Morgunblaðið - 30.03.2005, Blaðsíða 2

2 MIÐVIKUDAGUR 30. MARS 2005 MORGUNBLAÐIÐ
FRÉTTIR
ALLT AÐ 2.000 FÓRUST
Óttast er að hátt í tvö þúsund
manns hafi beðið bana í jarðskjálft-
anum sem varð á hafsbotni við vest-
urströnd Súmötru í Indónesíu í
fyrradag. Yfirvöld í Indónesíu hafa
lýst yfir neyðarástandi og margar
þjóðir hafa þegar heitið þeim fjár-
hagsaðstoð.
Annan gagnrýndur í skýrslu
Kofi Annan, framkvæmdastjóri
Sameinuðu þjóðanna, er gagnrýndur
í nýrri skýrslu nefndar sem rann-
sakar meinta spillingu og óstjórn í
tengslum við áætlunina um sölu á ol-
íu frá Írak. Hann er þó ekki sakaður
um spillingu í skýrslunni og tals-
maður Bandaríkjaforseta sagði að
stjórnin í Washington styddi enn
Kofi Annan.
Fischer framseldur?
Ríkislögreglustjóri hefur vísað til
dómsmálaráðuneytisins erindi
bandarískra yfirvalda þess efnis að
þarlend yfirvöld íhugi að fá Bobby
Fischer framseldan til Bandaríkj-
anna. Barst erindið ríkislög-
reglustjóra sama dag og Fischer
kom til landsins.
Krefjast endurupptöku
Og fjarskipti hf. fara fram á end-
urupptöku samkeppnisráðs á þeim
skilyrðum sem birt voru í síðustu
viku. Saka forsvarsmenn fyrirtæk-
isins samkeppnisyfirvöld um að hafa
ekki gætt jafnræðis.
Sumarhús sífellt vinsælli
Fasteignasalar finna fyrir aukn-
um áhuga á sumarhúsum, kaup og
sala á eignum hefur aukist samhliða
aukinni eftirspurn eftir íbúðar-
húsnæði og auknu aðgengi almenn-
ings að lánsfé.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 

   

  $ 

 
 

%&' (

 )***



 
  


  







ÍSLENSKI örninn og íslenski fálk-
inn eru á lista yfir dýr í útrýming-
arhættu, en síðasti hluti reglugerð-
ar um verslun með tegundir dýra og
plantna í útrýmingarhættu tekur
gildi um næstu mánaðamót. Einnig
er von á reglugerð um hvali, en
sautján hvalategundir eru á listan-
um, þar á meðal hrefna. Alþjóðleg
verslun með hvalaafurðir verður við
ríki sem gert hafa fyrirvara við
samninginn, en sérstakt leyfi þarf
fyrir þessum útflutningi líkt og á
öðrum dýrum sem skilgreind hafa
verið í útrýmingarhættu.
Ísland er eitt 160 ríkja sem aðild
eiga að CITES-samningnum (samn-
ingi um alþjóðaverslun með tegund-
ir dýra og plantna í útrýmingar-
hættu). Ísland á núna sæti í stjórn
samningsins. CITES-tegundir eru
flokkaðar í þrjá flokka. Í fyrsta við-
auka með samningnum eru um
1.000 tegundir dýra og plantna sem
eru í útrýmingarhættu. Alþjóðleg
verslun með þessar tegundir er
bönnuð. Á þessum lista eru t.d. tígr-
isdýr, pandabirnir, fálkar og ernir. Í
viðauka 2 eru um 32.000 tegundir,
þar af um 28.000 plöntutegundir.
Verslun með þessar tegundir er
heimiluð með því skilyrði að útflutn-
ingsleyfi sé gefið út í útflutnings-
landinu. Nokkur ríki, þar á meðal
Ísland og ríki Evrópusambandsins,
krefjast einnig innflutningsleyfis
fyrir þessar tegundir. Í þriðja lagi
eru um 250 tegundir sem eru vernd-
aðar í einstökum ríkjum og aðild-
arríkin skuldbinda sig til að aðstoða
við að koma í veg fyrir ólöglega
verslun með þær.
Reglugerð umhverfisráðuneytis-
ins um þessi mál tók gildi á síðasta
ári, en nú um mánaðamótin tekur
gildi sá hluti reglugerðarinnar sem
fjallar um inn- og útflutningsleyfi.
Þurfa leyfi til að flytja inn
pelsa og muni úr fílabeini
Að sögn Karls Karlssonar, dýra-
læknis á stjórnsýslusviði Umhverf-
isstofnunar, verður hér eftir nauð-
synlegt að sækja um leyfi til að
flytja inn allar afurðir dýra sem
skilgreindar eru í útrýmingarhættu.
Dæmi um þetta eru pelsar, hamir,
hálsmen og munir úr fílabeini. Karl
nefnir sem dæmi að sá sem kaupir
hálsmen í Grænlandi þar sem not-
aðar eru afurðir úr ísbjörnum verði
að sækja um leyfi til að flytja það til
landsins þrátt fyrir að Grænlend-
ingar leyfi ísbjarnarveiðar í tak-
mörkuðum mæli.
Sautján hvalategundir eru á CIT-
ES-listanum, þar af átta í viðauka 1.
Hrefna er í viðauka 1 nema Vestur-
Grænlandsstofninn
sem er skráður í við-
auka 2. Ísland gerði
á sínum tíma fyrir-
vara við þennan
hluta samningsins,
en það þýðir að hval-
ir færast niður um
einn flokk. Allar
hvalategundir eru
því skilgreindar í
flokki dýra sem
kunna að verða í út-
rýmingarhættu ef al-
þjóðlegri verslun
með þær er ekki
stjórnað. Sjávarút-
vegsráðuneytið mun gefa út reglu-
gerð um þetta efni á næstu dögum.
Japanir og Norðmenn munu hafa
gert samskonar fyrirvara og Íslend-
ingar.
Sigurður Þráinsson, deildarstjóri
í umhverfisráðuneytinu, segir að
þessi fyrirvari færi hvalina niður
um einn flokk. Forsenda fyrir því að
við getum selt hvalaafurðir sé að
aðrar þjóðir hafi einnig gert sams-
konar fyrirvara, en það hafi t.d.
Norðmenn og Japanir einmitt gert.
Nýjar reglur um verslun með dýr í útrýmingarhættu
Verslun með hvala-
afurðir leyfisskyld
Ljósmynd/Sigurður Mar Halldórsson
Íslenski fálkinn er á lista yfir dýr í útrýmingarhættu.
Morgunblaðið/Ómar
Allar hvalategundir eru skilgreindar í flokki dýra sem kunna að verða í út-
rýmingarhættu ef alþjóðlegri verslun með þær er ekki stjórnað.
ALLIR skólar landsins hefja störf að nýju í dag eftir
páskana. Gylfi, Daði og Benedikt eru hressir ellefu ára
strákar í Hafnarfirði, sem notuðu vel síðasta dag
páskaleyfisins og brunuðu á hjólunum sínum í sund.
Hjólað í sund
Morgunblaðið/Eyþór
UM 70 þúsund manns höfðu
skilað skattskýrslu á rafrænu
formi í gær. Margir hafa
fengið frest til að skila skatt-
skýrslu, en embætti ríkis-
skattstjóra verður með opinn
þjónustusíma út þessa viku til
kl. 22 á kvöldin.
Þar geta framteljendur
fengið svör við spurningum
varðandi útfyllingu framtals-
ins.
Á síðasta ári skiluðu
198.369 framteljendur skatt-
framtali á Netinu og 181.523
árið 2003.
Yfir 70 þús-
und hafa
skilað skatt-
framtali
SÉRBLAÐ Morgunblaðsins um
sjávarútveg kemur nú framvegis
út á miðvikudögum. Úr verinu
kom fyrst út sem sérblað með
Morgunblaðinu miðvikudaginn 5.
september 1990. Það kom síðan út
á miðvikudögum til ársins 2001, er
Úr verinu og Viðskiptablað Morg-
unblaðsins voru sameinuð í eitt at-
vinnuvegablað.
Síðustu misserin hefur Úr
verinu komið út á fimmtudögum
með Viðskiptablaðinu, en hefur nú
verið fært yfir á miðvikudaga að
nýju.
Úr verinu
á miðviku-
dögum
Í dag
Sigmund 8 Viðhorf 30
Fréttaskýring 8 Umræðan 24/33
Viðskipti 12/13 Bréf 33
Erlent 16/17 Minningar 34/40
Minn staður 18 Myndasögur 44
Höfuðborgin 19 Dagbók 44/47
Akureyri 20 Staður og stund 46
Suðurnes 20 Leikhús 48
Landið 21 Bíó 50/53
Daglegt líf 23 Ljósvakamiðlar 54
Menning 22 Veður 55
Forystugrein 28 Staksteinar 55
* * *
FJÖGUR innbrot í bíla, íbúðarhús-
næði og atvinnuhúsnæði voru til-
kynnt til lögreglunnar í Reykjavík í
gær.
Að sögn varðstjóra er útlit fyrir
að þau hafi flest verið framin um
páskahelgina og að eigendur hafi
ekki tilkynnt þau fyrr en í gær
enda hafi margir verið í burtu um
helgina.
Fjögur
innbrot
tilkynnt
HARÐUR árekstur tveggja bíla
varð á Rauðarárstíg í Reykjavík um
klukkan 14 í gær.
Samkvæmt upplýsingum lögregl-
unnar urðu þó ekki slys á fólki en bíl-
arnir skemmdust mikið og voru
fluttir á brott með kranabílum.
Árekstur á
Rauðarárstíg
♦♦♦