Morgunblaðið - 05.01.2005, Blaðsíða 22

22 MIÐVIKUDAGUR 5. JANÚAR 2005 MORGUNBLAÐIÐ
DAGLEGT LÍF
Opnunartími:
11-18:30 mán-fös
10-18 lau / 13-17 sun.
Skútuvogi 2, sími 522 9000 • www.expert.is
Samsung SGH-X450
fallegur 3 banda
sími með
hágæða skjá
NEVER TURN YOUR MATTRESS AGAIN
Technology so advanced, it´s
TURN-FREE
Amerískar
lúxus heilsudýnur
á tilboði
TURN-FREE
Queen 153x203 cm
Verð frá 89.900.-
Skipholt 35
Sími 588 1955
www.rekkjan.is
580 80 80
Vilt þú auglýsa!
Þetta svæði er laust núna
hringdu í síma
midlun@midlun.is
Ásunnudaginn kemur ætlasjömenningar með hug-sjón að opna allsérstættkaffihús við Laugaveg 21.
Þar var Hljómalind eitt sinn til húsa
og því þótti þeim vel við hæfi að láta
kaffihúsið heita Kaffi Hljómalind.
Helena Stefánsdóttir er ein þeirra
sem standa að þessu menningarlega
kaffihúsi, en leiðir sjömenninganna
lágu fyrst saman í jóga. „Við kynnt-
umst öll á sínum tíma í gegnum jóga
og þessi hugmynd okkar að öðruvísi
kaffihúsi er nokkurra ára gömul.
Okkur langaði að stofna kaffihús sem
væri áfengislaust og reyklaust, því
við viljum stuðla að breyttri stemn-
ingu í miðborginni þar sem áfeng-
isneysla hefur því miður verið aðal-
einkenni að kvöldlagi og þá
sérstaklega um helgar. Okkur lang-
aði líka að opna kaffihús þar sem ein-
göngu væri boðið upp á lífrænt rækt-
aðan mat. Og nú er þessi draumur
loks að verða að veruleika.“
Unglingar sérstaklega velkomnir
Helena segir að þau ætli að hafa
Kaffi Hljómalind eins mikið „lifandi“
kaffihús og mögulegt er. „Hér verð-
ur vettvangur fyrir lifandi sam-
félagsumræðu, námskeið, rökræður
og fyrirlestra. Auk þess verður kaffi-
húsið vettvangur fyrir grasrótarlist,
hvort sem það eru kvikmyndir, ljóða-
lestur, tónleikar, myndlist, dans,
leikhús eða eitthvað annað. Einnig er
hugmyndin að halda hér námskeið í
andlegri ræktun, jóga og hugleiðslu
sem og að vera með fyrirlestra
tengda því. Við tökum fegins hendi
við hugmyndum um uppákomur frá
fólki utan úr bæ því okkur finnst
gaman að hitta fólk í lífinu sem lang-
ar að gera skemmtilega hluti með
okkur.“ Helena segir að þau bjóði
unglinga sérstaklega velkomna á
Kaffi Hljómalind, því þeir missi oft af
skemmtilegum viðburðum sem fram
fara á vínveitingastöðum, þar sem
þeir mega ekki fara inn. „Ég er sjálf
unglingamóðir og mér hefur oft
fundist dapurlegt að geta ekki tekið
krakkana með þegar uppáhalds tón-
listarfólkið þeirra er að troða upp, af
þeirri ástæðu að það gerist iðulega á
vínveitingastöðum þar sem er ald-
urstakmark. Íslenskir unglingar eiga
annað og betra skilið. Við leggjum
því áherslu á að hér er ekkert aldurs-
takmark, af því að við seljum ekki
áfengi.“
Á Kaffi Hljómalind verður ein-
ungis boðið upp á „Food for thought“
sem þau kalla „Andans fæði“ á ís-
lensku. „Það er matur sem búinn er
til úr lífrænt ræktuðu hráefni og
ekkert kjöt, fiskur, egg, laukur eða
sveppir eru þar á meðal. Þetta er
fæði sem ekki síður er gott fyrir hug-
ann en líkamann, enda er nauðsyn-
legt að rækta hugann. Food for
thought er þekkt fyrirbæri í
Bandaríkjunum og á Bretlandi og
þar eru heilu matsölustaðakeðjurnar
sem eingöngu bjóða upp á slíkt fæði.
Ég veit ekki betur en að við hér á
Kaffi Hljómalind séum fyrsta kaffi-
húsið á Íslandi sem eingöngu býður
upp á slíkt fæði.“ Filippseyski jóga-
munkurinn Dada Turiiyananda mun
sjá um að matreiða andans fæði eftir
kúnstarinnar reglum í hádeginu, en
eftir það er kaffi og brauðmeti á boð-
stólum og allt lífrænt ræktað, að
sjálfsögðu.
Samvinnurekið fyrirtæki
Tónninn fyrir komandi starfsemi
verður gefinn á sunnudagskvöldið
næstkomandi þegar formleg opnun
verður. Dagskráin það kvöld er
óneitanlega spennandi, þar ætlar
Erpur Eyvindarson að rappa, Djass-
tríóið Flís stígur á stokk, hljóm-
sveitin Bacon flytur raftónlist og
reggiehljómsveitin Hjálmar lætur í
sér heyra. Þá mun bandarískur jóga-
munkur einnig halda stutta tölu.
„Hann heitir Maheshvarananda og
er prófessor í friðarfræðum og ætlar
að segja frá því hvernig stofna skal
til samvinnurekins fyrirtækis, þróa
það og reka, en Kaffi Hljómalind er
einmitt samvinnurekið fyrirtæki.
Þetta er sérstök stefna í viðskiptum
sem þekkist vel erlendis og heitir
„co–operative business“ og gengur
m.a út á það að enginn einn eigandi á
fyrirtæki. Við sem vinnum hérna á
kaffihúsinu eigum það því öll saman.
Við viljum sýna fordæmi í heiðar-
legum viðskiptaháttum „fair trade“,
sem þýðir til dæmis að við stefnum
að því að kaupa allt okkar hráefni
milliliðlaust beint frá framleiðend-
um. Auk þess fer allur hagnaður
rekstursins umfram kostnað til góð-
gerðarmála. Þetta er því ekki stofnað
eða rekið með gróðahyggju að leið-
arljósi. Við fáum auðvitað okkar laun
fyrir að vinna hérna, en látum aðra
njóta gróðans. Öll innkoma á opn-
unarkvöldinu mun til dæmis renna í
styrktarsjóð vegna náttúruhamfar-
anna í Asíu,“ segir Helena sem á og
rekur Kaffi Hljómalind ásamt Arnari
Steini Friðbjarnarsyni, Einari Rafni
Þórhallssyni, Sunnu Jóhannsdóttur,
Jóni Gauta Árnasyni, Ásgeiri Jóel
Jacobson og Þrúði Svavarsdóttur.
 KAFFIHÚS | Samvinnurekið fyrirtæki þar sem hagnaður rennur til góðgerðarmála
Jógamunkur sér um andans fæði
Kaffi Hljómalind á Laugavegi 21
opnar sunnudaginn 9. janúar. Boð-
ið verður upp á lifandi tónlist: Erp-
ur Eyvindarson, Bacon, Djasstríó-
ið Flís og hljómsveitin Hjálmar.
Aðgangur er ókeypis og ekkert
aldurstakmark.
Húsið opnar kl. 20:00 og dagskrá-
in hefst kl. 21:00.
khk@mbl.is
Allt á fullu síðustu metrana: Helena leggur hér til nokkur lokahandtök.
Morgunblaðið/Árni Sæberg
Samvinna: Allir hjálpast að við að leggja lokahönd á verkið fyrir opnun.
Ásgeir á fleygiferð og skrautlegur veggur um það bil tilbúinn.
Gróðahyggja ræður
ekki för hjá þeim
sem stofnuðu Kaffi
Hljómalind. Kristín
Heiða Kristins-
dóttir fræddist um
áfengislaust kaffi-
hús þar sem hlúa á
að grasrótarlist.
LÍFSLÍKUR fólks sem greinist með
krabbamein að sumri eru mun
meiri en lífslíkur þeirra sem fá
krabbamein að vetri til, að því er
fram kemur á vef Berlingske Tid-
ende.
Ef sólin skín
of mikið á okk-
ur eigum við á
hættu að deyja
úr húðkrabba-
meini. Ef við
erum of lítið í
sólinni eigum
við á hættu að
deyja úr ann-
ars konar
krabbameini.
Norsk rann-
sókn leiðir í
ljós að sólin er
bæði góð og
slæm þegar
krabbamein er
annars vegar. Sólargeislarnir eru
nefnilega jákvæðir fyrir þá sem t.d.
hafa krabbamein í brjóstum eða
blöðruhálskirtli. Sólargeislarnir
gera það að verkum að húðin býr til
D-vítamín en það er mikilvægt í
bata eftir krabbamein. Norsku vís-
indamennirnir ákváðu því að rann-
saka hvort þeir Norðmenn sem
voru meira í sólinni en aðrir ættu
meiri möguleika á að læknast af
krabbameininu.
Tilgátan var að íbúar Suður-
Noregs ættu meiri möguleika en
íbúar Norður-Noregs en það kom á
óvart að möguleikarnir á að lifa
krabbameinið af voru u.þ.b. jafn-
miklir í suðri og norðri. Í suðri
fengu íbúarnir meiri sól en í norðri
var það bætt upp með mataræðinu,
þ.e. fiski sem inniheldur mikið D-
vítamín.
Hins vegar sýndi það sig að það
skiptir máli fyrir lífslíkurnar er
hvenær ársins maður greinist með
krabbamein. Líkurnar á að krabba-
meinsmeðferðin virki, eru 30%
meiri ef sjúkdómurinn greinist í lok
sumars, þegar líkaminn er fullur af
D-vítamíni, en seint að vetri.
Vísindamennirnir benda á að
gera þurfi frekari rannsóknir á
þessu sviði og ekki sé hægt að full-
yrða um hvort þáttur D-vítamíns sé
eins stór og ætla mætti. Því er enn
nokkuð í land að D-vítamíngjafir
verði hluti af krabbameinsmeð-
ferðum. Enginn veit hversu mikil
sólböð eru hæfileg til að byggja upp
D-vítamínbirgðir, en vitað er að of
mikil sólböð auka hættuna á húð-
krabba. Hinn gullni meðalvegur er
bestur.
Sólin bæði
jákvæð og
neikvæð
 HEILSA