Morgunblaðið - 24.03.2005, Blaðsíða 4

4 FIMMTUDAGUR 24. MARS 2005 MORGUNBLAÐIÐ
FRÉTTIR
Dagskrá fundarins er
1. Sk‡rsla stjórnar.
2. Ger› grein fyrir ársreikningi.
3. Tryggingafræ›ileg úttekt.
4. Fjárfestingarstefna sjó›sins kynnt.
5. Önnur mál.
Ársfundur 2005
Allir sjó›félagar, jafnt grei›andi sem lífeyrisflegar,
eiga rétt til fundarsetu á ársfundinum.
Sjó›félagar eru hvattir til a› mæta á fundinn.
Stjórn Söfnunarsjó›s l ífeyrisréttinda
Ársfundur Söfnunarsjó›s lífeyrisréttinda ver›ur
haldinn a› Skúlagötu 17, Reykjavík á 2. hæ›,
14. apríl 2005 og hefst kl. 16.00.
h
u
n
an
g
Reykjavík 21. mars 2005
„ÞAÐ var auðheyrt á þeim sem voru
á þessum fundi og ræddu um málið
að það er fjarri því að lognast út af,“
sagði Ómar Ragnarsson fréttamaður
um fund fréttamanna og annarra
starfsmanna Ríkisútvarpsins, sem
haldinn var í gær, vegna ráðningar
Auðuns Georgs Ólafssonar í stöðu
fréttastjóra Útvarpsins. Birtar
verða auglýsingar í blöðum frá Fé-
lagi fréttamanna sem ætlað er að
vekja athygli á því að standa verði
faglega að málum.
„Þvert á móti bera félagsmenn í
Félagi fréttamanna vaxandi ugg í
brjósti um það ástand, sem að
óbreyttu mun skapast 1. apríl,“ bætti
hann við.
Ómar sagði að mönnum hefði frek-
ar hitnað í hamsi en hitt og upplýsti
að menn hefðu á fundinum í gær velt
upp möguleikum á mismunandi að-
gerðum sem grípa ætti til hinn 1.
apríl, en þá er miðað við að frétta-
stjórinn taki til starfa.
Ómar segir að á 36 ára starfsferli
sínum sem fréttamaður hjá Ríkisút-
varpinu, muni hann ekki eftir öðru
eins ástandi og því sem nú ríkir
vegna fréttastjóramálsins. „Bogi
Ágústsson yfirfréttastjóri sagði í
blaðaviðtali nýlega að hann myndi
ekki eftir hliðstæðu. Mér sýnist að
okkur, sem lengst höfum starfað í
fréttunum á RÚV, sé hreint ekki rótt
við þessar aðstæður og lái okkur
hver það sem vill.“
Treysta ekki fréttastjóra með
takmarkaða reynslu
Í kjölfar fundarins gekk stjórn Fé-
lags fréttamanna frá blaðaauglýs-
ingu, sem birtist á heilsíðu í Morg-
unblaðinu í dag og á heilsíðu í
Fréttablaðinu um helgina, að sögn
Jóns Gunnars Grjetarssonar, for-
manns Félags fréttamanna. Hann
segir að auglýsingunni sé m.a. ætlað
að vekja athygli á mikilvægi þess að
faglega sé staðið að málum.
Í henni segir m.a. að fréttamenn á
fréttastofum Ríkisútvarpsins geti
ekki treyst fréttastjóra með afar
takmarkaða reynslu af frétta-
mennsku og sem ráðinn hafi verið á
pólitískum forsendum. „Við getum
ekki unnið þar sem fagleg sjónarmið
eru að engu höfð. Getur þú treyst
þannig fréttastofu?“ segir í lok aug-
lýsingarinnar.
Jón Gunnar ítrekar að með um-
ræddri ráðningu sé verið að vega að
starfsheiðri fólks, sem sé búið að
mennta sig og skapa sér starfsvett-
vang og ævistarf í fjölmiðlum. „Það
er verið að gera lítið úr faginu. Við
sættum okkur ekki við það.“
Óska eftir rökstuðningi
Þrír umsækjendanna um frétta-
stjórastarfið hafa afhent útvarps-
stjóra, Markúsi Erni Antonssyni, er-
indi, þar sem óskað er eftir
skriflegum og rökstuddum skýring-
um á ákvörðun hans um að ráða Auð-
un Georg en ekki þá í starfið. Hjördís
Finnbogadóttir fréttamaður fór með
slíkt erindi til útvarpsstjóra á mánu-
dagsmorgun og fréttamennirnir
Friðrik Páll Jónsson og Arnar Páll
Hauksson fóru með sams konar er-
indi til útvarpsstjóra í gær.
Fréttamennirnir þrír vísa í sam-
tali við Morgunblaðið í stjórnsýslu-
lög, en í 21. gr. þeirra laga er m.a.
kveðið á um að aðili máls geti krafist
þess að stjórnvald rökstyðji ákvörð-
un sína skriflega.
Fréttamenn og aðrir starfsmenn RÚV funduðu í gær vegna fréttastjóramálsins
Staðið verði faglega að málum
Morgunblaðið/Árni Sæberg
Frá fundi starfsmanna Útvarpsins í hádeginu í gær.
HÚSNÆÐI þarf að vera með í mæl-
ingu sem liggur til grundvallar vísi-
tölu neysluverðs og mælt er sérstak-
lega með að önnur ríki taki upp
íslensku aðferðina við vísitölumæl-
ingu á húsnæðisliðnum í nýútkominni
alþjóðlegri handbók um neysluverðs-
vísitölur. Þar er íslenska aðferðin
sögð vera grundvallaraðferð.
Þá hefur verið samþykkt að hlið-
stæð aðferð og notuð er hér á landi
verði tekin upp árið 2007 við útreikn-
inga á samræmdri neysluverðsvísi-
tölu Evrópulanda. Þetta segir Rós-
mundur Guðnason, deildarstjóri
vísitöludeildar Hagstofu Íslands.
Meiri verðbólga hér þó
húsnæðisliðnum væri sleppt
Í Morgunblaðinu í gær var haft eft-
ir Halldóri Ásgrímssyni forsætisráð-
herra að ástæða væri til að skoða nán-
ar hvernig húsnæðisliðurinn er
mældur í neysluverðsvísitölunni og af
hverju hann er frábrugðinn því sem
gengur og gerist í öðrum löndum.
Rósmundur segir það ekki rétt,
sem stundum sé haldið fram, að ef
húsnæðisliðurinn yrði tekinn frá,
mælist verðbólgan hér á landi svipuð
og í nágrannalöndunum. „Ef við tök-
um samræmdu vísitöluna sem dæmi,
þá erum við í síðustu mælingunni með
2,9% 12 mánaða verðbólgu en á sama
tíma er meðaltalið í löndum ESB 2,1%
og meðal nágrannaþjóða á borð við
Norðurlöndin er hún um 1% nema
Finnland þar sem hún er núll,“ segir
Rósmundur.
Hann segir ekki margar aðferðir
tiltækar við mælingu á kostnaðinum
við að búa í eigin húsnæði. Ein þeirra
sé sú að miða við leigumarkaðinn, þ.e.
gera ráð fyrir að sama verðþróun eigi
sér stað hjá þeim sem búa í eigin hús-
næði og hjá þeim sem eru á leigu-
markaði. „Oft tala menn um að þetta
séu ekki sömu aðferðir og annars
staðar eru notaðar og er þá gjarnan
vísað til þess að í samræmdu neyslu-
verðsvísitölunni, sem er reiknuð fyrir
öll Evrópulöndin [ESB- og EES-rík-
in], er eigið húsnæði ekki með enn þá.
Ástæðan fyrir því er þó ekki sú að það
eigi ekki að vera með. Það er búið að
samþykkja að það verði tekið með og
að notuð verði hliðstæð aðferð þeirri
sem við notum. Þessi aðferð verður
því tekin inn í samræmdu vísitöluna á
árinu 2007,“ segir hann.
Hlaupum ekki upp til handa
og fóta og breytum aðferðinni
Spurður hvort miklar hækkanir á
húsnæðisverði hafi óeðlilega mikil
áhrif á vísitöluna segir Rósmundur
það rétt að þegar miklar hækkanir á
íbúðaverði eigi sér stað hafi þær mikil
áhrif. „En þannig er bara raunveru-
leikinn,“ segir hann. Enginn viti hve-
nær þessi holskefla hækkana er yf-
irstaðin og margir telji hugsanlegt að
þær muni ganga til baka, sérstaklega
á sérbýli. „Við erum með mælinguna
svona og við getum ekki hlaupið upp
til handa og fóta og breytt aðferðinni
vegna þess að staðreyndin er þessi.“
Rósmundur sér ekki möguleika á að
notast við aðrar aðferðir hér á landi,
einkum vegna sérstöðu leigumarkað-
arins. „Þó hún sé sérstök fyrir Ísland
að einhverju leyti, þá er hún samt
komin inn í handbók sem ein af
grundvallaraðferðunum.“
Evrópulönd taka upp hliðstæða aðferð og hér er notuð við
útreikning á húsnæðislið í samræmdri vísitölu neysluverðs
Mælt með að önnur lönd
noti íslensku aðferðina
ÞAU voru snör handtökin hjá
blómaframleiðandanum Dalsgarði
í Mosfellsbæ þegar ljósmyndari
Morgunblaðsins átti þar leið um.
Þær Helga Jónsdóttir og Anna
Jóna Ragnarsdóttir unnu við að
búnta síðustu páskaliljurnar sem
detta ofan í vasa velflestra heimila
nú um hátíðirnar, en Dalsgarður
framleiddi um 25 þúsund liljur
sem fóru á markaðinn að sögn
Gísla Jóhannssonar fram-
kvæmdastjóra. „Fólk er að kaupa
þetta alla dymbilvikuna og þeir
síðustu eru yfirleitt að kaupa á
laugardag,“ segir Gísli og bendir á
að blóm séu alltaf að verða
ódýrari.
Páska-
liljurnar
búntaðar
Morgunblaðið/Sverrir
ALMENN prestskosning verður í
Hofsprestakalli í Múlaprófasts-
dæmi sem auglýst var laust nýlega.
Sóknarbörn í Hofsprestakalli hafa
farið fram á almenna prestskosn-
ingu í prestakallinu í stað þess að
valnefnd velji sóknarprestinn. Slíkt
er leyfilegt ef þriðjungur atkvæð-
isbærra sóknarbarna fer fram á
það.
Sóknir þær sem mynda presta-
kallið eru Hofssókn og Vopnafjarð-
arsókn og eru atkvæðisbær sókn-
arbörn 534. Rúmur þriðjungur
þeirra óskaði eftir almennri kosn-
ingu. Prestakallið var auglýst laust
til umsóknar 2. mars síðastliðinn og
rennur umsóknarfrestur út 4. apríl
næstkomandi. Samkvæmt 23. gr.
starfsreglnanna skal kjörskrá lögð
fram eigi síðar en 4 vikum fyrir
kjördag. Með tilliti til þess er stefnt
að því að kosningar fari fram fyrir
maílok 2005.
Vilja prests-
kosningu í
Hofsprestakalli
NÝGERÐUR kjarasamningur Raf-
iðnaðarsambandsins og RARIK var
felldur í póstatkvæðagreiðslu. Að
sögn Ísleifs Tómassonar, hjá Raf-
iðnaðarsambandinu, var mjög
mjótt á munum og var samning-
urinn felldur með aðeins eins at-
kvæðis mun. Samningurinn nær til
116 félagsmanna. Alls kusu 70,2 %,
já sögðu 48,2 %, nei sögðu 49,4 % og
2,4% skiluðu auðu. Þar sem samn-
ingurinn hefur nú verið felldur
verða viðræður hafnar á ný og hef-
ur verið boðað fundar 31. mars.
RARIK-samn-
ingur féll á einu
atkvæði
TUTTUGU og fimm ára gamall
maður var sviptur ökuréttindum í
gærmorgun eftir að hann var tekinn
á 170 kílómetra hraða við Hvassa-
hraun á Reykjanesbrautinni.
Lögreglan á Keflavíkurflugvelli
stoppaði manninn og flutti á sýslu-
mannsskrifstofuna þar sem hann
var sviptur réttindunum. Maðurinn
var ekki ölvaður og ekki er vitað
hvað honum gekk til með akstrinum.
Tekinn á 170 km
hraða á Reykja-
nesbrautinni