Morgunblaðið - 17.02.2005, Blaðsíða 4

4 FIMMTUDAGUR 17. FEBRÚAR 2005 MORGUNBLAÐIÐ
FRÉTTIR
Ásnum, Hraunbæ 119, sími 567 7776
Opið virka daga 11-18, laugard. 11-14
Útsala
Frábært úrval
mikil verðlækkun
RAGNHILDUR Geirsdóttir, nýráðinn for-
stjóri Flugleiða, segist taka við góðu búi sem
Sigurður Helgason hafi byggt upp sl. tuttugu
ár. Síðasta ár hafi verið það besta í sögu fé-
lagsins. Mikið af verkefnum sé framundan
sem hún hlakki til að takast á við með öllu því
góða fólki sem vinni hjá Flugleiðum. Það sé
rík krafa að félagið skili árangri og honum nái
þau í sameiningu.
„Ég hlakka til að vinna með ykkur,“ sagði
hún á fundinum með starfsmönnum í gær.
Aðspurð segir hún að starfið leggist mjög
vel í sig. Nú sé verið að gera skilin á milli Ice-
landair og Flugleiða skarpari. „Áður en ég
hóf störf hjá Icelandair var ég í stefnumótun
hjá Flugleiðum. Þá kynntist ég þeim rekstri
mjög vel.“
Ragnhildi var boðið forstjórastarfið í fyrra-
dag og segist rétt vera að átta sig á þessu. Því
sé ekki tímabært að úttala sig um það sem
hún ætli sér að gera. Lagst verði yfir verk-
efnin á næstunni. Verið sé að breyta starfi
forstjóra Flugleiða sem eigi að fylgjast betur
með starfi allra dótturfélaganna.
Vélaverkfræðingur frá HÍ
Ragnhildur hóf störf hjá Flugleiðum árið
1999. Árið 2002 var hún skipuð forstöðumað-
ur rekstrarstýringardeildar og fram-
kvæmdastjóri rekstrarstýringarsviðs Ice-
landair í janúar 2003. Hún útskrifaðist sem
vélaverkfræðingur frá Háskóla Íslands árið
1995. Hún útskrifaðist með MS í iðnaðarverk-
fræði frá University of Wisconsin-Madison
1996 og með MS í framleiðslustjórnun frá
sama skóla árið 1998. Ragnhildur er 33 ára og
í sambúð með Ágústi Þorbjörnssyni, hag-
verkfræðingi og rekstrarráðgjafa.
Samkvæmt upplýsingum frá Flugleiðum
hefur Ragnhildur unnið náið með forstjóra fé-
lagsins á undanförnum árum og borið ábyrgð
á mikilvægum þáttum rekstrarins; leiðakerfi
Icelandair og starfsmannamálum. Hennar
hlutverk hafi meðal annars verið að leiða þær
breytingar sem gerðar hafi verið á leiðarkerfi
flugfélagsins á undanförnum árum og hafi
gjörbreytt afkomu félagsins.
Í viðtali við Tímarit Morgunblaðsins í lok
nóvember 2003 kemur fram að Ragnhildur
fæddist í Bandaríkjunum ásamt tvíburabróð-
ur sínum. Foreldrar hennar eru Geir Gunn-
laugsson, fyrrverandi prófessor og forstjóri
Marels, og Kristín Ragnarsdóttir. Þegar
Ragnhildur var tveggja ára fluttist fjöl-
skyldan til Íslands og gekk hún í Hlíðaskóla
og Menntaskólann við Hamrahlíð áður en
hún fór í Háskólann. Á menntaskólaárunum
eyddi hún frístundum sínum í útivist og var í
hjálparsveit skáta í Kópavogi.
Ragnhildur kom heim úr námi frá Banda-
ríkjunum 27 ára og hóf störf hjá Fjárfesting-
arbanka atvinnulífsins, FBA. Hún sagði að
bankastarfsemi hefði ekki höfðað til sín og
langaði að starfa við rekstur. Þegar hún sagði
upp hefði yfirmaður sinn sagt sér frá áhuga-
verðu starfi hjá Flugleiðum. Fyrsta starf
hennar var að vinna að stefnumótun innan
fyrirtækisins.
Ragnhildur Geirsdóttir
Fyrst kvenna í
forstjórastól Flugleiða
Rík krafa
um árangur
„ÞETTA er tækifæri lífs míns og mjög
spennandi og skemmtilegt verkefni,“ segir
Jón Karl Ólafsson, nýráðinn forstjóri Ice-
landair. Frá árinu 1999 hefur hann sinnt
starfi framkvæmdastjóra Flugfélags Íslands.
„Flugrekstur í eðli sínu snýst um að fljúga
flugvélum og selja sæti og það er í sjálfu sér
ekkert annað í þessum rekstri. Þetta er bara
miklu stærra, markaðirnir eru víðari og er-
lendis. Þetta er fjölbreyttara en ég er vanur.
Vonandi get ég notað reynsluna eftir starfið
hjá Flugfélaginu til að gera góða hluti fyrir
Icelandair.“
Jón Karl segir það hafa borið brátt að að
honum bauðst þetta starf. Sóknarfæri Ice-
landair séu víða og fjölbreytt starf hafi verið
unnið á vettvangi félagsins. Árangur þess
undanfarin ár sé góður og jafnvel miklu betri
en hjá öðrum flugfélögum. Það hafi verið erf-
iðleikar víða sem Icelandair hafi náð að sigla
farsællega í gegnum.
„Það er frábær árangur og mjög gott að
geta tekið við svoleiðis búi í stað þess að
þurfa að fást við vandamál. En það er alltaf
hægt að breyta; hlutirnir eru að einfaldast,
dreifileiðir að breytast, farþegum fjölgar og
ný tækifæri opnast,“ segir nýr forstjóri Ice-
landair.
Hjá Flugleiðum í tuttugu ár
Jón Karl hóf störf hjá Flugleiðum árið
1984. Hann starfaði á fjármálasviði félagsins
og var m.a. yfirmaður hagdeildar og fjár-
reiðudeildar og svo yfirmaður leiðastjórn-
unar. Hann var síðan svæðisstjóri Flugleiða á
meginlandi Evrópu um fimm ára skeið, með
aðsetur í Frankfurt í Þýskalandi. Jón Karl
hefur verið framkvæmdastjóri Flugfélags Ís-
lands síðan í byrjun árs 1999. Hann hefur
verið formaður Samtaka ferðaþjónustunnar í
tvö ár og er einnig formaður stjórnar Versl-
unarráðs Íslands. Jón Karl lauk prófi frá við-
skiptafræðideild Háskóla Íslands árið 1984.
Hann er 46 ára, kvæntur Valfríði Möller
hjúkrunarfræðingi og eiga þau fjögur börn.
Samkvæmt upplýsingum frá Flugleiðum
hefur Jón Karl sinnt fjölbreyttum stjórn-
unarstöfrum innan félagsins, bæði í fjár-
málum og markaðsmálum. Hann hafi náð
mjög góðum árangri með Flugfélag Íslands á
undanförnu ári, sé góður leiðtogi og því rétti
maðurinn til að leiða Icelandair til frekari
landvinninga.
Jón Karl fæddist í Reykjavík þar sem for-
eldrar hans, Ólafur Guðjón Karlsson og Guð-
rún Anna Árnadóttir, bjuggu. Hann lauk
stúdentsprófi frá Menntaskólanum í Reykja-
vík og fór síðan í viðskiptafræði í Háskóla Ís-
lands. Þegar hann útskrifaðist hafði hann
þegar ráðið sig hjá Flugleiðum í hagdeild.
„Ég mun sakna Flugfélagsins,“ sagði Jón
Karl á starfsmannafundinum, en mörg verk-
efni væru framundan hjá Icelandair. Nú væri
að horfa fram á veginn. Það væri mikið af frá-
bærum stjórnendum hjá félaginu og hann
hlakkaði til að starfa með starfsfólkinu. „Við
ætlum að taka á og við ætlum að vera lang-
best,“ sagði hann og hlaut klapp fyrir.
Jón Karl Ólafsson
Hóf störf hjá Flugleiðum
strax eftir útskrift
Ný tækifæri
að opnast
HAGNAÐUR Orkuveitu Reykjavík-
ur var 3,7 milljarðar króna á árinu
2004 og nær þrefaldaðist frá árinu
2003 þegar hann var 1,3 milljarðar
króna. Þetta er besta afkoma í sögu
fyrirtækisins frá upphafi.
Velta Orkuveitunnar í fyrra var
13,2 milljarðar króna og jókst um 1,2
milljarða króna frá árinu 2003.
Hagnaður fyrir afskriftir og fjár-
magnsliði, EBITDA, var 5,1 millj-
arður króna og jókst um 800 millj-
ónir kr. milli ára. Mikill
gengishagnaður var á árinu og voru
fjármagnsliðir jákvæðir um 1,8 millj-
arða kr.
Þá jukust eignir fyrirtækisins um
um 5,1 milljarða króna á árinu og
námu 71,1 milljarði króna í árslok.
Eigið fé var 41,9 milljarðar króna og
jókst um rúma tvo milljarða króna á
árinu og var eiginfjárhlutfall fyrir-
tækisins í árslok 56%.
Í tilkynningu frá fyrirtækinu segir
að það sé ánægulegt að samfara
betri afkomu hafi tekist að lækka
verð á afurðum fyrirtækisins á föstu
verðlagi. Þannig sé verð fyrir raf-
orku 9% lægra í dag en það var við
stofnun Orkuveitunnar.
Hagnaður OR 3,7 milljarðar í fyrra og aldrei verið meiri
Nær þrefalt meiri hagnaður
„SÚ sem hefur verið valin í
forstjórastólinn fyrir Flug-
leiði hf. er mér hér á hægri
hönd og heitir Ragnhildur
Geirsdóttir,“ tilkynnti Hannes
Smárason, stjórnarformaður
Flugleiða, á fundi með starfs-
mönnum á Hótel Loftleiðum í
gærdag. „Að sama skapi er
það okkur jafnmikil ánægja
að kynna til sögunnar Jón
Karl [Ólafsson], sem þið
þekkið úr Flugfélagi Íslands,
sem forstjóra Icelandair.“
Stjórn Flugleiða hafði kom-
ið saman fyrr um daginn og
gengið frá ráðningu Ragn-
hildar og Jóns Karls. Sjálf
fengu þau að vita, að þeim
stæðu þessi störf til boða, í
fyrradag. Sögðust þau nánast
vera orðlaus en hlökkuðu
mikið til að takast á við þessi
krefjandi störf. Ragnhildur er
fyrsta konan til að gegna for-
stjórastöðu Flugleiða.
Hannes Smárason sagði
ánægjulegt að nýju forstjór-
arnir hefðu báðir starfað inn-
an fyrirtækisins. Það bæri
vott um mikið og gott upp-
byggingarstarf sem hefði átt
sér stað í tíð fráfarandi for-
stjóra Sigurðar Helgasonar.
Honum hefði tekist að ala upp
mjög gott starfsfólk. Í samtali
við Morgunblaðið sagði hann
að vissulega hefðu aðrir ein-
staklingar utan fyrirtækisins
komið til greina en stjórnin
hefði talið að markmiðum yrði
betur náð með þessum ráðn-
ingum. Ekki hefði enn verið
ráðið í stöðu Jóns Karls, sem
hefur verið framkvæmda-
stjóri Flugfélags Íslands, og
Ragnhildar, sem var fram-
kvæmdastjóri rekstrarstýr-
ingarsviðs.
Frekari breytingar
boðaðar
Flugleiðir hf. er eignar-
haldsfélag 13 dótturfélaga í
flug-, ferða- og fjármálaþjón-
þá 20 ár síðan hann réð sig í
starf forstjóra Flugleiða.
Hann hefur einnig verið for-
stjóri Icelandair eftir að dótt-
urfélagið var stofnað.
Á fundinum óskaði Sigurð-
ur Ragnhildi og Jóni Karli til
hamingju með ráðninguna og
sagðist auðvitað mjög ánægð-
ur með að það þyrfti tvo til að
taka við af sér. Uppskar hann
hlátur samstarfsmanna. Hann
sagðist vita að þetta hefði
verið mjög erfið ákvörðun
fyrir stjórnina því það væri
mikið af hæfu starfsfólki inn-
an Flugleiðasamsteypunnar.
Sem betur fer væri gott úrval
af stjórnendum og starfsfólki
hjá fyrirtækinu. „Við erum
með alþjóðalandsliðið í flug-
rekstri í heiminum og ég
treysti því að við munum
halda áfram að vera besta
flugfélagið eins og við erum í
dag.“
Jón Karl Ólafsson og Ragn-
hildur Geirsdóttir munu stafa
með Sigurði þangað til hann
lætur af störfum og taka þá
formlega við rekstri félag-
anna. Hannes Smárason mun
áfram vera starfandi stjórn-
arformaður Flugleiða hf.
ustu. Icelandair er langstærst
þessara fyrirtækja með um
helming veltu samstæðunnar.
Hannes sagði að unnið væri
að skipulagsbreytingum hjá
Flugleiðum sem yrðu kynntar
á aðalfundi félagsins 10. mars
2005. Hlutverk þess við heild-
arstefnumótun allra 13 fyr-
irtækjanna innan samstæð-
unnar yrði betur skilgreint.
Stefnt væri að því að móð-
urfélagið tæki í auknum mæli
við því hlutverki að samhæfa
aðgerðir einstakra fyrirtækja
og veita þeim aukna þjónustu
og stuðning. Með því að skilja
að forstjóra Flugleiða og Ice-
landair væri verið að skerpa á
þessum skilum. Flugleiðir
yrðu alvöru móðurfélag. Að-
spurður sagði hann ekki tíma-
bært að útskýra nánar ná-
kvæmlega hvað í þessum
breytingum fælist. Það yrðu
þó einhverjar hrókeringar
innan fyrirtækisins í kjölfar
þessara breytinga sem kynnt-
ar voru á fundinum með
starfsmönnum.
Erfið ákvörðun stjórnar
Sigurður Helgason lætur af
störfum 1. júní í sumar og eru
Forstjórastólar Flugleiða og Icelandair aðskildir
Flugleiðir verði
alvöru móðurfélag
Morgunblaðið/Brynjar Gauti
Hannes Smárason, Jón Karl Ólafsson, Ragnhildur Geirsdóttir og
Sigurður Helgason tókust í hendur eftir að tilkynnt var hverjir
myndu gegna forstjórastöðum hjá Icelandair og Flugleiðum hf.
Starfsfólk Flugleiða fjölmennti á starfsmannafund í gær þar sem Hannes Smárason, stjórnar-
formaður félagsins, kynnti skipulagsbreytingar. Viðbrögð starfsfólksins voru góð.