Morgunblaðið - 17.02.2005, Blaðsíða 16

16 FIMMTUDAGUR 17. FEBRÚAR 2005 MORGUNBLAÐIÐ
ERLENT
BANDARÍSKI flugvélaframleiðand-
inn Boeing hefur kynnt nýja þotu,
Boeing 777-200LR, og segir að hún
verði langfleygasta farþegaþota
heims.
„Þessi undraverða flugvél mun
geta tengt nánast hvaða borgir í
heiminum sem er án millilendingar,“
sagði Alan Mulally, aðalframkvæmda-
stjóri farþegavéladeildar Boeing, þeg-
ar nýja þotan var afhjúpuð í Everett í
Washington-ríki í fyrradag.
Nýja þotan á að geta flogið 2.787
km lengra en eldri Boeing 777-þot-
urnar. Jómfrúrferð „Worldliner“,
eins og þotan er kölluð, er ráðgerð í
byrjun næsta mánaðar. Þotan verður
síðan prófuð í sjö mánuði.
Fyrsta þotan af þessari gerð verð-
ur afhent flugfélaginu Pakistan Int-
ernational Airlines í janúar á næsta
ári.
Worldliner-þotan mun keppa við
nokkrar af A340-þotum evrópska
flugvélaframleiðandans Airbus, eink-
um þær sem flugfélagið Singapore
Airlines hefur notað á flugleiðinni
milli New York og Singapúr.
Boeing kynnir langfleygustu þotu heims
Reuters










 








 
 

  !"
#$%
& 
  

  

 

 

     !" #$ $    
 ! %&'!( #  )# #* + !) # %
 



#  '"'"
( 
)
 
*"  &
+ &
&+ ' &
,,
- 
.
/0
1
 2
),
 &
3
2 
1 45 

 

6 7"&
% //67



  
 &!
7"$6 !
&! $6 %
6 7"3 8' 




Myrða átti
Spánarkonung
í apríl
MAÐUR sem handtekinn hefur ver-
ið og grunur leikur á að sé félagi í
ETA, aðskilnaðarsamtökum Baska,
ætlaði að drepa
Jóhann Karl
Spánarkonung í
apríl í fyrra.
Spænsku dag-
blöðin El Mundo
og La Razon
greindu frá þessu
í gær. Samtökin
réðu Javier
Perez Aldunate,
sem handtekinn
var í Baskalandi á föstudag, til að
drepa konunginn með riffilskoti úr
leyni þegar hann var í heimsókn í
Palma, höfuðborg Mallorca.
Jóhann Karl var á Mallorca 9. til
11. apríl og fylgdist þar með tenn-
ismóti. Aldunate mun hafa haldið til
Mallorca en vitorðsmaður sem átti
að færa honum riffil skilaði sér af
einhverjum ástæðum ekki.
Aldunate, sem er 31 árs, var
handtekinn ásamt 17 öðrum og
fannst riffill með búnaði til að skjóta
úr leyni í íbúð hans, auk lista yfir
stjórnmálamenn.
Gísl í Írak
biðst vægðar
RÆNINGJAR ítölsku blaðakon-
unnar Giuliana Sgrena, sem tekin
hefur verið í gíslingu í Írak, birtu í
gær myndband
sem sýnir hana
biðja sér vægðar.
Áður höfðu
óþekkt samtök
lýst yfir því að
Sgrena hefði ver-
ið tekin af lífi.
Ræningjar
Sgrena krefjast
þess að ítalska
herliðið verði
flutt frá Írak. Gerist það ekki verði
hún tekin af lífi.
Í myndbandinu biður Sgrena yf-
irvöld og eiginmann sinn um hjálp
og hvetur stjórnvöld til að kalla
heim ítalska hermenn í Írak.
Sgrena, sem er 56 ára, var rænt í
Írak 4. febrúar. Hún starfar við dag-
blaðið Il Manifesto sem hefur alla tíð
verið mjög neikvætt í garð innrás-
arinnar í Írak, og var í upphafi talið
að það kynni að auka líkurnar á því
að Sgrena yrði sleppt.
Danskur
ráðherra segir
af sér
HENRIETE Kjær hefur sagt af sér
embætti ráðherra fjölskyldu- og
neytendamála í Danmörku sökum
fjármálaóreiðu.
Afsögnin kem-
ur í kjölfar frétta
um, að í haust
hafi þau Kjær og
eiginmaður
hennar, Erik
Skov Pedersen,
tvívegis verið
dæmd til að
greiða tvo úti-
standandi reikn-
inga vegna húsgagna. Kostuðu þau
57.000 danskar krónur, um 622.000
íslenskum kr. Þrátt fyrir ítrekaðar
áminningar, greiddu hjónin aldrei
fyrir húsgögnin, en um var að ræða
tvo sófa og gluggatjöld. Verslunin
fór með málið fyrir dómstóla en
greitt var fyrir hlutina með ávísun
sem reyndist innstæðulaus. Reikn-
ingurinn var loks greiddur rétt fyrir
þingkosningarnar 8. febrúar.
Erik Skov Pedersen, eiginmaður
Kjær, sagði í samtali við fréttastofu
TV2 á þriðjudag, að hann „tæki á
sig alla sök“ og að eiginkona hans
„vissi ekki af fyrirskipunum rétt-
arins um að parinu bæri að greiða
reikningana“. Kjær, sem er ráð-
herra fyrir Íhaldsflokkinn, ákvað að
segja af sér embætti eftir að hafa
rætt við Bendt Bendtsen, formann
flokksins.
Sgrena á
myndbandinu.
Jóhann Karl
Henriete Kjær
HUNDRUÐ þúsunda Líbana flykktust út á göt-
ur Beirút í gær þegar Rafik Hariri, fyrrverandi
forsætisráðherra Líbanons, var borinn til grafar.
Útförin endurspeglaði mikla ólgu í landinu og
reiði út í Sýrlendinga vegna morðsins á Hariri á
mánudag. Margir hrópuðu vígorð gegn sýr-
lenskum ráðamönnum og sökuðu þá um morðið.
Glundroði var við mosku í Beirút þegar lík-
kista Hariris var borin inn í hana. Mikill troðn-
ingur var þegar þúsundir manna þyrptust að
moskunni og hermt er að kistan hafi opnast í
hamaganginum þegar syrgjendur reyndu að ná
taki á henni.
Forsætisráðherrann fyrrverandi var borinn til
grafar við Mohammad Amin-moskuna, sem hann
lét reisa eftir borgarastríðið 1975–90 fyrir eigin
peninga.
Íbúar borgarinnar grétu hástöfum á götunum
þegar þeir fylgdust með því þegar kistan var
borin að moskunni.
„Beirút grætur píslarvott sinn. Beirút kveður
Rafik Hariri,“ stóð á borða, sem einn syrgjend-
anna hélt á. Aðrir hrópuðu vígorð gegn sýr-
lenskum stjórnvöldum og bandamönnum þeirra í
stjórn Líbanons og kröfðust þess að allir sýr-
lenskir hermenn færu þaðan. Engir líbanskir
ráðherrar voru við útförina. Fjölskylda Hariris
hafði hafnað tilboði stjórnarinnar um að útförin
færi fram á vegum ríkisins og krafist þess að líb-
anskir embættismenn yrðu ekki viðstaddir hana.
Nahib Berri, forseti þingsins, sást þó fara inn í
moskuna.
Krefjast alþjóðlegrar
rannsóknar
Hariri beið bana í sprengjutilræði sem kostaði
fjórtán aðra lífið, þeirra á meðal sjö lífverði
hans.
Stjórn Bandaríkjanna kallaði sendiherra sinn í
Líbanon heim eftir morðið til að ráðfæra sig við
hann. William Burns, aðstoðarutanríkisráðherra
Bandaríkjanna, var viðstaddur útförina og krafð-
ist þess að sýrlensku hersveitirnar í Líbanon
færu þaðan tafarlaust, að morðið á Hariri yrði
rannsakað ofan í kjölinn og Líbanon fengi fullt
sjálfstæði. Um 14.000 sýrlenskir hermenn eru í
Líbanon og Sýrlendingar stjórna í raun landinu.
Condoleezza Rice, utanríkisráðherra Banda-
ríkjanna, sakaði ekki Sýrlendinga um morðið en
notaði málið til að leggja áherslu á andstöðu
Bandaríkjastjórnar við sýrlenska herliðið í Líb-
anon og fleiri umkvörtunarefni. „Sýrlenska
stjórnin er því miður á braut versnandi fremur
en batnandi samskipta,“ sagði Rice.
Jacques Chirac, forseti Frakklands og náinn
vinur Hariris, fór til Beirút og vottaði fjölskyldu
hans samúð sína. Hann krafðist alþjóðlegrar
rannsóknar á morðinu og öryggisráð Sameinuðu
þjóðanna óskaði eftir upplýsingum um málið.
Líbanska stjórnin hafnaði öllum kröfum um
alþjóðlega rannsókn.
Stjórn Sýrlands neitaði ásökunum um að hún
hefði staðið fyrir morðinu og sagði Ísraela hafa
verið að verki.
Forsætisráðherra Sýrlands, Mohammad Naji
Otri, var í Teheran í gær og hvatti til þess að
Sýrlendingar og Íranar, sem sæta einnig harðri
gagnrýni Bandaríkjastjórnar, tækju höndum
saman gegn hættum sem steðjuðu að þjóðunum.
ReutersLíbanar fylgjast með líkkistu Rafiks Hariris þegar hann var borinn til grafar í Beirút í gær.
Mikil reiði út í Sýrlend-
inga við útför Hariris
Beirút. AFP.
Hundruð þúsunda Líbana
fylgja forsætisráðherran-
um fyrrverandi til grafar