Fréttablaðið - 27.05.2004, Blaðsíða 2
2 27. febrúar 2003 FIMMTUDAGUR
„Jú ef hann er með þessa linsu í
dómarahlutverkinu þá er maður
feginn.“
Gunnlaugur Jónsson er fyrirliði meistaraflokks ÍA.
Ljósmyndari Fréttablaðsins náði tveimur myndum
af honum að toga í peysu andstæðinga inni í víta-
teig í leik í fyrradag en ekkert var dæmt. Pjetur
Sigurðsson ljósmyndari er einnig alþjóðlegur
knattspyrnudómari.
SPURNING DAGSINS
Gunnlaugur, ertu ekki feginn að ljós-
myndari Fréttablaðsins var ekki að
dæma?
STRAND Hernes, 5000 tonna flutn-
ingaskip, strandaði rétt fyrir utan
innsiglinguna í Þorlákshöfn upp
úr hádegi í gær. Sautján skipverj-
ar voru um borð en skipið, sem
var fullhlaðið vikri, var á útleið til
Álaborgar þegar atvikið átti sér
stað. Ekki var talin hætta á ferð-
um þar sem skipið tók niðri á
sandhrygg við innsiglinguna og
skorðaði sig þar af. Það var hins
vegar að fjara út þegar það
strandaði og því ekki von á að það
væri hægt að losa það fyrr en á
flóði um kvöldið. Þyrla landhelg-
isgæslunnar var sett í viðbragðs-
stöðu og varðskipið Týr sent til
aðstoðar. Guðmundur Ágeirsson,
stjórnarformaður Nesskipa sem
gerir Hernes út, var ekki
áhyggjufullur þar sem engar
s k e m m d i r
urðu á skip-
inu og búist
var við að það
k æ m i s t
klakklaust af
s t r a n d s t a ð .
„Það voru ef
til vill mistök
hjá þeim að
fara út eftir
að það byrj-
aði að fjara,“
sagði hann.
I n d r i ð i
Kristinsson,
hafnarstjóri í Þorlákshöfn, segir
að skipið hafi farið örlítið af leið
þegar það sigldi út. Hann bendir á
að framburður úr Ölfusá berist í
innsiglinguna svo reglulega þurfi
að dæla sandi úr höfninni. „Skip
hafa tekið niður áður en ekki
stoppað hingað til. Það má vera að
framkvæmdir við nýjan varnar-
garð hafi haft áhrif sem við gerð-
um ekki ráð fyrir.“ Vonast var til
að Hernes myndi losna af strand-
stað fyrir miðnætti.
Varðskipið Týr kom tóg í skip-
ið um áttaleytið, en þegar leið á
kvöldið fór sjórinn að ýta Hernes
í átt að nýja varnargarðinum. Ind-
riði sagði útlitið ekki gott þegar
blaðið fór í prentun og hætta væri
á að skipið myndi skemmast færi
það á varnargarðinn. Hann sagði
þó skipverja ekki í hættu og von-
aðist til að varðskipinu tækist að
draga það á flot. ■
bergsteinn@frettabladid.is
Rúmlega sextíu mál bíða afgreiðslu Alþingis
sem lýkur störfum á næstu dögum:
Stjórnin fellur frá áminn-
ingarfrumvarpinu
ÞINGLOK Samkvæmt áreiðanleg-
um heimildum Fréttablaðsins eru
miklar líkur á að þinginu ljúki
fyrir vikulok. Ljóst var á fundi
formanna flokkanna að ríkis-
stjórnin er reiðubúin að falla frá
því að knýja fram frumvarp um
réttindi og skyldur starfsmanna.
Engir samningar um þinglok
hafa verið gerðir en Hjálmar
Árnason, þingflokksformaður
Framsóknarflokksins, segir lík-
urnar um fimmtíu prósent á þess-
ari stundu.
Guðmundur Árni Stefánsson,
forseti Alþingis í fjarveru Hall-
dórs Blöndals, segir 56 mál bíða
afgreiðslu þingsins. Hann fundaði
með formönnunum síðdegis í gær
til að koma skipulagi á störfin á
lokadögum þingsins. Þar segir
hann hafa verið rætt um hvaða
mál yrðu látin bíða en samkomu-
lag hafi ekki náðst. Því sé ekki
ljóst hvenær þinginu ljúki. „Ann-
aðhvort verður gert hlé á þinginu
á laugardaginn eða menn hittast
aftur á þriðjudaginn og halda
áfram fram eftir viku,“ segir Guð-
mundur Árni. ■
Ögmundur Jónasson:
Vændis-
frumvarp
verði afgreitt
ÞINGLOK Ögmundur Jónasson, þing-
flokksformaður Vinstrihreyfingar-
innar - græns framboðs, segir að ef
frumvarpi ríkisstjórnarinnar um
réttindi og skyldur ríkisstarfs-
manna verði frestað létti það óneit-
anlega á þinghaldinu. „Jafnvel þótt
mikill ágreiningur sé um mörg mál
og kalli á umræðu,“ segir Ögmund-
ur. Flokkurinn vill sjá svokallað
vændisfrumvarp afgreitt. „Hins
vegar er ljóst að það eru mörg mál
sem við vildum slá á frest,“ segir
Ögmundur. ■
Kristján L. Möller:
Hrossakaup
stjórnar-
flokka
ÞINGLOK Kristján Möller, þing-
flokksformaður Samfylkingar-
innar, segir það ósk flokksins að
frumvarp um réttindi og skyldur
ríkisstarfsmanna bíði til hausts-
ins. „Svo er mál frá dómsmála-
ráðherra sem fjallar um gjaf-
sóknir. Við höfum talið að það
krefjist mikilla umræðna,“ segir
Kristján.
„Það er margt að breytast,“
segir Kristján og nefnir sjávar-
útvegsfrumvarpið sem sett var
fram á þriðjudagskvöld og getur
kallað á meiri umræðu. „Það er
eins og einhver lenska hjá ráð-
herrum að vera með allt á síð-
ustu stundu. Síðasta stóra breyt-
ingin í sjávarútvegi var þegar
frumvarp um línuívilnun kom á
síðustu dögunum fyrir jól,“ segir
Kristján og bætir við: „Mál sem
koma svona seint frá ráðherrun-
um eru gott dæmi um hvernig
hrossakaup stjórnarflokkanna
eru að eiga sér stað. Þetta eru
mál sem stjórnarflokkanna eiga
erfitt með að koma sér saman
um,“ segir Kristján. ■
Magnús Þór Hafsteinsson:
Sama
hvenær
þingi lýkur
ÞINGLOK Magnús Þór Hafsteins-
son, þingflokksformaður Frjáls-
lynda flokksins, segir ekkert fast í
hendi. Eini samningsstyrkur
þeirra hafi verið að lofa ekki mál-
þófi í smábátamálinu en þeir hafi
ekki áhuga á því.
Magnús segir það ekki skipta
þingmenn Frjálslynda flokksins
máli hvað verði rætt síðustu daga
þings. „Við getum verið hérna
langt fram í júní þess vegna,“
segir Magnús. Hann segir ekki
ákveðið hvort flokkurinn beiti
málþófi í smábátamálinu. „Við
ætlum aðeins að segja það sem við
teljum okkur þurfa að segja. Það
verða mislangar skammarræður,“
segir Magnús.
„Ríkisstjórnin er að koma með
stór og þung mál allt of seint inn í
þingið. Þess vegna er þetta
svona,“ segir Magnús. ■
■ LÖGREGLUFRÉTTIR
Bankaránið við Gullinbrú:
Tveimur sleppt úr haldi
BANKARÁN Héraðsdómur Reykja-
víkur féllst í gær á kröfu lögreglu
um áframhaldandi gæsluvarðhald
yfir einum þremenninganna sem
handteknir voru vegna vopnaðs
bankaráns í Landsbankanum við
Gullinbrú í síðustu viku. Gæslu-
varðhaldsúrskurður rann út í gær
og var tveimur mannanna sleppt.
Lögregla krafðist þess að gæslu-
varðhald yfir þriðja manninum
yrði framlengt til 7. júlí og á það
féllst dómari. Verjandi mannsins
kærði úrskurðinn til Hæstaréttar.
Þáttur þriðja mannsins er tal-
inn sýnu mestur og var frekari
gæslu krafist yfir honum vegna
almannahagsmuna. Maðurinn
náðist á hlaupum stuttu eftir að
hann réðst inn í bankann og ógn-
aði þar starfsmanni með öxi. Lög-
regla handtók seinna sama dag
annan mann sem grunaður var um
að hafa aðstoðað við ránið. Þriðji
maðurinn gaf sig fram við lög-
reglu nokkrum dögum síðar.
Játningar liggja fyrir hjá öllum
sakborningum. ■
LÍFSHÆTTULEGA SLÖSUÐ
Ekið var á eldri konu á Spítalastíg
í gærdag. Samkvæmt upplýsing-
um lækna á slysadeild Landspít-
ala - háskólasjúkrahúss í Fossvogi
er konan í lífshættu. Þá var ekið á
stúlku á reiðhjóli við Seljabraut í
gær en meiðsli hennar reyndust
ekki alvarleg.
NÝI VARNARGARÐURINN Í ÞORLÁKSHÖFN
Hugsanlega hafa framkvæmdir við hann haft óvænt áhrif á innsiglinguna.
INDRIÐI KRISTINS-
SON HAFNARSTJÓRI
Segir skipið hafa farið
af leið á útsiglingu.
Reyna átti að ná Hernes
á flot á miðnætti
Hernes, tæplega 5000 tonna flutningaskip Nesskipa, strandaði við innsigling-
una í Þorlákshöfn í gær. Framburður grynnkar reglulega innsiglinguna og
hafa skip áður tekið þar niðri. Sautján manna áhöfn var aldrei í hættu.
BANKARÁN
Farið hefur verið fram á áframhaldandi gæsluvarðhald yfir manni sem réðst inn
í Landsbanka Íslands við Gullinbrú vopnaður öxi.
FR
ÉT
TA
B
LA
Ð
IÐ
/T
EI
TU
R
ALÞINGI
Þingflokksformaður Framsóknar telur
helmingslíkur á að þinginu ljúki fyrir
vikulok. Enn er ekkert á borði en Frétta-
blaðið hefur heimild fyrir því að ríkis-
stjórnin sé tilbúin að bíða með
áminningarfrumvarpið.