Fréttablaðið - 27.05.2004, Blaðsíða 26
Ég er mikið afmælisbarn og vilhelst halda veislu en nú stend-
ur þannig á að ég er á leið til
Þýskalands að skoða sundlaugar
og íþróttamannvirki á vegum
ÍTR,“ segir Anna Kristinsdóttir
borgarfulltrúi, sem er 41 árs í dag.
„Það er hins vegar aldrei að
vita nema mínir ágætu stjórnar-
menn geri eitthvað skemmtilegt
fyrir mig í tilefni dagsins, ég hef
sagt þeim frá afmælinu og það er
því tilhlýðilegt að þeir komi mér á
óvart,“ segir Anna hlæjandi og
hefur með þessum orðum skorað
á ferðafélaga sína.
Aðspurð hvort hún sé meira
fyrir kaffi og kökur eða partíhald
segist Anna nú í seinni tíð hneigj-
ast að kökuboðum en fertugs-
afmælið hafi þó verið í stærri
kantinum. „Afmælið í fyrra stend-
ur mér næst, maðurinn minn kom
mér skemmtilega á óvart en hann
fékk djasssöngkonuna Kristjönu
til að syngja fyrir mig lag Louis
Armstrong, What a Wonderful
World. Það er lag sem ég og mín
fjölskylda eigum miklar minning-
ar um og spilum jafnt í jarðarför-
um og stórafmælum.“
Söngur oddvita Sjálfstæðis-
flokksins, Vilhjálms Þ. Vilhjálms-
sonar, er þó einnig Önnu eftir-
minnilegur úr veislunni. „Hann
söng til mín, Vertu ekki að horfa
svona alltaf á mig. Ég veit ekki
alveg hvað hann meinti með text-
anum en þetta kom mikið á óvart.
Hann er maður sem ekki er þekkt-
ur fyrir sönghæfileika en hann
stóð sig nokkuð vel. Ég held að
fólk hafi almennt verið á þeirri
skoðun að þetta hafi verið
skemmtilegasta ræða kvöldsins,“
segir Anna.
Auk þess að skoða sundlaugar í
Þýskalandi er Anna í óðaönn að
skipuleggja 17. júní hátíðarhöldin
sem formaður þjóðhátíðarnefnd-
ar. „Lýðveldið verður 60 ára og því
liggur fyrir að halda veglega hátíð
í Reykjavík. Það eru ekki nema
þrjár vikur í hátíðina og því mikill
tími sem fer í skipulagningu. Þetta
er mikið púsluspil bæði hvað varð-
ar morgunathöfnina og daginn
allan enda stefnum við að veglegri
þjóðhátíð sem fólki af öllu höfuð-
borgarsvæðinu er boðið á,“ segir
Anna að lokum. ■
Þessi dagur fyrir 64 árum varsvartur dagur í síðari heims-
styrjöldinni, þegar Bretar ætluðu
að gefast upp fyrir þýskri
stormsveitardeild við Dunkirk
eða Dunkerque í Norður-Frakk-
landi.
Bresku deildinni tókst að verj-
ast Þjóðverjunum þar til öll skot-
færi voru á þrotum. Þá tókst
Bretum að flýja inn í bóndabýli í
þorpinu Paradis, rétt norðan við
höfnina í Dunkirk þar sem skip
beið eftir þeim til að flytja aftur
til Bretlands.
Breska herdeildin ákvað að
gefast upp og gekk út úr húsinu í
einfaldri röð veifandi hvítum fána
en þurfti að hörfa þar sem viðtök-
urnar voru gjamm þýskra vél-
byssna.
Þeir reyndu aftur og ensku-
mælandi þýskur foringi skipaði
þeim að fara út á engi, þar sem
allt var tekið af þeim, frá sígarett-
um til gasgríma. Þá var þeim skip-
að að gryfju sem búið var að um-
kringja með vélbyssum. Þeir
Bretar sem lifðu skothríðina af
voru ýmist stungnir til bana með
byssustingjum eða skotnir.
Af 99 hermönnum voru það
tveir sem lifðu af, en þeim tókst
að felast milli líka félaga sinna til
myrkurs þegar þeir laumuðust í
burtu að næsta bóndabæ þar sem
gert var að sárum þeirra. Þar sem
þeir höfðu ekki í neitt skjól að
vernda gáfust þeir upp og gerðust
stríðsfangar. Annar var sendur
fyrr til Bretlands í skiptum fyrir
þýskan stríðsfanga en þegar hann
kom þangað var sögu hans ekki
trúað. Það var ekki fyrr en sá
seinni sneri aftur heim og stað-
festi söguna að hafin var formleg
rannsókn. Breskur herréttur í
Hamborg dæmdi þýska foringj-
ann, sem gaf skipunina um að
skjóta, til hengingar. ■
■ ÞETTA GERÐIST
1647 Fyrsta skráða aftaka nornar í
Bandaríkjunum fer fram í
Massachusetts.
1703 Pétur mikli stofnar Pétursborg í
Rússlandi.
1933 Hinn ungi teiknimyndahöfundur
Walt Disney frumsýnir Þrjú lítil
svín, sem síðar hlaut Óskarsverð-
laun.
1936 Skemmtiferðaskipið Queen Mary
siglir frá Englandi í meyjarför
sína.
1937 Golden Gate-brúin í San
Francisco er opnuð.
1941 Bismarck er sökkt.
1949 Leikkonan Rita Hayworth og
prinsinn Aly Khan giftast.
1972 Bandaríkjamenn og Rússar skrifa
undir SALT-samninginn sem var
fyrsta tilraunin til að hefta út-
breiðslu kjarnorkuvopna.
1994 Nóbelsverðlaunahafinn Alexand-
er Solzhenitsyn snýr aftur til
Rússlands eftir tuttugu ára út-
legð.
1995 Leikarinn Christopher Reeve,
sem er þekktur fyrir hlutverk sitt
sem Superman lamast eftir að
hafa dottið af hestbaki í
Charlottesville, Virginíu.
MINNISMERKI UM FALLNA
HERMENN Í DUNKIRK
97 breskir hermenn sem höfðu gefist upp
fyrir þýskri stormsveitardeild voru skotnir.
26 27. maí 2004 FIMMTUDAGUR
■ AFMÆLI
27. MAÍ 1940
SEINNI HEIMSSTYRJÖLDIN
■ Voðaverkin í Dunkirk.
AFMÆLI
ANNA KRISTINSDÓTTIR
■ er 41 árs í dag. Hún er í Þýskalandi
með stjórnarmönnum ÍTR.
ANDRE 3000
Andre 3000 í Outkast, ein skærasta stjarna
rappsins, er þrítugur í dag.
27. MAÍ
Við frumsýndum föstudaginn13. febrúar og sýndum 24 sýn-
ingar á Breiðumýri fyrir pakk-
fullu húsi,“ segir Jón Benónýsson,
formaður leikfélagsins Eflingar,
en Þjóðleikhúsið hefur valið
Landsmótið, sýningu Eflingar,
sem áhugaverðustu áhugaleiksýn-
ingu ársins.
Bróðir Jóns, Arnór Benónýs-
son, er leikstjóri verksins en það
er samið af þriðja bróðurnum,
Herði Þór Benónýssyni, ásamt
Jóhannesi Sigurjónssyni. „Þetta
er alþingeysk leiksýning sem
gerist á landsmóti UMFÍ á sjötta
áratugnum. Þarna mætast sunn-
an- og norðanmenn og þetta lýsir
aðeins togstreitunni milli sveita-
menningarinnar annars vegar og
bítlamenningarinnar sem var þá
að bresta á.“
En hvað er það að mati Jóns
sem veldur vinsældum sýningar-
innar? „Fólk sem hefur aldrei
komið á landsmót og aldrei verið í
ungmennafélagi er yfir sig hrifið
af verkinu og ég held að það sé
ekki hægt að finna neina aðra
skýringu á því en þá að ungmenn-
félagsandinn sé hreinlega í
þjóðargeninu. Annars er þetta líka
mjög kraftmikil og skemmtileg
sýning sem skartar góðum tónlist-
arflutningi og mikilli leikgleði.“
Sýningin hætti fyrir fullu húsi í
vor. „Í leikhópnum er fólk frá öll-
um landshornum því margir leik-
aranna eru úr Framhaldsskólan-
um í Laugum og þaðan kemur fólk
alls staðar að. Við urðum að hætta
þegar skólanum var slitið í vor og
sauðburðurinn fór í gang.“
Hátíðarsýning á verkinu verð-
ur í Þjóðleikhúsinu þann 19. júni.
„Þá rætist stór draumur margra
áhugaleikaranna en mér þykir
einnig líklegt að leikritið verði
tekið aftur upp hér fyrir norðan í
haust.“ ■
Ungmennafélags-
andinn í þjóðargeninu
LANDSMÓTIÐ Í ÞJÓÐLEIKHÚSIÐ
Sýning leikfélagsins Eflingar á Landsmótinu hefur verið valin áhugaverðasta áhugaleik-
sýning ársins hjá Þjóðleikhúsinu.
Skoðar sundlaugar á afmælisdaginn
ANNA KRISTINSDÓTTIR
Vonar að stjórnarmenn ÍTR geri eitthvað skemmtilegt fyrir hana í tilefni dagsins.
■ ANDLÁT
Axel Jóhannes Schiöth skipstjóri,
Heimahaga 1, Selfossi, lést föstudaginn
14. maí. Útför hefur farið fram í kyrrþey.
Dóra Jóhannsdóttir, Aflagranda 1,
Reykjavík, lést mánudaginn 24. maí.
Guðmundur S. Sigurjónsson, Fagrabæ
1, Reykjavík, lést sunnudaginn 23. maí.
Gunnar Hlöðver Steinsson, Laufrima 6,
Reykjavík, lést laugardaginn 15. maí. Út-
för hefur farið fram í kyrrþey.
Jóna Sólveig Magnúsdóttir lést sunnu-
daginn 16. maí. Útför hefur farið fram í
kyrrþey.
Stefanía Gísladóttir lést sunnudaginn
23. maí.
■ JARÐARFARIR
13.30 Aðalgeir Axelsson, fyrrver-
andi bifreiðarstjóri, Grenivöllum
28, Akureyri, verður jarðsunginn
frá Akureyrarkirkju.
13.30 Guðrún J. Guðmannsdóttir
frá Snæringsstöðum, Mánagötu
22, Reykjavík, verður jarðsungin
frá Fossvogskirkju.
13.30 Þórir Jónsson, Fagrahvammi
14, Hafnarfirði, verður jarðsung-
inn frá Víðistaðakirkju.
„Fyrstu dúkkuna mína nefndi ég
Matthildi enda óskaði ég þess
sjálf að bera það nafn. Mér fannst
eitthvað vinalegt við nafnið og
tók barnslegu ástfóstri við það,“
segir Katrín Júlíusdóttir alþingis-
kona. „Síðan þetta var hef ég
verið sátt við nafnið Katrín en ég
geng þó iðulega undir gælunafn-
inu Kata.“ ■
HVAÐ VILDIRÐU HEITA...?
[ KATRÍN JÚLÍUSDÓTTIR ]
Karl Steinar Guðnason, forstjóri Trygg-
ingastofnunar, er 65 ára.
Aðeins tveir sluppu