Morgunblaðið - 30.09.2005, Blaðsíða 2

2 FÖSTUDAGUR 30. SEPTEMBER 2005 MORGUNBLAÐIÐ
FRÉTTIR
STÝRIVEXTIR HÆKKA
Seðlabankinn hækkar stýrivexti
um 0,75 prósentustig 4. október
næstkomandi og verða þeir 10,25%
frá og með þeim degi. Birgir Ísleifur
Gunnarsson, formaður banka-
stjórnar Seðlabankans, segir ójafn-
vægið í þjóðarbúskapnum hafa auk-
ist og aðstæður um margt líkar þeim
sem ríktu undir lok síðustu aldar.
Hægt að bjarga börnum
Hægt væri að bjarga lífi milljóna
barna í þróunarlöndunum með því
að fjölga bólusetningum gegn ýms-
um banvænum smitsjúkdómum eins
og mislingum og kíghósta. Kemur
þetta fram í nýrri skýrslu frá Barna-
hjálp Sameinuðu þjóðanna, UNI-
CEF, sem kynnt var í gær. Hægt
væri að fækka dauðsföllum meðal
barna undir fimm ára aldri um 1,4
milljónir á ári með einföldum bólu-
setningum.
Mannfall í Írak
Þrjár bílsprengjur urðu minnst 85
manns að bana í sjítaborginni Balad
í norðanverðu Írak í gær. Bílarnir
sprungu við fjölfarnar versl-
unargötur og var fjöldi kvenna og
barna meðal fórnarlambanna. Talið
er að hermdarverkamenn vilji með
tilræðunum auka á misklíð milli sjía-
og súnní-múslíma í landinu.
„Sullurum“ fjölgar á Vogi
Nokkuð hefur fjölgað undanfarin
ár í hópi fertugra og eldri sem koma
til meðferðar á Vogi. Skýrist þetta
hugsanlega af nýjum þjóðfélags-
vanda tengdum léttvíns- og bjór-
neyslu. Slík neysla er gjarnan kölluð
að „sulla“. 85% karla og 88% kvenna
sem koma í meðferð reykja tóbak og
segja læknar þá staðreynd mikinn
heilbrigðisvanda.
Y f i r l i t
Í dag
Fréttaskýring 8 Viðhorf 32
Viðskipti 12 Bréf 33
Úr verinu 12 Minningar 34/43
Erlent 14/16 Brids 43
Minn staður 17 Myndasögur 47
Akureyri 18/19 Dagbók 46/49
Höfuðborgin 18 Víkverji 46
Austurland 20 Staður og stund 48
Landið 20 Leikhús 50
Daglegt líf 21/22 Bíó 54/57
Menning 23, 50/57 Ljósvakamiðlar 58
Umræðan 24/33 Veður 59
Forystugrein 30 Staksteinar 59
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
% 

 


 & 

 
 

'() *

 +,,,



 










 


 Metsölubók
um allan heim
Bókin sem útskýrir:
• Hvers vegna karlmenn þurfa
alltaf að hafa fjarstýringuna
• Hvers vegna karlmönnum er
svona illa við verslunarferðir
• Hvers vegna karlmenn geta
aðeins gert einn hlut í einu
• Hvers vegna konur geta
aldrei komið sér að efninu
• Hvers vegna konur tala
svona mikið
• Hvers vegna konur nöldra
Útgáfutilboð!
30% afsláttur
í öllum
Pennabúðum
HÆSTIRÉTTUR dæmdi í gær Hákon Eydal í
16 ára fangelsi fyrir að ráða fyrrum sambýlis-
konu sinni, Sri Rhamawati, bana 4. júlí 2004.
Með dómi sínum staðfesti Hæstiréttur dóm
Héraðsdóms Reykjavíkur frá 18. mars sl.
Hákon var fundinn sekur um manndráp með
því að hafa veist að Sri, slegið hana fjögur högg
með kúbeini í höfuð svo af hlutust lífshættulegir
áverkar, vafið taubelti þrívegis um háls hennar
og þrengt að með þeim afleiðingum að hún lést.
Hákon viðurkenndi verknaðinn en krafðist
sýknu vegna ósakhæfi. Til vara krafðist hann
vægustu refsingar sem lög leyfa. Hæstiréttur
komst að þeirri niðurstöðu, eins og héraðs-
dómur, að Hákon væri fyllilega sakhæfur og
hefði unnið sér til refsingar með broti sínu.
Ekki væri upplýst að þær refsilækkunarástæð-
ur sem fjallað væri um í hegningarlögum hefðu
átt við þegar verknaðurinn var framinn. Við
ákvörðun refsingar var litið til þess að atlagan
var heiftarleg og meðferð Hákons á líkinu
smánarleg. Þá hefði hann neitað sök framan af
og reynt að villa um fyrir lögreglunni við rann-
sókn málsins. Var hann því dæmdur í 16 ára
fangelsi.
Hæstiréttur staðfesti sem fyrr segir dóm hér-
aðsdóms með skírskotun til forsendna hans en í
héraðsdómi kom m.a. fram að bersýnilegt hefði
verið að Hákon ætlaði sér að svipta Sri lífi.
Ekki þætti þó sannað að hann hefði ásett sér
það fyrr en skömmu fyrir voðaverkið og yrði að
byggja á þeim framburði hans að hann hefði
ráðist á hana eftir að þeim varð sundurorða.
Frá dóminum dregst 254 daga gæsluvarð-
hald.
Málið dæmdu hæstaréttardómararnir Markús
Sigurbjörnsson, Guðrún Erlendsdóttir, Gunn-
laugur Claessen, Hrafn Bragason og Ólafur
Börkur Þorvaldsson. Verjendur voru Brynjar
Níelsson hrl. og Benedikt Ólafsson hdl. Sækj-
andi var Ragnheiður Harðardóttir vararíkissak-
sóknari.
Hákon Eydal dæmdur í Hæstarétti fyrir morðið á Sri Rhamawati
Sextán ára fangelsi
fyrir heiftarlega atlögu
SÁ HLUTI söluandvirðis Símans,
samtals 2,5 milljarðar, sem á að nota
til að stuðla að uppbyggingu á sviði
fjarskiptamála, rennur í sérstakan
fjarskiptasjóð á árunum 2005 til
2009. Frumvarp um sjóðinn verður
lagt fram á Alþingi í haust. Ríkis-
stjórnin samþykkti það á fundi sín-
um í vikunni. Samgönguráðherra,
Sturla Böðvarsson, verður flutnings-
maður frumvarpsins.
Samkvæmt frumvarpinu mun
samgönguráðherra skipa fimm
menn í stjórn sjóðsins til þriggja ára
í senn. „Hlutverk sjóðsins [verður]
að úthluta fjármagni til verkefna
sem miða að uppbyggingu stofn-
kerfa fjarskipta, verkefna sem stuðla
að öryggi og samkeppnishæfni þjóð-
félagsins á sviði fjarskipta enda sé
kveðið á um þau í fjarskiptaáætlun
og ætla má að ekki verði í þau ráðist
á markaðsforsendum,“ segir m.a. í
minnisblaði samgönguráðherra til
ríkisstjórnarinnar.
2,5 milljarðar
í fjarskiptasjóð
Morgunblaðið/Arnaldur
NORSKA söngkonan Sissel Kyrkjebø kom til landsins í
gærmorgun ásamt um 120 manna fylgdarliði en hún
syngur á þrennum tónleikum í Háskólabíói um helgina.
Sissel var ánægð og sagðist hlakka til að fá loksins að
syngja fyrir Íslendinga, að sögn Einars Bárðarsonar
hjá Concert, sem stendur fyrir tónleikunum.
Uppselt er á þessa þrenna tónleika en enn eru til
miðar á aukatónleika sem Sinfóníuhljómsveit Óslóar og
Oslo Bachkórinn halda í Grafarvogskirkju á sunnu-
dagskvöldið en þar mun Sissel taka nokkur lög.
Morgunblaðið/Árni Torfason
Sissel við komuna á Hótel Holt í gærmorgun en hún hlakkar til að syngja fyrir Íslendinga.
Sissel Kyrkjebo komin
ÍSLANDSBANKI hefur samkvæmt
upplýsingum Morgunblaðsins lokið
sölu skuldabréfa fyrir Clearwater
Seafoods Limited Partnership,
dótturfélag kanadíska sjávar-
útvegsfyrirtækisins Clearwater
Seafoods Income Fund.
Andvirði skuldabréfanna, sem
eru til fimm ára með gjalddaga árið
2010, er um 2,5 milljarðar króna og
stefnt er að skráningu þeirra í
Kauphöll Íslands.
Skuldabréfin eru gefin út í ís-
lenskum krónum og bera árlega
verðtryggða 6,70% vexti. Clearwat-
er hefur samhliða sölu bréfanna
gert skiptasamning úr íslenskum
krónum yfir í erlendar myntir og
verður andvirðinu ráðstafað til
endurfjármögnunar á öðrum skuld-
um fyrirtækisins.
Íslandsbanki sel-
ur skuldabréf
fyrir Clearwater
BJÖRGUNARSVEITIN Björg í
Snæfellsbæ var kölluð út til að
fergja þakplötur við bæinn Gíslabæ
á Hellnum í gærkvöld. Þakplöt-
urnar rifnuðu þó ekki af þaki held-
ur lágu þær í bunka við bæinn þar
sem til stóð að skipta um plötur á
bænum. Rokið reif í sundur bunk-
ann og dreifði honum um öll tún
með þeim afleiðingum að plöturnar
fuku á girðingar og rákust á hús.
Ekki urðu þó skemmdir af þessu,
að sögn lögreglunnar í Ólafsvík.
Þakplötur fuku
á Hellnum