Fréttablaðið - 04.12.2003, Blaðsíða 32

Mörkinni 3 • s: 588 0640
Opið mán.- föst. kl. 11 til 18
laugard. kl. 11 - 15
www.casa.is
Frábærar jólagjafir
32 4. desember 2003 FIMMTUDAGUR
Ég hef orðið vör við það síðustutvö til þrjú árin að fólk fagnar
því mjög að finna glögg hér hjá mér
því sá gæðadrykkur virðist dottinn
út svo víða annars staðar,“ segir
Kristín Sörladóttir, veitingakona í
Kaffi Vín, í kjallaranum á Lauga-
vegi 73. Sjálf bjó hún í Austurríki í
20 ár og kynntist þar vel þeim sið að
sötra jólaglögg á aðventunni. Henni
finnst það því sjálfsagður hluti af
þeirri stemningu sem ótvírætt
skapast í aðdraganda jólanna. Fyrir
þá sem ekki er hrifnir af rauðvín-
inu en vilja samt dreypa á heitri og
sætri hressingu býður hún upp á
Fjallakakó sem er búið til úr kakói
með Stroh-rommi og borið fram
með þeyttum rjóma og súkkulaði-
spónum. ■
Þessar kökur þykja sérlegagóðar,“ segir Björn M. Lofts-
son og otar ómótstæðilegum
„sörum“ að blaðamanni og ljós-
myndara. Björn var smíðakenn-
ari í Hlíðaskóla til margra ára
og þótt hann eigi aðeins tvö ár í
nírætt lætur hann það ekki
aftra sér frá því að baka
smákökur með hinum kennur-
unum. Hann segir þann sið hafa
viðgengist í allmörg ár að kenn-
ararnir baki sörur fyrir jólin
undir styrkri stjórn Gunnþór-
unnar Jónsdóttur heimilis-
fræðikennara. Hann vilji ekki
fyrir nokkurn mun missa af
þeim viðburði. „Það er sett á
mig stromphúfa til að flikka
upp á mig, svo ég lít út eins og
aðalmaðurinn,“ segir hann
hlæjandi en sver það af sér að
standa undir slíkum titli. „Ég er
orðinn linur í fótunum og heyri
illa en er ágætlega málhress,“
segir hann og það síðastnefnda
getur blaðamaður vottað.
Spurður um sitt helsta hlutverk
í bakstrinum kveðst hann kunna
best við sig á þeytaranum og
eins og margir þekkja af eigin
raun er sörubakstur ekkert
áhlaupaverk svo þar munar um
hvert handtak.
Björn unir sér vel í Hlíðun-
um og kveðst ekki vilja vera í
öðru hverfi. Hann bjó mörg ár í
Eskihlíð en er nú fluttur í
Drápuhlíðina ásamt konu sinni.
Býst hann ekki við að bjóða þar
upp á sörur um jólin? „Jú, ef
það fer ekki fyrir mér eins og
bruggaranum sem ætlaði að
geyma mjöðinn sinn til góðs
tíma en var búinn með hann
áður,“ segir hann hlæjandi. ■
AÐALMAÐURINN
Björn lagði frá sér þeytarann og stillti sér
upp hjá sörunum.
Áttatíu og átta ára í sörubakstri:
Þrautseigur á þeytaranum
KENNARARNIR
Björn vill ekki fyrir nokkurn mun missa af bakstrinum.
Glöggin yljar
JÓLAGLÖGG KRISTÍNAR
Í KAFFI VÍN
Í glöggið fer rauðvín, kryddaður sykurlög-
ur og Stroh-romm með rúsínum. Þessu
er blandað saman í hvert glas eða hverja
könnu fyrir sig. Hlutföllin eru 1/3 af syk-
urlegi, 2/3 af rauðvíni, ein teskeið af rús-
ínum og ein teskeið af romminu sem
rúsínurnar liggja í. Könnunni er síðan
stungið í örbylgjuofn til að hita drykkinn
og með þessu ber Kristín litla skál með
piparkökum.
Kryddaði sykurlögurinn
1/2 kg sykur
1 1/2 l vatn
3 kanilstengur
15 negulnaglar
Hýði af hálfri appelsínu
1/4 sítróna
Látið allt malla í
einn til tvo tíma.
Appelsínubörkur-
inn og sítrónan er
þá veitt upp úr en
kryddið látið liggja
í. Það er síðan síað
frá.
Þennan lög er gott
að eiga blandaðan.
Stroh-romm með
rúsínum.
Nauðsynlegt er að
rúsínurnar hafi leg-
ið þar í bleyti um
tíma.
Rauðvínið er í raun
aðalatriðið. Kristín
notar vín frá
Chile.
KRISTÍN Í KAFFI VÍN
Kristín segir fólk gjarnan fá sér glögg í gönguferðum um Laugaveginn.
Jólafagnaður Bergmáls:
Hátíðleg
stund í Há-
teigskirkju
Þetta verður hátíðleg ogskemmtileg stund þar sem
söngur og fallegt orð verður uppi-
staðan og svo veislukaffi á eftir
með hnallþórum og fleira góð-
gæti,“ segir Kolbrún Karlsdóttir,
formaður líknar- og vinafélagsins
Bergmáls. Það er jólafagnaður fé-
lagsins sem um er rætt en hann
verður í Háteigskirkju næstkom-
andi sunnudag 7. desember kl. 16.
Fyrir utan hefðbundinn sálma-
söng og jólaguðspjall mun Sigrún
Hjálmtýsdóttir syngja einsöng, sr.
Jón H. Þórarinsson, prestur í
Langholtskirkju, flytja hugvekju
og Skagfirska söngsveitin syngja,
undir stjórn Björgvins Valdimars-
sonar. Að þeirri athöfn lokinni
verða veitingar fram bornar í
safnaðarheimilinu. Að sögn Kol-
brúnar er staðið í bakstri þessa
dagana og öðrum undirbúningi
undir veisluhöldin. „Við eigum
svo marga velunnara og þær kon-
ur sem næst í og eiga sæmilega
bakarofna eru virkjaðar í bakst-
urinn,“ segir hún.
Líknar- og vinafélagið Bergmál
hefur einbeitt sér að stuðningi við
langveikt fólk, einkum krabba-
meinssjúklinga, og jólafagnaður-
inn er einn af föstum liðum í
starfi þess. Félagið hefur þá sér-
stöðu í félagaflórunni að einu lög
þess eru faðmlög! ■