Morgunblaðið - 03.08.2004, Blaðsíða 44
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 3. ÁGÚST 2004 VERÐ Í LAUSASÖLU 220 KR. MEÐ VSK.
RÚMLEGA 15.000 gestir hafa baðað sig í
Jarðböðunum við Mývatn síðan þau voru
formlega opnuð þann 30. júní síðastliðinn.
Eva Ásrún Albertsdóttir, rekstrarstjóri
Jarðbaðanna, segir að það sé ánægjuefni
hversu margir hafi komið í heimsókn á
þessum skamma tíma.
„Það hefur gengið mjög vel hjá okkur og
við höfum fengið góðar undirtektir en hing-
að komu rúmlega 3.500 manns um versl-
unarmannahelgina.“
Mikið af erlendum ferðamönnum hefur
sótt Jarðböðin en að sögn Evu hafa Íslend-
ingar verið í meirihluta það sem af er. „Það
er mjög ánægjulegt að sjá hversu margir
Íslendingar hafa komið hingað en í upphafi
var óvíst hvernig þeir myndu taka þessari
þjónustu. Nú munum við fara yfir þann
mánuð sem liðinn er en um þessar mundir
erum við að hefja markaðssetningu erlend-
is. Þá verður opið hjá okkur í vetur og það
eru því spennandi tímar framundan.“
Rúmlega
15.000 gestir
í Jarðböðin
SÆNSKI metsöluhöfundurinn Henning
Mankell er sakaður um að hafa nýtt sér at-
riði úr bók Arnaldar Indriðasonar, Grafar-
þögn, sem kom út 2001.
Samkvæmt frétt vefút-
gáfu norska ríkisút-
varpsins, nrk.no, hefur
hollenska bókaforlagið
A.W. Bruna, sem gefið
hefur út bækur Arnald-
ar, haldið því fram að
Mankell hafi stolið frá
Arnaldi í sinni nýjustu
bók „Hendelser om høst-
en“. Þykir söguþráður
bókar Mankells minna
um margt á söguþráð Arnaldar í Grafar-
þögn þar sem gamlar beinaleifar frá árum
seinni heimsstyrjaldarinnar finnast. Einnig
þykir ráðgátan leysast á mjög líkan máta og
í bók Arnaldar.
Mankell vísar öllum ásökunum á bug og
segist aldrei hafa lesið neina bók eftir Arn-
ald. Að því er kemur fram í frétt Dagens
Nyheter hyggst bókaforlagið ekkert aðhaf-
ast frekar í málinu.
Mankell hefur gefið út margar sakamála-
sögur og hafa sumar þeirra m.a. verið þýdd-
ar á íslensku.
Sakaður um
að hafa stolið
frá Arnaldi
Arnaldur
Indriðason
Sænskur metsöluhöfundur
VERZLUNARMANNAFÉLAG
Reykjavíkur bauð félagsmönn-
um sínum og öðrum íbúum á
höfuðborgarsvæðinu á
fjölskylduhátíð í Fjölskyldu- og
húsdýragarðinum á frídegi
verslunarmanna í gær en 110 ár
eru síðan frídagur verslunar-
manna var fyrst haldinn hátíð-
legur. Í garðinum ríkti mikil
stemmning. Þar var boðið upp á
alls kyns leiktæki fyrir alla ald-
urshópa, andlitsmálun, fjársjóðs-
leit og fleira.
Frídagur verslunarmanna var
fyrst haldinn hátíðlegur fimmtu-
daginn 13. september 1894,
skömmu eftir að tilkynnt var á
félagsfundi Verzlunarmanna-
félags Reykjavíkur að allir
kaupmenn og verslunarstjórar
stærri verslana í Reykjavík
hefðu boðist til að gefa starfs-
mönnum sínum einn frídag til að
þeir gætu skemmt sér. VR sam-
þykkti að skipuleggja daginn til
að tryggja að hann yrði nýttur
eins og til hans var stofnað.
Morgunblaðið/Jim Smart
VR bauð í Fjölskyldu- og húsdýragarðinn
„ÞAÐ VAR erfitt að sjá hvar landið
var,“ segir Martin Rank, þýski
ferðamaðurinn sem var hætt kominn
í sjónum neðan við Vík í Mýrdal í
fyrrakvöld. Hann telur sig heppinn
að vera á lífi eftir að hafa velkst í
öldurótinu í um níu mínútur. „Mér
líður miklu betur,“ sagði Martin þeg-
ar Morgunblaðið ræddi við hann á
Landspítala – háskólasjúkrahúsi í
Fossvogi í gær.
Þegar Martin er spurður hvað
hann hafi verið að gera í sjónum seg-
ist hann hafa ætlað, ásamt félaga sín-
um, að skola sig í honum en ekki
synda eins og fram hafi komið í frétt-
um. Öldugangur hafi verið þónokkur
og alda hafi komið aftan að honum og
hrifið hann út í sjó án þess að félagi
hans gæti náð til hans. Martin segir
félagann hafa brugðist hárrétt við en
hann hljóp upp á þjóðveg og stöðvaði
næsta bíl sem í voru fjórir Íslend-
ingar. Þeir hafi verið með kaðal sem
félaginn hafi svo hlaupið með út í sjó.
Brugðu Íslendingarnir skjótt við og
hringdu í Neyðarlínuna, sem kallaði
út lögreglu og björgunarsveitar-
menn.
Að sögn Hildar Lindar Kristjáns-
dóttur, eins íslensku ferðamann-
anna, fóru þau með félaga mannsins
niður í flæðarmál þar sem hann batt
kaðalinn um sig og óð á eftir vini sín-
um. Hann kom honum í land við illan
leik en maðurinn var kominn um 25
metra frá landi og var öldugangur
mjög mikill. Hildur segir að sér hafi
þótt ótrúlegt hvernig mönnunum
datt í hug að vera að synda í sjónum
við þær aðstæður sem þarna voru.
Hún segir að þau fjögur sem komu
að mönnunum hafi öll þurft að hjálp-
ast að við að draga þá á land, en þau
hefðu ekki mátt koma manninum
miklu seinna til bjargar. „Hann var
alveg búinn á því og var alveg ískald-
ur,“ segir Hildur.
Missti mátt í höndum og fótum
Martin segist vera góður sund-
maður, enda sundkennari í Þýska-
landi, en sjórinn hafi hinsvegar verið
of kaldur og öldurnar of kraftmiklar
fyrir hann. „Það var erfitt að sjá hvar
landið var,“ segir hann og kveðst
hafa misst allt áttaskyn meðan hann
barðist um í sjónum. Hann segist
einnig hafa misst mátt bæði í fótum
og höndum vegna þess hve sjórinn
var kaldur, og að tíminn hafi liðið
mjög hægt. En hann áætlar að hann
hafi verið um níu mínútur í sjónum.
Alda hreif þýskan ferðamann við Vík í Mýrdal
Vissi ekki í hvaða átt
hann átti að synda
Morgunblaðið/Jónas Erlendsson
Læknir og björgunarsveitarmenn frá Vík hlúðu að manninum í fjörunni.
til þess, að sögn hennar. Talið er að
bílarnir hafi báðir verið á um 80–90
kílómetra hraða.
Karl og kona á fimmtugsaldri,
sem voru í jeppanum, slösuðust lít-
ilsháttar. Kalla þurfti á þyrlu
Landhelgisgæslunnar til að flytja
konuna sem var í fólksbílnum til
Reykjavíkur, á Landspítalann.
Konan var tengd við öndunarvél
og í aðgerð þegar Morgunblaðið
spurðist fyrir um líðan hennar í
gærkvöldi. Maðurinn í fólksbílnum
var fluttur landleiðina með sjúkra-
bíl, að sögn lögreglu, og var á gjör-
gæslu til eftirlits, að sögn vakthaf-
andi læknis á sjúkrahúsinu.
TVENNT slasaðist alvarlega í
árekstri á Suðurlandsvegi við Kot-
strandarkirkju á fjórða tímanum í
gær. Slysið varð með þeim hætti að
fólksbíl, sem í voru hjón á sjötugs-
aldri, var ekið eftir röngum veg-
arhelmingi í suðurátt og lenti hann
á jeppa sem kom úr gagnstæðri
átt. Að sögn lögreglunnar á Sel-
fossi barst tilkynning um slysið
klukkan 15:48 og þurfti að stöðva
umferð á Suðurlandsvegi í um
tvær klukkustundir meðan unnið
var að því að klippa hin slösuðu úr
fólksbifreiðinni. Lögreglan telur
ekki að um framúrakstur hafi verið
að ræða, ekki hafi verið aðstæður
Morgunblaðið/Margrét Ísaksdóttir
Aðkoman að bílslysinu á Suðurlandsvegi var mjög slæm.
Harður árekstur á
Suðurlandsvegi
♦♦♦