Morgunblaðið - 24.03.2005, Blaðsíða 43

MORGUNBLAÐIÐ FIMMTUDAGUR 24. MARS 2005 43
MINNINGAR
Kæri langafi. Þú ert
eini langafinn sem við
fengum að kynnast.
Við höfum heyrt marg-
ar glæfralegar og snið-
ugar sögur um þig og
reyndar fengu tvö okkar að kynnast
því sjálf. Þú varst alltaf í sveitinni
þegar við komum þangað þegar við
vorum yngri, þú, langamma og auð-
vitað Gosi. Það var alveg frábært að
fá að kynnast þér, afi, vonandi líður
þér vel þarna uppi.
Svo munum við líka svo vel eftir
því þegar við komum að heimsækja
þig á seinasta ári. Þá varst þú að
sýna okkur mynd sem var í dag-
blaðinu. Þessi mynd var af þér og
kórnum sem þú varst í. Við munum
líka vel eftir því hvað þú talaðir
hratt og stundum var svolítið flókið
að ná að skilja hvað þú varst að
segja
Hvíldu í friði
Kær kveðja.
Þín barnabarnabörn
Eyþór Rafn, Harpa Rut og
Brynja Sif Sigurjónsbörn.
Þegar við minnumst afa okkar
koma ótalmargar skemmtilegar og
góðar minningar fram í hugann.
Hann var hreinskilinn og hjartahlýr
maður. Hann var náttúrubarn og
veiðimaður sem fór aldrei langt frá
bænum án þess að hafa byssu undir
hendinni ef vera kynni að það væri
kominn minkur á landareignina.
Veiðimennska átti hug hans allan og
stundaði hann þá iðju frá því er hann
tók byssu föður síns traustataki 11–
12 ára að aldri, hvarf til fjalla, og
kom til baka nokkrum klukkutímum
seinna með tvær tófur, þar til sjötíu
árum síðar er hann skaut tvær tófur
í einu skoti við æti í tunglsljósi á
JÓN JENS
GUÐMUNDSSON
✝ Jón Jens Guð-mundsson fædd-
ist á Munaðarnesi í
Árneshreppi 27. maí
1912. Hann lést á
Hrafnistu í Hafnar-
firði 9. mars síðast-
liðinn og var útför
hans gerð frá Víði-
staðakirkju 21. mars.
Munaðarnesi. Það var
viðeigandi endir á frá-
bærum veiðimanns-
ferli. Hann framfleytti
sinni stóru fjölskyldu
að mestum hluta með
villibráð.
Okkur fannst magn-
að að sjá hvernig hann
gat yfirgefið frjálsræð-
ið á ströndum og sest
að í Hafnarfirði þar
sem hann helgaði sig
algerlega umönnun
ömmu í hennar veik-
indum.
Hann sagðist vera að
borga til baka öll árin sem hún hafði
hugsað um hann.
Afi var stórbrotinn maður,
ógleymanlegur öllum þeim er
kynntust honum.
Núna þegar hann er dáinn gerum
við okkur grein fyrir hve stór hluti
hann var í okkar lífi.
Með hryggð og gleði kveðjum við
hann afa okkar og þökkum forsjánni
fyrir að fá að alast upp í návist slíks
manns sem kunni að gera lífið
skemmtilegt, gott og spennandi.
Engum er ljóst, hvaðan lagt var af stað
né hver lestinni miklu ræður.
Við sláumst í förina fyrir það,
jafnt fúsir sem nauðugir bræður.
Og hægt hún fer en hún færist um set,
þessi fylgd yfir veginn auðan,
kynslóð af kynslóð og fet fyrir fet
og ferðinni er heitið í dauðann.
(Tómas Guðm.)
Takk fyrir allt. Kær kveðja.
Bergvin Sævar, Birgir og
Unnur Pálína Guðmundsbörn.
Elsku langafi. Við viljum minnast
þín með örfáum orðum þar sem þú
varst mjög hress og skemmtilegur
maður og varst okkur alltaf mjög
kær. Það var sönn ánægja að fá að
kynnast þér og fá að heyra allar
skemmtilegu sögurnar sem þú hafð-
ir að segja og ekki voru þær fáar.
Þegar þú bjóst á Munaðarnesi í litla
kotinu ykkar langömmu vorum við
mjög duglegar að kíkja í heimsókn
til ykkar og var alltaf tekið vel á
móti okkur. Við munum aldrei
gleyma þegar þú sast alltaf á tröpp-
unum fyrir utan húsið þitt með Gosa
hundinn þinn. En því miður gafst
ekki mikill tími til þess að hitta ykk-
ur eftir að þið fluttuð í höfuðborgina.
Eitt skiptið sem við komum passaðir
þú fjarstýringuna á sjónvarpinu
mjög vel svo að þú misstir ekki af
Leiðarljósi sem var einn af þínum
uppáhaldssjónvarpsþáttum. Einnig
var gaman að sjá hversu mikinn
áhuga þú hafðir á dýralífsþáttunum
sem voru allan liðlangan daginn í
sjónvarpinu. Þú varst veiðimaður
mikill og kenndir einmitt föður okk-
ar til verka í þeim efnum. Þú tókst
virkan þátt í félagslífinu á Hrafnistu
og varst meðal annars í kór og fórst í
kórferðalög og fengum við að heyra
sögur af þeim ferðum. Þú varst ekk-
ert smástoltur af sjálfum þér og
ljómaðir allur eftir slíkan atburð, því
fólkið klappaði svo mikið og fannst
söngurinn ykkar svo fallegur.
Seinast þegar við hittum þig rétt
fyrir jólin varst þú mjög hress að
vanda og fannst okkur mjög gaman
að koma í heimsókn til ykkar og það
var alltaf gaman að heyra hvað þú
varst ánægður. Þessi heimsókn er
okkur mjög kær eins og allar hinar,
þar sem þetta var seinasta heim-
sóknin okkar til þín.
Kallið er komið,
komin er nú stundin,
vinarskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sér lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Hvíl í friði, elsku langafi. Takk
fyrir allar samverustundirnar sem
við áttum með þér.
Þín barnabarnabörn
Sigurrós Sandra,
Ingibjörg Eyrún og
Sólveig Ásta Bergvinsdætur,
Grundarfirði.
✝ Siggeir Jóhanns-son fæddist á
Breiðabólstað á Síðu
í Vestur-Skaftafells-
sýslu 17. apríl 1920.
Hann lést á Sjúkra-
húsi Suðurlands 24.
febrúar síðastliðinn.
Foreldrar hans voru
Jóhann Sigurðsson
bóndi, f. 7.12 1886, d.
14.2. 1935, og Jó-
hanna Margrét
Magnúsdóttir hús-
freyja, f. 14.11 1889,
d. 27.12. 1975. Systk-
ini Siggeirs eru
Ragnheiður, f. 7.5. 1916, d. 17.3.
1998, Helgi, f. 27.2. 1918, d. 12.5
2002, Ingólfur, f. 12.5. 1923,
Gunnlaugur, f. 8.10. 1924, Hjört-
ur, f. 12.11. 1925, d. 21.7. 1985,
Gyðríður, f. 19.4. 1928, Ingigerð-
ur Svava, f. 2.1. 1930, d. 21.5.
1980, og Lárus, f. 17.8. 1931, d.
27.5. 1937. Siggeir dvaldi fyrstu
árin á Kirkjubæjarklaustri, en
flutti sjö ára gamall að Núpum í
Ölfusi með foreldr-
um sínum og systk-
inum. Bjó Siggeir
síðan á Núpum alla
sína tíð eða til ársins
2004 þegar hann
flutti á Selfoss.
Siggeir kvæntist
24. júní 1971 Vilnýju
Reynkvist Bjarna-
dóttur, f. 19. mars
1937. Dóttir þeirra
er Ragnhildur
Birna, f. 28.3. 1973,
en fyrir átti Vilný
þrjú börn frá fyrra
hjónabandi, Guðna
Hermann, f. 8.2. 1955, Ásdísi Erlu,
f. 24.4. 1960 og Sævar, f. 24.2.
1965.
Siggeir aðstoðaði móður sína
við rekstur búsins ásamt systkin-
um sínum eftir fráfall föður síns,
en bjó lengst af félagsbúi ásamt
Gunnlaugi bróður sínum á Núp-
um.
Útför Siggeirs fór fram frá
Hveragerðiskirkju 5. mars.
Látinn er mágur minn Siggeir Jó-
hannsson fyrrverandi bóndi á Núp-
um í Ölfusi. Ég kynntist Siggeir fyrst
í Ungmennafélagi Ölfusinga, þar sem
hann var strax virkur félagi. Honum
voru falin þar ýmis trúnaðarstörf
sem hann leysti vel af hendi. Siggeir
var ljúfur maður í umgengni, fé-
lagslyndur og glettinn í góðra vina
hópi. Við samstarfsmenn Siggeirs
nutum mannkosta hans til að efla
samstöðu í sveitafélaginu. Siggeir
var ungur kallaður til þátttöku í fé-
lagsmálum sveitarinnar. Hann átti
lengi setu í hreppsnefnd og skatta-
nefnd Ölfushrepps. Þá var hann
fyrsti formaður sjúkrasamlagsins
meðan það var starfrækt í heima-
byggð. Hann starfaði vel og lengi í
búfjárræktarfélagi sveitarinnar og
var lengi fremstur meðal jafningja í
skýrsluhaldi þar. Þegar Siggeir
hætti í hreppsnefnd hafði hann und-
irbúið byggingu og flutning nýrrar
sauðfjárréttar í Ölfusi. Hann afhenti
eftirmönnum sínum í hreppsnefnd-
inni teikningar af nýrri rétt sem síð-
an var byggð og stendur enn. Oft
komu þeir Núpabræður að Bakka og
voru þeir ætíð auðfúsugestir. Það var
ævinlega glatt á hjalla í eldhúsinu á
Bakka þegar þá bar að garði.
Siggeir var lengi fulltrúi Ung-
mennafélags Ölfusinga í sundlaugar-
nefnd og átti stóran þátt í byggingu
sundlaugarinnar í Hveragerði.
Nefndin sem hann veitti forstöðu
gekk frá staðarvali í Laugaskarði og
teikningum. Vann Siggeir mikið
ásamt mörgum öðrum félögum í ung-
mennafélaginu við að grafa fyrir
grunni hennar í sjálfboðavinnu.
Nokkuð dróst að Siggeir fastnaði
sér eiginkonu. Þó held ég að hann
hafi ekki haft nema gott eitt um kon-
ur að segja. Móðir hans var til dæmis
annáluð gæðakona. Um stuttan tíma
á haustin vann hann hjá bróður sín-
um Helga Jóhannssyni hjá Slátur-
félagi Suðurlands, þá oftast sem af-
greiðslustjóri. Hann var skrifari
góður og hafði sérlega fallega rit-
hönd. Á þessum árum kynntist hann
konu sem var honum til aðstoðar við
afgreiðsluna. Sumarið 1969 réðst
þessi kona, Vilný Bjarnadóttir, til
hans að Núpum sem ráðskona, en
hún hafði nokkrum árum áður misst
mann sinn. Vilný og Siggeir gengu í
hjónaband í Kotstrandarkirkju í júní
1971. Reyndist það þeim báðum far-
sæll ráðahagur. Þegar Vilný kom
sem ráðskona að Núpum var Jó-
hanna, móðir Siggeirs, farin að kröft-
um. Þá kom í hlut Vilnýjar að annast
hana, sem hún gerði með miklum
ágætum svo að eftir var tekið.
Lengi vel voru þeir Núpabræður
með stórt bú á þeirra tíma vísu. Það
var arðsamt enda vel að því staðið.
Fyrir tæpum áratug greindist Sig-
geir með alvarlegan sjúkdóm. Sjúk-
dómurinn ágerðist á síðustu árum og
ljóst var að því stríði gæti ekki lokið
nema á einn veg. Siggeir tók veik-
indum sínum með jafnaðargeði. Í
annað sinn reyndi nú á Vilnýju að
annast um sjúkling. Siggeir var
heima eins lengi og hægt var og ann-
aðist Vilný hann af sérstakri nær-
færni í hans erfiðu veikindum.
Að endingu vil ég þakka mági mín-
um samfylgdina í gegnum árin og
votta eiginkonu og börnum innilega
samúð frá mér og fjölskyldu minni.
Engilbert Hannesson.
SIGGEIR
JÓHANNSSON
Morgunblaðið birtir minningar-
greinar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgun-
blaðið í fliparöndinni – þá birtist
valkosturinn „Senda inn minning-
ar/afmæli“ ásamt frekari upplýs-
ingum).
Skilafrestur Ef birta á minningar-
grein á útfarardegi verður hún að
berast fyrir hádegi tveimur virk-
um dögum fyrr (á föstudegi ef út-
för er á mánudegi eða þriðjudegi).
Minningar-
greinar
Innilegar þakkir fyrir auðsýnda samúð og hlý-
hug við andlát og útför eiginmanns míns,
föður okkar, tengdaföður og afa,
KJARTANS R. JÓHANNSSONAR.
Anna Jóna Ingimarsdóttir,
Kjartan Örn Kjartansson, Gyða Guðmundsdóttir,
Elín Kjartansdóttir, Páll Halldór Dungal,
Jóhann Ólafur Kjartansson,
Kjartan Örn Kjartansson jr.,
Baldvin Pálsson Dungal,
Alexander Dungal,
Anna Jóna Dungal.
Innilegar þakkir fyrir samúð, hlýhug og vináttu
við andlát og útför eiginmanns míns, föður
okkar, tengdaföður og afa,
GÍSLA TEITS KRISTINSSONAR
vélstjóra,
Suðurgötu 43,
Akranesi.
Petrea Kristín Líndal Karlsdóttir,
Emilía Líndal Gísladóttir,
Kristrún Líndal Gísladóttir, Þjóðbjörn Hannesson,
Lilja Líndal Gísladóttir, Hjörtur Márus Sveinsson
og fjölskyldur.
Hjartans þakkir sendum við öllum þeim, sem
sýndu okkur hlýju og samúð vegna fráfalls
föður okkar, tengdaföður, afa og langafa,
ÓLAFS SVERRISSONAR
fyrrverandi kaupfélagsstjóra,
síðast til heimilis á
hjúkrunarheimilinu Eir í Reykjavík.
Það hefur verið okkur mikill styrkur að finna
þennan vinarhug frá ykkur öllum.
Sverrir Ólafsson, Shameem Ólafsson,
Hulda Ólafsdóttir, Stefán Stefánsson,
Ingi Ólafsson, Ragnhildur Ásgeirsdóttir,
Ólafur Ólafsson, Ingibjörg Kristjánsdóttir,
Anna Elísabet Ólafsdóttir, Viðar Viðarsson,
barnabörn og barnabarnabörn.
Innilegar þakkir til allra þeirra, sem sýndu
okkur samúð og hlýhug vegna andláts og
útfarar
JÓNS JENS GUÐMUNDSSONAR
frá Munaðarnesi,
Strandasýslu.
Pálína Guðjónsdóttir,
Guðlaug Jónsdóttir, Tómas Einarsson,
Guðmundur G. Jónsson, Sólveig Jónsdóttir,
Guðjón Jónsson, Sigríður Jakobsdóttir
Samúel Jónsson, Bjarney Georgsdóttir,
Erla Jónsdóttir, Ágúst Skarphéðinsson,
Ragnar Jónsson, Þórey Guðmundsdóttir,
Anna Jónsdóttir, Kristján Kristjánsson,
Jón E. Jónsson, Antonia Rodrigues,
Ólöf B. Jónsdóttir, Reynir Stefánsson,
barnabörn og barnabarnabörn.