Morgunblaðið - 30.03.2005, Page 22

22 MIÐVIKUDAGUR 30. MARS 2005 MORGUNBLAÐIÐ
MENNING
HEIÐA Helgadóttir er ung kona
sem hefur vakið athygli fyrir ljós-
myndir sínar. Heiða hefur sýnt
myndir sínar á Netinu – meðal ann-
ars á vefnum DPChallenge, sem er
eins konar ljósmyndasamkeppni,
samfelld, þar sem notendur geta val-
ið bestu myndirnar í ýmsum flokk-
um. Ein mynda Heiðu var valin
besta mynd ársins 2004, en auk þess
hefur hún hreppt fyrstu verðlaun í
fimm öðrum flokkum, önnur verð-
laun í fjórum flokkum og þriðju í
þremur.
Fyrr í vetur tók Heiða þátt í ljós-
myndasamkeppni Fókuss, félags
áhugaljósmyndara, og náði þeim ein-
staka árangri að sigra í öllum flokk-
um og hampa gulli í leikslok.
Heiða Helgadóttir var full hóg-
værðar þegar blaðamaður hringdi í
hana í gær til að spyrja um ljós-
myndaáhugann. „Það hefur ekkert
gengið hjá mér að komast inn í Iðn-
skólann – ég hef ekki enn komist
inn,“ segir Heiða og kveðst hafa gert
tvær tilraunir til að komast í ljós-
myndanám þar. „Það eru svo margir
sem sækja um skólann og fáir kom-
ast inn. Ég veit ekki einu sinni hvort
þeir hafa skoðað myndirnar mínar.
Ég gæti alveg hugsað mér að læra
ljósmyndun í London, en það er
dýrt. Ég er búin að finna skóla sem
mig langar í, Royal School of Art, en
veit ekki hvort ég kemst inn.“
Heiða kveðst hafa tekið myndir af
og til alveg frá því hún var sautján
ára, og það er listræna ljósmyndunin
sem heillar hana. En hún hefur líka
áhuga á tísku- og auglýsinga-
ljósmyndun. Það er athyglisvert að
lesa umsagnir þátttakenda á
DPChallenge vefnum um myndir
Heiðu, og ljóst að þær njóta mikilla
vinsælda. Verðlaunamynd ársins
2004 hefur vakið sérstaka forvitni
fyrir uppbyggingu, aðferðir og lýs-
ingu, og finnst sumum ótrúlegt að
myndin skuli hafa verið tekin án fil-
ters eða litsíu, en sú var þó raunin.
Á bak við myndina er saga. Heiða
og Hugrún systir hennar fóru austur
í Þykkvabæ að vitja heimaslóða afa
síns og ömmu. Bær þeirra er nú í
eyði, en þær systur fengu sér göngu-
túr niður að ströndinni, þar sem
myndin var tekin.
Heiða tekur myndirnar sínar á
Canon EOS 10D.
Myndlist | Heiða Helgadóttir fær ljósmyndaverðlaun áhugaljósmyndara
Ljósmynd/Heiða Helgadóttir
Sumarblær. Þessi mynd Heiðu fékk fyrstu verðlaun, sem besta mynd ársins 2004, á ljósmyndavefnum DPChallenge.
Gæti hugsað mér að læra í London
www.dpchallenge.com
heida.deviantart.com
www.fokusfelag.is
Ráðstefna um glerlist hefst íListasafni Kópavogs, Gerð-arsafni, næstkomandi
þriðjudag og stendur í þrjá daga.
Ráðstefnan er helguð tímabilinu
frá því eftir seinni heimsstyrjöld
og til dagsins í dag; þess tíma er
Gerður Helgadóttir hóf mynd-
sköpun sína í skúlptúrum og gler-
list en frumkvöðlastarf hennar í
nútímaglerlist á alþjóðlega vísu
hefur á vissan hátt legið í láginni
að sögn Sigríðar Ásgeirsdóttur
glerlistamanns
sem hefur átt
stóran þátt í
undirbúningi
ráðstefnunnar
og sýninga í tengslum við hana.
Ásamt Sigríði hefur breska gler-
listakonan Caroline Swash, sem
einnig er virtur prófessor í glerlist
við Central St. Martins College of
Art and Design í London, haft veg
og vanda af undirbúningi ráð-
stefnunnar en gert er ráð fyrir að
um 100 gestir sæki ráðstefnuna
erlendis frá, allt þekkt fólk í gler-
listarheiminum og má því búast
við að suðupottur alþjóðlegrar
glerlistar kraumi í Kópavogi þessa
daga.
Í tengslum við ráðstefnuna
verða opnaðar fjórar sýningar á
glerverkum í Listasafni Kópavogs
á laugardaginn en á efri hæð
safnsins verða verk Gerðar Helga-
dóttur til sýnis en á neðri hæðinni
sýnir Caroline Swash verk sín
undir heitinu Dialogues. Í anddyri
Salarins í Kópavogi sýnir Leifur
Breiðfjörð verk undir heitinu Andi
manns og í Bókasafni Kópavogs og
Náttúrufræðisafninu verður opnuð
samsýning íslensku glerlistamann-
anna Brynhildar Þorgeirsdóttur,
Jóns Jóhannessonar, Jónasar
Braga Jónassonar, Rakelar Stein-
arsdóttur, Sigríðar Ásgeirsdóttur
og Sigrúnar Ó. Einarsdóttur.
Þá er einnig bent á sýningu
Brynhildar Þorgeirsdóttur í Lista-
safni Reykjavíkur, Hafnarhúsinu, í
tengslum við ráðstefnuna.
Að sögn Sigríðar Ásgeirsdóttur
er íslensk glerlist spennandi í aug-
um erlendra sérfræðinga þar sem
hún er ekki bundin af sögu til
margra alda. „Gerður Helgadóttir
og Nína Tryggvadóttir voru óum-
deilanlegir íslenskir frumkvöðlar
þessarar listgreinar og tengdu
hana beint við starf íslenskra arki-
tekta og málara. Samtímalist hef-
ur ávallt verið í sterk-
um tengslum við
glerlistina á Íslandi, “
segir í kynning-
arbæklingi um ráð-
stefnuna og þar verð-
ur flutt margt
athyglisverðra fyr-
irlestra um íslenska
og erlenda glerlist og
eru fyrirlesararnir í
fremstu röð sérfræð-
inga og listamanna
víðsvegar að úr Evr-
ópu. Má þar nefna
Serge Lemoine for-
stöðumann Muséé
d’Orsay í París,
Francoise Perrot for-
stöðumann Centre
Nationale de Re-
cherche Scientifique í
París, Iris Nestler for-
stöðumann þýska
glerlistasafnsins í
Linnich í Þýskalandi,
Caroline Swash frá
Bretlandi, Thierry
Boissel glerlistamann
frá München í
Þýskalandi, Helen
Maurer glerlistamann
frá Bretlandi, Jean-Pierre Gref
forstöðumann Ecole des Arts
Dcoratifs í Genf í Sviss, Robert Je-
kyll glerlistamann frá Kanada,
Susanne K. Frantz fyrrv. forstöðu-
mann glerlistadeildar Corning
Museum í New York og Yoriko
Mizuta forstöðumann nútíma-
listasafnsins í Hokkaido í Japan.
Þá eru ónefndir íslensku fyr-
irlesararnir sem einnig eru úr
fremstu röð listamanna og sér-
fræðinga á þessu sviði. Eins og sjá
má hefur miklu verið kostað til að
gera þessa ráðstefnu sem vegleg-
asta enda hefur undirbúningur
staðið á þriðja ár og nú er árangur
erfiðisins í sjónmáli og blasir við
að ráðstefnan verði hin glæsileg-
asta.
Sjá nánar: www.iceland2005.is
Glæsileg ráðstefna
um glerlist í Kópavogi
’Miklu verið kostað tilað gera þessa ráðstefnu
sem veglegasta enda
hefur undirbúningur
staðið á þriðja ár. ‘
AF LISTUM
Hávar Sigurjónsson
havar@mbl.is
Steindur glergluggi eftir Gerði Helgadóttur
myndhöggvara í anddyri Gerðarsafns.
Morgunblaðið/Jim Smart
SMEKKFULLT var útúr dyrum á
lokatónleikum Blúshátíðar í
Reykjavík, er fóru fram í Fríkirkj-
unni. Viðfangsefnin voru kirkju-
söngvar afkomenda þeldökkra
þræla í BNA, er kenndir eru við
guðspjöllin (gospel).
Hér var komið að einni af meg-
inrótum blúsins og djassins, þótt
kannski sé ekki nema von ef hún
gleymist við uppfærslur evrópskra
kóra sem oftast eru gjörsneyddar
þeirri heitu sveiflu er fylgir svört-
um baptistakórum vestan hafs.
Það var því ágætt framtak að fá í
tónleikabyrjun stutt en fróðlegt
örerindi KKH-félagans Ingólfs
Hartvigssonar um rætur negra-
sálmanna – þ.e.a.s. upphaf og inn-
tak söngtextanna. Var mörgum
ugglaust nýr fróðleikur að „Jord-
an“ negrasálmanna var launheiti
fyrir Ohiofljót – landamæri fyr-
irheitna landsins í norðri þangað
sem lá leið strokuþræla á fyrri
hluta 19. aldar með skipulagðri að-
stoð hvítra frelsissinna.
Þótt tónleikaskrá væri ekki til-
tæk, var lagavalið augljóslega
mikið til hið sama og á Hásal-
atónleikum Kammerkórsins fyrir
fjórum árum þar sem Andrea
Gylfadóttir var einnig einsöngvari.
Nú hafði auk píanós og bassa
bætzt við trommari, sem var til
bóta. Sérstaklega var þó akkur í
gestinum frá Chicago, Deitru
Farr, er skartaði þéttingsfullri
blús-söngrödd í Go down Moses,
Swing low Sweet Chariot (und-
irrót 3. stefs I. þáttar í Nýja-
heimssinfóníu Dvoráks) og hinu
seiðandi This little Light of mine.
Síðasttalda framkallaði óvænt en
hæstviðeigandi „off-beat“ áheyr-
endaklapp á 2. og 4. slagi, sem
annars virðist fáheyrt hér um
slóðir. Náði Deitra yfirleitt vel
saman við kór og sveit þrátt fyrir
skamman samæfingatíma, nema
hvað manni hefði fundizt forms-
ælla ef blúsdrottningin hefði látið
kórinn einan um söng í víxlsvörum
viðlaga.
Á undan og eftir var Andrea ein
um sólóhituna. Hún skilaði sínu af
pottþéttri stíltilfinningu og vakti
oft sterka stemmningu í farsælli
umgjörð kórs og/eða hljómsveitar.
Mikla lukku vakti glansnúmer Bil-
liear Holiday, God Bless The
Child (án kórs), þótt greinin væri
eiginlega af öðrum meiði í þessu
samhengi. Kammerkór Hafn-
arfjarðar var að vísu frekar kraft-
laus á stundum, t.d. í hinu blóð-
litla My Lord, what a mornin’, en
hélt þó sem fyrr sínu helzta að-
alsmerki, fyrirmyndar radd-
samvægi. Hitt var nýrra, að nú
mátti bæði sjá og heyra þvottekta
sönggleði.
Var sannarlega tími til kominn.
Nú vantar bara kraftinn.
Blúsað til
Frelsarans
TÓNLIST
Fríkirkjan
Blúshátíð í Reykjavík: Bandarískir negra-
sálmar. Kammerkór Hafnarfjarðar ásamt
Deitru Farr og Andreu Gylfadóttur. Kjart-
an Valdimarsson píanó, Jón Rafnsson
kontrabassi og Erik Qvick trommur.
Stjórnandi: Helgi Bragason.
Föstudaginn 25. mars kl. 20.
Kórtónleikar
Andrea Gylfadóttir söngkona.
Ríkarður Ö. Pálsson
JPV ÚTGÁFA hefur sent frá
sér nýja prentun af kiljuút-
gáfu af Einhvers konar ég
eftir Þráin Bertelsson. Bókin
hefur nú verið prentuð í
sautján
þúsund ein-
tökum.
Inn-
bundin út-
gáfa bók-
arinnar
seldist í
metupplagi
fyrir jólin
2003 og er
löngu upp-
seld, að sögn útgefanda.
Kiljuútgáfa bókarinnar kom
út á síðasta ári og seldist líka
upp.
Einhvers konar ég eru
sjálfsævisögur Þráins Bert-
elssonar um fátækt, geðveiki,
einelti, þunglyndi og töfra-
mátt lífsins. Hér segir frá
sjúklingum á Kleppi, stuttri
trúlofun, eftirminnilegu jóla-
haldi, skrautlegri skólagöngu,
kynórum, einsemd, lífsháska,
einstæðum föður og vægast
sagt óvenjulegum uppvexti.
Bókin er 327 bls., prentuð í
Danmörku. Jón Ásgeir hann-
aði kápu og Thorstenn Henn
tók ljósmynd af höfundi.
Leiðbeinandi verð er 1.790 kr.
Prentuð
í sautján
þúsund
eintökum
Þráinn Bertelsson