Morgunblaðið - 16.01.2005, Blaðsíða 2

2 SUNNUDAGUR 16. JANÚAR 2005 MORGUNBLAÐIÐ
FRÉTTIR
Fá kynferðisbrot kærð
Hátt hlutfall kynferðisbrotamála
er fellt niður hjá ríkissaksóknara
vegna skorts á sönnunum. Minna en
fjórðungur slíkra mála sem vitað er
um er kærður til lögreglu og aðeins
örfá enda með sakfellingu. Séu tölur
frá Barnahúsi, Stígamótum og
Neyðarmóttöku vegna nauðgunar
bornar saman er ætlað að 400–500
manns að lágmarki hafi greint í
fyrsta skipti frá kynferðisofbeldi á
árinu 2003, hvort sem ofbeldið átti
sér stað á því ári eða áður.
Meira selst af kindakjöti
Umtalsverð aukning varð í sölu á
kindakjöti á síðasta ári en salan
jókst um 13,5% frá árinu á undan
eða um 860 tonn. Töluverður kraftur
hefur verið settur í að ná til yngra
fólks þar sem kannanir hafa sýnt að
það hefur verið sá hópur sem minnst
neytti af lambakjöti. Nú virðist sem
þetta hafi borið árangur og að
lambakjötið njóti aukinna vinsælda á
borðum ungs fólks.
19 þúsund tölublöð á Netinu
Allt að nítján þúsund tölublöð af
Morgunblaðinu, frá 2. nóvember
1913 til októbermánaðar 1972, hafa
nú verið mynduð, sem gerir kleift að
nálgast þau á Netinu í gegnum
gagnasafn Morgunblaðsins á mbl.is
og á vefjunum hvar.is og timarit.is.
Lofar friðarviðræðum
Mahmoud Abbas tók við embætti
forseta Palestínumanna í gær og lof-
aði friðarviðræðum við stjórnvöld í
Ísrael. „Við beitum okkur fyrir
vopnahléi til að binda enda á þennan
vítahring ofbeldis,“ sagði hann og
fordæmdi ofbeldisverk Ísraelshers
og herskárra hreyfinga Palestínu-
manna. Hann kvaðst ætla að fela
Ahmed Qurei að mynda nýja stjórn.
Dæmdur fyrir pyntingar
Herréttur í Texas í Bandaríkj-
unum hefur dæmt herlögreglu-
manninn Charles Graner sekan um
að hafa misþyrmt föngum og niður-
lægt þá kynferðislega í Abu Ghraib-
fangelsinu í Írak. Er hann fyrsti
bandaríski hermaðurinn sem sak-
felldur er fyrir illa meðferð á föng-
um í Írak.
Y f i r l i t
Kynningar – Morgunblaðinu í dag
fylgja Auglýsingablöð frá Heimsferð-
um og Terra Nova.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Skarp-
héðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Í dag
Sigmund 8 Myndasögur 42
Hugsað upphátt 23 Dagbók 42/44
Forystugrein 38 Listir 45/47
Reykjavíkurbréf 28 Fólk 48/53
Umræðan 30/35 Fólk 48/53
Hugvekja 35 Sjónvarp 54
Minningar 36/39 Veður 55
* * *
ÞAÐ hefur vart farið fram hjá veg-
farendum í Reykjavík við austur-
enda Laugavegar við Snorrabraut
að undanförnu að þar standa yfir
framkvæmdir á svonefndum
Stjörnubíósreit, sem er í eigu borg-
arinnar. Til stendur að reisa þar
bílakjallara á þremur hæðum sem
tekinn verður í gagnið á haustmán-
uðum. Að sögn Stefáns Haralds-
sonar, framkvæmdastjóra Bíla-
stæðasjóðs, er gert ráð fyrir 229
bílastæðum, þar af er á fjórða tug of-
anjarðar. Samhliða framkvæmdum
við bílakjallara áformar Ístak, sem
er verktaki við framkvæmdirnar, að
reisa 800 fermetra verslunarhús-
næði á jarðhæð með 31 íbúð á 2., 3.
og inndreginni fjórðu hæð. Að sögn
Gísla Pálssonar, staðarverkfræðings
hjá Ístaki, er stefnt að því að ljúka
við húsið vorið 2006.
Morgunblaðið/Árni Torfason
Bílakjallari tilbúinn á haustmánuðum
800 fermetra
verslunarhús-
næði og 31 íbúð
reist ofan á
RÍKISLÖGREGLUSTJÓRI varar
enn á ný við gylliboðum sem berast
fólki í pósti eða með tölvupósti þar
sem tilkynnt er að viðkomandi hafi
unnið verulegar fjárhæðir í erlend-
um lottóum eða happdrættum. Mikið
hefur borið á slíkum sendingum und-
anfarið frá aðilum á Spáni og í Hol-
landi, m.a. frá aðilum sem nefna sig
La Primitiva Loteria Y Apuestas og
El Gordo.
Nýlegt dæmi er um að Íslending-
ur hafi tapað hálfri milljón í svona
svikamyllu og þess eru dæmi að Ís-
lendingur hafi tapað um 1,5 milljón-
um.
Högni Einarsson, lögreglufulltrúi
hjá ríkislögreglustjóra, segir tals-
vert um að slík svikabréf berist til
landsins um þessar mundir og ítrek-
ar að fólk eigi aldrei að taka mark á
svona bréfum. Aðferðirnar séu mis-
munandi en svikin felist yfirleitt í því
að fólk sé fyrst beðið um að senda
ýmsar upplýsingar um bankareikn-
inga og persónulega hagi. Síðan sé
farið fram á greiðslu vegna skatts
eða sendingarkostnaðar, stundum
um 80.000. Ef fólk borgar þetta, eins
og dæmi eru um, heldur peninga-
plokkið áfram og er fólki t.d. sagt að
því miður hafi reikningnum með
vinningnum verið lokað og leggja
þurfi fram meira fé til að opna hann á
nýjan leik. „Það sem vakir fyrir
þessum mönnum er að fá fólk til að
leggja fram einhverja upphæð í upp-
hafi og fá það síðan til að leggja sí-
fellt meira fé fram til að verja þá
upphæð sem þegar hefur verið
greidd,“ segir Högni. Það sé á hinn
bóginn engin leið að endurheimta
þetta fé, það sé glatað um leið og það
sé sent svikahröppunum.
Ríkislögreglustjóri hefur margoft
varað við lotterís- og happdrættis-
bréfum sem og svokölluðum Níger-
íubréfum þar sem fólk er beðið um
aðstoð við að millifæra háar fjárhæð-
ir. Högni segir að eini tilgangurinn
með þessum sendingum sé fjársvik
og hann minnir á að frumskilyrði
þess að vinna í lottói eða happdrætti
sé að fólk hafi keypt sér miða. „Ég
bið fólk bara um að vara sig á öllu
svona löguðu,“ segir hann.
Fólk sem fær svikabréf er beðið
um að framsenda tölvupóst á he-
@rls.is eða senda hann til ríkislög-
reglustjóraembættisins.
Vara við gylliboðum um
happdrættisvinninga
Svikabréf til 10 ára stúlku
TÍU ára gömul dóttir blaðamanns Morgunblaðsins fékk fyrir nokkrum dög-
um bréf frá La Primitiva. Bréfið var stílað á hana og var henni tjáð að hún
hefði verið dregin út í happdrætti og hefði um 10% möguleika á að vinna
515.819 evrur, rúmlega 42 milljónir íslenskra króna, ef hún hefði samband
við fyrirtækið. Í bréfinu er henni sagt að ræða við Mariu Sanchez í símanúm-
eri sem gefið var upp, blaðamaður hafði samband og var tjáð að fjölskyldan
væri gríðarlega heppin. Til þess að fá peningana þyrfti reyndar að senda
strax upplýsingar á faxi um bankareikning á Íslandi og aðrar persónu-
upplýsingar. Sá sem rætt var við reyndi að láta líta svo út að hann væri á kafi
í samtölum við fólk í kringum sig og var að svara í aðra síma meðan á samtal-
inu stóð. Maðurinn var spurður að því hvar hann hefði fengið nafnið á dóttur-
inni og sagði hann að hún hefði verið í símaskránni, 10 ára gömul stúlkan.
Talsvert hefur verið um að fólk á Suðurnesjum hafi fengið bréf frá La
Primitiva og þótti lögreglunni í Keflavík ástæða til að vara við fyrirtækinu
með tilkynningu í gær.
Úthlutar styrkj-
um til mannrétt-
indamála
DÓMSMÁLARÁÐUNEYTIÐ hefur
tilkynnt að ráðuneytið ætli að út-
hluta fjárveitingum til mannrétt-
indamála, sem ákveðnar voru á
fjárlögum, á grundvelli umsókna.
Umsóknir skulu berast ráðuneytinu
fyrir 1. febrúar nk.
Samkvæmt fjárlögum hefur
dóms- og kirkjumálaráðuneytið 4
milljónir króna til ráðstöfunar
vegna starfa að mannréttinda-
málum.
Fær 1,8 milljónir
í skaðabætur
fyrir uppsögn
ÍSAFJARÐARBÆR mun greiða
Pálínu Garðarsdóttur, fyrrver-
andi gjaldkera bæjarins, 1,8 millj-
ónir króna í skaðabætur vegna
meintrar ólögmætrar uppsagnar í
desember 2003. Í frétt Bæjarins
besta á Ísafirði um málið kemur
fram að Halldóri Halldórssyni
bæjarstjóra hafi verið falið af
bæjarráði að ganga frá greiðslu
skaðabótanna til Pálínu. Málið
var dómtekið fyrir Héraðsdómi
Vestfjarða í sumar og átti aðal-
meðferð að fara fram í næsta
mánuði. Skaðabæturnar sem sæst
hefur verið á nema um 1,8 millj-
ónum, ígildi 9 mánaða launa. Pál-
ínu var á sínum tíma vikið úr
starfi vegna „fyrirhugaðra skipu-
lagsbreytinga“, eins og það var
orðað.
Formaður félags opinberra
starfsmanna á Vestfjörðum taldi
uppsögnina vera ólögmæta en
fjármálastjóri bæjarins taldi upp-
sögn Pálínu hafa verið í samræmi
við gildandi kjarasamninga.
Ekki fallist á
sáttatillögu
lögreglustjóra
HÉRAÐSDÓMUR Reykjaness
dæmdi í gær rúmlega fertugan
mann til 205 þúsund króna sektar
og þriggja ára ökuleyfissvipt-
ingar fyrir ölvunarakstur í októ-
ber 2003 í Kópavogi. Við mælingu
reyndist vínandamagn í blóði 1,79
prómill. Hann var án öku-
skírteinis er akstur hans var
stöðvaður.
Við fyrirtöku málsins bauð lög-
reglustjórinn í Kópavog ákærða
að ljúka málinu með viðurlaga-
ákvörðun, þannig að hann greiddi
200 þúsund krónur í sekt til rík-
issjóðs og sætti sviptingu öku-
réttar í 4 ár.
Dómari taldi þau málok í and-
stöðu við dómvenju að því er
varðar lengd ökuréttarsviptingar
og samþykkti þar af leiðandi ekki
að veita atbeina sinn til að málinu
lyki samkvæmt tillögu lög-
reglustjórans og var málið því
tekið til dóms.
Þótti dómara refsingin hæfilega
ákveðin sekt að fjárhæð 205 þús-
und krónur og jafnframt svipti
hann manninn ökurétti í þrjú ár.
Kemur fangelsi í 32 daga í stað
sektarinnar verði hún ekki greidd
innan fjögurra vikna. Ólöf Péturs-
dóttir dómstjóri dæmdi málið.
Kviknaði í
út frá kerti
ELDUR kviknaði út frá kerti á eld-
húsborði í íbúð í Hafnarstræti 100 á
Akureyri seint á föstudagskvöldið.
Einn íbúi var í íbúðinni og var hann
fluttur á sjúkrahús með minni hátt-
ar reykeitrun, skv. upplýsingum
lögreglu.
Greiðlega gekk að slökkva eldinn
og urðu litlar skemmdir af hans
völdum.