Morgunblaðið - 09.11.2004, Qupperneq 25

MORGUNBLAÐIÐ ÞRIÐJUDAGUR 9. NÓVEMBER 2004 25
MENNING
EFTIRLITSMAÐURINN er einn
af sígildum gamanleikjum heims-
ins. Þar er dregið skefjalaust dár
að spillingu, hræsni, snobbi og lít-
ilmótlegu og skítlegu eðli þeirra
sem eiga þess kost að maka krók-
inn á kostnað meðborgara sinna,
og hve fljótir þeir eru að leggjast
flatir þegar þeir mæta einhverjum
sem þeir telja sér valdameiri og
æðri. Grínið byggist síðan á því að
þar vaða þeir í villu. Undir grín-
aktugu yfirborðinu leynist síðan
dauðans alvara því Gogol lætur það
ekki fara á milli mála að spilling og
vanhæfni broddborgaranna tekur
sinn toll, sjúklingar, fangar og aðr-
ir skjólstæðingar kerfisins líða fyr-
ir framferðið.
Eins og gildir um mörg sígild
verk þá er það bæði sammannlegt
og með djúpar rætur í ritunartíma
sínum og -stað. Spillingu og græðgi
skilja allir en blandan sem hér er
boðið upp á af vanhæfni og skeyt-
ingarleysi um örlög náungans kem-
ur ákaflega rússneskt fyrir sjónir.
Það er sannarlega virðingarvert
að ráðast í sígild verk af þessu tagi
með ungum og áhugasömum leik-
hóp, og þá er freistandi að taka
viljann fyrir verkið. Það er samt
ekki hægt að neita því að hópnum
og leikstjóra hefur ekki alls kostar
tekist að blása lífi í þetta gamla
verk, ná ekki alveg að gera það að
sínu með sannfærandi persónum,
skýrum ætlunum og „sitúasjón-
um“.
Hluti vandans liggur vafalaust í
reynsluskorti, ef ekki á leiksviði þá
í það minnsta í glímu við jafn fram-
andi efnivið. Eins held ég að út-
litsleg staðfærsla hafi verið mis-
ráðin. Hún gerir málsnið og heim
leikritsins ankannalegan, auk þess
sem aðstæðurnar eru ótrúverðugar
í þessu umhverfi.
Það sem sýningin hefur með sér
er á hinn bóginn krafturinn sem
hópurinn býr yfir og brýst fram í
öflugum samleik. Sérstaklega
skemmtilegt í stærri hópatriðum,
sérstaklega stóra fylleríisatriðinu
fyrir hlé. Þar nýttust skophæfi-
leikar Arnars Inga Tryggvasonar í
hlutverki Kléstrakovs líka best.
Arnar Bergmann Sigurbjörnsson
náði líka að skína á köflum sem
hinn vonlausi borgarstjóri, en
framsögn hans var hins vegar lýti
á frammistöðunni. Hinn glymjandi
hljómburður Frumleikhússins er
miskunnarlaus við óskýrmælgi sem
því miður er of algeng í þessari
sýningu. Þetta er atriði sem of oft
er leyft að skemma sýningar,
grundvallaratriði sem gleymist í
hugmyndaflæðinu sem skapast á
æfingum, aðalatriði sem týnist eins
og hvert annað smáatriði.
Eftirlitsmaðurinn ber vott um
þann metnað leikfélagsins að glíma
við verðug verkefni og treysta
ungu fólki til góðra verka. Útkom-
an er kraftmikil sýning sem á sína
spretti en nær ekki til fullnustu að
skila þessu tímalausa og skemmti-
lega verki til okkar.
LEIKLIST
Leikfélag Keflavíkur
Höfundur: Nikolæ Gógol, leikstjóri: Berg-
ur Þór Ingólfsson. Frumleikhúsinu 31.
október 2004.
Eftirlitsmaðurinn
Þorgeir Tryggvason
FRIÐRIK krónprins Dana og Mary
krónprinsessa voru í einkaheim-
sókn í Berlín í gær og notuðu tæki-
færið til að afhjúpa þrjú verk eftir
Ólaf Elíasson í danska sendiráðinu í
borginni.
Þau Friðrik og Mary skoðuðu
líka Alte Nationalgalerie, þar sem
m.a. er að finna höggmyndir eftir
Bertel Thorvaldsen.
Þá skoðuðu þau sýningu á nú-
tímalistaverkum, sem lista-
verkasafnarinn Friedrich Christian
Flick hefur sett upp í Hamburger
Bahnhof-nýlistasafninu í borginni.
Hjónin heimsóttu einnig ráðhús
Berlínar og við það tækifæri út-
nefndi Friðrik sex nýja góðgerða-
sendiherra vegna hátíðarhalda sem
verða í Danmörku á næsta ári en þá
eru 200 ár liðin frá fæðingu æv-
intýraskáldsins Hans Christian
Andersen. Meðal þessara nýju góð-
gerðasendiherra er söngkonan
Nina Hagen og leikkonan Katja
Riemann.
Á myndinni afhjúpa Friðrik og
Mary eitt verka Ólafs Elíassonar.AP
Danaprins afhjúp-
ar verk eftir Ólaf
Fréttir á SMS
Lífið á ekki að vera eins og konfektkassi.
Maður á að vita nákvæmlega hvað maður fær,
hvernig það er á bragðið og hvenær
það verður afhent.
Sími 535 8000 | www.jonar.is
J
Ó
N
S
S
O
N
&
L
E
’M
A
C
K
S
•
jl
.i
s
•
18
0
2