hafa á
að eignast góð myndverk að hafa
samband við Árna og fá að skoða
stúdíóið á heimili hans, Móaflöt 7 í
Garðabæ.
Gunnar H. Guðjónsson.
Morgunblaðið/Sigurður Jökull
Árni Elfar við verk sitt,
Valhallargeggjarar.
Rangt föðurnafn
Í frétt um starfsemi Ferðafélags
Íslands í Landmannalaugum var
farið rangt með föðurnafn Jóns Árna
Árnasonar skálavarðar. Beðist er
velvirðingar á þessum mistökum.
LEIÐRÉTT
1. Rf3 Rf6 2. c4 e6 3. g3 d5 4. Bg2 Be7
5. d4 O-O 6. O-O dxc4 7. Dc2 a6 8. a4
Bd7 9. Dxc4 Bc6 10. Bg5 a5 11. Rc3
Ra6 12. Hfd1 Rb4 13. Bxf6 Bxf6 14. e4
b6 15. Hd2 Bb7 16. Had1 c6 17. h4 Ba6
18. Db3 Dc7 19. Rh2 Had8 20. Rg4 Be7
21. Bf1 Bxf1 22. Kxf1 c5 23. Dc4 Dc8
24. d5 exd5 25. exd5 h5 26. Re3 Dh3+
27. Kg1 Bf6 28. Df4 Hfe8 29. Df3 Bxh4
30. Dxh5 Hxe3 31. fxe3 Dxg3+ 32. Kh1
g6 33. De2 Bg5 34. Dg2 De5 35. He2
Kg7 36. Re4
Staðan kom upp á sænska meist-
aramótinu sem lauk fyrir skömmu.
Hinn sautján ára Kezli Ong (2202)
hafði svart gegn Ralf Åkesson (2485).
36... Bxe3! 37. Hxe3 Dh5+ 38. Hh3
Dxd1+ 39. Kh2 Dc2 40. d6 Dxg2+ 41.
Kxg2 f5 og hvítur gafst upp.
SKÁK
Umsjón Helgi Áss Grétarssondagbok@mbl.is
Svartur á leik.
Slóg- og
slordælur
með
öflugum
karbít
hnífum.
Áratuga
reynsla.
fg wilson
Sími 594 6000
Slógdælur
AUGLÝSINGADEILD
netfang: augl@mbl.is eða sími 569 1111