Morgunblaðið - 30.09.2005, Blaðsíða 6
6 FÖSTUDAGUR 30. SEPTEMBER 2005 MORGUNBLAÐIÐ
FRÉTTIR
Miðasala Þjóðleikhússins:
Sími 551-1200
www.leikhusid.is
HUGMYNDIN um óperuhús við
Borgarholt í Kópavogi, sem fyrst
var sett fram í júní á þessu ári, er
komin langt á leið með að verða að
veruleika og segir Gunnar Birg-
isson, bæjarstjóri Kópavogs og
hugmyndasmiður óperuhússins,
viðræður ganga vonum framar.
Fjármögnun framkvæmdarinnar sé
langt komin. Alls staðar hafi hug-
myndinni verið vel tekið og mun
betur en Gunnar óraði fyrir. Kostn-
aður við byggingu óperuhússins er
talinn nema einum og hálfum til
tveimur milljörðum og reiknað er
með að ásamt Kópavogsbæ muni
ríkið, Íslenska óperan – með and-
virði Gamla bíós – og einkaaðilar
koma að fjármögnun. Gunnar vildi
engin nöfn einkaaðila nefna og tók
fram að viðræður væru á lokastigi
en að baki yrðu traustir aðilar sem
tilbúnir væru til að láta fé af hendi
rakna til menningarmála.
Fjármögnun ætti að ljúka í næsta
mánuði ef allt gengur að óskum.
Verður þá hafist handa við teikn-
ingu hússins og í kjölfarið ættu
framkvæmdir að fara af stað.
Frumteikningarnar voru unnar eft-
ir hugmyndum Gunnars sem vonar
að ekki verði hróflað mikið við
þeim þó hann búist við að ein-
hverjar breytingar verði gerðar.
Óperuhúsið, sem verður um
2.500 fermetrar og á að taka allt að
700 áhorfendur í sæti, verður stað-
sett sunnan við Gerðarsafn og vest-
an við Salinn. Húsið verður grafið
niður að hluta en langtímamark-
miðið er að tengja öll mannvirkin
saman þannig að hægt verði að
samnýta þau í framtíðinni.
Engin ópera í tónlistarhúsinu
Gunnar segir að sér hafi komið
mjög á óvart að óperu skuli ekki
hafa verið skipaður sess í nýju tón-
listarhúsi sem rísa á við Reykjavík-
urhöfn, en hann segir Kópavogsbúa
njóta góðs af því.
Þó svo að einblínt verði á óperur
mun húsið ekki aðeins þjóna þeim
tilgangi því hægt verður að halda
þar tónleika, setja upp leikrit og
halda ráðstefnur – stefnt verði að
því að nýta húsið eins og mögulega
verði hægt.
Grunnhugsun Gunnars er sú að
tónleikasalurinn og sviðið verði á
neðri hæð hússins en að ofan verði
móttakan og þar verði jafnvel kom-
ið fyrir súlum eða stólpum sem til-
einkaðir verði þeim styrktaraðilum
sem að húsinu standi. Hann vildi
hins vegar ekki spá fyrir um það
hvenær óperuhúsið komist í gagnið
en vonast til að teikningarnar verði
tilbúnar fyrir áramót.
Óperan mun setja mikinn svip á Borgarholtið í Kópavogi og mun vera not-
að fyrir ýmsa viðburði, s.s. ráðstefnur, leikrit og tónleika.
Ef hugmyndir Gunnars Birgissonar ná fram að ganga mun útsýnið innan
úr óperuhúsinu sem reist verður við Borgarholt verða þessu líkt.
Teikningar tilbúnar fyrir áramót
Eftir Andra Karl
andri@mbl.is
Fjármögnun óperuhúss í Kópavogi gengur vonum framar
RÁÐIÐ var í 22 stöðugildi á leikskól-
um Reykjavíkurborgar í síðustu viku
en enn vantar í um 80 stöður, sagði
Steinunn Valdís Óskarsdóttir borgar-
stjóri aðspurð hvort ástandið á leik-
skólum borgarinnar hefði lagast að
undanförnu. Örlað hefur á vonleysi á
meðal starfsmanna leikskólanna en
eðlilega reynir mjög á starfsfólk þeg-
ar undirmannað er. Steinunn Valdís
segir enga eina lausn á vandamálinu
en málum miði fram á við þó hægt
gangi. Það sé ekki síst að þakka leik-
skólakennurum og -stjórum sem hafa
staðið sig mjög vel við erfiðar aðstæð-
ur. Á þorra leikskóla í borginni vantar
ekki fólk og eru engir biðlistar, en til
að mynda gengur mjög erfiðlega að
ráða mannskap á tvo leikskóla þar
sem vantar mannskap í um fimm
stöðugildi en það er unnið að því hörð-
um höndum. Samfara því að reynt er
að finna starfsfólk til að manna leik-
skóla borgarinnar er uppi umræða
um hlutfall menntaðra leikskólakenn-
ara og ófaglærðra starfsmanna – en
ófaglærðir eru um sextíu prósent
starfsliðs.
Ályktun frá Félagi
framhaldsskólakennara
Félag framhaldsskólakennara
sendi frá sér ályktun síðastliðinn
mánudag þar sem skorað er á ríkið og
sveitarfélög að taka höndum saman
um að gera kennslu og stjórnun í leik-
skólum að eftirsóknarverðu starfi og
leikskólana að samkeppnishæfum
vinnustöðum. Í ályktuninni er einnig
bent á að í lögum um leikskóla og í að-
alnámskrá leikskóla er krafa um vel
menntað starfsfólk í leikskólum.
Enn vantar í 80 stöður
í leikskóla Reykjavíkur
LYFJAVERÐ í heildsölu mun
lækka á um þrjú hundruð pakkning-
um frá og með morgundeginum þeg-
ar til framkvæmda kemur annar
hluti samkomulagsins sem heilbrigð-
is- og tryggingaráðuneytið gerði við
Félag íslenskra stórkaupmanna
(FÍS) og Actavis í fyrra um lækkun
lyfjaverðs.
„Samkomulagið við heildsala felur
í sér að lyfjaverð lækki í áföngum
þannig að verð lyfja í heildsölu verði
1. september 2006 það sama og með-
alverð í Noregi, Danmörku og Sví-
þjóð,“ segir Páll Pétursson, formað-
ur lyfjagreiðslunefndar, sem ákveð-
ur leyfilega hámarksálagningu
lyfseðilsskyldra lyfja bæði í heild- og
smásölu hérlendis. „Jafnframt þessu
er verið að vinna að samkomulagi við
smásalana, þ.e. apótekara, um að
verðið í smásölu verði í árslok 2006
hliðstætt verðinu í Danmörku og
Finnlandi, en fyrirhugað er að annað
skrefið í þeim lækkunum komi til
framkvæmda 15. nóvember nk.“
Að sögn Páls er hér verið að stíga
mikilvægt skref í því að lækka lyfja-
verð. „Lækkunin nú um mánaðamót-
in felur í sér að heildsöluverðið á um
þrjú hundruð pakkningum lækkar
um rúmlega 262 milljónir króna, sem
leiðir af sér lækkun í smásölu um
320–330 milljónir kr.,“ segir Páll og
segir lækkunina ná til flestra algeng-
ustu lyfjanna. Hann bendir á að
heildarlyfjaútgjöld Íslendinga hafi
numið tæpum 15 milljörðum kr. á
síðasta ári. Hækkuðu útgjöldin um
24% árið 2001, um 8% árið 2003, en
aðeins 0,3% á árinu 2004.
Lyfseðils-
skyld lyf
lækka á
morgun
SAMKOMULAG um nýtt hjúkr-
unarheimili fyrir aldraða í Soga-
mýri austan við Mörkina í Reykja-
vík var undirritað af Jóni Krist-
jánssyni, heilbrigðis- og trygginga-
málaráðherra, og Steinunni Valdísi
Óskarsdóttur borgarstjóra við há-
tíðlega athöfn í Iðnó í gær.
Hjúkrunarheimilið mun verða
6.660 fermetrar að stærð og hafa
að geyma um 110 rými, allt ein-
býli, en gert er ráð fyrir aðstöðu
fyrir hjón og sambúðarfólk. Stefnt
er að því að taka heimilið í notkun
árið 2007 en framkvæmdir eiga
ekki að taka lengri tíma en 18–24
mánuði.
Kostnaður verður um 1,3 millj-
arðar króna og greiðir heilbrigðis-
og tryggingamálaráðuneytið og
Framkvæmdasjóður aldraðra 70%
en Reykjavíkurborg 30%. Er það
jafnframt tvöfalt lögboðið framlag
sveitarfélaga til uppbyggingar af
þessu tagi.
Steinunn Valdís sagði það hafa
verið gert af nauðsyn en 259 ein-
staklingar eru á biðlista eftir
hjúkrunarrými og taldir vera í
mjög brýnni þörf fyrir vistun á
hjúkrunarheimili. Hún sagði borg-
ina einnig vera að byggja
hjúkrunarheimili í Vesturbænum
og að margt væri að gerast í
þessum málaflokki um þessar
mundir en of lengi hafi ríkt neyð-
arástand í málum aldraðra sem
þurfa á hjúkrunarheimilisvist að
halda.
Með byggingu hjúkrunarheimil-
isins er borgin að grynnka á bið-
listum en Steinunn segir að betur
megi ef duga skuli. Áhersla sé lögð
á það að halda áfram að berjast
fyrir bættum hag aldraðra í
Reykjavíkurborg.
Samið um nýtt hjúkrunarheimili fyrir aldraða í Sogamýri
Mun grynnka á biðlist-
um eftir hjúkrunarrými
Tæplega sjö þúsund fermetra hjúkrunarheimili fyrir aldraða mun rísa í
Sogamýri, austan Merkurinnar, í Reykjavík. Gert er ráð fyrir að heimilið
verði tekið í notkun árið 2007 en í því verða 110 rými, allt einbýli.
Morgunblaðið/Golli
Jón Kristjánsson heilbrigðisráðherra og Steinunn Valdís Óskarsdóttir
borgarstjóri kynna samkomulagið um hjúkrunarheimilið í Sogamýri.