Morgunblaðið - 02.10.2005, Qupperneq 57

MORGUNBLAÐIÐ SUNNUDAGUR 2. OKTÓBER 2005 57
SÉRSTÖK miðnæturopnun verður í
verslun 12 Tóna við Skólavörðustíg
eftir miðnætti í kvöld. Opið verður í
klukkutíma eða til klukkan eitt.
Ákveðið var að breyta útaf van-
anum vegna útkomu nýjustu breið-
skífu Franz Ferdinand, You Could
Have It So Much Better. Diskurinn
verður til sölu á staðnum sem og
sérstök viðhafnarútgáfa með diski
og mynddiski sem gefin er út í tak-
mörkuðu upplagi.
Þeir sem koma geta búist við því
að fá varning tengdan hljómsveit-
inni í kaupbæti. Sigurvegarar síð-
ustu Músíktilrauna, Jakobínarína,
skemmta gestum á meðan á þessari
sérstöku opnun stendur.
Morgunblaðið/ÞÖK
Íslandsvinirnir í Franz Ferdinand á sviði í Kaplakrika fyrr í haust.
Miðnæturopnun í
12 Tónum
svæði er þetta líka alveg gullfallegt
land og þar býr fullt af fólki sem er
að fást við sín daglegu störf. Eitt af
því sem mig langaði að gera í
myndinni var að sýna aðrar hliðar á
Jerúsalem en styrjaldarsvæðin sem
við sjáum svo oft í fjölmiðlum,“ seg-
ir hún. „Þetta er ekki besti staður á
jarðríki en heldur ekki sá versti.“
En hver skyldu skilaboð mynd-
arinnar vera?
„Ég vildi draga fram mismunandi
skoðanir fólks á ástandinu og sögu
Vesturbakkans. Ég vildi gefa hin-
um mismunandi skoðunum raddir
með hjálp viðmælenda minna. Ég
vildi einnig gera grein fyrir land-
nemunum með því að segja sögu
afa og ömmu. Ég held að ég hafi
ekki gert lítið úr hlut þeirra og
annarra gyðinga í afleiðingum land-
námsins en ég held að ég hafi held-
ur ekki unnið af óvirðingu við þau,“
segir hún.
„En ef það eru ein skilaboð sem
ég vildi koma á framfæri með
myndinni eru það þau að við verð-
um að fara að taka ábyrgð á
ákvörðunum og gerðum okkar og
þeirra sem á undan okkur voru. Þó
það sé ég sem gyðingur að axla
hluta af ábyrgðinni á því sem hefur
gerst í Írak eða hvort ég væri
Bandaríkjamaður að axla ábyrgð á
meðferð á svertingjum gegnum
söguna. Við höfum öll okkar ábyrgð
og verðum að standa undir henni til
þess að geta vænst einhverra
breytinga. Það þýðir ekki að stinga
bara höfðinu í sandinn og telja að
þessir hlutir komi manni ekki við.“
Flanders segist ekki hafa hugsað
mikið um hvernig efni myndarinnar
var sett fram heldur hafi hún hugs-
að hvað henni fannst réttast.
„Ég hugsaði til dæmis aldrei um
að gera þessa mynd í gróðaskyni.
Ég einbeitti mér að listrænu hlið-
inni. Mér finnst allt of margar
heimildamyndir nú til dags vera
gerðar á of áhorfsvænan hátt, ein-
ungis til mötunar. Mig langaði að
setja mína sýn á hlutina fram,“ seg-
ir hún.
Langar í lopapeysu
En telur Flanders heim-
ildamyndir vera mikilvægar.
„Já, mér finnst mikilvægt að
segja sögur fólks en það eru svo
margar leiðir til þess. Ég sjálf hef
mikinn áhuga á fólki og hvernig það
bregst við aðstæðum og því hentar
heimildamyndaformið mér vel. Það
er þó ekki þar með sagt að ég haldi
því fram að heimildamyndir séu
betri en einhver annar háttur á að
koma sögu á framfæri.“
Flanders hefur komið víða við
með Zero Degrees of Seperation í
farteskinu.
„Ég fór fyrst á Alþjóðlegu kvik-
myndahátíðina í Berlín sem var frá-
bært. Mér fannst mjög merkilegt
að sýna myndina þar, þar sem
Þjóðverjar eru mjög meðvitaðir um
sína ábyrgð á helförinni. Þarna var
gyðingurinn ég og vildi segja að ég
væri ekki svo ólík þeim. Þjóðin mín
hefði framið voðaverk sem ég þyrfti
að taka ábyrgð á. Ég átti margar
áhugaverðar samræður um hvernig
það er að axla ábyrgðina á sög-
unni,“ segir Flanders.
Ég fór svo á kvikmyndahátíðir í
Barcelona og San Francisco þar
sem ég vann verðlaun á báðum
stöðum. Ég er svo að hefja ferðalag
um Evrópu með myndina í fartesk-
inu og ferðin hefst á heimsókn til
Reykjavíkur,“ bætir hún við og seg-
ist hlakka mikið til að sækja landið
heim. „Ég vildi bara að ég hefði
meiri tíma til að skoða landið en ég
hef fimm daga og vonast til að geta
séð sem mest,“ segir Flanders og
spyr hvort ráðlegt sé að taka með
sér hlýja peysu. Blaðamaður segir
að það sé alveg óhætt.
„Mér skilst reyndar að ég geti
keypt fallegar íslenskar peysur hjá
ykkur,“ sagði Flanders svo að lok-
um.
Unræðufundur með Elle Flanders
fer fram þriðjudaginn 4. október
næstkomandi í Miðstöð Samein-
uðu þjóðanna, Skaftahlíð 24, milli
klukkan 17.15 og 18.15.
Zero Degrees of Seperation er
sýnd í Tjarnarbíói þriðjudaginn 4.
október klukkan 21 og fimmtudag-
inn 6. október klukkan 17.
birta@mbl.is