Fréttablaðið - 01.05.2004, Blaðsíða 2

2 1. maí 2004 LAUGARDAGUR
“Ég hef alltaf notið þess að sjá KR-inga
spila svo það er verðugt að spila fyrir
þá líka. Mér þykir vænt um KR-inga.“
Árni Johnsen, fyrrverandi alþingismaður og tónlist-
armaður hélt í gærkvöld tónleika á Rauða ljóninu.
Á þeim veitingastað koma KR-ingar gjarnan sam-
an en Árni er Eyjamaður og einn harðasti stuðn-
ingsmaður ÍBV.
Spurningdagsins
Árni, hvernig líst þér á að spila
fyrir KR-inga?
■ Evrópu
Stefnir í lokun fyrir
bráðveika sjúklinga
Fáist ekki viðbótarfjárveiting fyrir rekstur lyflækningasviðs LSH stefnir
í að loka þurfi rúmum á deildum fyrir bráðveika sjúklinga. Aðgerðirnar
bitna meðal annars á lungnadeild, smitsjúkdómadeild og meltingadeild.
HEILBRIGÐISMÁL „Við erum nokkurn
veginn að reka sviðið á sömu
krónutölu og 2003, en sparnaðar-
krafan sem á okkur var sett var
svo þung, að við erum enn sem
komið er alls ekki búin að ná tök-
um á því,“ sagði Guðmundur Þor-
geirsson, sviðsstjóri lækninga á
lyflækningasviði Landspítala há-
skólasjúkrahúss.
Hann segir allt stefna í að grípa
þurfi til mjög harkalegra aðgerða
til að ná tökum á þeirri sparnaðar-
kröfu sem stjórnvöld hafa sett á
spítalann.
„Við þurfum þá að draga veru-
lega úr þjónustu og gera ýmislegt
sem okkur er sannast sagna gríð-
arlega mikið á móti skapi,“ sagði
Guðmundur.
Lyflækningasviðið hefur verið
rekið með um 20 milljóna króna
halla á hverjum mánuði það sem af
er ársins. Ef fram heldur sem
horfir, stefnir í að reksturinn fari
ríflega 200 milljónir króna fram úr
heimildum fjárlaga á þessu ári.
Guðmundur sagði að lyflækn-
ingasviðið væri mjög umfangs-
mikið og margar stórar sérgreinar
sem hvergi væru reknar á landinu
nema þar. Nefna mætti blóðskilun
fyrir sjúklinga með nýrnabilun.
Sjúklingum í blóðskilunarmeðferð
fjölgaði um tíu á hverju ári. Þessi
aukning kostaði um það bil 50
milljónir á ári.
„Við höfum hreinlega ekki
fengið það fjármagn, en skilaboðin
hafa verið þau að við yrðum bara
að bjarga okkur,“ sagði Guðmund-
ur. „En ef við veitum ekki skilunar-
þjónustu þegar þörf er á henni þá
deyr sjúklingurinn. Ég fullyrði að
okkar sérfræðingar fylgja mjög
vönduðum vinnureglum þegar þeir
velja hverjir þurfi á þessari þjón-
ustu að halda, þannig að þarna er
ekki til bruðl af neinu tagi, þetta er
algjör nauðsyn, sem við stöndum
með í fanginu.“
Hliðstætt dæmi er hjartaþræð-
ingastarfsemin. Eina rannsóknar-
stofan á því sviði á landinu er á lyf-
lækningadeild og þar eru gerðar
allar kransæðavíkkanir. Eina rétta
meðferðin við bráðri kransæða-
stíflu er talin sú, að gera bráða-
kransæðavíkkun. Það væri hvergi
gert nema á lyflækningadeild.
Kostnaðurinn fer vaxandi á hverju
ári, og eykst heldur meira en við
blóðskilunarmeðferðir.
„Þannig að við erum í gjörsam-
lega vonlausri stöðu. Sú pólitíska
ákvörðun að ekki séu til peningar
til að veita þessa þjónustu er, fyrir
alla þá sem þekkja til, aldeilis frá-
leit,“ sagði Guðmundur
Hann sagði að reynt hefði verið
að taka rekstrarhallann inn á rekst-
ur sviðsins að öðru leyti. Þar væru
lungnadeild, taugadeild, meltinga-
deild, smitsjúkdómadeild og gigt-
ardeild.
„Annað hvort verðum við að
vinna þessu máli skilning, eða vísa
því til samfélagsins, að við höfum
ekki lengur pening til að veita
þessa þjónustu,“ sagði Guðmundur,
sem hyggst ganga ásamt fleiri
stjórnendum deildarinnar á fund
heilbrigðisráðherra vegna málsins.
jss@frettabladid.is
Stjórnarformaður Norðurljósa:
Uppsagnir ef frumvarp
verður að lögum
FJÖLMIÐLALÖG Stjórn Norðurljósa
átti fund með trúnaðarmönnum
starfsmanna í gærmorgun þar sem
farið var yfir stöðu fyrirtækisins í
ljósi frumvarps forsætisráðherra
um eignarhald á fjölmiðlum.
„Það er ljóst að ef þetta verður
að lögum þá mun koma til sam-
dráttar í rekstri, sérstaklega snýr
það að Íslenska útvarpsfélaginu, og
samdráttur í rekstri þýðir fækkun
starfsmanna. Við gerðum þeim við-
vart um að þannig stæðu málin,“
segir Skarphéðinn B. Steinarsson
,stjórnarformaður Norðurljósa.
Hann segir of snemmt að segja
til um hvenær komi til uppsagna og
í hversu miklum mæli þær verða.
„Við fórum yfir lög um hópupp-
sagnir og starfsmennirnir gerðu
okkur grein fyrir hvað þeir hefðu í
huga á sínum vegum, meðal annars
starfsmannafund sem verður á
þriðjudaginn,“ segir hann.
Hann segir að farið hafi verið
yfir stöðu Norðurljósa með Lands-
bankanum sem sé stærsti kröfu-
hafinn í félaginu. „Þetta verður
ekki leyst á einum degi en það eru
greinilega flækjur í því að leysa
upp Norðurljós,“ segir Skarphéð-
inn B. Steinarsson. ■
Sameinuðu þjóðirnar:
Leysi deilu
um tunnur
EDINBORG, AP Nýjar ruslatunnur
sem hafa verið teknar í notkun
gamla bænum í Edinborg hafa
valdið miklum deilum. Margir íbú-
anna segja þær sjónmengun og al-
gjörlega á skjön við bæjarhlutann.
Þeir vilja því frekar halda gömlu
ruslatunnunum sem eru minni og
því auðveldara að fela þær.
Bæði andstæðingar nýju rusla-
tunnanna og bæjarráðið, sem hef-
ur fyrirskipað að þær séu prófað-
ar í fjóra mánuði hið minnsta,
hafa ritað Menningarmálastofnun
Sameinuðu þjóðanna og farið þess
á leit að hún tjái skoðun sína á
nýju tunnunum. ■
Össur Skarphéðinsson
fagnar stækkun ESB:
Ísland sæki
um aðild
ESB „Ég fagna þessari þróun Evr-
ópusambandsins og held að hún
muni auka hagsæld Evrópu. Sú
hagsæld mun
líka hafa áhrif
á Ísland, en
það sem ég
ber hinsvegar
kvíðboga fyrir
er að í vaxandi
mæli verður
Ísland jaðar-
ríki, ef við ætl-
um að standa
utan sam-
b a n d s i n s , “
segir formað-
ur Samfylk-
ingarinnar.
Hann telur
að ESB muni
ekki sinna
EES á næstu
árum, líkt og
dæmin sýni nú
þegar, og hann
bendir á að Norðmenn stefni hrað-
byri í átt til sambandsins, sem
geti ekki þýtt ekki annað en hrun
EES-samningsins.
„Besta ráðið fyrir okkur er að
sækja af fullri alvöru um aðild að
ESB,“ segir Össur. ■
HASS Í HERJÓLFI Lögreglan í
Reykjavík tók mann með fjórtán
grömm af efni sem talið er vera
hass í Herjólfi í gær. Efnið fannst
við reglubundið eftirlit.
ÓHAPP Á AKUREYRI Snör við-
brögð ökumanns eru talin hafa
bjargað því að ekki fór illa þegar
þriggja ára drengur hljóp út á
götu á Akureyri í gærkvöld.
Barnið var flutt á sjúkrahús en
var lítið slasað, aðeins hruflað
eftir áreksturinn.
Þingsályktunartillaga um
EES-samninginn:
Fullmiklu
fullveldi
afsalað
ALÞINGI Katrín Júlíusdóttir, Sam-
fylkingunni, mælti fyrir þings-
ályktunartillögu um könnun á
framkvæmd EES-samningsins á
Alþingi í gær, en í henni felst að
skipuð verði nefnd sérfræðinga til
að kanna hvort framkvæmd samn-
ingsins standist íslensku stjórnar-
skrána. Katrín benti á að skömmu
áður en skrifað var undir EES-
s a m n i n g -
inn á sínum
tíma hefði
úttekt ver-
ið gerð, en
hún hefði
verið afar
u m d e i l d
m e ð a l
f r æ ð i -
manna.
„Ég tel
að nú, tólf
árum síðar,
sé það ekki
s p u r n i n g
að skoða
verði þessi mál. Það er margt sem
bendir til þess að við séum búin að
afsala fullmiklu af okkar fullveldi
gegnum EES. Valddreifingin innan
Evrópusambandsins hefur breyst
með þeim hætti að ESB endur-
speglast ekki lengur í EES-samn-
ingnum og aðkoma okkar að stofn-
unum sambandsins er nánast eng-
in,“ sagði Katrín. ■
Slegnir óhug vegna framferðis herlögreglumanna:
Myndir af pyntingum fanga
ÍRAK Myndir sem CBS-sjónvarps-
stöðin bandaríska komst yfir og
sýna pyntingar á írökskum föng-
um í Abu Ghraib-fangelsinu fyrir
utan Bagdad hafa vakið hörð við-
brögð í Miðausturlöndum, Banda-
ríkjunum og Bretlandi.
Á myndunum má sjá fanga
pyntaða og niðurlægða á margvís-
legan hátt. Á einni mynd eru fang-
ar látnir láta sem þeir hafi kyn-
mök, á annarri eru þeir látnir,
naktir, raða sér upp í nokkurs kon-
ar píramída og á þeirri þriðju
stendur maður á kassa með raf-
magnsvíra festa við líkamann og
honum sagt að falli hann fái hann
raflost.
Sjö bandarískir herlögreglu-
menn hafa verið ákærðir og fleiri
kunna að fara sömu leið. Yfirmað-
ur umdeildra fangabúða Banda-
ríkjahers á Guantanamo hefur
verið sendur til Íraks og á að
koma skikki á mál þar.
Myndirnar ollu mikilli reiði í
Miðausturlöndum þegar þær voru
birtar. Bæði George W. Bush
Bandaríkjaforseti og Tony Blair,
forsætisráðherra Bretlands, hafa
fordæmt meðferðina. Bush segir
meðferð fanganna ekki sýna rétta
mynd af bandarísku þjóðinni,
svona hluti geri menn ekki. ■
ILLRÆMT FANGELSI
Andstæðingar Saddams Hussein voru færðir í Abu Ghraib-fangelsi í stjórnartíð hans og
þeir pyntaðir og myrtir.
HÓTAÐ RAFLOSTI
Þessum Íraka var
hótað raflosti ef
hann dytti af
kassanum sem hann
stendur á.
HÆTT VIÐ RAFRÆNAR KOSNING-
AR Írska ríkisstjórnin hefur hætt
við að nota rafrænan búnað til at-
kvæðagreiðslu við kosningar sem
fara fram í júní. Ástæðan er sú
að búnaðurinn hefur ekki verið
prófaður nægilega vel og ekki er
hægt að tryggja að tölvuþrjótar
hafi ekki áhrif á úrslitin.
SKARPHÉÐINN BERG STEINARSSON
Stjórnarformaður Norðurljósa segir að til sam-
dráttar og uppsagna komi ef fjölmiðlafrum-
varp verður að lögum. Ekki er ljóst hvenær og
í hve miklum mæli uppsagnirnar verða.
KATRÍN JÚLÍUSDÓTTIR
Þingmaður Samfylkingar-
innar vill að Alþingi skipi
nefnd sérfræðinga til að
kanna hvort framkvæmd
EES-samningsins standist
íslensku stjórnarskrána.
HARKALEGAR AÐGERÐIR
Ljóst er að grípa verður til mjög harkalegra aðgerða á lyflækningasviði LSH vegna fjár-
skorts, að sögn sviðsstjóra þar.
■ Lögreglufréttir
ÖSSUR
SKARPHÉÐINSSON
Formaður Samfylk-
ingarinnar fagnar
stækkun ESB til
austurs. Hann telur
besta ráðið fyrir Ís-
lendinga að sækja af
fullri alvöru um aðild
að ESB þar sem
Norðmenn stefni
hraðbyri í þá átt.