Fréttablaðið - 04.12.2003, Blaðsíða 10

10 4. desember 2003 FIMMTUDAGUR
Nýir eigendur Hótel Selfoss:
Bjartsýnir á framtíðina
VIÐSKIPTI Fyrirtækið 3G Fasteignir
sem keypti þrotabú Hótel Selfoss
vinnur nú að því að skipuleggja
framtíðarrekstur hótelsins, en
eignarhaldsfélagið Brú sem átti
hótelbygginguna varð gjaldþrota í
október síðastliðnum. Ólafur Auð-
unsson, stjórnarformaður 3G
Fasteigna, segir að endanlegar
ákvarðanir um reksturinn verði
teknar í næstu viku, en hann
keypti hótelið ásamt Gísla Stein-
ari Gíslasyni og Jóni Gunnari Að-
ils. Kaupverð fyrir Hótel Selfoss
fæst ekki uppgefið, en ljóst er að
það hleypur á hundruðum millj-
óna króna. Ólafur efast ekki um
gildi hótelsins.
„Ég er bjartsýnn á framtíð hót-
elsins og er sannfærður um að það
eigi eftir að blómstra hér á Suður-
landi. Við erum að kanna ýmislegt
í sambandi við reksturinn, meðal
annars er í gildi samningur við
Icelandair um að félagið sjái um
bókanir,“ segir Ólafur.
Kaupfélag Árnesinga sá áður
um rekstur hótelsins en KÁ á í
miklum rekstrarerfiðleikum og
hefur fengið greiðslustöðvun til
22. desember næstkomandi. Að
sögn framkvæmdastjóra félags-
ins er enn verið að leita nauða-
samninga og semja við kröfuhafa,
en kröfur á KÁ hljóða upp á 1,9
milljarða króna. ■
Vísar ásökunum
Kára á bug
Forstjóri Persónuverndar fagnar því að unnið sé að lagabreytingum á
gagnagrunnslögum. Hún vísar á bug ásökunum forstjóra ÍE um að
stofnunin haldi gagnagrunnsmálinu „í gíslingu“.
GAGNAGRUNNSMÁL Sigrún Jóhann-
esdóttir, forstjóri Persónuvernd-
ar, vísar algjörlega á bug þeim
ásökunum Kára Stefánssonar, for-
stjóra Íslenskrar erfðagreiningar,
að stofnunin haldi gagnagrunns-
málinu „í gíslingu“.
Kári hefur sagt að tafir á fram-
kvæmd laga um miðlægan gagna-
grunn á heilbrigðissviði megi
meðal annars rekja til seinagangs
Persónuverndar við að sinna
eftirlitshlutverki sínu.
Sigrún segir það ekki vera
venjuna hjá Persónuvernd að
ræða einstök mál við fjölmiðla en
hins vegar sé nauðsynlegt að
koma á framfæri leiðréttingum
þegar rangfærslur séu hafðar
uppi.
„Með fullyrðingu um að
Persónuvernd hafi haldið málinu
í gíslingu er látið í veðri vaka að
hún hafi valdið töfum á málinu.
Þessu vísa ég alfarið á bug. Hið
rétta er að Persónuvernd hefur
gert allt sem í hennar valdi stend-
ur til að vinna að hraðri af-
greiðslu gagnagrunnsmálsins,“
segir Sigrún.
Hún segir að nokkuð sé liðið
frá því að Persónuvernd lýsti því
yfir að stofnunin gerði ekki at-
hugasemdir svo lengi sem síðari
athugun leiddi ekki í ljós mis-
bresti. Hins vegar hafi Persónu-
vernd um nokkurra mánaða skeið
beðið eftir gögnum frá Íslenskri
erfðagreiningu sem ekki hafi
borist.
Sigrún segist ánægð með þau
tíðindi að heilbrigðisráðherra hafi
sett af stað vinnu í ráðuneytinu
við frumvarp að lagabreytingu í
kjölfar dóms Hæstaréttar í síð-
ustu viku.
„Við höfum ítrekað í bréfum til
ráðuneytisins bent á ýmislegt sem
við höfum talið þurfa að breyta í
lögunum,“ segir Sigrún.
Meðal athugasemda Persónu-
verndar er að samkvæmt lögun-
um er stofnuninni falið að vinna
að dulkóðun fyrir gagnagrunninn
en Sigrún segir stofnunina ekki
telja það hlutskipti samræmast
eftirlitshlutverkinu.
thkjart@frettabladid.is
Kínverskur leigubílstjóri:
Myrti sex
farþega
PEKING, AP 38 ára gamall leigubíl-
stjóri í Anshan í Kína hefur verið
handtekinn grunaður er um að hafa
myrt sex kvenkyns farþega. Líkin
skildi hann eftir í skóglendi.
Zhou Wen var handtekinn eftir
að lík eins fórnarlambsins fannst í
yfirgefnum brunni. Að sögn lög-
reglunnar játaði hann að hafa kyrkt
sex konur síðan í júlí á þessu ári.
Hann sagði að þær hefðu verið
vændiskonur og átt skilið að deyja.
Zhou hélt dagbók yfir morðin og er
talið að hún muni koma að góðum
notum við rannsókn málsins.
Á níunda áratugnum var Zhou
dæmdur fyrir nauðgun og rán. ■
Leiðtogafundur Sam-
veldisins:
Elísabet í
Nígeríu
BRETLAND Miklar öryggisráðstaf-
anir hafa verið gerðar í Nígeríu
vegna opinberrar heimsóknar
Elísabetar Englandsdrottningar.
Drottningin setur fund forsætis-
ráðherra Samveldisins, samtaka
Breta og fyrrum breskra ný-
lendna, í Abuja á morgun. Á dag-
skrá Elísabetar og eiginmanns
hennar Filippusar prins er einnig
heimsókn í nígerskt þorp.
Talið er að leiðtogafundur Sam-
veldisins muni fyrst og fremst
snúast um Simbabve en landið var
rekið tímabundið úr samtökunum
vegna meints kosningasvindls
Mugabe forseta. ■
HÓTEL SELFOSS
Nýir eigendur hótelsins segjast bjartsýnir á
reksturinn í framtíðinni.
SIGRÚN JÓHANNESDÓTTIR
Forstjóri Persónuverndar segir að stofnun-
in hafi beðið eftir svörum frá ÍE í marga
mánuði.
Baráttan gegn HIV-
veirunni:
Stórfyrirtæki
taka sig á
KENÝA, AP Sjö alþjóðleg stórfyrir-
tæki hafa heitið því að beita sér í
baráttunni gegn alnæmi í Afríku.
Fyrirtækin, AngloAmerica,
ChevronTexaco, Daimler
Chrysler, Eskom, Heineken,
Lafarge og Tata Steel eru öll með
hluta af starfsemi sinni í Afríku. Í
samstarfi við alþjóðleg hjálpar-
samtök ætla þau að leggja fé í
herferðir gegn útbreiðslu HIV-
veirunnar, greiða fyrir lyfjameð-
ferðir og aðstoða lönd álfunnar
við að byggja upp heilbrigðiskerfi
sem getur tekist á við sjúkdóm-
inn.
Talið er að í dag séu allt að
fjörutíu milljónir Afríkubúa smit-
aðir af HIV-veirunni. ■
MUNAÐARLAUS
Hundruð þúsunda suður-afrískra barna
hafa misst foreldra sína úr alnæmi og búa
á munaðarleysingjahælum.
Þingið samþykkir ný lög:
Reykingar
bannaðar
NÝJA SJÁLAND, AP Nýsjálenska þing-
ið hefur samþykkt lög sem banna
reykingar á vinnustöðum og öðr-
um stöðum sem almenningur
sækir. Lögin taka gildi seint á
næsta ári.
Reykingamönnum verður ekki
refsað fyrir að kveikja sér í sígar-
ettu á þessum svæðum en húseig-
endur verða sektaðir um sem
nemur allt að 190.000 íslenskum
krónum ef þeir gera ekki allt sem
í þeirra valdi stendur til að sjá til
þess að lögunum verði fylgt eftir.
Þegar lögin taka gildi seint á
næsta ári verður bannað að
reykja í skólum, á veitingastöðum
og krám, í lyftum, leigubílum og á
salernum. Eftirlitsmenn á vegum
ríkisins munu fylgjast með því að
lögunum sé framfylgt. ■
Læknir sakfelldur:
Káfaði á
sjúklingum
ARIZONA, AP Bandarískur læknir
sem framkvæmir fóstureyðingar
hefur verið fundinn sekur um
kynferðislega misnotkun á fjölda
sjúklinga. Kviðdómur í Phoenix í
Arizona tók sér fjórtán daga til að
úrskurða í málinu. Refsing hefur
ekki verið ákveðin.
Hinn 64 ára gamli Brian Finkel
var fundinn sekur af 22 ákæru-
atriðum en sýknaður af 34. Fórn-
arlömb læknisins fögnuðu ákaft
þegar úrskurðurinn var kveðinn
upp en yfir þrjátíu kvenkyns sjúk-
lingar höfðu ákært hann fyrir að
þukla á brjóstum þeirra og kyn-
færum á óviðeigandi hátt. Finkel
neitaði sök og sagðist hafa verið
að vinna vinnuna sína. Á meðan á
réttarhöldunum stóð veifaði hann
og brosti að fórnarlömbunum. ■
DROTTNING
Elísabet Englandsdrottning verður viðstödd
leiðtogafund Samveldisins í Abuja í Nígeríu.
MEÐALFJÖLDI LÍFEYRISÞEGA
1994 32.425
1995 34.709
1996 36.843
1997 41.045
1998 43.077
1999 46.791
2000 49.722
2001 52.523
2002 55.686
Heimild: Fjármálaráðuneytið
PARÍS, AP Að minnsta kosti fimm
manns hafa farist þegar í flóðum í
Suður-Frakklandi. Úrhellis-
rigning hefur verið á svæðinu
undanfarna daga. Jacques Chirac
Frakklandsforseti heimsótti óveð-
urssvæðið í gær til að kynna sér
aðstæður og fylgjast með björg-
unaraðgerðum.
Fregnir herma að þrír hafi
drukknað í nágrenni Marseille,
þar á meðal maður sem lokaðist
inni í neðanjarðargöngum og ann-
ar sem féll í vatnsmikla á. Mikil
röskun varð á lestarsamgöngum
vegna flóðanna og fjöldi vega fór
í sundur. Yfir 4000 manns urðu að
yfirgefa heimili sín og skólum var
víða lokað. ■
GÖTUR MARSEILLE
Vatnsflaumurinn á götum Marseille hreif með sér fjölda ökutækja og olli því að tvo hús
hrundu til grunna.
Óveður í Suður-Frakklandi:
Fimm fórust
Svonaerum við