Morgunblaðið - 04.09.2005, Blaðsíða 6

6 SUNNUDAGUR 4. SEPTEMBER 2005 MORGUNBLAÐIÐ
FRÉTTIR
www.lyfja.is
- Lifið heil
VIRKAR Á ÖLLUM STIGUM FRUNSUNNAR
- ALDREI OF SEINT!
Vectavir
FÆST ÁN LYFSEÐILS
Vectavir krem er áhrifaríkt lyf til meðferðar á frunsum af völdum Herpes Simplex. Vectavir virkar á öllum
stigum frunsunnar frá sting eða æðasláttar til blöðru. Í Vectavir er virka efnið penciklóvír sem stöðvar
framgang veirunnar. Vectavir er ætlað fullorðnum og börnum eldri en 12 ára. Berið Vectavir á frunsusvæðið á 2
klst. fresti í 4 daga. Berið á rétt fyrir svefn og um leið og vaknað er. Dæmigert er að frunsa komi fram við
ofreynslu, kvef eða inflúensu eða í mikilli sól (t.d. á skíðum). Ekki á að nota lyfið ef að áður hefur komið fram
ofnæmi fyrir penciklóvír, famciklóvír eða öðrum innihaldsefnum. Með Vectavir grær frunsan hraðar, verkir
minnka og smittími styttist. Vectavir kremið 2 g fæst án lyfseðils. Lesið vel leiðbeiningar sem fylgja lyfinu.
Geymið þar sem börn hvorki ná til né sjá.
ÍS
LE
N
SK
A
AU
GL
†S
IN
GA
ST
OF
AN
/S
IA
.I
S
L
YF
2
84
55

06
/2
00
5
Garðatorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni -
Egilsstöðum - Höfn - Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði -
Borgarnesi - Grundarfirði - Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi -
Hvammstanga - Skagaströnd - Selfossi – Laugarási
EKKI stendur til að fá utanaðkom-
andi aðila til að endurskoða nýtt
leiðakerfi Strætós bs. í heild sinni á
næstunni, en stjórn Strætós sam-
þykkti sl. föstudag að gera smávægi-
legar breytingar á kerfinu og taka
það svo út eftir áramót með þær
ábendingar sem borist hafa í huga.
Þær úrbætur, sem samþykkt var
að gera, taka gildi 15. október, og
fela m.a. í sér að þjónustutími á leið-
um 12 og 16 verður lengdur fram til
miðnættis, a.m.k. á þeim hlutum leið-
anna sem liggja fjarri stofnleiðum,
segir Björk Vilhelmsdóttir, borgar-
fulltrúi og stjórnarformaður Stræt-
ós.
„Ég tel að þessar breytingar komi
til móts við brýnustu þörfina í
Reykjavík, því stærstu heilbrigðis-
stofnanirnar liggja við þessar leiðir,
þær sem ekki liggja við stofnleiðir
sem ganga til miðnættis. […] Þessar
leiðir fara um það svæði borgarinnar
sem liggur fjærst stofnleiðum, svo að
við vildum byrja á því,“ segir Björk.
Áætlaður kostnaður við þessa breyt-
ingu verður um 1,5 milljónir króna
fram að áramótum.
Ný leiðaráætlun gefin út
Einnig verða tímatöflur, sem erf-
iðlega hefur gengið að halda, lag-
færðar, t.d. á leiðum S1, 11, 13, 14, 22
og 24, og tengingar á skiptistöðvum
milli leiða athugaðar og lagfærðar ef
þörf krefur.
Að lokum óskar Strætó eftir sam-
vinnu við aðildarsveitarfélögin um
gerð nýrra biðstöðva, t.d. við
Kleppsspítala. Dreifa þarf nýjum
leiðaáætlunum í biðstöðvar, og gefa
út nýja leiðabók þegar þessar breyt-
ingar taka gildi 15. október nk.
„Við munum svo gera úttekt þar
sem sérstaklega verður kannað við-
horf til leiðakerfisins og þjónustu-
tíminn. Ef í ljós kemur að ástæða er
til þess að skoða þetta enn frekar,þá
gerum við það um áramót. Við ætlum
ekki að fá utanaðkomandi óháðan að-
ila til að gera heildarendurskoðun á
leiðarkerfinu, eins og upphaflega var
talað um,“ segir Björk. Reiknað er
með því að niðurstöður úr úttektinni
verði tilbúnar um áramót.
Gagnrýni kemur ekki á óvart
Úttekt Strætós verður látin duga,
en þar verður farið yfir ábendingar
vagnstjóra og farþega, og gerð við-
horfskönnun. „Við munum svo gera
síðar þessa heildarúttekt sem auð-
vitað þarf að gera, en það þarf meiri
reynslu á kerfið áður en það verður
gert,“ segir Björk.
Hún segir að mikil gagnrýni á
kerfið komi sér ekki á óvart, ómögu-
legt sé að gera slíkt kerfi fullkomið í
fyrstu tilraun og alltaf hafi verið
reiknað með því að sníða þyrfti ýmsa
agnúa af kerfinu þegar reynsla
kæmist á það. „Það er ekki hægt að
sjá allt fyrir, og auðvitað er reynslan
alltaf best.“
Breytingar ákveðnar á
nýju leiðakerfi Strætó
Eftir Brján Jónasson
brjann@mbl.is
ÍSLENSK stjórnvöld leggja hlutfallslega mest til
rannsókna og þróunar af Norðurlöndunum en
Noregur minnst. Þar er reiknað hlutfall til rann-
sókna af heildarframlögum fjárlaga. Þá á það
sama við um framlög til rannsókna og þróunar á
hvern einstakling. Þar er Ísland hæst en Noregur
lægstur. Þegar mælt er hlutfall framlaga af vergri
landsframleiðslu er Finnland með hæsta hlutfall-
ið, þá Ísland, en Danmörk er lægst.
Þetta kemur fram í ritinu Rannsóknir í fjár-
lögum á Norðurlöndum, þróun frá 2000 til 2005,
sem Norræna ráðherranefndin gefur út.
Alls lögðu ríkisstjórnir Norðurlandanna fram
um 660 milljarða íslenskra króna á tímabilinu til
rannsókna. Þar af voru rúmlega 9 milljarðar
króna, eða um 1,4% upphæðarinnar á Íslandi.
Um 50% af framlögum danska ríkisins til rann-
sókna og þróunar fer beint til háskóla. Þetta hlut-
fall er um 37% á Íslandi og aðeins Finnland er með
lægra hlutfall. Rannsóknastofnanir fá um þriðj-
ung framlaga á Íslandi, sem er nokkuð lægra en í
Svíþjóð. Önnur lönd verja töluvert minna fé til
rannsóknarstofnana eða á bilinu 10–15% af heild-
inni. Þá veita Ísland og Svíþjóð um 20% opinbers
rannsóknafjár gegnum sjóði af ýmsu tagi en Finn-
land ver um 40% af sínu rannsóknafé gegnum
sjóði. Danmörk er þar lægst með um 12%.
Að mati Rannsóknamiðstöðvar Íslands
(RANNÍS) leiðir þessi samanburður í ljós að ís-
lensk stjórnvöld verja verulegum upphæðum til
rannsókna og þróunar og beina fjármagni mest
beint til rannsóknaraðila. Rannsókna- og þróun-
arþáttur fjárlagagreiningarinnar varðaði hins
vegar einungis fjármögnun hins opinbera á rann-
sóknum og tekur ekki til fjármögnunar atvinnu-
lífsins eða fjármögnunar rannsókna frá öðrum
löndum.
Ríkið bætir upp lág framlög atvinnulífs
Þorvaldur Finnbjörnsson, sviðsstjóri á grein-
ingasviði Rannís, segir Íslendinga hafa valið að
leggja rannsóknafé beint til stofnana sem útdeili
fénu. Því sé ekki alltaf mikið um fljótandi rann-
sóknarfé. „Það sem menn kvarta kannski mest yf-
ir er að sjóðirnir okkar eru ekkert allt of stórir
þótt þeir hafi stækkað mjög mikið,“ segir Þorvald-
ur. „Fyrirtækin eru hins vegar mun sterkari á öll-
um hinum Norðurlöndunum hvað varðar framlög
til rannsókna. Sænsk fyrirtæki eru t.d. með u.þ.b.
70% af öllum rannsóknafjárfestingum en á Íslandi
er þetta hlutfall rétt rúm 50%. Það má eiginlega
segja það að íslenskt atvinnulíf sé ekki eins fjöl-
breytt og ekki með eins mikið af stórum fyrirtækj-
um, sem halda uppi rannsóknum erlendis. Íslensk
stjórnvöld koma þannig til móts við atvinnulífið
með því að styrkja rannsóknir. Hér á Íslandi eru
það hátæknifyrirtækin sem leggja mest í rann-
sóknir, þótt íslenskt atvinnulíf hafi hingað til ekki
einkennst af hátækniiðnaði. Við höfum alla tíð ver-
ið háð sjávarútvegi. Nú erum við hins vegar að
skipa okkur í fremstu röð vegna þess að hátækni-
fyrirtækin eru að sýna mikla grósku í sambandi
við fjárfestingar í rannsóknum.“
Framarlega í hópi Evrópuþjóða
Íslendingar standa, að sögn Þorvalds, mjög
framarlega í hópi Evrópuþjóða hvað varðar út-
gjöld til rannsókna sem hlutfall af vergri lands-
framleiðslu. „Íslendingar eru að leggja til um
2,97%,“ segir Þorvaldur og bætir við að aðrar Evr-
ópuþjóðir hafi sett sér það markmið að ná 3% en
meðaltalið á evrópska efnahagssvæðinu séu tæp
2%. Svíar og Finnar standa þó ofar Íslendingum.
Svíar leggja fram 3,98% og Finnar leggja fram
3,49%. „Í þessum tölum eru framlög fyrirtækja
tekin inn.“
Ný skýrsla Norrænu ráðherranefndarinnar um rannsóknir í fjárlögum
Íslensk stjórnvöld leggja
mest til rannsókna
Morgunblaðið/Jim Smart
„OKKUR finnst náttúrlega ákaflega
slæmt að íslensk fyrirtæki séu í
auknu mæli að færa starfsemi sína
til útlanda, því þarna er verið að
flytja störf úr landi sem hlýtur að
hafa neikvæð áhrif á þjóðarbúið,“
segir Guðmundur Þ. Jónsson, vara-
formaður Eflingar – stéttarfélags
og formaður iðnaðarsviðs Starfs-
greinasambandsins (SGS), en hann
verður fundarstjóri á málþingi sem
SGS gengst fyrir í næstu viku undir
yfirskriftinni „Útrás eða flótti ís-
lenskra iðnfyrirtækja?“
Bendir Guðmundur á að í iðnaði
hafi snarfækkað í hópi þeirra manna
sem hafði atvinnu af því að fram-
leiða vöru innanlands.
Plastiðnaður í vaxandi
mæli að flytjast úr landi
„Nú er búið að flytja þetta að
miklu leyti til útlanda. Og stór og
öflug fyrirtæki sem hér störfuðu í
áratugi eru farin að framleiða sína
vöru erlendis, t.d. í Eystrasaltslönd-
unum, Búlgaríu og Serbíu,“ segir
Guðmundur og nefnir að plastiðn-
aður sé í vaxandi mæli að færast úr
landi auk þess sem veiðafæragerð
sé nánast farinn úr landi „ Okkur
finnst þessi þróun mjög alvarleg,“
segir Guðmundur. Bendir hann á að
fataiðnaður er ekki aðeins að leggj-
ast af á Íslandi heldur einnig í Evr-
ópu, þar sem framleiðsla hafi á að-
eins örfáum árum flust til landa þar
sem laun og starfskjör eru lakari.
„Við spyrjum okkur því eðlilega
hvort þetta sé útrás eða flótti undan
þeim kjörum sem hér er verið að
borga.“
Á fyrirhuguðu málþingi flytja er-
indi þeir Sveinn Hannesson, fram-
kvæmdastjóri Samtaka iðnaðarins,
Sigurður Bragi Guðmundsson, for-
stjóri Plastprent, Gylfi Arnbjörns-
son, framkvæmdastjóri ASÍ, og
Skúli Thoroddsen, framkvæmda-
stjóri SGS. Að sögn Guðmundar
verður á fundinum reynt að leita
svara við því hvers vegna íslensk
fyrirtæki velja að flytja starfsemi
sína til útlanda, hvort tækifærin
liggi annars staðar en hérlendis og
eins hvaða þýðingu þessi hnattvæð-
ing atvinnulífsins hafi fyrir íslenskt
launafólk og fyrirtæki. Málþingið,
sem er öllum opið, fer fram á Hótel
Loftleiðum föstudaginn 9. septem-
ber og hefst kl. 14.
Útrás eða flótti
íslenskra iðnfyrirtækja?
„Okkur
finnst þessi
þróun mjög
alvarleg“
SAMNINGUR um íslenskukennslu
fyrir útlendinga sem búsettir eru í
Reykjavík var undirritaður sl. föstu-
dag milli Námsflokka Reykjavíkur,
sem heyra til menntasviðs borgar-
innar, og Mímis, símenntunar. Um
er að ræða þjónustusamning til
þriggja ára, sem tekur einnig til þró-
unar kennsluhátta í íslensku fyrir út-
lendinga.
Á undanförnum árum hafa um 700
útlendingar að jafnaði sótt íslensku-
námskeið hjá Námsflokkunum. Með
samningnum tekur Mímir að sér
þessa kennslu, en fær til sín kennara
sem sinnt hafa þessari kennslu hjá
Námsflokkunum og nýta það náms-
efni sem þar hefur verið þróað, að því
er fram kemur í frétt af þessu tilefni.
Fram kemur einnig að með gerð
þjónustusamningsins taka Náms-
flokkar Reykjavíkur fyrsta skrefið í
átt að nýjum áherslum um aukna
samvinnu við önnur fyrirtæki og
stofnanir sem sinna fullorðins-
fræðslu.
Efla íslenskukennslu fyrir útlendinga
Morgunblaðið/Jim Smart
Ánægð með samninginn. Gerður G. Óskarsdóttir, sviðsstjóri menntasviðs, Stefán Jón Hafstein, formaður mennta-
ráðs, Hulda Ólafsdóttir, framkvæmdastjóri Mímis, og Björg Árnadóttir, forstöðumaður Námsflokka Reykjavíkur.