Morgunblaðið - 30.03.2005, Blaðsíða 4
4 MIÐVIKUDAGUR 30. MARS 2005 MORGUNBLAÐIÐ
FRÉTTIR
Skattamálþing verður haldið á Bifröst fimmtudaginn 31.mars.
DAGSKRÁ:
13.00 Ingibjörg Ingvadóttir, hdl., lektor
Setning
13.10 Ragnheiður Snorradóttir, lögfræðingur, fjármálaráðuneytið
Tvísköttunarsamningar og skaðleg skattasamkeppni
13.30 Bernhard Bogason, lögfræðingur, KPMG
Samkeppnisstaða Íslands í skattalegu tilliti
13.50 Erna Hjaltested, hdl., Logos
Stefna Íslands í tvísköttunarmálum
14.20 Vala Valtýsdóttir, hdl., Taxis
Áhrif EES samningsins á íslenskt skattaumhverfi
14.40 Elín Árnadóttir, lögfræðingur, PWC
Skattlagning erlendra aðila á Íslandi, starfsmannaleigur
15.00 Páll Jóhannesson, lögfræðingur, Deloitte
Skattlagning erlendra aðila á Íslandi, föst atvinnustöð
15.30 Fyrirspurnir og umræður
Indriði H. Þorláksson ríkisskattstjóri opnar umræður og situr fyrir svörum.
Aðrir sem sitja fyrir svörum eru Bernhard Bogason, Elín Árnadóttir,
Erna Hjaltested, Páll Jóhannesson og Vala Valtýsdóttir.
17.00 Málþingsslit og léttar veitingar
Þingið er öllum opið og aðgangur ókeypis.
Fundarstjóri: Ingibjörg Ingvadóttir, hdl., lektor
Alþjóðlegur skattaréttur
í örri þróun
Nánari upplýsingar á www.bifrost.is
SKARPHÉÐINN Berg Steinars-
son, stjórnarformaður 365 ljósvaka-
miðla ehf. og Og fjarskipta hf. sem
reka Og Vodafone, segir að ekki hafi
verið gætt jafnræðis milli skilyrða
sem sett voru fyrir samruna Og fjar-
skipta og 365 ljósvakamiðla, og sam-
runa Landssíma Íslands og Íslenska
sjónvarpsfélagsins, sem samkeppn-
isráð Samkeppnisstofnunar birti í
síðustu viku. Og fjarskipti muni því
krefjast endurupptöku málsins hjá
samkeppnisyfirvöldum í samræmi
við fyrirvara félagsins um jafnræði
aðila á markaði.
„Það sem þessi vinna Samkeppn-
isstofnunar gekk út á var, sam-
kvæmt okkar skilningi, að koma á
opnu fyrirkomulagi þannig að það
væru allir jafnir og að fyrirtækin
gætu ekki tengt saman efni og dreifi-
leið. Í skilyrðum samkeppnisráðs er
Landssímanum hins vegar gefið
svigrúm til að gera nákvæmlega
þetta fram til ársins 2007 og þar með
teljum við fótunum kippt undan
þessu öllu,“ segir hann.
Samningur um enska boltann
rennur út á sama tíma
Í niðurstöðu samkeppnisráðs um
samruna Landssímans og Íslenska
sjónvarpsfélagsins er ákvæði um að í
tilviki áskriftarstöðva Íslenska sjón-
varpsfélagsins sé fyrirtækinu heim-
ilt að setja skilyrði gagnvart fyrir-
tækjum í Internetþjónustu og
stafrænni sjónvarpsdreifingu um að
sjónvarpsmerki skuli dreift um þann
afruglunarbúnað (myndlykil) sem
Íslenska sjónvarpsfélagið láti áskrif-
endum sínum í té til 1. júlí 2007.
Skarphéðinn segir að þetta geri
Símanum kleift að komast í mark-
aðsráðandi stöðu á dreifingu sjón-
varpsefnis með sama hætti og fyr-
irtækið sé markaðsráðandi í
fjarskiptum í dag. „Það er algerlega
óskiljanlegt að samkeppnisyfirvöld
vilji koma því fyrirkomulagi á.“
Skarphéðinn bendir á að samning-
urinn um enska boltann renni ein-
mitt út í júlí 2007, á sama tíma og að-
lögunarfresturinn. Hugsanlega sé
það til komið vegna óska frá Lands-
símamönnum sem hafi miðað við að
þeir gætu með þessu fengið endur-
greiðslu á þeirri fjárfestingu sem
þeir lögðu í með ensku knattspyrn-
una. „Þá er aftur ekki gætt jafnræð-
is, því við höfum lagt í umtalsverðar
fjárfestingar á ýmsum sviðum og nú
síðast Digital-Ísland kerfinu og okk-
ur er gert erfitt að fá þá fjárfestingu
að fullu til baka,“ segir Skarphéðinn
Berg.
Hann segir að Og Fjarskipti íhugi
að óska eftir að Samkeppnisstofnun
taki tillit til fleiri atriða sem ekki
voru í úrskurðinum frá í síðustu viku,
s.s. um að samkeppnisaðilum Símans
verði veittur aukinn aðgangur að
ljósleiðaraneti Símans.
Orri Hauksson, stjórnarformaður
Íslenska sjónvarpsfélagsins og fram-
kvæmdastjóri þróunarsviðs Símans,
segir enga launung á því að Síminn
hafi talið eðlilegt að fyrirtækið fengi
lengri aðlögunarfrest hvað varðar
sjónvarpsefni. Í tilviki Símans sé um
að ræða fyrirtæki sem sé ráðandi að-
ili í dreifingu en afar lítið í sjónvarps-
efni en í tilviki Og fjarskipta sé fyr-
irtækið minna í dreifingu en ráðandi
í efni. Samkeppnisráð hafi ákveðið
að setja Símanum stífari skilyrði
varðandi dreifileiðir, en Og fjarskipt-
um stífari skilyrði varðandi efni. Til-
gangurinn sé að skapa aukið jafn-
ræði á markaði.
Og fjarskipti hf. fara fram á endurupptöku samkeppnisráðs
Saka samkeppnisyfirvöld um
að hafa ekki gætt jafnræðis
Skarphéðinn Berg
Steinarsson
Orri
Hauksson
MIKILL eldur kom upp í lagerhús-
næði byggingarfyrirtækisins Húsa-
klæðningar á Skemmuvegi 42 í
Kópavogi, í fyrrinótt. Íbúar í Breið-
holti urðu eldsins fyrst varir og til-
kynntu um eldinn klukkan 3.24.
Slökkvilið fór á staðinn og logaði þá
eldurinn á neðri hæð hússins sem er
á tveimur hæðum.
Gríðarlegur hiti mætti reykköfur-
um slökkviliðsins þegar þeir héldu
inn í húsið um klukkan hálffjögur-
leytið í nótt þar sem eldur logaði
innst í húsnæðinu. Þá urðu spreng-
ingar þegar málningarílát og lítill
gaskútur sprungu en engan slökkvi-
liðsmann sakaði og tókst þeim að
slökkva eldinn þegar þeir komust
loks að honum.
Mestallt farið
Slökkvistarfið tók rúmar tvær
klukkustundir. Talið er að hiti uppi
undir lofti húsnæðisins hafi verið á
milli 600 og 1.000 gráður og var vatn-
ið úr brunaslöngunum um 40 stiga
heitt á gólfi hússins þegar slökkvi-
starfi lauk kl. 5.42 í gærmorgun, eða
álíka og í heitu pottunum í laugun-
um.
Ljóst er að töluvert tjón hlaust af
völdum eldsins. Þá urðu skemmdir
af völdum reyks á bifreiðaverkstæði
sem er á efri hæð hússins. Að sögn
Matthías Eyjólfssonar, eins af eig-
endum Húsaklæðningar er tjónið
umfangsmikið og lager fyrirtækisins
gjörónýtur. „Við ættum að vera
tryggðir fyrir þessu, en þetta er
engu að síður mikið tjón,“ segir
Matthías, sem kveðst nú bíða eftir
niðurstöðum lögreglu og slökkviliðs
um upptök eldsvoðans. „Við getum
alveg starfað áfram, það var lagerinn
sem brann, en þetta er eiginlega
mest allt farið.“
Samkvæmt upplýsingum slökkvi-
liðs eru eldsupptök enn ókunn.
Morgunblaðið/Júlíus
Tæknideild lögreglunnar í Reykjavík vann að rannsókn á eldsupptökum í gær. Eldurinn gjöreyðilagði allt innbú húsnæðisins.
Mikið tjón varð í eldsvoða
í lagerhúsnæði í fyrrinótt
MANNANAFNANEFND
hefur m.a. komist að þeirri
niðurstöðu, að eiginnöfnin
Tímoteus, Estefan og Andrá
uppfylli ákvæði laga um
mannanöfn en nöfnin Tímóth-
eus, Sven og Anndrá ekki.
Einnig hafnaði nefndin ítrek-
aðri ósk um kvenmannsnafnið
Blæ á þeirri forsendu að um
væri að ræða karlmannsnafn.
Samkvæmt úrskurði nefnd-
arinnar frá því fyrir páska
var fallist á eftirfarandi eig-
innöfn: Tímoteus, Andrá,
Matti, Estefan, Dæja, Gloría
og Sólkatla. Einnig var fallist
á millinöfnin Gnarr og Hof-
land.
Hins vegar hafnaði nefndin
eftirfarandi eiginnöfnum:
Anndrá, Hávarr, Blær
(kvennafn) og Tímótheus.
Má heita
Tímoteus
en ekki
Tímótheus
ÞINGMANNAFUNDI smá-
ríkja í Evrópu, sem hefjast
átti í Mónakó á morgun,
fimmtudag, hefur verið frestað
um óákveðinn tíma vegna
veikinda Rainiers fursta af
Mónakó.
Tveir íslenskir þingmenn
áttu að taka þátt í fundinum,
þau Jón Gunnarsson og Drífa
Hjartardóttir, að sögn Örnu
Gerðar Bang, starfsmanns al-
þjóðasviðs þingsins.
Fundurinn átti að standa
fram á laugardag. Auk þing-
manna frá Íslandi voru vænt-
anlegir þingmenn frá Kýpur,
Liechtenstein, Lúxemborg,
Möltu, Mónakó og San Mar-
ínó.
Fundi frest-
að vegna
veikinda
Rainiers