Fréttablaðið - 01.05.2004, Qupperneq 39

LAUGARDAGUR 1. maí 2004
■ Næsta stopp
27
Ég er að hugsa mikið um Perúum þessar mundir. Það kemur
að einhverju leyti til af því að ég
er mikill áðdáandi Grammy-verð-
launasöngkonunnar Susana Baca
frá Perú sem syngur á Listahátíð í
vor en koma hennar og öflun upp-
lýsinga um menningu hennar og
sönghefð hefur náð að rífa upp í
mér löngun til þess að fara til
Perú og ganga Inkaveginn. Perú
hefur raunar lengi verið ofarlega
á blaði en það sem kveikti endan-
lega í mér var dæmalaus lýsing
manns nokkurs sem ég sat með á
námskeiði fyrir skömmu sem
hafði lagt upp í þessa ferð,“ segir
Guðrún Kristjánsdóttir, kynning-
arstjóri Listhátíðar.
„Gönguferðin sem liggur að
Machu Picchu, sem er með best
varðveittu inkaminjum enda falin
í hrikalegu landslagi Andesfjalla,
tekur þrjá til fjóra daga og er
mjög erfið. Flestir ku standa
frammi fyrir því í miðri ferð að
spyrja sjálfan sig „hvað í andsk...
er maður eiginlega að gera hér?“
Kikkið er þeim mun meira þegar
maður er kominn á leiðarenda.
Vonandi kemst ég einhvern
tímann á þennan áfangastað sem
sameinar svo margt sem mér
finnst heillandi. Og jafnvel þótt
gangan kunni að vera erfið hef ég
komist að því að það er mun auð-
veldara að framkvæma hlutina en
að hugsa um of um að fram-
kvæma þá. Þannig fannst mér til
að mynda miklu auðveldara að
ganga upp á Esjuna en að hugsa
um að ganga upp á Esjuna.“ ■
GUÐRÚN
KRISTJÁNS-
DÓTTIR
Kynningarstjóra
Listahátíðar
dreymir um að
komast til Perú.
Ég vil ganga Inkaveginn
FILIPPUS PRINS
Er afar óánægður með þetta málverk af
sér.
Filippus prins:
Óánægður
með málverk
Filippus hertogi, eiginmaður El-ísabetar Bretadrottningar, er
afar óánægður með mynd af hon-
um sem er nú á sýningu í galleríi í
London. Myndin var máluð fyrir
tveimur árum og sýnir Filippus
beran að ofan með fiskiflugu á öxl.
Fjórir karsar vaxa upp úr einum
fingri hans, en þeir eiga að tákna
fjóra syni hertogans. Filippus sat
fullklæddur fyrir hjá málaranum
fjórum sinnum en varð skelfingu
lostinn vegna útkomunnar og neit-
aði frekari fyrirsætustörfum.
Listamaðurinn, Stuart Pearson
Wright, fékk eftir það karlmann,
nokkuð kominn á aldur, til að sitja
fyrir svo hann gæti lokið við
myndina. Hún er til sölu fyrir
25.000 pund. Filippus segir að
myndin líkist sér alls ekki. ■
KLERKUR Í ÍRAN
Gamanmynd um þjóf sem dulbýr sig sem
klerk hefur slegið í gegn í Íran.
Íran:
Klerkagrín
slær í gegn
Gamanmynd um þjóf sem dul-býr sig sem klerk er að slá í
gegn í Íran. Kvikmyndahús í
Teheran eru með aukasýningar á
myndinni eftir miðnætti, svo mik-
il er aðsóknin. Leikstjórinn Kamal
Tabrizi skýrir vinsældir myndar-
innar, sem nefnist Eðlan, með því
að almenningur í Íran sé óvanur
því að gert sé grín að klerkum.
Menntamálaráðuneytið í Íran
lagði blessun sína yfir myndina en
eftir frumsýningu beitti það sér
fyrir því að myndin var stytt um
eina mínútu. Þó nokkrir áhrifa-
menn innan klerkastjórnarinnar
hafa séð myndina og sumir þeirra
mættu með fjölskylduna með sér.
Einhverjir þeirra hafa kvartað
yfir myndinni en aðrir hafa haft
samband við leikstjórann og borið
lof á myndina, sem þeir segja hafa
mikilvægan boðskap að geyma.
Þess ber að geta að í lok myndinn-
ar finnur aðalpersónan Guð. ■