Morgunblaðið - 24.03.2005, Blaðsíða 61

MORGUNBLAÐIÐ FIMMTUDAGUR 24. MARS 2005 61
„Ég leik lífsglaðan og nokkuð flippaðan Ís-
lending sem við Eli höfuð verið að þróa saman
undanfarnar vikur. Við erum t.d. búinn að
bæta inn alls konar vinklum; gríni og óvæntum
uppákomum í handritið. Það verður margt
sem kemur á óvart í myndinni sem ég má að
sjálfsögðu ekki greina frá. En svo eru líka aðr-
ar hliðar á karakternum sem eru ekki frá mér
komnar.“
Lofar engum leiksigrum
Eyþór talar að sjálfsögðu ensku í myndinni
„með okkar harða íslenska hreim:
„Það er akkúrat það sem Eli var að leita að –
þannig að ég þurfti ekkert að fara í framburða-
námskeið. Ég stend frammi fyrir þeirri bros-
legu staðreynd að vera sennilega búinn að taka
að mér stærsta hlutverk sem nokkur Íslend-
ingur hefur leikið í Hollywood-mynd. Mínar
„ambitionir“ hafa hingað til ekki leitað í þá átt
að verða leikari enda tel ég mig alls ekki vera
leikara – a.m.k. lofa ég engum leiksigrum,“
sagði Eyþór og hló. „En það er greinilega eitt-
hvað sem Eli sér í mér sem hann langar til að
festa á filmu og þetta er auðvitað ekkert annað
en skemmtileg áskorun fyrir mig sem ég er
búinn að taka.“
Og sannarlega verður þetta áskorun fyrir
Eyþór á marga mismunandi vegu, eins og t.d.
að það er sumt sem persóna hans lendir í og
gerir sem hann segist svolítið tvístígandi við að
þurfa að leika:
„Þetta verður nú ekki bara dans á rósum því
í myndinni eru atriði sem maður hugsar sig
kannski tvisvar um áður en maður stekkur út
í! Ég sé til hvað Eli nær að toga mig út í. En
konan mín lá í hláturskasti er hún las handritið
og lék sér að því að reyna að ímynda sér mig í
öllum þessum aðstæðum. Svo pírði hún á mig
ásökunaraugum eftir að hafa lesið yfir eitt at-
rið með mér og einni af mótleikkonum mínum.
Svo hló hún bara og sagði að ég ætti að njóta
þessa ævintýris.“
Íslensk föt og íslensk tónlist
Eyþór segir að þeir Roth hafi leitast mjög
eftir að hafa eins marga skemmtilega „ís-
lenska vinkla“ og mögulegt er, marga hverja
mjög óvenjulega.
„Eli er svo heillaður af Íslandi að hann vill
helst alltaf tala um Ísland í öllum viðtölum.
Hann sagði t.d. að hann hefði verið í viðtali um
helgina sem verður notað á DVD-útgáfu
myndarinnar – og talaði þar um Ísland sem
kveikjuna að fyrstu myndinni sinni Cabin
Fever og að hann hefði fengið þá hugmynd að
setja Íslending í næstu mynd sína. Hann segir
því að Ísland hafi haft ótrúlegt áhrif í líf hans
og leikið stórt hlutverk í klifri hans upp met-
orðastigann í Hollywood. Eli elskar Ísland og
vill koma þangað sem oftast og hann vill taka
aðrar Hollywood-stjörnur með sér, langar að
kaupa sér hús þar o.s.frv. Allt þetta gæti farið
eitthvað miklu lengra og hugsanlega þróast í
einhverja átt sem Ísland og íslensk fyrirtæki
gætu nýtt sér.“
Eyþór segir að íslensk fyrirtæki séu
reyndar þegar farin að kveikja á perunni með
að nýta sér íslenska þáttinn í þessari
væntanlegu Hollywood-mynd. Icelandair í
Bandaríkjunum munu t.a.m. sennilega vinna
með framleiðendum myndarinnar og nýta sér
þetta á einhvern hátt í markaðssetningu Ís-
lands þar í landi. Þá samdi Eli við 66° norður á
Íslandi um að flest fötin sem ég klæddist við
tökur á myndinni yrðu frá þeim. „Við létum
meira að segja sauma íslenska fánann á jakk-
ann til þess að gera þetta enn íslenskara.“
Athafna- og markaðsmaðurinn Eyþór er svo
að sjálfsögðu stöðugt að velta fyrir sér hvernig
hægt sé að nýta þetta einstaka tækifæri. Sem
dæmi hefur hann mikinn áhuga á að koma ís-
lenskri tónlist að í myndinni ef tækifæri gefst
og efast ekki um að það séu allmargir sem hafi
áhuga á því. Nú þegar sé komin upp sú hug-
mynd að nota tónlist eftir einn íslenskan tón-
listarmann en Eyþór segist gjarnan vilja hafa
þá fleiri.
Fundvís á ævintýrin
Eyþór segist fyrirfram engan veginn hafa
gert sér í hugarlund umfang myndarinnar og
þær vonir sem við hana eru bundnar í Holly-
wood.
„Eftir að hafa séð þetta með eigin augum,
bæði umfangið og fólkið sem stendur á bakvið
myndina, gerir ég mér alltaf meira og meira
grein fyrir því hvert þetta er að fara. Í fyrsta
lagi er Eli talinn vera einn af efnilegustu leik-
stjórum samtímans og í öðru lagi þá tekur
hann á afar óvenjulegan hátt á hinu mannlega
eðli í Hostel og kemur til með að skila því á
hvíta tjaldið með ógleymanlegum hætti í
myndinni.
Georg Folsey JR, sem stjórnar klipping-
unni, sagði mér þegar við tókum spjall saman
að það væri einmitt ástæðan fyrir því að hann
tók að sér þetta verkefni. Menn eins og Folsey
geta valið um myndir til þess að klippa og
stjórna – og hann ákvað að Hostel væri mynd
sem hann vildi setja nafn sitt við, einkum
vegna þess að honum fannst handritið frábært.
Þá hefur hann líka mikið álit á Eli. Ég fletti
Folsey upp og komst þá að því að þar fer goð-
sögn í kvikmyndabransanum sem hefur m.a.
gert tvær af uppáhaldsmynum mínum; Am-
erican Werewolf in London sem ég horfði á
skjálfandi á beinunum í Bíóhöllinni í gamla
daga og hin er Coming to America með Eddie
Murphy. Hann hefur komið að fjölmörgum
þekktum myndum og var t.d. að klára að
klippa Pink Panther með Steve Martin. Við
vorum aðeins að ræða hremmingar Michaels
Jacksons á tökustað en Folsey þekkir hann
mjög vel og klippti m.a. hið margfræga mynd-
band við lagið „Thriller“, sem var þá dýrasta
tónlistarmyndband sögunnar.
Þeir sem leikar hin aðalhlutverkin í mynd-
inni, Kanana tvo, heita Derek Richardson, sem
lék m.a. annað aðalhlutverkið í Dumb and
Dumberer, og Jay Hernandez sem hefur m.a.
leikið í Rookie, Ladder 49, Torque og mun fara
með aðalhlutverkið í forsögunni að Carlito’s
Way, sem mun heita Carito’s Way: The Be-
ginning og verður frumsýnd síðar á árinu.
Eyþór segir tilhugsunina hálfsúrrealíska, að
hugsanlega eigi milljónir manna eftir að sjá
myndina og hann þar með á hvíta tjaldinu um
heim allan en sony mun sjá um alþjóðlega
dreifingu myndarinnar. Svo ekki sé talað um
alla helstu leikstjóra og áhrifamenn Hollywood
sem líka eigi eftir að sjá hana.
„Það hefur verið sagt við mig að ég búi yfir
einhverjum einstökum hæfileikum til að lenda
í skemmtilegum ævintýrum. Það er sennilega
satt því hér sit ég í svítu á fimm stjörnu Hilton-
glæsihóteli í Prag og komið er fram við mig
sem kvikmyndastjörnu án þess að ég hafi
nokkurn tímann beðið um það – og ætla bara
að njóta þess meðan á því stendur,“ sagði Ey-
þór að endingu og hló.
Hressir við tökur á Hostel á mánudag: Hinn gamalreyndi George Folsey jr., stjórnandi klipp-
ingar, hinn efnilegi Eli Roth leikstjóri og hinn nýbakaði kvikmyndaleikari Eyþór Guðjónsson.
skarpi@mbl.is