Morgunblaðið - 09.11.2004, Page 22

22 ÞRIÐJUDAGUR 9. NÓVEMBER 2004 MORGUNBLAÐIÐ
MINNSTAÐUR
Patreksfjörður | „Við ætlum að hafa
sjómenn í áhöfn bátsins, ekki að taka
hana úr björgunarsveitinni. Þannig
munum við auka við viðbragðsliðið
sem er hér,“ segir Davíð Rúnar
Gunnarsson, sem sæti á í stjórn
Björgunarbátasjóðs Barðastrandar-
sýslu. Síðastliðinn laugardag sigldi
inn til hafnar á Patreksfirði björg-
unarbátur sem Slysavarnafélagið
Landsbjörg og Björgunarbátasjóð-
urinn staðsetja þar.
Efnt var til fagnaðar á Patreks-
firði í tilefni af komu bátsins. Davíð
segir að um 200 manns hafi komið í
kaffisamsæti.
Bátnum var gefið nafnið Vörður.
Nafnið var valið eftir tillögum sem
bárust í nafnasamkeppni.
Kom frá Raufarhöfn
Fram til þessa hafa gúmmíbjörg-
unarbátar verið á Patreksfirði,
Tálknafirði og Bíldudal en unnið hef-
ur verið að því í tvö ár að fá stærri
björgunarbát þangað. Vörður kemur
frá Raufarhöfn en þar var Slysa-
varnafélagið Landsbjörg að endur-
nýja björgunarbátinn. Það hefur
dregist vegna þess að báturinn sem
fara átti til Raufarhafnar á sínum
tíma eyðilagðist í flutningi frá Eng-
landi.
Davíð Rúnar segir að það breyti
miklu að fá björgunarbát. Hingað til
hafi orðið að kalla til björgunarbáta
frá Ísafirði eða Rifi og það tæki 3 til 4
tíma í góðu veðri. Síðan hefðu sjó-
mennirnir auðvitað hjálpað hverjir
öðrum.
Við athöfn í Félagsheimili Pat-
reksfjarðar voru Verði afhentar
ýmsar gjafir, meðal annars björgun-
argallar á áhöfnina.
Guðmundur Óli Guðmundsson vél-
stjóri hefur verið ráðinn til að hafa
umsjón með björgunarbátnum.
Magnús Jónsson verður skipstjóri.
Björgunarbáturinn hlaut nafnið Vörður
Aukið við
viðbragðsliðið
Ljósmynd/Tíðis
Blessun Séra Leifur Ragnar Jónsson blessaði björgunarskipið Vörð þegar
áhöfnin hafði siglt því frá Raufarhöfn og til hafnar á Patreksfirði.
LANDIÐ
AKUREYRI
FORSVARSMENN Flugsafnsins á
Akureyri stefna að því að hefja
byggingu nýs húsnæðis á næsta ári.
Núverandi húsnæði safnsins er þeg-
ar orðið of lítið og þörfin fyrir stærra
húsnæði til viðbótar því orðin brýn.
Bæjarfulltrúum á Akureyri, fulltrú-
um í menningarmálanefnd og fleir-
um, var boðið í heimsókn í safnið um
helgina, þar sem Svanbjörn Sigurðs-
son formaður stjórnar kynnti starf-
semina og hugmyndir um bygginga-
framkvæmdir. Ráðgert er að byggja
2.100 fermetra húsnæði vestan og
sunnan við núverandi húsnæði og er
áætlaður kostnaður við þá fram-
kvæmd um 60 milljónir króna. Þá
kostar flutningur og uppbygging
safnsins þar um 10 milljónir króna
til viðbótar.
Fram kom í máli Svanbjörns að
búið væri að leggja drög að því að fá
DC-3 flugvél Landgræðslunnar, sem
ber heitið Páll Sveinsson, í safnið.
Forsenda þess að fá þessa næst
elstu flughæfu flugvél landsins, er að
umrætt hús verði byggt, enda safnið
varla sýningarhæft í dag vegna
þrengsla, að sögn Svanbjörns. Fleiri
flugvélar eru væntanlegar og einnig
munir, sumir mjög stórir, eins og
þotuhreyfill úr Boeing 747, hjóla-
stell, flugradar og flughermir fyrir
CL 44 flugvélar sem Loftleiðir not-
uðu á 7. áratugnum. Flugvél af gerð-
inni Beechcraft D18 er nú til sýnis í
safninu en um er ræða samskonar
vél og fyrstu tveggja hreyfla flugvél
Flugfélags Íslands. Til að koma vél-
inni fyrir þurfti að fjarlægja flug-
vélar og muni úr safninu, m.a. elstu
flughæfu vél landsins, 61 árs gamla
vél af gerðinni Piper Cub.
Fyrsta sviffluga Akureyringa er á
safninu, hún var smíðuð 1937 og
fyrst flogið ári síðar. Henni var síð-
ast flogið sl. sumar en þá flaug Arn-
grímur Jóhannsson flugstjóri og
stjórnarformaður Atlanta henni í til-
efni þess að hann hóf sitt flugnám á
gripnum fyrir 50 árum.
Morgunblaðið/Kristján
Þrengsli Svanbjörn Sigurðsson (fyrir miðju), formaður stjórnar Flug-
safnsins á Akureyri, kynnti starfsemi safnsins og fyrirhuguð áform um
stækkun húsnæðisins.
Stefnt að stækkun Flug-
safnsins á Akureyri
TÖLUVERÐAR skemmdir voru
unnar á grasvelli KA um helgina.
Ekið var á bíl inn á völlinn og spólað
vítt og breitt um svæðið. Hjólför
sjást víða á vellinum og sums staðar
sést í bera moldina. Að sögn Magn-
úsar Jóhannssonar vallarstjóra, er
þetta í annað sinn á árinu sem
skemmdir eru unnar á svæðinu en
sl. vor var ekið inn á alla grasvelli
félagsins og skemmdir unnar.
Magnús sagðist vonast til að íbúi
eða íbúar í næsta nágrenni vallarins
hafi orðið skemmdarvargsins varir
og biður þá sem einhverjar upplýs-
ingar hafa um þetta athæfi að snúa
sér til lögreglu. Hann sagði að
skipta þyrfti um þökur þar sem
skemmdirnar eru mestar og að sá
þyrfti fræjum í önnur sár.
Morgunblaðið/Kristján
Skemmdarverk Aðkoman var
frekar ljót þegar Magnús Jóhanns-
son, vallarstjóri KA, kom til vinnu
eftir helgina.
Skemmdir
unnar á
grasvelli KA
Einvígi | Þór Valtýsson og Stefán
Bergsson munu heyja einvígi um tit-
ilinn Skákmeistari Skákfélags Ak-
ureyrar. Í sjöundu og síðustu um-
ferð tókst Stefáni að leggja Þór að
velli og ná honum að vinningum en
þeir hlutu 5 vinninga. Í 3.–5. sæti
urðu Unnar Þór Bachmann, Ágúst
Bragi Björnsson og Sigurður Eiríks-
son með 4,5 vinninga.
Haustmótinu í yngri flokkum lauk
í síðustu viku. Í unglingaflokki sigr-
aði Alex Orrason með 6,5 vinninga af
7 mögulegum, í 2. sæti varð Ólafur
Evert Úlfarsson með 5vinninga og í
3. sæti varð Davíð Arnarson með 4,5
vinninga. Í drengjaflokki sigraði Al-
exander Arnar Þórisson með 3 vinn-
inga og í telpnaflokki sigraði Ulker
Gasanova.
Sunnudaginn 7. nóvember var
haldið 15 mínútna mót. Þátttak-
endur voru 11 og tefldar 6 umferðir
eftir monrad kerfi. Sigurvegari varð
Halldór Brynjar Halldórsson með
5,5 vinninga. Næsta mót hjá Skák-
félaginu er Atmót sunnudaginn 14.
nóvember kl. 14. Teflt er í KEA
salnum Sunnuhlíð og eru allir vel-
komnir.
Skíðamenn fá styrk| Skíðafélag
Dalvíkur hefur leitað eftir styrk úr af-
reksmannasjóði íþrótta-, æskulýðs-
og menningarráðs vegna kostnaðar
við æfingaferðir til Austurríkis fyrir
skíðamennina Björgvin Björgvinsson
og Kristin Inga Valsson, en þeir eru
báðir í A landsliði Skíðasambands Ís-
lands. Áætlaður kostnaður er um kr.
220 þúsund krónur fyrir hvorn og
óskar Skíðafélagið eftir að hvor
þeirra verði styrktur um þá upphæð.
Á fundi íþrótta-, æskulýðs- og
menningarráðs var samþykkt að
veita styrk að fjárhæð kr. 30 þúsund
til Kristins Inga Valssonar þar sem
hann hefur þegar fengið kr. 70 þús-
und krónur. Samkvæmt reglum
sjóðsins skal styrkupphæð úr sjóðn-
um miðast við fjármagnsgetu sjóðs-
ins hverju sinni. Hámarks styrk-
fjárhæð á hvern einstakling er kr. 100
þúsund krónur. Samþykkti ráðið að
styrkja Björgvin um þá upphæð.
Að skrifa texta | Námskeið sem
ber yfirskriftina Að skrifa texta sem
skilar sér verður haldið 7. desember
næstkomandi, en það er á vegum Sí-
menntunarmiðstöðvar Eyjafjarðar.
Það er ætlað öllum þeim sem
þurfa að sjá um uppfærslu texta á
heimasíðum, skrifa bréf, frétta-
tilkynningar, auglýsingar, kynn-
ingar, stutt erindi, greinar eða ræð-
ur vegna vinnu sinnar.
Markmiðið er að kynna þátttak-
endum gagnlegar leiðir til að ná
betra valdi á hagnýtri textagerð.
Farið er yfir helstu atriði sem þarf
að hafa í huga eigi texti að skila til-
ætluðum árangri; hugmyndavinnu,
orðaforða, uppbyggingu og ólík stíl-
brögð.
Kennarinn, Þorvaldur Þor-
steinsson, er meðal okkar afkasta-
mestu rithöfunda en hefur þar að
auki verið hugmynda- og textasmið-
ur hjá auglýsingastofum og mark-
aðsfyrirtækjum í meira en 20 ár.
  
Helgafellssveit | „Við ætluðum ekki
út í ferðaþjónustu, en fólkið kom,“
segir Hildibrandur Bjarnason,
bóndi og hákarlsverkandi í Bjarn-
arhöfn á Snæfellsnesi, um upphaf
ferðaþjónustu í Bjarnarhöfn. Þegar
hann tók við búskap var mikill
gestagangur á bænum og hann hélt
áfram.
Hildibrandur og fjölskylda buðu
til veislu sl. laugardag. Tilefnið var
að ný þjónustumiðstöð og safn var
tekin í notkun. Í safninu eru meðal
annars ýmsir munir tengdir há-
karlsverkun sem Hildibrandur er
þekktur fyrir. Eins var stækkun
kirkjugarðsins og nýr kirkjugarðs-
veggur blessaður. Mikill fjöldi var
mættur í Bjarnarhöfn og m.a Sturla
Böðvarsson samgönguráðherra og
Valgerður Sverrisdóttir, iðnaðar- og
viðskiptaráðherra.
Hildibrandur hefur stundað
ferðaþjónustu undanfarin ár og
fleiri og fleiri gestir heimsækja
hann á hverju ári. Aðstaðan til að
taka á móti gestunum hefur verið
erfið, en gjörbreytist með nýju
byggingunni sem er um 200 fer-
metrar að stærð.
Hildibrandur og fjölskylda hans
stunda sögutengda ferðaþjónustu.
Þar er byggt á gömlum grunni.
Saga staðarins frá landnámi,
bændakirkjan með sínum dýr-
gripum og hákarlsverkun er það
sem ferðafólkið fær að kynnast.
Hildibrandur er að vonum ánægð-
ur með nýju aðstöðuna. „Ég var áð-
ur með 40 fermetra húsnæði og nú
bætist við stór salur og 50 fermetra
tengibygging með salernisaðstöðu.“
Hann segir að upphafið að þessari
starfsemi hafi verið að alltaf hafi
verið mikill gestagangur í Bjarn-
arhöfn. Foreldrar hans hafi haft
gaman af að taka á móti gestum og
sýna þeim staðinn. „Þegar ég tók
við búskap af þeim héldu gestir
áfram að koma í Bjarnarhöfn og þar
sem ég hef ánægju af að umgangast
fólk og spjalla var ekki hægt að loka
hliðinu,“ segir Hildibrandur.
Hann bætir því við að samdráttur
í sauðfjárbúskap hafi ýtt undir þró-
unina. „Ég og Brynjar sonur minn
vorum saman með búskap, en þegar
ferðaþjónustan og hákarlsverkunina
hlóð utan á sig skiptum við með okk-
ur verkum. Brynjar og hans fjöl-
skylda búa með sauðfé og við á hin-
um bænum sinnum ferðaþjónust-
unni,“ segir Hildibrandur og bætir
við: „Ferðaþjónustan hefur skapað
okkur öllum grundvöll til að búa hér
í Bjarnarhöfn.“
„Við byggjum þjónustuna upp á
hafa eitthvað sérstakt upp á að
bjóða. Þar er helst saga jarðarinnar,
landslagið, kirkjan með sínum dýr-
gripum, safn sem er fyrst og fremst
byggt upp á fjölskyldumunum og
síðan hákarli og harðfiski til að
bjóða og lýsa verkun hákarlsins.“
Hann er ekki bara einn í að taka
móti gestum, heldur er það fjöl-
skylda hans, kona hans, Hrefna
Garðarsdóttir, og þrjú sem vinna við
verðaþjónustuna og öll hafa þau
gaman af starfinu.
Menningartengda ferðþjónustan í
Bjarnarhöfn er orðin mjög sterkur
hlekkur í ferðaþjónustu á Snæfells-
nesi og með tilkomu nýju aðstöð-
unnar mun sá þáttur styrkjast.
Hildibrandur og Hrefna eru nú á
leið til London. Þar munu þau verða
hinn 10. nóvember ásamt fleiri Snæ-
fellingum til að taka á móti við-
urkenningu frá Green Globe 21 um
vottun á sjálfbærri ferðaþjónustu á
Snæfellsnesi.
Þjónustumiðstöð og sögusafn tekið í notkun í Bjarnarhöfn
„Gestirnir
héldu
áfram
að koma“
Morgunblaðið/Gunnlaugur Árnason
Fjölskyldan Hildibrandur Bjarnason og Hrefna Garðarsdóttir í Bjarnar-
höfn með þremur börnum sínum, sem vinna við ferðaþjónustuna, þegar
nýr samkomusalur og byggðasafn var formlega opnað. F.v. Guðjón, Hildi-
brandur, Hrefna, Hulda og Kristján.