Morgunblaðið - 24.03.2005, Blaðsíða 6

6 FIMMTUDAGUR 24. MARS 2005 MORGUNBLAÐIÐ
FRÉTTIR
NORSK skip hafa streymt til Eyja
undanfarna daga með kolmunna sem
þau landa í bræðslu Ísfélagsins.
Samtals er aflinn orðinn yfir 10.000
tonn sem er góð búbót nú þegar
loðnuvertíð er nýlokið.
Í fyrrinótt kom Gardar frá Bergen
með 1800 tonn, í gær var von á
Haugagut með 1600 tonn. Gardar er
stórt glæsilegt skip, aðeins átta mán-
aða gamalt, 75 m langt, ber 1800
tonn og er með vinnslulínu.
Guðjón Engilbertsson verk-
smiðjustjóri sagði nóg að gera í
bræðslunni og hann taldi að um
10.000 tonn yrðu komin í hús hjá
þeim um páskana. Guðmundur VE,
skip Ísfélagsins, hélt á veiðar á
sunnudagskvöld og var kominn með
100 tonn á miðvikudag en þá var
komin bræla á miðunum þar sem
hann hélt sig. Kolmunninn veiðist nú
á alþjóðlegu veiðisvæði suður af Eyj-
um og er um þrjátíu tíma sigling af
miðunum. Eins og er, er stysta sigl-
ingin til Eyja og má gera ráð fyrir að
veiði á þessu svæði standi fram í
byrjun apríl.
Norsk skip streyma til
Eyja með kolmunna
Morgunblaðið/Sigurgeir
Norska kolmunnaskipið Gardar landar í Vestmannaeyjum.
HELSTU skíðasvæði landsins verða
opin um páskana en aðstæður eru þó
misgóðar samkvæmt samtölum
Morgunblaðsins við umsjónarmenn
skíðasvæðanna. Á Ísafirði, Sauð-
árkróki, Dalvík, Akureyri, Siglufirði
og í Oddskarði verður hægt að skíða
um páskana en hlýindi hafa sett
strik í reikninginn og er snjór víða
blautur.
Í Bláfjöllum verður opið um
páskana ef veður leyfir en að sögn
Gretars Halls Þórissonar, forstöðu-
manns svæðisins, er skíðafærið ekki
með besta móti sökum hlýinda og
hvassviðris.
Að sögn Jóhanns Torfasonar, um-
sjónarmanns skíðasvæðisins á Ísa-
firði, lítur skíðafærið vel út um
páskana og spáin hagstæð. Heilmikil
dagskrá verður í boði því haldið er
upp á 70 ára afmæli hinnar árlegu
Skíðaviku, og verða 54 uppákomur
og atriði á boðstólum fyrir unga sem
aldna. Aðspurður segist Jóhann bú-
ast við að á bilinu 1.500–2.000
manns sæki bæinn heim yfir hátíð-
irnar.
Heilmikla dagskrá verður einnig
að finna í Skagafirði en skíðafærið í
Tindastól er prýðilegt að sögn
Viggós Jónssonar, umsjónarmanns
skíðasvæðisins. Boðið verður upp á
snjófígúrukeppni, brettabrun, sleða-
og snjóþoturall, auk keppni í sam-
hliða svigi. Á laugardagskvöld
verða stórtónleikar í íþróttahúsinu á
Sauðárkróki þar sem Karlakórinn
Heimir og Hljómar frá Keflavík
koma fram saman.
Á Siglufirði er ágætt skíðafæri og
þar verður einnig að finna fjöl-
breytta páskadagskrá.
Opið verður í skíðasvæðunum í
Dalvík, á Akureyri og í Oddskarði.
Engin sérstök dagskrá verður á
þessum stöðum um páskana.
Áætlunarferðir til og frá BSÍ og
flug til og frá Reykjavíkur verða alla
páskanna. Fullbókað hefur verið í
flestar vélar frá Reykjavíkurvelli.
Opið á helstu skíðasvæðum næstu daga
Morgunblaðið/Halldór Sveinbjörns
Skíðavikan á Ísafirði var sett með göngukeppni í Hafnarstrætinu.
„ÞAÐ komu samtals 380 ein-
staklingar til okkar í dag [gær],
sem er miklum mun fleiri en við
áttum von á,“ sagði Ragnhildur
Guðmundsdóttir, formaður
Mæðrastyrksnefndar, í samtali við
Morgunblaðið, en úthlutað var
matarpökkum fyrir páskana hjá
nefndinni í gær.
Aðspurð segir Ragnhildur út-
hlutunina hafa gengið vel fyrir sig
og að nóg hafi verið til handa öll-
um fram eftir degi, en þegar á
hafi liðið hafi ýmsar vörutegundir
klárast. „Um miðjan dag barst
okkur síðan óvæntur glaðningur
frá Eimskip. Var þar um að ræða
pakka með stórum og mynd-
arlegum páskaeggjum, sem var að
sjálfsögðu mjög vel þegið og mun
vafalítið gleðja börnin um
páskana,“ sagði Ragnhildur og
vildi koma kæru þakklæti til Eim-
skipsmanna.
Morgunblaðið/Eyþór
Anna Kristjánsdóttir, Brynja Guðmundsdóttir og Steinunn V. Jónsdóttir
hjá Mæðrastyrksnefnd að undirbúa matarpakkana.
Óvæntur glaðningur
HÉRAÐSDÓMUR Reykjavíkur vís-
aði í gær frá dómi máli Félags tón-
listarskólakennara á hendur Reykja-
víkurborg. Félagið krafðist þess að
ákvörðun borgarráðs þess efnis að
tónlistarskólar í Reykjavík skyldu
framvegis kenna hverjum nemanda í
fullu námi í 32 klukkustundir í aðal-
námsgrein á ári yrði dæmd ólögmæt.
Félag tónlistarskólakennara taldi
að brotinn hefði verið réttur á fé-
lagsmönnum samkvæmt kjarasamn-
ingi. Í niðurstöðu dómsins segir að
samkvæmt lögum um stéttarfélög og
vinnudeilur sé það í verkahring Fé-
lagsdóms að dæma í málum sem rísa
út af kærum um brot á vinnusamn-
ingi.
Þá segir í dóminum að félagið hafi
blandað saman málsástæðum er lytu
að broti á lögum um fjárhagsstuðn-
ing við tónlistarskóla og málsástæð-
um vegna brota á kjarasamningi.
Telja yrði að réttarsambandið hvað
lögmæti styrkveitingar varðar væri
á milli borgarinnar og tónlistarskól-
anna og því gæti félagið ekki átt að-
ild að lögum að málsókn um styrk-
veitingu til skólanna.
Þótti réttinum málatilbúnaði Fé-
lags tónlistarkennara vera svo áfátt
að ekki yrði hjá því komist að vísa
málinu frá dómi.
Hervör Þorvaldsdóttir héraðs-
dómari dæmdi málið. Guðni Á. Har-
aldsson hrl. flutti málið fyrir Félag
tónlistarskólakennara og Anton
Björn Markússon hdl. fyrir Reykja-
víkurborg.
Máli tónlistarskólakenn-
ara var vísað frá dómi
LÖGREGLAN á Akranesi hef-
ur til rannsóknar hnífaárás á
veitingastað í bænum aðfaranótt
sunnudags þar sem maður réðst
að bróður sínum vopnaður
dúkahnífi og veitti honum
áverka. Dyraverðir á staðnum
stöðvuðu árásina og var árásar-
maðurinn horfinn af vettvangi
er lögregla kom. Hann var
handtekinn skömmu síðar á
heimili sínu.
Sá sem fyrir árásinni varð var
talsvert skorinn í andliti og á lík-
ama og var hann færður undir
læknishendur. Fékk hann að
fara heim að aðgerð lokinni þar
sem meiðsli reyndust ekki eins
alvarleg og í fyrstu virtist.
Árásarmaðurinn á við geðræn
vandamál að stríða að sögn lög-
reglunnar og var komið undir
læknishendur eftir skýrslutöku.
Hann hefur verið vistaður á geð-
deild.
Lögregla lítur málið alvarleg-
um augum þar sem um hættu-
lega aðför var að ræða og vopni
beitt. Unnið er að rannsókn
málsins.
Hnífaárás
á Akra-
nesi
PÁLMI R. Pálmason, formaður
stjórnarnefndar Landspítala há-
skólasjúkrahúss, hefur ákveðið að
víkja tímabundið úr stjórninni
vegna tengsla við einn af þeim hóp-
um, þ.e. Verkfræðistofu Sigurðar
Thoroddsen hf., sem taka þátt í
hönnunarsamkeppni um deiliskipu-
lag á svæði LSH við Hringbraut.
Pálmi er einn af hluthöfum VST.
Varamaður hans í stjórninni, Birna
Svavarsdóttir, gegnir formennsk-
unni í hans stað.
Ríkiskaup auglýsti forval í hönn-
unarsamkeppninni á Íslandi hinn
23. janúar sl. Áður hafði keppnin
verið auglýst á Evrópska efnahags-
svæðinu. Í kjölfarið sóttu átján hóp-
ar um að taka þátt í forvalinu. Úr
þeim umsóknum verða valdir fimm
til sjö hópar til að taka þátt í end-
anlegri hönnunarkeppni um deili-
skipulagið. Miðað er við að end-
anlegar tillögur liggi fyrir næsta
haust og að dómnefnd velji þá
bestu lausnina.
Pálmi R. Pálmason víkur
tímabundið úr stjórn LSH