Morgunblaðið - 30.09.2005, Blaðsíða 29

MORGUNBLAÐIÐ FÖSTUDAGUR 30. SEPTEMBER 2005 29
UMRÆÐAN
LAUGARDAGINN 1. október
tekur formlega til starfa Þjónustu-
miðstöð Breiðholts. Á henni starfa
nokkrar fagstéttir sem er ætlað að
þjónusta íbúa Breiðholts undir slag-
orðinu – Frá vöggu til grafar.
Með stofnun þjónustumiðstöðva í
Reykjavíkurborg koma saman á
einn vinnustað nokkrar fagstéttir
svo sem félagsráðgjafar, sálfræð-
ingar, unglingaráðgjafar og kennslu-
ráðgjafar í leik- og grunnskólum. Í
Þjónustumiðstöð Breiðholts er auk
þess lögreglan með sína starfsmenn.
Í Breiðholti eru 5 grunnskólar og 14
leikskólar og á Þjónustumiðstöðinni
starfa tveir kennsluráðgjafar í
grunnskólum, Guðrún Þórsdóttir og
Hrund Logadóttir.
Í gegnum nám og áratuga störf
innan fagstétta skapast vinnuhefðir
og áherslur sem eru til að mæta sem
best þeim sem verið er að vinna með.
Þó kennsluráðgjöf sé ung grein á Ís-
landi, tæplega tuttugu ára, hefur
hún vissulega mótað sínar áherslur
og vinnulag til að ná sem bestum ár-
angri í flóknu starfi.
Aðkoma kennsluráðgjafa í grunn-
skólana er alltaf á forsendum skól-
anna og það eru skólastjórnendur og
kennarar sem óska eftir ráðgjöf og
aðstoð.
Þeir þættir sem kennsluráðgjaf-
inn vinnur með fyrst og fremst eru
bekkjarstjórnun, líðan kennara, líð-
an nemenda, samskipti innan bekkj-
ar, milli kennara og nemenda og
milli kennara, foreldrasamstarf og
foreldrasamskipti, skólamenning,
úrræði innan skólans, kennsluhætt-
ir, kennsluáætlanir, nám nemenda
og kennsla kennaranna, námsgögn,
nýbreytni- og þróunarvinna í skóla-
starfi og leiðir til að kennarar nái
betri árangri með fjölbreyttan nem-
endahóp.
Kennsluráðgjöf er fyrir alla kenn-
ara einfaldlega vegna þess að eðli
ráðgjafarinnar ræðst af þeirri stöðu
sem kennarar eru í hverju sinni og
því geta stjörnu-kennarar haft jafn
mikið gagn af kennsluráðgjöf og þeir
kennarar sem standa frammi fyrir
erfiðum verkefnum í kennslunni.
Kennsluráðgjafinn leitast við að
hafa áhrif til góðs í víðu samhengi
innan skólans og hans heildarsýn er
alltaf skólamenning skólans og sam-
spilið milli kennara, nemenda og
starfsmanna innan skólans.
Kennsluráðgjöfin hefst á þeim stað
þar sem kennarinn er og á þeim við-
fangsefnum sem blasa við það sinnið.
Kennsluráðgjöfin dýpkar og skerpir
sýn kennarans á starf sitt og und-
antekningarlítið lyftir hún undir
starfsgleðina og eykur bjartsýni á að
takast á við nýbreytni í starfinu.
Það kemur fyrir að nýir kennarar
króist af í vondum aðstæðum í starf-
inu og sjái engar lausnir framundan.
Skólakerfið hefur misst unga kenn-
ara m.a. vegna þess að á viðkvæmum
byrjunartíma fengu þeir ekki þá ráð-
gjöf og stuðning sem fleytti þeim
áfram og gaf þeim nýtt mat á stöð-
una og sjálfa sig sem kennara. Sú
staðreynd að kennsluráðgjafar hafa
verið örfáir og að við breytingar inn-
an menntakerfis borgarinnar hefur
þeim fækkað um meira en helming
er áhyggjuefni. Með auknum kröfum
til skólanna og kenn-
ara hefur aldrei verið
eins mikil þörf fyrir
kennsluráðgjöf og nú.
Kennsluráðgjöf er í
sinni bestu mynd afar
ódýr lausn fyrir skóla-
kerfið vegna þess að
hún styrkir kennarann
í starfi og getur haft
margföldunaráhrif frá
einum kennara yfir í
allan skólann og komið
af stað þróunarferli
sem skilar sér marg-
falt í inntaksmeira námi hjá nem-
endum.
Í ágreiningsmálum milli heimilis
og skóla getur greinandi og hlutlaust
mat kennsluráðgjafans haft úr-
slitaáhrif á lausn erfiðra samskipta-
mála. Skólar og foreldrar geta óskað
eftir aðstoð kennsluráðgjafa ef erf-
iðleikar koma upp í samskiptum for-
eldra og skóla.
Kennsluráðgjöf á að vera eðlilegur
hluti af starfsemi allra skóla og
koma inn á fyrstu stigum í áætl-
anagerð kennaranna. Hún á að vera
tiltæk hvenær sem kennaranum
finnst boðaföllin ofrísa í starfinu og
hann þarf á handleiðslu og ráðgjöf að
halda. Hún á einnig að vera tiltæk
þegar kennarann langar til að koma
á nýbreytni í starfi og þarf að hugsa
upphátt með sérfræðingi sem hefur
reynslu og þekkingu til að sjá fyrir
og getur lagt á ráðin um nýja og
spennandi brúarsmíð í skólastarfi.
Kennsluráðgjöf og skólastefna
eru samtvinnaðir þættir. Í raun ætti
að gera átak í að fjölga kennsluráð-
gjöfum til að auðvelda skólum að
koma til móts við sífellt auknar kröf-
ur um einstaklingsmiðað nám, skóla
án aðgreiningar, stóraukið foreldra-
samstarf, samvinnu við grennd-
arsamfélagið og fjölbreytni í kennslu
svo sem í meiri útikennslu til að
styrkja kennara betur til að takast á
við starfið.
Kennsluráðgjöf fyrir
alla skóla
Hrund Logadóttir og Guðrún
Þórsdóttir fjalla um kennslu-
ráðgjöf í Breiðholti
’Kennsluráðgjöf ogskólastefna eru sam-
tvinnaðir þættir.‘
Guðrún Þórsdóttir
Höfundar eru kennsluráðgjafar í
Þjónustumiðstöð Breiðholts.
Hrund Logadóttir
FRAMKVÆMDUM við nýjan
vegarkafla á Suðurlandsvegi frá
Hveradalabrekku að Litlu-
Kaffistofunni fer senn að ljúka. Mikil
bót verður að þessum vegarkafla en
við framkvæmdir við hann var tekið
fullt tillit til ábendinga varðandi ör-
yggisatriði og á samgönguráðherra
hrós skilið vegna þess og greinilegt
að um stefnumarkandi ákvarðanir
var að ræða. Í fyrsta lagi var tekin
ákvörðun um þriggja
akreina veg, í öðru lagi
gerð mislægra gatna-
móta inn á Þrengsla-
veg og í þriðja lagi var
tekin ákvörðun um
víraleiðara á miðju
vegarins. Þessir þættir
munu greiða fyrir um-
ferð og auka öryggi á
veginum.
Ljóst er að áfram
verður unnið að vega-
bótum á Suðurlands-
vegi í þessum anda,
með gerð þriggja ak-
reina vegar með vegriði. Fyrir ligg-
ur að 300 milljónir eru áætlaðar í
veginn 2007 og gert ráð fyrir að nýta
þær til að gera þriggja akreina veg
frá Lögbergsbrekku að Litlu-
Kaffistofunni og frá Hveradala-
brekku að Kambabrún. Ekki er gert
ráð fyrir vegriði en kostnaðarauki
vegna þess er ekki verulegur en hver
kílómetri víravegriðs kostar 6–8
milljónir króna. Hönnun 2 + 1-vegar
á þessum kafla hefst í lok þessa árs.
Því ber að fagna að samgöngu-
yfirvöld hafa tekið ákvörðun um að
gera úrbætur á Suðurlandsvegi og
þannig tekið undir áherslur þing-
manna, sveitarstjórnarmanna og al-
mennings. Við þessa ákvörðun hefur
samgönguráðherra horft til mikillar
umferðar og mikillar slysahættu á
þessari leið. Ljóst er að þær úrbætur
sem gera þarf taka nokkurn tíma og
því nauðsynlegt að marka þeim far-
veg á samgönguáætlun til næstu 12
ára en vinna við hana hefst nú á
haustmánuðum.
Fyrsta skref úrbóta hefur verið
stigið með framkvæmdunum í Svína-
hrauni og 300 milljóna fjárveitingu
2007 til 2 + 1-vegar frá Lögbergs-
brekku að Kambabrún. Næstu skref
sem marka þarf er að 2 + 1-vegurinn
nái alla leið milli Reykjavíkur og Sel-
foss með sértækum að-
gerðum í Kömbunum
til að auka öryggi. Veg-
urinn verði búinn
miðjuvegriði og gert
verði ráð fyrir lýsingu á
honum. Um leið og
þessi skref eru mörkuð
á áætluninni er verið að
nálgast það lokamark-
mið að á þessari leið
verði fjögurra akreina
upplýstur vegur.
Framkvæmdir við 2 +
1-veg nýtast vel þegar
kemur að uppbyggingu 2 + 2-vegar
sem yrði þá með vegriði í stað að-
skilnaðar.
Full samstaða er um fram-
kvæmdir við Suðurlandsveg. Yfirlýs-
ing þess efnis liggur fyrir hjá Sam-
bandi sunnlenskra sveitarfélaga og
þingmenn Suðurkjördæmis eru
einnig einhuga um úrbætur á þessari
leið. Þingmenn kjördæmisins munu
fylgja því eftir að úrbætur á Suður-
landsvegi milli Reykjavíkur og Sel-
foss komist inn á samgönguáætlun
svo farvegur framkvæmda verði
tryggður.
Miklar úr-
bætur á Suð-
urlandsvegi
Drífa Hjartardóttir skrifar um
vegaframkvæmdir á Suður-
landsvegi
Drífa Hjartardóttir
’Þingmenn kjördæm-isins munu fylgja því
eftir að úrbætur á Suð-
urlandsvegi milli
Reykjavíkur og Selfoss
komist inn á samgöngu-
áætlun svo farvegur
framkvæmda verði
tryggður.‘
Höfundur er alþingismaður
í Suðurkjördæmi.
Jónína Benediktsdóttir: Sem
dæmi um kaldrifjaðan sið-
blindan mann fyrri tíma má
nefna Rockefeller sem Hare
telur einn spilltasta mógúl
spilltustu tíma...
Sturla Kristjánsson: Bráðger
börn í búrum eða á afgirtu
svæði munu naumast sýna getu
sína í verki; þeim er það fyr-
irmunað og þau munu trúlega
aldrei ná þeim greindarþroska
sem líffræðileg hönnun þeirra
gaf fyrirheit um.
Aðsendar greinar á mbl.is
www.mbl.is/greinar
Fréttasíminn
904 1100