Morgunblaðið - 12.09.2004, Blaðsíða 55

MENNING
MORGUNBLAÐIÐ SUNNUDAGUR 12. SEPTEMBER 2004 55
LEIKFÉLAG Hafnarfjarðar sýnir
nú annað leikritið af fimm sem
áætlað er að sýna í tilefni þess að
félagið hefur fengið varanlegt hús-
næði. Hugmynd Hafnfirðinganna
er í meira lagi metnaðarfull auk
þess sem leikritin eru öll af því
tagi sem ætla mætti að aðeins
hluti leikhúsunnenda færi að sjá.
Allt eru þetta þó þýddar perlur;
sumar sígildar en ætíð nýjar þar
sem þær fjalla beinlínis um mann-
legt eðli. Beisk tár Petru von Kant
telst hiklaust í þeim flokki en í
verkinu eru kúgun og undirgefni
rannsakaðar á áhugaverðan hátt.
Aðalpersónan er fatahönnuðurinn
Petra von Kant sem hefur konu að
nafni Marlene í vinnu hjá sér. Það
sem er sérstakt við Marlene, og
það sem gerir leikritið jafn-
merkilegt og raun ber vitni, er að
hún segir aldrei orð heldur vinnur
verk sín á meðan hún fylgist með
flestum athöfnum Petru þegar hún
verður ástfangin af ungu stúlkunni
Karin en auk þessara þriggja
koma við sögu vinkona Petru, dótt-
ir hennar og móðir.
Leikrit Fassbinders býður upp á
margs konar túlkun; Petra getur
vakið samúð, þvert á alla hennar
galla en það má einnig líta á hana
sem harðbrjósta og miskunn-
arlausan kúgara sem hugsar að-
eins um eigin tilfinningar og það
er leiðin sem Lárus leikstjóri og
Sigríður Lára Sigurjónsdóttir sýna
okkur. Þó að Sigríður hafi sýnt
miklar tilfinningar og túlkað hörku
Petru prýðilega þá vantaði mikið
þegar persónan var svona einsleit.
Til að ljá Petru yfirlæti og hroka
talaði Sigríður með ýktum
áherslum og óeðlilegri rödd en þar
sem eiginleikarnir voru þarna sett-
ir utan á persónuna í stað þess
þeir fylgdu persónusköpun leik-
arans hafði þetta aðeins áhrif til
hins verra auk þess sem þessi
framburður hvarf öðru hvoru þeg-
ar líða tók á sýninguna. Af því að
samúð áhorfenda skorti með Petru
var erfitt að skilja af hverju
Marlene virtist elska hana jafn-
mikið og gefið var upp. Lárus tek-
ur mjög ákveðin pól í hæðina þeg-
ar hann gefur sér að Marlene sé
ástfangin af Petru í stað þess að
leyfa áhorfendum að túlka þessa
undarlegu og áhugaverðu persónu.
Hvergi í texta verksins né fyr-
irmælum er þessu beinlínis haldið
fram. Sigríður Hafdís Benedikts-
dóttir lék Marlene vel og af þokka
en erfiðari hlutverk eru vand-
fundin. Það var ekki síst í atriða-
skiptingum sem áðurnefnd ást
Marlene var sýnd. Skiptingarnar
voru fallegar, bæði hvað varðar
lýsingu og tónlist, þegar persón-
urnar fóru um í hægum hreyf-
ingum bak við tjald og Marlene
bjó um rúm eða lagðist í sófa.
Þarna leyfði leikstjórinn sér að
hvíla í andartakinu þó að stytta
hefði mátt sumar og hefði verið
gaman að sjá þetta fallega flæði
fært inn í framvinduna. Sviðið var
fallegt og einfalt en það var þó
ekki alveg á hreinu hvort verið
væri að færa verkið fram til nú-
tímans eða ekki þar sem sumt var
bundið við tímann sem verkið ger-
ist á. Þetta misræmi kom þó sér-
staklega fram í búningunum. Sum-
ir voru tímalausir og fallegir en
aðrir allt að því afkáralegir. Því
miður er þýðandans Böðvars Guð-
mundssonar ekki getið í leikskrá.
Ein leið til að færa verkið fram í
tíma var að taka út þéringar auk
þess sem nútímamál var stundum
tekið inn. Það gafst stundum
ágætlega en nauðsynlegt er að
geta um slíkt í leikskránni, ekki
síst vegna þess að verkið var
nokkuð mikið stytt. Það má einnig
lengi deila um endinn sem Lárus
velur því hann er gerólíkur þeim
endi sem Fassbinder skrifaði. Hins
vegar er víst að hann gengi alveg
upp ef hann yrði betur undirbúinn.
Þó að spurningar um túlkunina
hafi vaknað var kvöldstundin
ánægjuleg því að margt var vel
gert í leik, leikstjórn og heild-
armynd. Það er ekki annað hægt
en að dást að hugrekki og metnaði
Leikfélags Hafnarfjarðar og
spennandi að sjá næstu leiklist-
arperlu hjá þeim.
Fassbinder í Hafnarfirði
Hrund Ólafsdóttir
BEISK TÁR PETRU VON KANT
Höfundur: Rainer Werner Fassbinder.
Leikstjóri: Lárus Vilhjálmsson. Leikmynd:
Lárus Vilhjálmsson o.fl. Lýsing: Hilmar
Karl Arnarson og Gunnar Björn Guð-
mundsson. Búningar og útlit: Rakel M.
Guðmundsdóttir o.fl.
Frumsýning í Gamla Lækjarskólanum,
4. september 2004.
Leikfélag Hafnarfjarðar
LEIKLIST
- SPENNANDI VALKOSTUR
Stangarhyl 3, 110 Reykjavík, sími 591 9000
www.terranova.is
Akureyri, sími 461 1099
Skíðaferðir
Kitzbühel
frá kr. 59.890
Í ár býður Terra Nova í fyrsta skipti ferðir til hins þekkta skíðabæjar Kitzbühel.
Flogið verður í beinu flugi til Salzburg. Vikulegar brottfarir frá 29. janúar til 26.
febrúar. Það er engin tilviljun að Kitzbühel er einn vinsælasti skíðaáfanga-
staðurinn í Ölpunum. Ósnortin náttúra afskekktra fjallasvæða, menning, frábær
matargerð, afslöppun, heilsulindir og óteljandi afþreyingarmöguleikar. Það er
glæsibragur yfir Kitzbühel sem á hverju ári er vettvangur fjölda skíðakeppna.
Gamli bæjarhlutinn er einkar aðlaðandi og vel varðveittur og umhverfi bæjarins er
rómað fyrir fegurð. Á svæðinu eru skíðaskólar, skíðaleigur, brekkur fyrir
brettafólk og skíðagöngubrautir eru einstaklega góðar.
Verð kr. 82.490 á mann
M/v 2 í herbergi á Hotel Garni
Cristophorus***. Innifalið flug og gisting.
Ferðir til og frá flugvelli kr. 2.400 á mann.
Verð kr. 59.890 á mann
M/v 2 í herbergi á 2* hóteli/penison.
Innifalið flug og gisting. Ferðir til og frá
flugvelli kr. 2.400 á mann.