Morgunblaðið - 16.01.2005, Blaðsíða 18
18 SUNNUDAGUR 16. JANÚAR 2005 MORGUNBLAÐIÐ
O
ft hefur sterk-
ur sóknarleik-
ur einkennt lið
þau sem Viggó
Sigurðsson
hefur þjálfað í
gegnum tíðina
en að sama
skapi hefur varnarleikurinn ekki
verið eins öflugur. Nú bregður hins
vegar svo við að Viggó virðist hafa
tekið bæði sóknar- og varnarleikinn
föstum tökum. Auk þess hefur átak
verið gert í þjálfun markvarða, bæði
með ráðningu Bergsveins Berg-
sveinssonar, fyrrverandi landsliðs-
markvarðar, í stöðu aðstoðarlands-
liðsþjálfara, og með því að taka upp
tímabundið samstarf við sænska
markvarðaþjálfara. Einnig er ljóst
að Viggó ætlar landsliðinu að leika
fleiri afbrigði af varnarleik en áður.
Allt þetta er afar jákvætt að mati
Guðjóns Árnasonar. „Mér fannst svo
sannarlega kominn tími til að hrista
upp í varnarleik íslenska landsliðs-
ins. Hann var á tíðum einhæfur og
erfitt reyndist að brjóta hann upp og
reyna annað. Mér finnst 3/3 vörnin
vera mjög spennandi og ég hlakka til
að sjá hvernig til tekst með hana.
Við erum með marga unga snarpa
menn til þess að leika þessa fram-
liggjandi vörn og því er hún spenn-
andi kostur. En á hinn bóginn er
ljóst að landsliðið getur aldrei leikið
hana frá upphafi til enda leikja, leik
eftir leik, en það er spennandi kostur
að geta beitt henni, komið á óvart,
sprengt upp leiki. Ef vel tekst til
getur vörn af þessu tagi skilað lands-
liðinu mörgum hraðaupphlaupum,“
segir Guðjón sem líst vel á að sjá
sinn gamla samherja úr FH, Berg-
svein, í kringum landsliðið.
Bergsveinn veit hvað
hann er að gera
„Bergsveinn veit nákvæmlega
hvað þarf að gera í þjálfun mark-
varða og samstarf hans við sænsku
þjálfarana er nokkuð sem ég tel vera
heillaskref. Ég efast um að sá mark-
vörður sé til á landinu sem hafi búið
sig betur undir leiki á sinni tíð en
Bergsveinn. Hann var snillingur í að
„lesa“ andstæðingana. Takist honum
að miðla úr fróðleiksbrunni sínum og
reynslu er ég ekki í vafa um að
markvarslan á eftir að verða miklu
betri en áður. Að mínu mati hafa
markverðir verið mjög oft afskiptir,
því miður, bæði hjá landsliðinu og fé-
lagsliðum,“ segir Guðjón. „Með auk-
inni þjálfun markvarða er sviðsljós-
inu aðeins beint meira að þeim og
um leið eykst vonandi sjálfstraust
þeirra. Slíkt er aðeins af hinu góða.
Það liggur í hlutarins eðli að auðvit-
að þurfa markverðir séræfingar eins
og aðrir,“ segir Guðjón sem væntir
þess að áfram verði haldið á sömu
braut við þjálfun markvarða.
Bindur miklar vonir við Alexander
Guðjón segist einnig binda miklar
vonir við Alexander Petersson sem
nú er loks orðinn löglegur með ís-
lenska landsliðinu. „Alexander er
með rosalega jákvætt og gott hug-
arfar. Menn muna það hve hann
lagði sig fullkomlega fram í leikina
með Gróttu/KR þegar hann lék hér
heima, alveg sama við hverja var
verið að leika og hvort sem úrslitin
skiptu miklu máli eða ekki. Alexand-
er er tvímælalaust mjög öflug viðbót
í íslenska landsliðið,“ segir Guðjón
sem telur landsliðið vera afar vel
mannað á hægri vængnum í sókn-
arleiknum með Alexander, Ólaf Stef-
ánsson og Einar Hólmgeirsson.
„Einar er mjög ólíkur Ólafi og ég er
viss um að Viggó á eftir að nota hann
mikið. Einar hefur eflst mikið á síð-
ustu misserum og með þessa þrjá
menn á vinstri vængnum hefur liðið
yfir mikilli breidd að ráða sem býður
upp á mikinn fjölbreytileika í sókn-
inni.
Viggó tók hárrétta ákvörðun
Markús Máni Michaelsson verður
eflaust í eldlínunni á heimsmeistara-
mótinu, tekur örugglega sæti í byrj-
unarliðinu í sókninni í stöðu skyttu
vinstra megin vallarins. Markús tek-
ur þar með stöðu sem vafalaust var í
upphafi hugsuð fyrir Jaliesky
Garcia. Guðjón telur að brotthvarf
Garcia þurfi ekki endilega að veikja
landsliðið. „Markús lék vel í leikj-
unum við Svía á dögunum og því
held ég að Viggó hafi verið óhrædd-
ur við að taka þá ákvörðun sem hann
tók varðandi Garcia. Mér þykir sú
ákvörðun vera hárrétt,“ segir Guð-
jón og viðurkennir að fréttir af
Garcia hafi verið of fyrirferðarmikl-
ar í undirbúningi landsliðsins. „Þetta
mál var allt hundleiðinlegt,“ segir
Guðjón sem telur að Viggó hafi verið
búinn að hreinsa loftið innan hópsins
áður en endanleg ákvörðun um þátt-
töku Garcia var ákveðin opinber-
lega.
„Ég efast ekki um að innan hóps-
ins hafi Viggó verið búinn að vara
menn við að svona gæti farið og sagt
að ef ekki heyrðist frá Garcia innan
ákveðins tíma þá væri hann úti. Það
er pottþétt að hann var búinn að búa
hópinn undir að svona gæti farið. Ef
Garcia skilaði sér ekki í tíma þá væri
málið dautt. Enda var Viggó undir
það búinn eins og sást best á því að
hann kallar undir eins í Vilhjálm
Halldórsson til þess að fylla síðasta
sætið í hópnum.
Sendir skýr skilaboð
til annarra leikmanna
Garcia-málið á ekki að trufla hóp-
inn á nokkurn hátt. Viggó gerði hár-
rétt með því að eltast ekkert við
manninn, þannig sendir hann skýr
skilaboð, bæði þeirra sem eru í
hópnum og eins þeirra sem bíða í
dyragættinni eftir að komast inn í
hópinn. Annaðhvort gefa menn kost
á sér í landsliðið af heilum hug eða
ekki, það verður ekki gengið á eftir
einum né neinum, enginn er ómiss-
andi,“ segir Guðjón.
Hann telur að ekki skorti á sjálfs-
traust innan íslenska landsliðsins
þegar á hólminn verði komið í Túnis
og það muni þar með bera eitt helsta
einkenni Viggós sem þjálfara. Guð-
jón hefur því engar áhyggjur þótt
margir leikmenn liðsins hafi ekki
langa og mikla reynslu af alþjóðleg-
um handknattleik.
„Ég er sannfærður um að íslenska
liðið mun ná því markmiði á HM sem
þjálfarinn hefur sett. Viggó fór þá
leið að velja unga og efnilega leik-
menn sem hann veit að eru tilbúnir
að leggja sig fullkomlega fram í
hvern leik. Leikmennirnir finna
einnig sjálfir fyrir trausti þjálfarans
og sú blanda tel ég að eigi að leiða til
árangurs. Viggó hefur að undan-
förnu byggt upp sjálfstraust hjá
hverjum leikmanni fyrir sig og einn-
ig í hópnum sem heild. Markverð-
irnir hafa einnig verið markvisst
byggðir upp,“ segir Guðjón sem tel-
ur engan vafa leika á að íslenska
landsliðið verði á tánum, tilbúið í
slaginn þegar flautað verður til leiks
á heimsmeistaramótinu í Túnis eftir
viku.
„Viggó taldi okkur hjá FH alltaf
trú um það að við gætum allt, engin
hindrun væri svo mikil að hún væri
ekki yfirstíganleg, enda kom það í
ljós og við náðum árangri. Leikmenn
undir stjórn Viggós hafa alltaf verið
tilbúnir að vaða eld og brennistein
fyrir hann. Ég tel að leikmenn ís-
lenska landsliðsins verði ekki und-
antekning frá þeirri reglu þegar HM
hefst, einbeitingin verður fullkomin
hjá hverjum og einum og sem grenj-
andi ljón mæta þeir til leiks. Ég
hlakka því til þegar heimsmeistara-
mótið hefst,“ segir Guðjón Árnason,
fyrrverandi fyrirliði FH.
Verða tilbúnir að
vaða eld og brennistein
„Mér fannst svo sannarlega
kominn tími til að hrista
upp í varnarleik íslenska
landsliðsins. Hann var á
tíðum einhæfur og erfitt
reyndist að brjóta hann upp
og reyna annað,“ sagði
Guðjón Árnason, fyrrver-
andi fyrirliði FH, í samtali
við Ívar Benediktsson um
undirbúning íslenska lands-
liðsins í handknattleik fyrir
HM en rétt vika er þar til
flautað verður til fyrsta
leiks Íslands.
Morgunblaðið/Golli
Róbert Gunnarsson, línumaðurinn snjalli, skorar mark í leik gegn Suður-Kóreu á Ólympíuleikunum í Aþenu. Hann hefur leikið geysilega vel með landsliðinu að
undanförnu og náð að fylla skarð Sigfúsar Sigurðssonar, sem er meiddur, a.m.k. í sókninni. Honum er ætlað stórt hlutverk á HM í Túnis.
iben@mbl.is
Morgunblaðið/Árni Sæberg
Bergsveinn Bergsveinsson aðstoðarlandsliðsþjálfari og Viggó Sigurðsson
landsliðsþjálfari hafa lagt nótt við dag í undirbúningi landsliðsins fyrir HM.