Morgunblaðið - 03.08.2004, Blaðsíða 4
FRÉTTIR
4 ÞRIÐJUDAGUR 3. ÁGÚST 2004 MORGUNBLAÐIÐ
Verð frá 29.910 kr.*
Hversdagsleg
og ævintýraleg
í senn
www.icelandair.is/london
Í London er auðvelt að láta sér líða
eins og heima hjá sér enda eru
borgarbúar afslappaðir. Leikhúslífið í
London er rómað sem og enska
kráarmenningin, en fjölbreytni mann-
lífsins í hinum ýmsu og ólíku hverfum
þessarar stóru borgar er meðal þess
sem gerir hana svo heillandi.
VR orlofsávísun
Munið ferða-
ávísunina
*Henry VIII á mann í tvíbýli
12.-14. nóv., 26.-28. nóv., 28.-30.
jan., 4.-6. feb., 19.-21. mars.
Innifalið: Flug, gisting í 2 nætur
m. morgunverði, flugvallarskattar,
þjónustugjald og eldsneytisgjald.
5000 Ferðapunktar
upp í pakkaferð
Fyrir handhafa Vildarkorts VISA
og Icelandair. Jafnvirði 5000 kr.
Gildir til 1. september.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
25
37
0
0
7/
20
03
ÞAÐ kom björgunarsveitarmönnum í opna skjöldu að rek-
ald, sem þeir hugðust kasta í sjóinn til þess að líkja eftir
reki á pokanum sem lík Sri Rhamawati var sett í, skyldi
ekki hafna í sjónum heldur í fjöruborðinu. Það fór í kaf um
einum og hálfum klukkutíma síðar.
Rekaldinu var kastað út klukkan 14.15 í gær en þá er
talið að sjávarstaða hafi verið svipuð og þegar Hákon Ey-
dal, banamaður Sri, kastaði pokanum fram af klettum við
Presthúsatanga á Kjalarnesi fyrir um mánuði.
Að sögn Valgeirs Elíassonar, upplýsingafulltrúa Lands-
bjargar, var ýmislegt gert til að líkja eftir innihaldi pok-
ans. Meðal annars var sett í hann kúbein þar sem talið er
að Hákon hafi banað Sri með slíku áhaldi. Til stóð að setja
Gps-sendi í rekaldið en Valgeir segir að hentugur sendir
hafi verið ófáanlegur. Þess í stað er lítið flot bundið við
það og þannig geta björgunarsveitarmenn fylgst með rek-
inu.
Í gærkvöldi hafði rekaldið lítið hreyfst en fylgjast átti
með því til miðnættis.
Að sögn Valgeirs hafa fjörur frá Geldinganesi að ganga-
munna Hvalfjarðar verið tvígengnar og rækilega leitað í
Hofsvíkinni. Erfitt sé að afmarka leitarsvæðið frekar en
hann vonast eftir því að rekaldið gefi einhverjar vísbend-
ingar.
Rekald verður notað við leitina að líki Sri Rhamawati úti fyrir Kjalarnesi
Morgunblaðið/Jim Smart
Björgunarsveitarmenn hentu rekaldinu í Hofsvík á Kjalarnesi, en vonast er eftir að það gefi vísbendingar um í hvaða átt líkið hefur farið.
Rekaldið féll ofan í fjöruna en ekki út í sjó eins og búist hafði verið við.
Í kaf eftir einn og hálfan klukkutíma
TVEIR blindir kajakræðarar ásamt
tveimur aðstoðarmönnum hófu á
föstudag kajakleiðangur um austur-
strönd Grænlands. Þeir ætla sér að
róa um 1.000 km leið frá Kulusuk
suður fyrir Hvarf. Leiðangursmenn
flugu til Kulusuk fyrir helgi. Gert er
ráð fyrir að ljúka leiðangrinum 15.
september. Allt hefur gengið að ósk-
um hjá leiðangursmönnum fram að
þessu.
Róið er á tveimur tveggja manna
sjókajökum og eru blindu ræð-
ararnir í fremra sæti hvors báts með
sjáandi aðstoðarmann í aftara sæti.
Fararstjóri er Baldvin Kristjánsson,
en aðrir leiðangursmenn eru bræð-
urnir Friðgeir Þráinn og Reynir Jó-
hannessynir, og er sá fyrrnefndi
blindur. Fjórði leiðangursmaðurinn
er Halldór Sævar Guðbergsson og
er hann blindur.
Taka ekki áhættu
„Það verður að koma í ljós hvað
við ráðum við erfiðar aðstæður,“
sagði Baldvin Kristjánsson í samtali
við Morgunblaðið. „Mesta hættan
felst í veðrinu, en það er mjög ber-
angurslegt á þessu svæði. Ef illa
gengur vegna veðurs eða mikils íss,
þá látum við sækja okkur í stað þess
að rembast fram á vetur. Það er of
hættulegt.“
Hafís á að vera í lágmarki á þess-
um árstíma á Suður-Grænlandi og
veður á sömuleiðis að vera hvað
skást í ágústmánuði. Samt getur
veðrið brugðist og er því mikilvægt
að taka enga áhættu þar sem ekki er
alltaf hægt að taka land við klett-
óttar strendur ef vont er í sjóinn.
Sumir hlutar leiðarinnar krefjast
þess að þeir séu kláraðir og því verð-
ur frekar beðið átekta en að halda af
stað upp á von og óvon.
Þetta mun vera fjórði kaj-
akleiðangurinn sem tekst á hendur
ferð frá Kulusuk suður fyrir Hvarf,
en menn í einum leiðangri sem far-
inn var fyrir um 5 árum fórust á leið-
inni. Með leiðangrinum vilja leiðang-
ursmenn vekja athygli á því hve
miklu blindir og sjónskertir geta
áorkað, fái þeir tækifæri til, um leið
og safnað er fé til styrktar Blindra-
félaginu.
Róðurinn um helgina gekk vel, en
lagnaðarís tafði förina örlítið á laug-
ardaginn. Þeir félagar láta vel af sér
en segjast vera þreyttir í lok dags.
Hægt er að fylgjast með ferðinni á
síðunni www.internet.is/leidangur.
Tveir blindir kajakræðarar í róður með strönd Grænlands
Morgunblaðið/Eggert
Friðgeir Þráinn og Halldór Sævar leggja lokahönd á undirbúninginn.
Ætla að
róa þúsund
km leið
OLÍUFÉLÖGIN Esso, Skeljungur og Olís
hækkuðu útsöluverð á bensíni og dísilolíu nú um
helgina. Hækkanirnar nema um 1,50 kr. bæði á
95 oktana bensíni og dísilolíu og verðið á 95 okt-
ana bensíni með fullri þjónustu nemur nú að
jafnaði 113 kr. hjá þessum þremur félögum eftir
breytinguna.
Að sögn Magnúsar Ásgeirssonar hjá Esso er
bensínverð í sögulegu hámarki og erfitt að spá
um það hvort þessi þróun haldi áfram. „Þær
spár sem birtust í sumar um að bensínverð
myndi lækka hafa ekki gengið eftir en ótti vegna
þess að rússneska olíufyrirtækið Yukos muni
hugsanlega hætta starfsemi hefur orðið þess
valdandi að verð hefur hækkað.“ Magnús segir
að margir aðrir þættir spili þarna inn í og nefnir
sérstaklega óróann í Írak, mikla eftirspurn í
Kína og birgðahald á Bandaríkjamarkaði. „Þá er
framleiðsla OPEC ríkjanna í hámarki og þau
geta ekki bætt miklu við olíumarkaðinn í bili.“
Þeim stöðvum sem bjóða upp á bensínlítrann
undir 100 kr. fer fækkandi en í gær hækkaði
EGO verð á 95 oktana bensíni á stöðvum sínum í
Kópavogi úr 99,90 í 100,90. Engin breyting hefur
verið gerð á útsöluverði 95 oktana bensíns hjá
tveimur afgreiðslustöðvum Atlantsolíu en þar
kostar lítrinn af 95 oktana bensíni 99,90 kr.
Ekki hræddir við samkeppni
Hugi Hreiðarsson hjá Atlantsolíu segir að
ekki hafi þótt ástæða til þess að hækka bens-
ínverð eða verð á dísilolíu að sinni. „Það hafa
orðið hækkanir á innkaupsverði hjá okkur en
þær hafa ekki verið það miklar að við höfum séð
ástæðu til þess að setja þær út í verðlagið en við
fylgjumst grannt með þróun mála.“ Hugi átelur
þau olíufyrirtæki sem hafa einungis lægra verð á
þeim stöðvum sem eru staðsettar nálægt stöðv-
um Atlantsolíu. „Þetta er kallað rándýrsverð-
lagning (predatory pricing) og það mál er til
meðferðar hjá samkeppnisyfirvöldum. Við von-
um að samkeppnisyfirvöld geri sér grein fyrir
því hvað er að gerast og taki á þessu máli en
klárlega hefur þetta áhrif á vöxt okkar. Við erum
ekki hræddir við samkeppni en vilji þeir lækka
verðið þá teljum við að það eigi að gera alls stað-
ar á höfuðborgarsvæðinu en ekki einungis í
næsta nágrenni við okkur.“
Hjörleifur Jakobsson, forstjóri Olíufélagsins
Esso, segir að ástæður þess að bensínverð hjá
Esso sé lægra í Hafnarfirði en í Reykjavík séu
markaðslegar. „Það er oft staðbundin sam-
keppni á markaðnum og þegar ákveðin verð eru
boðin fylgja hinir aðilarnir á eftir til þess að
halda sínum hlut á markaðnum.“
Bensínverð
í sögulegu
hámarki