Fréttablaðið - 01.05.2004, Blaðsíða 8

8 1. maí 2004 LAUGARDAGUR
Þyrluvakt lækna:
Áfram um borð
LANDHELGISGÆSLAN Læknar sem
starfað hafa um borð í þyrlum
Landhelgisgæslunnar hafa komist
að samkomulagi við Landspítala -
háskólasjúkrahús um að læknar
verði áfram um borð í þyrlunni.
Útlit var fyrir að frá og með
deginum í dag yrðu ekki læknar
um borð í þyrlunni og hafði lækn-
um á þyrluvakt verið sagt upp frá
og með 1. maí.
Að sögn Friðriks Sigurbergs-
sonar, eins þeirra lækna sem
starfað hafa í þyrlunni, náðist
samkomulag um að uppsagnir
þyrlulæknanna yrðu dregnar til
baka. „Ástæða þess að við sam-
þykkjum þetta núna er að við telj-
um okkur hafa vissu fyrir því að
það verði unnið hratt og vel að
framtíðarskipulagi þyrluvaktar
lækna,“ segir hann.
„Það verða því áfram læknar við
störf á þyrluvaktinni sem við teljum
mjög mikilvægt út frá öryggis-
sjónarmiði. Á þennan hátt teljum
við okkur fært að starfa áfram því
við treystum því að unnið verði
hratt og vel að því að gera langtíma-
samning,“ segir Friðrik. ■
Þjóðverjinn játaði
innflutning á hassi
Þjóðverjinn Claus Friehe játaði fyrir dómi innflutning á sjö kílóum af hassi í gær en hann var
ákærður fyrir stórfelld fíkniefnabrot ásamt tvíburabræðrunum Rúnari Ben og Davíð Ben
Maitsland. Þáttur Friehe var klofinn frá málinu og hann dæmdur í sex mánaða fangelsi.
DÓMMÁL Claus Friehe, rúmlega
sextugur Þjóðverji, var dæmdur í
sex mánaða fangelsi í Héraðs-
dómi Reykjavíkur þegar hann ját-
aði að hafa flutt inn
sjö kíló af hassi í sjö
ferðum til landsins.
Þáttur Friehe var
því klofinn frá saka-
máli þar sem hann
var ákærður ásamt
tvíburabræðrunum
Rúnari Ben Maits-
land og Davíð Ben
Maitsland. Sam-
kvæmt heimildum
blaðsins játaði Friehe til að losna
við frekari málsmeðferð.
Claus Friehe fór með hassið í
sjö ferðum um Keflavíkurflug-
völl. Fyrstu ferðina fór hann 8.
mars árið 2002 og þá síðustu 3.
október sama ár. Hassið sem
Friehe flutti til landsins er hluti af
þeim 27 kílóum sem Rúnar Ben
Maitsland er ákærður fyrir að
hafa staðið að innflutningi á. Þá er
bróðir hans Davíð Ben ákærður
fyrir að hafa tekið á móti 23 kíló-
um hassins. Friehe er sagður vera
einn af þremur burðardýrum
þeirra bræðra en hassið kom til
landsins í samtals ellefu ferðum.
Útlend kona er sögð hafa flutt inn
sjö kíló um Keflavíkurflugvöll í
þremur ferðum frá apríl til sept-
ember árið 2002. Þá er útlendur
maður sagður hafa flutt inn þrett-
án kíló í einni ferð um Seyðis-
fjarðarhöfn í júní sama ár. Efnin á
Rúnar að hafa keypt af þýskum
höfuðpaur smyglhrings sem hef-
ur verið upprættur, sá var dæmd-
ur í sex ára fangelsi í Þýskalandi.
Claus Friehe, Rúnar Ben og
Davíð Ben neituðu allir sök í mál-
inu þegar það var þingfest í Hér-
aðsdómi 19. síðasta mánaðar. Rún-
ar Ben og Claus Friehe, voru á síð-
asta ári dæmdir í fimm ára og
tveggja og hálfs árs fangelsi þann
25. júní í fyrra fyrir þátttöku á
innflutningi á um 900 grömmum
af sterku amfetamíni og tæpu
kílói af kannabisefnum. Með brot-
inu rauf Rúnar Ben skilorð
reynslulausnar dóms sem hann
hlaut í lok júní árið 2000.
hrs@frettabladid.is
Uppgjör Bakkavarar:
Undir
væntingum
UPPGJÖR Hagnaður Bakkavarar
nam 289 milljónum króna fyrstu
þrjá mánuði ársins. Uppgjörs-
gjaldmiðill félagsins er bresk
pund og óx hann um rúm þrettán
prósent í þeirri mynt milli ára.
Tekjur félagsins voru 4,5 millj-
arðar króna á tímabilinu.
Rekstrarhagnaður nam 560
milljónum króna.
Uppgjörið er undir vænting-
um greiningardeilda bankanna.
Innri vöxtur félagsins er
sautján prósent og segja
stjórnendur félagsins að rekst-
urinn sé samkvæmt áætlun og
telja rekstrarhorfur góðar. ■
HERMAÐUR Í ÍRAK
Aðstoðarvarnarmálaráðherrann flaskaði á
tölum um fallna hermenn.
Aðstoðarvarnarmálaráðherra:
Vissi ekki
um mannfall
WASHINGTON, AP Paul Wolfowitz,
næstæðsti maður bandaríska
varnarmálaráðuneytisins, vissi
ekki hversu margir bandarískir
hermenn hefðu fallið í Írak þegar
hann var spurður út í það á fundi
með fjárveitinganefnd Banda-
ríkjaþings.
„Þeir eru um það bil 500, þar af
eru – ég get fengið nákvæmar töl-
ur – um það bil 350 sem hafa
fallið í bardögum,“ svaraði
Wolfowitz. Hið rétta er að á átt-
unda hundrað hermenn hafa fallið
í Írak, þar af rúmlega 500 í bar-
dögum. Talsmaður ráðuneytisins
sagði síðar að Wolfowitz hefði
mismælt sig. ■
…með allt fyrir tískuna
www.plusferdir.is
Benidorm
29.955 kr.
N E T
Innifalið er flug, gisting, ferðir til og frá flugvelli erlendis,
íslensk fararstjórn og allir flugvallarskattar.
M.v. 2 fullorðna og 2 börn 2ja-11 ára í íbúð m/1 svefnh. í 7 nætur á Halley
19. eða 26. maí.
Verð miðað við að 2 fullorðnir ferðist saman 39.990 kr.
NETplús er einungis bókanlegur á www.plusferdir.is
19. eða 26. maí
Verð frá
■
Hassið sem
Friehe flutti til
landsins er
hluti af þeim
27 kílóum
sem Rúnar
Ben Maitsland
er ákærður
fyrir að hafa
staðið að inn-
flutningi á.
CLAUS FRIEHE
Friehe er sagður hafa játað til að losna við frekari málsmeðferð samkvæmt heimildum
Fréttablaðsins.
FR
ÉT
TA
B
LA
Ð
IÐ
/G
VA
KOMA GOÐANNA UNDIRBÚIN
Mikil hátíðahöld voru við Vadakkunathan-
musterið í Trichur í Indlandi í gær. Þá
stóðu Trichur pooram hátíðahöldin yfir en
þá er talið að goð annarra mustera sæki
Vadakkunathan-musterið heim. Þessi
skrautlegi fíll var notaður við hátíðahöldin.
ÞYRLA GÆSLUNNAR
Náðst hefur samkomulag um að læknar
verði áfram um borð í þyrlu gæslunnar.
Talsmaður læknanna segir samkomulagið
gert í trausti þess að langtímasamningar
um þjónustuna náist.
Alfreð Þorsteinsson svarar gagnrýni
sjálfstæðismanna vegna orkustefnunefndar:
Skýrslan ekki gagn-
rýni á stefnu R-listans
BORGARMÁL Skýrsla orkustefnu-
nefndar er ekki gagnrýni á stefnu
R-listans, eins og sjálfstæðismenn
segja, heldur þvert á móti, að sögn
Alfreðs Þorsteinssonar, borgar-
fulltrúa og stjórnarformanns
Orkuveitu Reykjavíkur.
Vilhjálmur Þ. Vilhjálmsson,
oddviti Sjálfstæðisflokksins í
borgarstjórn, sagði í Fréttablaðinu
í gær að orkustefnunefndin hefði
átt í erfiðleikum með að fá upplýs-
ingar frá Orkuveitunni um sam-
setningu raforkuverðs. Alfreð seg-
ir þetta misskilning. Í skýrslu
nefndarinnar segi að almennt sé
erfitt að ná utan um það hvernig
raforkuverð sé samsett vegna svo-
kallaðs verðjöfnunarþáttar. Þetta
eigi ekki bara við um Orkuveituna
heldur líka um önnur fyrirtæki.
Sjálfstæðismenn hafa gagnrýnt
R-listann harðlega fyrir ýmis
verkefni sem Orkuveitan hefur
tekið þátt í en þeir telja vera fyrir
utan ramma fyrirtækisins.
Vilhjálmur sagði nefndina taka
undir þetta þegar hún segði nauð-
synlegt að endurskilgreina tilgang
Orkuveitunnar þannig að sérþekk-
ing fyrirtækisins tengist verkefn-
um við orkuframleiðslu.
Alfreð vísar þessu á bug segir:
„Sjálfstæðismenn sem hafa setið í
stjórn Orkuveitunnar hafa sam-
þykkt öll þau nýsköpunarverkefni
sem þar hafa verið samþykkt. Þar
á meðal risarækjueldið“.
Alfreð segir brýnt að það komi
fram að nefndin hafi verið skipuð
fólki úr öllum stjórnmálaflokkum.
Hann segir eina af merkilegustu
niðurstöðum nefndarinnar vera þá
að hún telji að skilgreina beri
gagnaflutninga sem hluta af
kjarnastarfsemi Orkuveitu
Reykjavíkur. „Með þessari niður-
stöðu er verið að hafna gagnrýni
sjálfstæðismanna á Orkuveituna
því fyrirtækið á og rekur ljós-
leiðarakerfi á höfuðborgar-
svæðinu [Línu.Net].“ ■
ALFREÐ ÞORSTEINSSON
Alfreð segir eina af merkilegustu
niðurstöðum nefndarinnar vera þá
að hún telji að skilgreina beri gagnaflutn-
inga sem hluta af kjarnastarfsemi
Orkuveitu Reykjavíkur.