Morgunblaðið - 16.01.2005, Blaðsíða 23

MORGUNBLAÐIÐ SUNNUDAGUR 16. JANÚAR 2005 23
Það fer kannski ekki vel áþví að hefja pistlaskrifnýja ársins með því aðlýsa áhyggjum sínum afframtíðinni. Þykir ef til
vill fremur við hæfi að menn horfi
fram á veginn fullir bjartsýni og
láti sem það versta sé afstaðið og
framundan bjartari tímar og betri
heimur, fullur af uppfylltum
draumum og efndum loforðum.
En hvaða veg eiga menn að horfa
fram á?
Það er jú einu sinni eðli fram-
tíðarinnar, að
vera ekki til og
þar afleiðandi
beinlínis ósýni-
leg. Það eina
sem fast er í
hendi er for-
tíðin og þar með vegarslóðinn
hlykkjótti sem við eigum að baki.
Út frá stefnu hans, legu og færð
getum við gert okkur hugmyndir
um hvað bíður okkar, en meira er
það nú ekki.
Það er margt, bæði fagurt og
ljótt, hægt að segja um farinn
veg, en eitt nærtækasta atriðið
varðandi eðli hans og áferð, síð-
asta kastið, snýr að vali á leiðtog-
um heimsins og það verður að
teljast uggvænlegt.
Svo sem öllum er kunnugt er
áhrifamesti leiðtogi heims um
þessar mundir forseti Bandaríkj-
anna. Núverandi forseti var end-
urkjörinn til fjögurra ára á ný-
liðnu hausti. Mál hafa þróast svo í
hans stjórnartíð að hann er ekki
aðeins voldugasti leiðtoginn, held-
ur einnig atkvæðamesti stríðs-
herrann. Sér ekki fyrir endann á
sífellt blóðugri átökum hers hans
við vígasveitir innfæddra í landi,
sem fæstir Bandaríkjamenn vissu
að var til fyrir nokkrum mán-
uðum (minnir óneitanlega á eitt-
hvað, ekki satt?).
Þetta eru viðbrögð hans við því
ódæðisverki þegar nokkrir menn
töldu það ávísun á eilífa sælu og
heiður sér til handa að feta í fót-
spor mestu heigla veraldarsög-
unnar með því að myrða almenna
borgara í þúsundatali um leið og
þeir káluðu sjálfum sér hinn ell-
efta september 2001.
Eru þessi viðbrögð forsetans
skynsamleg? Nei. Eru þau skilj-
anleg mannleg viðbrögð manns
við aðför að sér og sínum? Já. Við
sem erum afkomendur fólks sem
leit á blóðhefnd sem eðlilegan
framgang réttlætisins skiljum vel
skyndihuggunarmátt hefnd-
arinnar.
Það sem við eigum erfiðara
með að skilja, a.m.k. mörg okkar,
er að leiðtogi upplýstrar þjóðar
skuli haga sér með þessum hætti.
Og þarna er komið að áhyggjum
þeim sem getið var um í upphafi
varðandi framtíðina.
Sú var tíð að leiðtogar heimsins
(með nokkrum afdrifaríkum und-
antekningum) báru yfirleitt af
öðrum mönnum að mannkostum,
voru fróðir, menntaðir af bókum
og lífsreynslu, rökvísir, vel máli
farnir, jafnvel skáld. Þau leiðtoga-
efni sem ekki bjuggu yfir þessum
mannkostum reyndu að öðlast þá
eða raða kringum sig ráðgjöfum
sem gátu fyllt í skörðin hjá þeim
sjálfum.
En nú er öldin önnur. Nú höfða
frambjóðendur til voldugasta
embættis heimsins einkum til
frumstæðustu þáttanna í fari
fólks eins og berlega kom í ljós í
forsetakjörinu vestanhafs. Sá
vann á endanum sem var minnst
öðruvísi en almennur borgari. Og
nota bene, ekki almennur borgari
í stórborgunum, miðstöðvum
framfara og þekkingar, heldur al-
mennur borgari í sveitahér-
uðunum.
Sá frambjóðandi stóð uppi sem
sigurvegari og heimsleiðtogi sem
virtist ekki snjallari, ekki betur
máli farinn, ekki þroskaðri en
hvaða meðaljón sem er í biblíu-
beltinu, með bókina góðu á nátt-
borðinu og haglarann ofan við
sætisbakið í pikkuppnum, tilbúinn
að bægja frá sér hvaða votti af
framandleika sem vera skal.
Tilbúinn að verja sig og sína gegn
illum öndum með alsjálfvirkum
vopnum af mannskæðasta tagi ef
hann telur það nauðsynlegt.
Skilaboðin voru: Ekki kjósa
þann sem heldur að hann sé eitt-
hvað betri en þú, kjóstu mig, af
því ég er jafn fávís, þröngsýnn og
kirkjurækinn og þú.
Er nema von að maður hafi
áhyggjur af framtíð heimsins.
Hún er á valdi þeirra sem tileink-
uðu sér þessi skilaboð og gerðu
skugga sinn að leiðtoga lífs síns.
Og okkar.
HUGSAÐ
UPPHÁTT
Eftir Sveinbjörn
I. Baldvinsson
Framtíð heimsins og
haglarinn í pikkuppnum
Tækniþróunarsjóður
Umsóknarfrestur er til 15. febrúar
Rannís
Rannsóknamiðstöð Íslands,
Laugavegi 13, 101 Reykjavík,
www.rannis.is
Tækniþróunarsjóður heyrir undir iðnaðarráðherra,
og starfar samkvæmt lögum nr. 4/2003 um opinberan
stuðning við tækniþróun og nýsköpun í þágu atvinnulífsins
Tækniþróunarsjóður fjármagnar nýsköpunarverkefni
í samræmi við meginstefnu Vísinda- og tækniráðs
Umsækjendur geta verið fyrirtæki, einstaklingar,
rannsóknastofnanir og háskólar
Sjóðurinn veitir framlög til nýsköpunarverkefna sem eru til þess fallin að
auka samkeppnishæfni íslensks atvinnulífs.
Forsenda fyrir aðkomu sjóðsins er að fyrir liggi vel mótuð hugmynd um hagnýtt
gildi og líklegan ávinning sem þróun viðkomandi verkefnis getur leitt til.
Framlag til framúrskarandi verkefna getur numið allt að 30 milljónum króna
samanlagt á þremur árum.
Umsóknarfrestur er til 15. febrúar næstkomandi. Eyðublöð og nánari upplýsingar
um Tækniþróunarsjóð eru á heimasíðu Rannís, www.rannis.is
Stangarhyl 3 · 110 Reykjavík · Sími: 591 9000
www.terranova.is · Akureyri Sími: 461 1099
E
N
N
E
M
M
/
S
IA
/
N
M
14
82
4
Lægsta verðið til
Nú bók
ar þú b
eint
á netin
u á
www.t
errano
va.is
NÝTT
Bókaðu núna og
tryggðu þér flugfargjöld
á ótrúlegum kjörum
París
Frá 24.390 kr.
Flugsæti báðar leiðir með sköttum.
Netbókun.
München
Frá 24.660 kr.
Flugsæti báðar leiðir með sköttum.
Netbókun.
Düsseldorf
Frá 24.430 kr.
Flugsæti báðar leiðir með sköttum.
Netbókun.
* Flugfar aðra leið (Kef.-Orly / Kef.-Düs.) með sköttum.
Netbókun.
Frakkland
Terra Nova er sönn ánægja að bjóða beint flug til Parísar, tvisvar í viku, með
franska flugfélaginu Corsair. Við bjóðum uppá hótelgistingu í París og fleiri
borgum Frakklands á góðum kjörum. París er ótrúlega spennandi borg, hvort
sem þú vilt þræða listasöfnin, virða fyrir þér Monu Lisu í Louvre eða spranga
um í Latínuhverfinu og njóta lífsins listisemda. Hér á rómantíkin heima.
Þýskaland
Terra Nova býður enn á ný flug með þýska flugfélaginu LTU til München og
Düsseldorf. Þúsundir Íslendinga hafa notið þess síðustu árin að fljúga í beinu
flugi með LTU til Þýskalands. Flogið er tvisvar í viku svo kostur er á stuttum
helgarferðum og lengri skemmtiferðum. Báðar borgirnar eru ákjósanlegir upp-
hafspunktar til ferðalaga um mið-Evrópu, Düsseldorf til vesturs og München
til austurs. Borgirnar sjálfar eru líka spennandi og vel þess virði að heimsækja
München, mögnuð og margslungin, Düsseldorf fjölbreytt og skemmtileg.
París
Frá12.150 kr.
Düsseldorf
Frá12.070 kr.
Flug og bíll
Frá 28.493 kr.
M.v. hjón með 2 börn, 2-11 ára, til Düsseldorf með sköttum og
bókunargjaldi. Bíll í viku.
20
05Frakklands
Þýskalandsog
*
*
Takmarkað
sætaframboð á
ódýrustu
fargjöldunum