Fréttablaðið - 01.05.2004, Blaðsíða 43

LAUGARDAGUR 1. maí 2004 31
með og yfirleitt allra þátta sem
snerta starfið og manninn.
„Það er nú einu sinni þannig að
fólk gerir mistök, við erum bara
ekki þróaðri en svo. Nú er að ryðja
sér til rúms í Evrópu vinnulag sem
kveður á um að þér verði ekki refs-
að fyrir að gera mistök sem hægt
er að búast við að þú gerir. Ef þú
gerir mistök sem hægt er að sýna
fram á að hver annar hefði getað
gert við sömu kringumstæður
verður þér ekki refsað. Þér verður
hins vegar refsað ef þú sýnir af
þér stórfellt gáleysi, misnotar
vímuefni eða áfengi í vinnunni eða
annað slíkt.“
Hlín fagnar þessari hugarfars-
breytingu og segir starfsumhverf-
ið á góðri leið með að verða við-
felldara fyrir vikið. Hún rifjar
hins vegar upp að á dögunum hafi
ítalskur starfsbróðir hennar verið
dæmdur í átta ára fangelsi fyrir
það eitt að vera hlekkur í langri
keðju sem endaði með flugslysi. „Í
þessu tilviki er flugumferðarstjór-
inn gerður að blóraböggli, og það
er eins og mönnum líði betur á eft-
ir.“
Þarf að breyta lögum
Hlín leggur líka áherslu á
nauðsyn þess að flugumferðar-
stjórar tilkynni þau flugumferð-
arfrávik sem þeir vita um svo
hægt sé að búa þannig um hnút-
ana að slíkt endurtaki sig ekki.
Meinið er hins vegar að menn
þurfa víðast hvar að tilkynna und-
ir nafni. Í Danmörku var nýlega
leitt í lög að tilkynningar um flug-
atvik og flugumferðaratvik eru
undanskilin upplýsingalögum.
Nöfn þeirra sem þátt eiga í til-
kynntu atviki verða ekki gerð op-
inber svo fremi sem ekki er um
stórfellt gáleysi að ræða. Þetta
hefur haft í för með sér að jafn
margar tilkynningar um frávik
berast á einum degi og áður gerð-
ist á einu ári. Fyrir vikið hafa
menn möguleika á að bæta verk-
lag eða önnur atriði. „Hér er kerf-
ið þannig að fólki ber að láta vita
hafi það orðið vart við flugfrávik.
Og það á að gera það undir nafni.
Upplýsingalögin gera það hins
vegar að verkum að í raun geta
allir komist í þessar upplýsingar,
sem er hreint ekki gott. Þetta ger-
ir það auðvitað að verkum að fólk
veigrar sér við að láta vita. Marg-
ir gera það hins vegar en það er
ekki tilkynnt um allt,“ segir Hlín.
Hún minnist líka á atvik sem
varð nýlega í Sviss þar sem flug-
umferðarstjóri var myrtur. „Hann
var á vakt þegar flugslys varð
yfir Überlingen fyrir tveimur
árum og fjölmiðlarnir birtu nafn
hans. Málið er enn í rannsókn og
ekkert hefur verið gert opinbert
um hver hans þáttur í slysinu var.
Ættingi eins þeirra sem létust
myrti hann.“
207 þúsund í byrjunarlaun
Flugumferðarstjórum er gert
að láta af störfum þegar sextugs-
aldri er náð en geta sótt um und-
anþágu til að vinna í þrjú ár til
viðbótar. Hlín telur þetta fyrir-
komulag eðlilegt í ljósi álagsins.
„Víða erlendis eru aldursmörkin
lægri, t.d. 55 ára.“
Sú þjóðsaga er á kreiki að laun
flugumferðarstjóra séu himinhá
en Hlín telur það varla rétt.
„Grunnlaun nýútskrifaðs flugum-
ferðarstjóra eru 207 þúsund krón-
ur,“ segir hún en bendir á að vakta-
álag bætist ofan á þá fjárhæð.
Meðal helstu mála sem steðja
að stjórn Félags flugumferðar-
stjóra eru lífeyris- og kjaramál en
núgildandi samningar renna út
eftir ár. Þá er framtíðarskipan
flugmála ofarlega í hugum flug-
umferðarstjóra en þeim finnst
mörgum óeðlilegt að flugumferð-
arþjónusta, stjórnsýsla og eftirlit
sé á einni og sömu könnunni, þ.e.
hjá Flugmálastjórn.
Um þessi mál og önnur mun
Hlín Hólm fjalla á næstunni á
milli þess sem hún sinnir sínum
daglegu störfum, stundar golf,
sinnir hestunum sínum og hvetur
krakkana sína tvo áfram í íþrótt-
um hjá KR.
bjorn@frettabladid.is
ÁBYRGÐ FLUGUMFERÐARSTJÓRA ER MIKIL
„Það er nú einu sinni þannig að fólk gerir mistök, við erum bara ekki þróaðri en svo.“