Morgunblaðið - 12.08.2004, Síða 18

MINNSTAÐUR
18 FIMMTUDAGUR 12. ÁGÚST 2004 MORGUNBLAÐIÐ
Grindavík | Um 40 cm langur
snákur af óþekktum uppruna
fannst á gangstétt á Víkurbraut í
Grindavík í fyrrakvöld. Lögreglan
var kölluð á staðinn og fjarlægði
hún snákinn og afhenti Heilbrigð-
iseftirliti Suðurnesja, að því er
fram kemur á vef Víkurfrétta.
Ekki er vitað hver eigandi snáks-
ins er eða hvernig hann komst til
landsins en snákahald er strang-
lega bannað hér á landi.
Hjá Heilbrigðiseftirlitinu á Suð-
urnesjum fengust þær upplýsingar
að hugsanlegt sé að snákurinn hafi
borist með vörusendingu til lands-
ins eða þá að honum hafi verið
smyglað. Talsvert er um að það sé
reynt og hafa nokkur tilfelli komið
upp hjá Heilbrigðiseftirlitinu síð-
ustu árin. Yfirleitt eru dýrin þó
smávaxin enda auðveldara að
smygla þeim heldur en stærri dýr-
um.
Ekki er vitað af hvaða tegund
snákurinn var né hvort hann hafi
verið eitraður, en slíkt er ekki
rannsakað sérstaklega, nema snák-
arnir hafi bitið fólk. „Hann er far-
inn til feðra sinna núna,“ sagði
starfsmaður Heilbrigðiseftirlitsins í
samtali við blaðið í gær.
Snákur fannst í Grindavík
Ljósmynd/Atli Már
JÓN Rúnar Jóhannsson, íbúi í Grindavík, tilkynnti
lögreglunni um snákinn í fyrrakvöld en sonur Jóns,
Ingi Freyr, 14 ára, ásamt vini sínum, Ragnari Má
Heimissyni, fundu snákinn á hellulagðri gangstétt á
Víkurbraut í Grindavík.
Strákunum brá nokkuð þegar þeir sáu snákinn
sem reyndi að höggva til þeirra þegar þeir nálg-
uðust hann. Piltarnir létu Jón Rúnar vita og hringdi
hann í lögregluna. „Snákurinn reyndi líka að
höggva til mín, þannig að við þorðum ekki að færa
hann til sjálfir,“ sagði Jón í samtalið við blaðið í
gær.
Lögreglan í Grindavík kom fljótlega á staðinn og
fjarlægði snákinn með skóflu og setti í plastpoka.
Þótt strákunum hafi brugðið talsvert við að sjá
snákinn höfðu þeir gaman af atburðinum og fannst
fundurinn forvitnilegur.
„Það fannst mér í raun líka,“ sagði Jón.
Ingi Freyr og Ragnar Már fundu snákinn á gangstétt
Snákurinn reyndi að höggva til þeirra
Reykjanes | Umhverfisviðurkenn-
ingar í Sandgerði og Vogum voru
veittar á dögunum. Á báðum stöðum
fóru viðurkenningarnar til garðeig-
enda sem hafa haldið görðum sínum
vel við þannig að þeir eru umhverfinu
til sóma.
Umhverfisráð Sandgerðisbæjar
veitti þrennum hjónum viðurkenn-
ingu fyrir garða sína.
Óskar Gunnarsson og Sólrún Vest
fengu viðurkenningu fyrir áhuga og
eljusemi í garðrækt og sagði um-
hverfisráð m.a. að sama væri hve oft
garðurinn væri skoðaður, alltaf væri
hann jafnfallegur.
Marta Eiríksdóttir og Friðrik Þór
Friðriksson fengu viðurkenningu fyr-
ir endurbætur á húsinu Púlsinum í
Sandgerði og hrósaði dómnefnd þeim
hjónum fyrir þrautseigju og dugnað
við að endurbyggja húsnæði sem
margir töldu að ekki ætti eftir marga
lífdaga.
Verðlaunagarðinn áttu svo hjónin
Guðmundur Sigurbergsson og Gunn-
hildur Gunnarsdóttir en í umsögn
dómnefndar sagði m.a: „Stórkostlegt
umhverfi sem grípur mann strax. […]
Greinilegt er að eigendur hafa lagt
mjög mikla vinnu í umhverfi sitt sem í
raun má líkja við sögusafn.“
Bergný Jóna Sævarsdóttir, for-
maður umhverfisráðs, afhenti verð-
launin og í ræðu sinni hvatti hún íbúa
Sandgerðis til að vera meðvitaða um
umhverfi sitt.
Í Vogum voru þrjár viðurkenning-
ar veittar. Helgi Davíðsson var verð-
launaður fyrir að halda húsi sínu og
garði í góðu standi til fjölda ára og
stuðla þannig að bættu umhverfi,
Sveindís Pétursdóttir og Erlendur
Guðmundsson fengu viðurkenningu
fyrir fullfrágengna og fallega lóð við
nýlegt húsnæði sitt og að lokum fóru
fyrstu verðlaun til Maríu Óskarsdótt-
ur og Kristjáns Leifssonar fyrir ein-
staklega fallegan og gróðursælan
garð, en María og Kristján fengu
þessi sömu verðlaun einnig árin 1996
og 1999.
Verðlaunin voru afhent á Fjöl-
skyldudeginum í Vogum.
Umhverfisviðurkenningar í Sandgerði og Vogum
Sex viðurkenn-
ingar veittar
Morgunblaðið/Reynir Sveinsson
Þau sem fengu viðurkenninguna voru ánægð með heiðurinn.
Hornafjörður | Bormenn í Al-
mannaskarðsgöngum settu Íslands-
met í gangaborun á dögunum þegar
þeir boruðu 106 metra á einni viku,
að sögn Ingjalds Ragnarssonar,
verkstjóra hjá Héraðsverki.
Á mánudag höfðu alls verið bor-
aðir 463 metrar inn í fjallið sem jafn-
gildir um 41% af lengd ganganna.
Ingjaldur segist búast við að í viku-
lok verði bormennirnir nálægt því
hálfnaðir inn í fjallið og segir hann
að gangagerðin sé langt á undan
áætlun en gert var fyrir að boraðir
yrðu 36 metrar á viku að meðaltali.
„Fyrstu vikuna eftir að verkið var
komið í fullan gang settu bormenn-
irnir Íslandsmet og boruðu 84 metra
á einni viku. Næsta úthald fór í 93
metra en þessi flokkur sem núna er
við vinnu setti enn nýtt met og bor-
aði 106 metra á einni viku,“ segir
Ingjaldur. Hann segir þetta þó ekki
flýta framkvæmdinni en hjálpa til
við að skila verkinu á réttum tíma.
Bormennirnir eru frá norska
verktakafyrirtækinu Leonhard
Nielsen og sönner. Fjórtán eru í
hverjum vinnuflokki og vinna þeir á
tíu tíma vöktum tvær vikur í senn en
flogið er með þá í beinu flugi frá
Noregi til Hornafjarðar.
Á meðan norsku bormennirnir
þokast í gegnum fjallið vinna menn
frá G. Þorsteinsyni á Höfn að bygg-
ingu vegskála að norðanverðu. Búið
er að steypa þrifalag undir skálann
og verið er að binda járnagrindina.
Þegar borunum í gegnum fjallið
lýkur verður hafist handa við veg-
skálagerð að sunnan. Um leið verða
göngin fóðruð og vatnsvarin og
byrjað á vegagerð og lagnavinnu í
göngunum. Efnið sem kemur úr
göngunum verður nýtt í fyllingar
undir veginn að sunnanverðu. Jarð-
göngin verða 1.146 m löng, stein-
steyptir vegskálar 162 metrar.
Verkinu á að vera að fullu lokið 15.
júní 2005.
Íslandsmet í
gangaborun
Bormenn við Almannaskarðsgöng settu Íslandsmet í borun á einum degi.
Ljósmynd/Sigurður Mar Halldórsson
Hveragerði | Orkuveita Reykjavíkur
og Hveragerðisbær undirrituðu í gær
samning um kaup OR á Hitaveitu
Hveragerðis. Það voru þeir Þorsteinn
Hjartarson, forseti bæjarstjórnar
Hveragerðisbæjar, og Alfreð Þor-
steinsson, formaður stjórnar OR,
sem undirrituðu samninginn í glamp-
andi sól og hita við hverasvæðið í
Hveragerði.
Orkuveita Reykjavíkur kaupir
Hitaveitu Hveragerðis með öllum
borholum, götuæðum og öðrum bún-
aði og verður hitaveitan hluti af starf-
semi OR framvegis. Í haust verður
opnuð sérstök þjónustuskrifstofa OR
í Hveragerði.
Kaupverð er tvö hundruð og sextíu
milljónir króna og er kaupverðið m.a.
miðað við áætlanir um endurnýjun og
uppbyggingu á hitaveitukerfum á
þann hátt, sem gert hefur verið á síð-
ustu árum. Við yfirtöku á rekstrinum
mun OR færa gjaldskrá á veitusvæð-
inu til samræmis við gjaldskrá OR í
Reykjavík, að því er fram kemur í
fréttatilkynningu frá samningsaðil-
um.
Fyrir utan uppbyggingu veitukerf-
anna og endurnýjun þeirra, kemur
fram í ákvæðum samningsins að
Orkuveita Reykjavíkur muni beina
verkefnum tengdum Heilsuborgar-
verkefninu að Hveragerði að svo
miklu leyti sem það er talið henta og í
samráði við stjórnendur Heilsuborg-
arverkefnisins og Hveragerðisbæjar.
Aðgerðir í þágu ferðafólks
Í fréttatilkynningunni segir að
Orkuveita Reykjavíkur muni í kjölfar
undirritunar samningsins halda
áfram að sinna umbótum og aðgerð-
um í þágu ferðafólks á Hellisheiði og
Hengilssvæðinu. Verkefni sem fallið
geta undir þetta eru t.d lagfæring og
merking göngu- og reiðleiða í sam-
starfi við aðra hagsmunaaðila, upp-
græðsla og gerð upplýsingaskilta fyr-
ir ferðamenn.
Þá mun Orkuveitan, skv. nánara
samráði við Hveragerðisbæ, aðstoða
við nauðsynlegar endurbætur á
hverasvæðinu í Hveragerði.
Ennfremur kemur fram að OR
muni leggja ljósleiðara (háhraðanet)
um Hveragerðisbæ samkvæmt nán-
ara samkomulagi og í samráði við
bæjaryfirvöld. Ljósleiðarinn verður
eign og alfarið rekinn á ábyrgð OR.
Íbúar Hveragerðis munu þá njóta
sömu tækni í gagnaflutningum og
Reykvíkingar. Lagning ljósleiðara til
heimila verður unnin í samræmi við
slíka uppbyggingu Orkuveitunnar í
Reykjavík.
Orkuveita Reykjavíkur kaup-
ir Hitaveitu Hveragerðis
Kaupverðið um
260 milljónir
Morgunblaðið/Margrét Ísaksdóttir
Samningsaðilar skrifuðu undir í blíðviðri við hverasvæðið í Hveragerði í
gær. Á myndinni eru frá vinstri Herdís Þórðardóttir, Þorsteinn Hjart-
arson, Alfreð Þorsteinsson og Guðmundur Þóroddsson. Fyrir aftan standa
Ásgeir Margeirsson og Orri Hlöðversson.
SUÐURNES
LANDIÐAUSTURLAND