Morgunblaðið - 30.03.2005, Blaðsíða 20
20 MIÐVIKUDAGUR 30. MARS 2005 MORGUNBLAÐIÐ
MINNSTAÐUR
AKUREYRI
SUÐURNES
Sandgerði | Hann var ekki stygg-
ur þessi refur sem nagaði vænginn
á páskamáltíðinni sinni í mak-
indum sínum nokkra metra frá
veginum milli Sandgerðis og
Keflavíkur þegar ljósmyndari átti
leið hjá á öðrum degi páska.
Refirnir voru reyndar tveir tals-
ins, en félagi refsins svanga
skoppaði örlítið frá til þess að
fylgjast með aðförunum og að-
komumanni. Þegar hinn refurinn
áttaði sig á því að hann var orðinn
einn stóð hann á lappir og sneri
sér í hring og leit til ljósmynd-
arans og tók síðan á stökk út í
móa. Eftir 100 metra settist hann
aftur niður og hélt áfram að naga
fuglsvænginn, enda ljóst að lítil
ógn væri af ljósmyndaranum og
félögum hans. Ljósmynd/Róbert Schmidt
Páska-
máltíð
lágfótu
Reykjanesbær | Hið árlega Erlings-
kvöld Bókasafns Reykjanesbæjar, til
heiðurs Erlingi Jónssyni listamanni
verður haldið fimmtudagskvöldið
31. mars næstkomandi. Listamað-
urinn, sem býr í Osló, verður við-
staddur. Dagskráin fer fram í Lista-
safni Reykjanesbæjar í Duus-húsum
og hefst kl. 20.
Erlingur Jónsson hefur á und-
anförnum árum fært Bókasafni
Reykjanesbæjar þrjú verk, Laxness-
fjöðrina sem stendur framan við
húsnæði Miðstöðvar símenntunar á
Suðurnesjum og tvær bronsafsteyp-
ur; af Halldóri Laxness og Matthíasi
Johannessen, en þær eru nú meðal
verka Erlings á sýningunni Erlingur
Jónsson og samtímamenn í Lista-
safni Reykjanesbæjar.
Bókasafnið hefur undanfarin ár
haldið bókmenntakvöld til heiðurs
Erlingi. Í ár fagnar Erlingur 75 ára
afmæli og er dagskráin því helguð
honum. Boðið verður upp á upp-
lestur og tónlistaratriði, vinir Er-
lings munu flytja afmælisávarp og
sjálfur mun Erlingur koma fram.
Einnig verður afsteypa af Laxness-
fjöðrinni afhent þeim nemendum úr
Myllubakkaskóla sem sköruðu fram
úr í ritgerðasamkeppni.
Erlingskvöld
í bókasafninu
SKÍÐASVÆÐIN í Hlíðarfjalli á
Akureyri og Böggvisstaðafjalli á
Dalvík voru opin um páskana, þrátt
fyrir að aðstæður til skíðaiðkunar
hafi verið frekar erfiðar. Hins vegar
hefur skíðasvæðið í Tindaöxl í Ólafs-
firði verið lokað frá því í lok janúar.
„Það er ekki snjókorn í fjallinu og
ég held því að ekki verði um frekari
skíðaiðkun að ræða hér í vetur. Það
er ekki einu sinni hægt að fara á
gönguskíði,“ sagði Óli Hjálmar Ing-
ólfsson, forstöðumaður skíðasvæðis-
ins í Tindaöxl. Þar hefur aðeins ver-
ið opið í rúma 20 daga í vetur og
sagði Óli að ástandið þó ekki það
versta sem hann hefði kynnst í fjall-
inu, „því eitt árið var aldrei opnað“.
Skíðasvæðið í Hlíðarfjalli hefur
verið lokað frá því á annan í páskum
en stefnt er að því að opna svæðið á
ný um næstu helgi. Þá verður haldið
þar og í Gilinu á Akureyri hið árlega
skíðabrettamót Ak-Extreme. „Pásk-
arnir voru þokkalegir, svipaðir og í
fyrra og aðsóknin var eins um
þokkalega helgi. Það vantaði ekkert
upp á veðrið en það vantaði snjó,“
sagði Guðmundur Karl Jónsson, for-
stöðumaður Skíðastaða í Hlíðar-
fjalli, en þar var aðkomufólk í mikl-
um meirihluta.
Skíðasvæðið í Hlíðarfjalli hefur
verið opið í 63 daga á þessum vetri
og Guðmundur Karl gerir sér vonir
um að enn sé mánuður eftir af ver-
tíðinni. „Ég yrði sáttur með að ná
80–90 dögum en í fyrravetur var op-
ið í 100 daga sem var mjög gott.“
Sitjum eftir með sárt ennið
Óskar Óskarsson, formaður
Skíðafélags Dalvíkur, sagði að þar á
bæ hefðu menn séð fram á það í vik-
unni fyrir páska að ekki yrði haldin
þar hin árlega páskahátíð. „Engu að
síður reyndum við að gera það sem
hægt var til að halda svæðinu opnu.
Við fengum mun færra fólk á skíði
en við erum vanir og aðsóknin um
páskana var svipuð og um sæmilega
helgi. Við sitjum því eftir með sárt
ennið eins og svo margir aðrir.“
Skíðasvæðið í Böggvisstaðafjalli
var opið alla páskadagana en að-
stæður voru erfiðar. Í vetur hefur
svæðið verið opið í um 90 daga og
þar af í 12 daga fyrir áramót. „Við
erum aðeins að missa úr örfáa daga
en það segir ekki alla söguna, því
við höfum verið með opið við lág-
marksaðstæður og getað haldið úti
æfingum. Þetta hafa ekki verið sér-
stakar aðstæður fyrir almenning og
við höfum t.d. ekki getað tekið á
móti hópum,“ sagði Óskar.
Hlutirnir eru fljótir að breytast
Hann sagði að Dalvíkingar væru
farnir að hugsa stórt, enda þyrfti
svo lítið að gera til að bæta að-
stæður í fjallinu til mikilla muna.
Óskar vildi ekkert tjá sig um hvort
snjóframleiðsla væri til skoðunar.
„En við erum farnir að hugsa um
það hvað við getum gert til þess að
bæta úr okkar málum.“ Varðandi
framhaldið í vetur sagði Óskar að
útlitið væri ekki gott, neðra svæðið
væri sennilega úti og til að hægt
yrði að lagfæra efra svæðið þyrfti að
kólna.
Andrésar Andar leikarnir á skíð-
um, hinir 30. í röðinni, verða haldnir
í Hlíðarfjalli 20.–23. apríl nk. Guð-
mundur Karl sagði að undirbúning-
urinn væri í fullum gangi og að ekki
stæði annað til á þessari stundu en
halda glæsileg leika. „Það er enn
marsmánuður og þótt maður geti
þrammað hér um svæðið á inniskóm
eru hlutirnir fljótir að breytast. Það
eru ekki nema þrjú síðan hér kyngdi
svo niður snjó í byrjun apríl að það
varð að fresta skíðamóti af þeim
sökum. Það er því fullsnemmt að
segja eitthvað til um framhaldið,“
sagði Guðmundur Karl. Eins og
fram hefur komið hefur verið ákveð-
ið að hefja snjóframleiðslu í Hlíð-
arfjalli næsta haust.
Skíðasvæðin á Akureyri og Dalvík voru opin um páskana
Morgunblaðið/Kristján
Veðrið lék við skíðafólk í Hlíðarfjalli þótt aðstæður væru mjög erfiðar.
Lítil aðsókn og
aðstæður erfiðar
HEIÐRÚN Sig-
urðardóttir og
Guðni Freyr Sig-
urðsson fögnuðu
sigri í kvenna- og
karlaflokki á Ís-
landsmótinu í
hreysti, sem fram
fór á Akureyri um
páskana. Reynir
Jónasson og Sólveig
Silfá Sveinsdóttir
urðu Íslandmeist-
arar unglinga og
Sigurkarl Aðal-
steinsson í flokki
öldunga. Alls mættu
um 20 keppendur
til leiks að þessu
sinni. Þeir reyndu
með sér í þrekæf-
ingum, hindr-
unarbraut og sam-
anburði og var hart
barist á öllum víg-
stöðvum. Á mynd-
inni er Heiðrún Sig-
urðardóttir á
sviðinu í Sjallanum.Morgunblaðið/Kristján
Fagnaði
sigri á Ís-
landsmóti
NÝ og mjög öflug pressa til bögg-
unar á pappírs- og plastúrgangi
hefur verið tekin í notkun hjá
Endurvinnslunni á Akureyri. Í
henni eru dagblöð, tímarit,
bylgjupappi, fernur, landbúnaðar-
plast, plastflöskur og fleira sett í
yfir 500 kg bagga þannig að mjög
góð nýting verður á gámunum
sem þeir eru settir í við útflutning.
Við bestu aðstæður er talið að
pressan afkasti 10 til 15 tonnum á
klukkustund. Það er veruleg
aukning á afköstum frá því sem
var.
Á árinu 2004 tók Endurvinnslan
við rúmum 520 tonnum af pappír.
Einnig var tekið við um 30 tonn-
um af fernum, 45 tonnum af land-
búnaðarplasti, 180 tonnum af
plastflöskum, þar af 100 tonnum
af Eyjafjarðarsvæðinu. Til fróð-
leiks má geta þess að talið er að á
svæði Sorpeyðingar Eyjafjarðar
falli til um 2.200 til 2.600 tonn af
pappír og pappa, 100 tonn af fern-
um og 350 tonn af landbúnaðar-
plasti en þessu verður nú mun
auðveldara að taka við og koma til
endurvinnslu og hætta að urða
það eins og gert er í dag. Öllum
einstaklingum og fyrirtækjum,
sem eru með mikið af endur-
vinnsluefnum, er heimilt að koma
með þau beint í Endurvinnsluna í
Réttarhvammi 3 en öðrum er bent
á grenndargáma og gámasvæði,
segir á vefsíðu sorpsamlagsins.
Ný pressa hjá
Endurvinnslunni