Morgunblaðið - 24.03.2005, Blaðsíða 29

MORGUNBLAÐIÐ FIMMTUDAGUR 24. MARS 2005 29
UMRÆÐAN
STUNDUM kemur fyrir, að
menn asnast út í að finna eitthvað
upp eða fara að smíða eitthvað sem
aðra vantar.
Margir eru varkárir og vilja hafa
vaðið fyrir neðan sig og biðja um
handleiðslu frá hinum aðskilj-
anlegu stofnunum, sem málið kann
að varða, áður en verk hefst. Fá
upplýsingar um framgangsmáta og
verklista. Nostra við teikningar og
undirbúning smíðanna, fara eftir
fengnum leiðbeiningum.
Eins og nótt fylgir degi, birtast
hinir aðskiljanlegu eftirlitsmenn,
frá ótrúlegustu „stofum“ og krefja
viðkomandi um alls konar númer,
kvóta, merkingar, úttektir, norm
og hvaðeina, sem þeim dettur í hug
hverju sinni. Upplýsingarnar sem
fengnar höfðu verið, eiga sko ekki
við svona, heldur hinsegin, ekkert
sé hægt að hengja á þeirra klakk
og spyrja hvort viðkomandi dóni
ætli að vera með múður og brúka
Bjarnaborgarkjaft?
Athafnamaðurinn hefur leit að
þessum upplýsingum um smíðaefn-
ið og íhluti. Notar tíma, peninga og
fyrirhöfn í allt þetta. Fer hróðugur
með umbeðnar upplýsingar til við-
komandi „stofu“, lendir í basli við
að finna þær allar, skröltir um í
umferðinni og bölvar sjálfum sér í
hljóði, vegna þess, að honum láðist
að inna eftir hvar viðkomandi
stofnun væri til húsa.
Að svo búnu telur viðkomandi
verkmaður að nú megi hann fara
að smíða, en bíddu við. Það vantar
númer og upplýsingar um gerð og
gæði bolta, sem nota átti til verks-
ins. Því er með öllu ólíðandi að
brúka megi boltana fyrr en þetta
liggur allt ljóst fyrir.
Smiðurinn leggur land undir
dekk og fer til seljanda boltana,
sem segir að þeir eigi að standast
Din þetta og hitt, fer með þær
upplýsingar til „stofanna“ og telur
björninn unninn en nokkrum dög-
um síðar kemur í pósti umsögn um
að þar sem ekki hefði verið gefin
upp staðlanúmer á boltunum, sam-
kvæmt grein hitt og þetta í EES-
sáttmálanum, sé með öllu ófært að
smíða þvílík hrófatildur á landi
hér.
Í millitíðinni höfðu aðrar „stofur
og eftirlit“ komið og gegnumlýst
suður og annað og talið harla fínt.
En það bara dugar ekki, númerið
vantar og því ekki hægt að brúka
svoddan hrákasmíð.
Nú er búið að eyða miklu fé og
fyrirhöfn í smíðina. Búið að gera
reikning fyrir herlegheitunum,
sem auðvitað fæst ekki greiddur,
þar sem ekki eru stimplarnir góðu
á gripnum, Virðisaukaskattur
kominn í eindaga og allt í fári.
Smiðurinn snjalli tekur saman
hvað búið er að eyða miklu fé í
verkfærið góða og sér í hendi sér,
að miklu ódýrara væri, að flytja
svipað inn – að utan.
Pantar svoleiðis, fær með Sam-
skipum, tollklarrað, borgað,
stimplað og allt. Sá dverghagi
hugsar sér gott til,
opnar kassann og ber
dýrðina augum. Upp
úr kassanum kemur
tæki sem er miklu
veigaminna, veikara
og úr lélegra efni en
smíðisgripurinn ónot-
hæfi en — innflytjand-
inn var með alla papp-
íra í lagi og allt
stimplað í bak og fyrir.
Til sölu eru lítið not-
uð smíðaverkfæri, á
sama stað fæst einnig
húsnæði fyrir lítið, áður en bank-
arnir bjóða draslið upp með öllu
góssi.
Í útvarpinu heyrist ágrip af
ræðu ráðherra, um sameiningu og
betri sóknarfæri í útrás og nauð-
syn til að virkja innlent hugvit,
framtíðaríbúum til
heilla. Um svipaðan
tíma gellur hamarinn
í hið þriðja sinnið.
Enginn vildi kaupa
góssið en húsnæðið
má nota undir pizzer-
íu eða geymsluhús-
næði fyrir lager „Inn-
flutningur og brask
ehf.“. Lögfræðingur
bankans strýkur hár-
ið frá andlitinu og
spyr hvort „gerð-
arþoli“ eigi ekki líka
íbúð, bíl og annað góss til að bjóða
upp. Annars væri bara sniðugast,
að ganga á fjölskyldu hans, sem
einnig var á sumum pappírunum,
sem ábyrgðarmenn – í góðri trú.
Nokkru síðar fær sá dverghagi
bréf í ábyrgð frá Skattrannsókn-
arstjóra, jú ekki hafði verið greitt
á réttum tímum, já og undir höfuð
látið leggjast, að borga sum álögð
gjöld. Þar ber mönnum að vinna
vinnuna sína, burtséð frá forsög-
unni og ekkert við því að gera í
sjálfu sér, skattaeftirlit er nauðsyn
heilbrigðu viðskiptalífi og því bráð-
nauðsynleg stofnun og er ég í
engu, að höggva að þeim.
Því fer sem fer og nýjungar og
nýgróður í íslenskum iðnaði nær
ekki að skjóta rótum, hann er upp-
rættur löngu áður en smiðirnir fá
frið til að fægja bókhald sitt eða
komast í færi til að standa straum
af eftirlitsgjöldum, beinum og
óbeinum.
Nýsköpun í
fjötrum hugarfars
eftirlitsiðnaðarins
Bjarni Kjartansson
fjallar um nýsköpun Bjarni Kjartansson ’Því fer sem fer og nýj-ungar og nýgróður í ís-
lenskum iðnaði nær ekki
að skjóta rótum …‘
Höfundur er aðstandandi dverghags
iðnaðarmanns.
Ko
md
u út í
PLÚS
Gleðilega páska
Plúsferðir • Hlí›asmára 15 • Kópavogur • Sími 535 2100 • www.plusferdir.is
Verð frá 50.089 kr.*
Kanarí - VISAtilboð 30. mars
á Roque Nublo í 15 nætur.á Skala í 7 nætur.
á Elimar í 7 nætur.
á Pil Lari Playa í 7 nætur.
Verð frá 41.400 kr.**
Krít 13. júní, 18. júlí og 1. ágúst
55.690 kr.* ef 2 ferðast saman.
Verð frá 35.800 kr.**
Portúgal 13. júní, 11. júlí og 1. ágúst
48.200 kr.* ef 2 ferðast saman.
Verð frá 34.930 kr.**
Mallorca 1. júní, 13. júlí og 10. ágúst
46.730 kr.* ef 2 ferðast saman.
á Santa Clara í 7 nætur.
Verð frá 39.560 kr.**
Costa del Sol
9. júní, 7. júlí og 18. ágúst
49.830 kr.* ef 2 ferðast saman.
á Res Madrid í 7 nætur.
Verð frá 46.620 kr.**
Feneyska Rivieran
1. júní, 6. júlí og 17. ágúst
63.620 kr.* ef 2 ferðast saman.
Netverðdæmi -200 sæti á sérstöku bókunartilboði
*Verðdæmi miðast við að 2 ferðist saman. Innifalið er flug, gisting, fararstjórn erlendis og flugvallarskattar.
**Verðdæmi miðast við að 2 fullorðnir og 2 börn, 2ja - 11 ára, ferðist saman.
Innifalið er flug, gisting, fararstjórn erlendis og flugvallarskattar.