Morgunblaðið - 07.12.2004, Side 1

Gospel í máli
og mynd
Geisla- og mynddiskur með
Gospelkór Reykjavíkur | 57
STOFNAÐ 1913 334. TBL. 92. ÁRG. ÞRIÐJUDAGUR 7. DESEMBER 2004 PRENTSMIÐJA ÁRVAKURS HF. mbl.is
MARWAN Barghuti, einn af leiðtogum
Fatah-hreyfingarinnar, verður rekinn úr
henni ef hann hættir ekki við að bjóða sig
fram í forsetakosningum Palestínumanna í
janúar.
Kom þetta fram í gær hjá Faruq Qadd-
umi, nýjum formanni hreyfingarinnar, en
Barghuti afplánar nú fimmfaldan lífstíðar-
dóm í ísraelsku fangelsi. Sagði Qaddumi, að
með framboði sínu væri Barghuti að sundra
Palestínumönnum og gera málstað þeirra
mikinn óleik. Barghuti væri vissulega mikil
hetja í augum landa sinna og einmitt þess
vegna ætti hann að hafa hagsmuni þeirra í
fyrirrúmi en ekki sína eigin.
Virðast með svipað fylgi
Qaddumi ítrekaði stuðning Fatah við
framboð Mahmouds Abbas en tvær skoð-
anakannanir, sem birtar voru í gær, benda
til þess að hann sé nú með svipað fylgi og
Barghuti. Í annarri þeirra var Barghuti
með tveggja prósentustiga forskot, 46% á
móti 44%, en í hinni var Abbas með 40% og
Barghuti 38%.
Reuters
Palestínskur stuðningsmaður Marwans
Barghutis hreinsar veggmynd af honum.
Fatah hótar
Barghuti
Ramallah. AFP.
Keilir á Reykjanesi er áberandi fjall og laðar til sín fjölda göngumanna ár hvert. Þótt ekki sé fjallið nema tæpir 400 metrar yfir sjávarmál virðist það talsvert hærra. Ekki dregur úr sjónrænum
áhrifum að sjá tindaröðina suðvestur af fjallinu í þeim dramatísku birtuskilyrðum sem voru fyrir hendi í gær þegar ljósmyndari sá fjallið af Ægisíðu. Þar gefur að líta Kistufell og Stórahrút.
Morgunblaðið/RAX
VIKTOR Janúkovítsj, forsætis-
ráðherra Úkraínu, kvaðst í gær
ætla að halda framboði sínu til
streitu í síðari umferð forseta-
kosninganna 26. þessa mánaðar
þótt fast hefði verið lagt að hon-
um að draga sig í hlé.
Áður hafði Leoníd Kútsjma,
fráfarandi forseti, hvatt for-
sætisráðherrann til að draga
framboðið til baka. Kútsjma
útilokaði ekki að aðeins einn yrði
í framboði, þ.e. Viktor Jústsj-
enkó, forsetaefni stjórnarand-
stöðunnar.
Þá hermdu óstaðfestar fréttir í
gærkvöldi að samkomulag hefði
náðst á þingi Úkraínu um breyt-
ingar á stjórnarskránni og einnig
umbætur á kosningalöggjöfinni
til að koma í veg fyrir kosn-
ingasvik. Búist er við að sam-
komulagið verði til þess að
Kútsjma víki Janúkovítsj úr
embætti forsætisráðherra.
Vill veikja forsetaembættið
Kútsjma hét því að virða þá
ákvörðun hæstaréttar Úkraínu á
föstudag að ógilda síðari umferð
kosninganna, sem fram fór 21.
nóvember, vegna kosningasvika.
Hann neitaði að falla frá þeirri
kröfu sinni að þingið samþykkti
stjórnarskrárbreytingu sem fæli
í sér að völd forsetans yrðu
minnkuð en þingið eflt.
Fréttaskýrendur í Úkraínu
segja að forsetinn telji nú að
stjórnarandstaðan sigri í kosn-
ingunum og vilji veikja forseta-
embættið til að geta haldið póli-
tískum áhrifum með hjálp
bandamanna á þinginu þegar
hann lætur af embætti.
Dregur sig ekki í hlé
Kíev. AFP.
Utanríkisráðuneytinu hefur
borist bréf frá Bobby Fisch-
er, fyrrum heimsmeistara í
skák, þar sem hann biður um
að fá að búa hérlendis. Bréf-
ið er stílað á Davíð Oddsson
utanríkisráðherra hinn 26.
nóvember sl. og er beiðni
Fischers nú til skoðunar hjá
ráðuneytinu að sögn Illuga
Gunnarssonar aðstoðar-
manns utanríkisráðherra.
Bobby Fischer var sem
kunnugt er handtekinn í
Japan í júlí sl. en hann var
eftirlýstur fyrir að virða að
vettugi alþjóðlegar refsiað-
gerðir gegn Júgóslavíu þeg-
ar hann tefldi þar á skák-
móti árið 1992.
Í bréfi sínu segist hann
m.a. ekki í vafa um að Davíð
Oddsson hafi skilning á því
að hann hafi bráða þörf fyrir
að komast til vinveitts ríkis
og tilfinningabönd sín við
Íslendinga séu sterk. Segist
hann reiða sig á stuðning
þjóðarinnar við málstað
sinn. Einnig segist hann
treysta því að Davíð sé sama
sinnis og að hann muni
hjálpa sér við að end-
urheimta frelsi sitt með því
að bjóða sér heimili hér á
landi.
Reiðir sig
á stuðning
Davíðs
Oddssonar
STÚLKUR í 10. bekk eru áberandi betri í stærðfræði
en drengir og er Ísland eina landið í OECD þar sem
svo mikill munur mælist á stærðfræðikunnáttu
kynjanna, að því er fram kemur í umfangsmikilli al-
þjóðlegri rannsókn sem kynnt var í gær.
Rannsóknin var gerð árið 2003 meðal 15 ára nem-
enda í öllum 30 löndunum sem aðild eiga að Efna-
hagssamvinnu- og þróunarstofnuninni (OECD) auk
11 landa sem standa utan stofnunarinnar. Þegar ár-
angur nemenda í löndunum er borinn saman kemur í
ljós að íslensk ungmenni eru í 13.–17. sæti miðað við
hinar þjóðirnar þegar stærðfræðikunnátta er mæld,
en í 10.–14. sæti þegar einungis OECD-þjóðirnar 30
eru hafðar til viðmiðunar. Þegar einungis stúlkur eru
mældar reyndust íslenskar stúlkur vera í 8. sæti sam-
anborið við stúlkur í öðrum löndum, en drengir
reyndust vera í 20. sæti miðað við drengi í hinum
löndunum í rannsókninni.
Júlíus K. Björnsson, forstöðumaður Námsmats-
stofnunar, kynnti fjölmiðlum niðurstöður rannsókn-
arinnar í gær og sagði hann að þessi mikli munur á
kynjunum staðfesti það sem menntamálayfirvöld
hefði þegar grunað út frá niðurstöðum samræmdra
prófa. Hann segir að engin skýring hafi enn fundist á
þessum mun á kynjunum en unnið sé í því að rann-
saka það.
Strákar öruggari með sig
Það vekur sérstaka athygli að þrátt fyrir að stúlkur
í 10. bekk séu mun betri í stærðfræði en drengir þá
eru drengirnir mun öruggari með sig þegar þeir eru
spurðir um stærðfræðikunnáttu, og hafa mun frekar
þá mynd af sjálfum sér að þeir séu betri í stærðfræði
en stelpurnar. „Strákarnir hafa miklu betra sjálfsálit
og sjálfsöryggi í stærðfræði en stelpur, sumar konur
túlka þetta sem klassískan karla-gorgeir en ég veit
ekki alveg hvernig á að túlka það. Það er allavega al-
veg ljóst að hér er ákveðin þversögn á ferðinni,“ segir
Júlíus.
Rannsóknin lagði mesta áherslu á að kanna stærð-
fræðikunnáttu 15 ára nemenda en kannaði einnig
lestur og náttúrufræðikunnáttu. Íslensk ungmenni
eru yfirleitt rétt um meðaltalið í þessum þremur
greinum./10
Ný alþjóðleg rannsókn á stærðfræðiárangri
Íslenskar stúlkur
drengjum fremri
Andri í brauð og bollur
Campell
samdi við Arsenal
Dýrkeyptur
fögnuður
Glover pakkar rækju
Íþróttir í dagSkrumari
eða gyðja?
Júlía Tímosjenko — vinsæl
þrátt fyrir vafasaman feril | 19