Fréttablaðið - 21.03.2004, Side 55

Tónlistarmaðurinn Jón Ólafsson,oft nefndur „góði“, er allur að
hressast eftir fjölmiðlaupphlaupið
sem varð í kjölfar ómaklegrar
árásar söngkonunnar Leoncie á
persónu Jóns í beinni útsendingu í
Ísland í bítið á dögunum. Jón tók
þá skynsamlegu afstöðu að tjá sig
ekki um ásakanir söngkonunnar í
fjölmiðlum en gerði þó grein fyrir
andlegri heilsu sinni í símskeyta-
stíl á vefsíðu sinni jon.is. Hann
byrjaði á því að upplýsa það að
hann hefði fengið heiftarlegan
hiksta að morgni hins örlagaríka
dags en nú er málið sem sagt
dautt: „Þessi vika er búin að vera
yndisleg. Sól og sjúkheit. Búinn að
semja fullt af lögum sem mér
finnast bara þokkaleg. Síðasta
vika var hörmung. Í kjölfar hikst-
ans ógurlega sem ég fékk einn
morguninn fannst mér einkenni-
lega erfitt að fara út úr húsi.
Fannst eins og allir horfðu á mig
sem dæmdan sakamann. Ein-
kennilegt þegar maður hefur ekk-
ert til saka unnið. En nú líður mér
skár, mun skár,“ segir Jón sem er
alltaf hress.
Hægrikratavefurinn Kreml.ishefur verið í loftinu um árabil
og þar hafa Evrópusinnar og Sam-
fylkingarboltar látið móðan mása
og reynt að veita vaðmálskomma-
vefnum Múrinn.is viðnám. Vefur-
inn var á sínum tíma stofnaður af
jöxlum á borð við Stefán Hrafn
Hagalín, Eirík Bergmann Einars-
son og Hrein Hreinsson. Sjálfur
Jón Baldvin Hannibalsson opnaði
vefinn og er alla jafna talinn guð-
faðir hans. Það var kraftur í Kreml
á meðan netbólan var að tútna út
en smám saman hefur verið að
dofna yfir öllu saman, Stefán
Hrafn gekk úr skaftinu eftir að
flokksforystu Samfylkingarinnar
fór að mislíka skrif hans og nú er
vefurinn dauður. En þeir sem leita
nú að skrifum Stefáns Snævarr,
Ingólfs Margeirssonar og fleiri
penna finna ekkert nema þessa
einu setningu á slóðinni Kreml.is.
„Hvað er í gangi?“ Er von að menn
spyrji?
SUNNUDAGUR 21. mars 2004
550 5000
Við erum ekkert feimin við aðgera grín að þeim sem eiga land
og þjóð í dag,“ segir Guðmundur
Rúnar Kristjánsson, sem leikstýrir
söngleiknum We Will Rock You með
lögum hljómsveitarinnar Queen,
sem nemendur Fjölbrautarskólans í
Breiðholti sýna í Austurbæ þessa
dagana.
Guðmundur hefur sjálfur þýtt
og staðfært söngleikinn, sem ger-
ist í framtíðinni þegar eitt risafyr-
irtæki hefur keypt flutningsrétt á
allri tónlist.
„Þetta eina fyrirtæki býr bara
til tölvutakta og þeir eru allir
eins. Gömlu lögin eru öll bönnuð
og það er enginn að búa til neitt
sérstakt. Það er þessi svokallaði
Gagaheimur.“
Aðalhlutverkið er í höndum Arn-
ars Gauta, sem leikur ungan mann
sem dreymir tóna og texta. Hann
dreymir öll gömlu lögin sem eru
bönnuð og verður sannfærður um
að við getum fundið rokkið aftur.
Þetta snýst í raun og veru um leitina
að rokkinu.“
Með önnur helstu hlutverkin
fara Emilía og Gerður Yrja, ásamt
tveimur Idol-stjörnum, þeim Ölmu
Rut og Arnari Dór.
„Arnar Dór er sá sem var rekinn
úr Idol, og við gerum mikið grín að
því. Í einu atriðinu er hann drepinn
af Siggu Beinteins.“ ■
Söngleikur
NEMENDUR FB
■ sýna We Will Rock You sem byggir á
lögum eftir Queen
Drepinn af Siggu Beinteins
Fréttiraf fólki