Fréttablaðið - 27.05.2004, Blaðsíða 46
34 27. maí 2004 FIMMTUDAGUR
HÁRSBREIDD FRÁ SIGRI
Spænska stúlkan Magui Serna lagði sig
alla fram gegn Rússanum Vera Zvonareva
á Opna franska meistaramótinu í tennis.
Það dugði henni ekki því Zvonareva vann
5-7, 6-1, 6-4.
TENNIS
Barcelona hreinsar til í herbúðum sínum:
Hollendingarnir burt
FÓTBOLTI Txiki Begiristain, einn af
háttsettari mönnum innan
spænska stórliðsins Barcelona,
tilkynnti í gær að Hollendingarnir
Patrick Kluivert, Marc Overmars,
Philippe Cocu og Michael Reizi-
ger væru komnir út í kuldann
ásamt tyrkneska markmanninum
Rustu Recber: „Það er ekki áhugi
á því að hafa þá áfram í herbúðum
Barcelona,“ sagði Begiristain.
Barcelona hefur á hinn bóginn
boðið Hollendingnum Edgar Dav-
ids samning en hann hefur verið í
láni frá ítalska liðinu Juventus frá
því í janúar á þessu ári. Spila-
mennska Barcelona tók miklum
stakkaskiptum eftir að Davids
kom til liðsins og Barcelona end-
aði í öðru sæti spænsku deildar-
innar eftir að hafa verið í neðri
hluta deildarinnar langt fram eft-
ir vetri. Fleiri lið eru reyndar á
höttunum eftir Davids, Tottenham
Hotspur vill fá hann í sínar raðir
en nýr framkvæmdastjóri liðsins,
Frank Arnesen, sér hann fyrir sér
sem lykilleikmann í uppbyggingu
liðsins.
En aftur að Barcelona. Félagið
vill fyrir alla muni yngja upp hóp-
inn hjá sér og lækka launakostn-
aðinn í kjölfarið og er því byrjað á
því að hreinsa út leikmenn sem
ekki hafa staðið undir nafni
undanfarin ár. ■
Engin lausn að
reka Willum
Segir Ólafur Þórðarson, þjálfari Skagamanna, sem spáir KR sigri gegn
Víkingum í 3. umferð Landsbankadeildarinnar í kvöld
FÓTBOLTI Í kvöld eru þrír leikir á
dagskrá í Landsbankadeild karla í
knattspyrnu og hefjast þeir allir
klukkan 19.15. Grindvíkingar taka
á móti Fylkismönnum, Eyjamenn
halda norður á Akureyri og etja
þar kappi við KA og síðast en ekki
síst taka stigalausir Íslandsmeist-
arar KR-inga á móti nýliðum Vík-
inga sem einnig eru án stiga.
Fréttablaðið sló á þráðinn til
Ólafs Þórðarsonar, þjálfara bikar-
meistara ÍA, og fékk hann til að
spá aðeins í spilin varðandi þessa
þrjá leiki: Fyrst er það leikur
Grindvíkinga og Fylkismanna:
Fylkir vinnur Grindavík
„Ég er á því að Fylkismenn
vinni Grindavík, þeir hafa byrjað
vel og ég hef enga ástæðu til að
ætla annað en að þeir komi til með
að vinna þennan leik tvö núll.
Grindvíkingarnir eru nokkuð
sprækir en ég held að þeir séu
ekki nógu sterkir til að leggja
Fylki að velli. Aðalstyrkur Fylkis
liggur í sterkri miðju og ef Grind-
víkingar ætla sér eitthvað í leikn-
um þá er lykilatriði fyrir þá að ná
tökum á miðjuspilinu en ég tel að
það muni reynast þeim afar
erfitt.“
Jafntefli á Akureyri
Um leik KA og ÍBV hafði Ólaf-
ur þetta að segja: „Hugur minn
segir að þessi leikur endi með
jafntefli, eitt mark á lið. Eyja-
menn eru með skemmtilegt lið og
þá sérstaklega fram á við og þeir
eiga eftir að ógna vörn KA veru-
lega. KA-menn nánast stálu
sigrinum á móti Víkingum í síð-
ustu umferð og spurning hvort
þeir verði jafn heppnir annan
leikinn í röð. KA-menn eru einnig
með spræka framherja sem geta
gert góða hluti en tilfinningin er
jafntefli.“
Botnslagurinn er svo á milli Ís-
landsmeistara KR og nýliða Vík-
ings:
„Þetta er vissulega botnslagur
eins og staðan er núna og það er
alls ekki auðvelt að spá fyrir um
þennan leik. KR-ingarnir eru með
mjög vængbrotið lið en þó hef ég
trú á því að þeir taki öll stigin úr
þessum leik. Þeir eru auðvitað
með miklu betra lið en staða
þeirra segir til um en þessi miklu
meiðsli setja einfaldlega svo stórt
strik í reikninginn. Það er rosa-
lega mikil pressa á KR-ingum en
ég held að þeir geti alveg höndlað
hana.
Leikmenn þurfa að taka sig
saman í andlitinu
Ég veit ekki hvernig menn
hugsa dæmið þarna vestur í bæ og
hvað þá ef KR-ingar ná ekki sigri
í leiknum, en ég held að það sé
engin lausn á vandamálunum að
reka Willum. Það eru leikmenn-
irnir sem þurfa fyrst og fremst að
taka sig saman í andlitinu og
vinna vinnuna sína og meðan þeir
gera það ekki eða það er ekki nóg
af þeim leikfærum þá er voða
erfitt að gera eitthvað í málinu –
það er nú bara svoleiðis.
Hins vegar er alveg pottþétt að
KR-ingar fá ekkert gefið á móti
Víkingum. Þeir síðarnefndu voru
hrikalega óheppnir í síðustu um-
ferð þar sem þeir voru bara að
spila nokkuð vel en gátu ekki
klárað dæmið þrátt fyrir nokkur
góð færi og ég held að það komi til
með að há þeim áfram í þessum
leik – sóknin er þeirra helsti höf-
uðverkur.“ ■
Úkraínski framherjinn
Andriy Shevchenko:
Áfram hjá
AC Milan
FÓTBOLTI Úkraínumaðurinn Andriy
Shevchenko, einn allra besti
framherji heims, hefur framlengt
samning sinn við AC Milan um
fjögur ár en hann átti eftir tvö ár
af samningnum. Dvöl hans í
Mílanóborg gæti því staðið til árs-
ins 2009.
Shevchenko, sem er 27 ára
gamall og alinn upp hjá Dynamo
Kiev, var potturinn og pannan í
sóknarleik Milan á síðasta tíma-
bili og skoraði tuttugu og fjögur
mörk en liðið landaði Ítalíumeist-
aratitlinum með talsverðum yfir-
burðum. Eins og gefur að skilja
hafa mörg stórlið verið á höttun-
um eftir þessum snjalla Úkraínu-
manni og þar ber helst að nefna
Chelsea en liðið var með stórt til-
boð á borðinu. Roman Abramóv-
itsj, eigandi Chelsea, er víst á leið-
inni til Mílanó á morgun þrátt fyr-
ir nýja samninginn hjá Shevch-
enko og ætlar að leggja fram til-
boð í leikmanninn. Ekki er búist
við því að sú för verði til fjár. ■
HVAÐ? HVENÆR? HVAR?
24 25 26 27 28 29 30
Fimmtudagur
MAÍ
LEIKIR
19.15 Grindavík leikur við Fylki á
Grindavíkurvelli í 3. umferð
Landsbankadeildar karla í
fótbolta.
19.15 KA keppir við ÍBV á Akur-
eyrarvelli í 3. umferð Landsbanka-
deildar karla í fótbolta.
19.15 KR og Víkingur leika á KR-
velli í 3. umferð Landsbanka-
deildar karla í fótbolta.
SJÓNVARP
18.10 Olíssport á Sýn. Fjallað er
um helstu íþróttaviðburði heima
og erlendis.
18.30 Saga EM í fótbolta á RÚV.
Upphitunarþættir fyrir EM í fót-
bolta sem hefst í Portúgal 12.
júní.
19.30 Bandaríska mótaröðin
2004 á Sýn. Fréttaþáttur um
bandarísku mótaröðina í golfi.
20.00 Sterkasti maður heims á
Sýn. Í kvöld verður sýnt frá
keppninni árið 1988.
20.40 Leiðin á EM 2004 á RÚV.
Þáttur um undankeppni EM.
21.00 Evrópska mótaröðin á Sýn.
Þáttur um Deutsche Bank - SAP
Open.
22.00 Olíssport á Sýn. Fjallað er
um helstu íþróttaviðburði heima
og erlendis.
22.45 Fótboltakvöld á RÚV. Sýnt
verður úr leikjum 3. umferðar
Landsbankadeildarinnar í knatt-
spyrnu.
23.25 Toyota-mótaröðin í golfi á
Sýn. Svipmyndir frá síðasta móti
ársins 2003.
Spænska stórliðið
Barcelona:
Vill fá
Ballack í
sumar
FÓTBOLTI „Við höfum mikinn áhuga
á Ballack,“ sagði Txiki Beguirista-
in, íþróttastjóri Barcelona, á blaða-
mannafundi í gær. „Hann er öflug-
ur og útsjónasamur leikmaður.“
Barcelona hefur gert Bayern
München formlegt tilboð í Mic-
hael Ballack og er talið er að
spænska félagið sé tilbúið að
greiða 15-20 milljónir evra fyrir
Ballack.
Michael Ballack hefur leikið
með Bayern í tvær leiktíðir en lék
áður með Bayer Leverkusen,
Kaiserslautern og Chemnitzer.
Talið er að Felix Magath, nýr
þjálfari Bayern, reyni að kaupa
Deco frá Porto og Torsten Frings
frá Dortmund fyrir féð sem
Barcelona greiðir fyrir Ballack.
Ballack hefur löngum verið
talinn helsta von þýskrar
knattspyrnu og verið lykilmaður
hjá þýska landsliðinu. Hann hefur
staðið sig vel með Bayern
München sem myndi væntanlega
sakna kappans. ■
ÓLAFUR ÞÓRÐARSON
Spáir Fylki og KR sigri en
hallast að jafntefli í leik
KA og ÍBV.
HYPJIÐ YKKUR!
Patrick Kluivert og Philip Cocu sjást hér fagna í búningi Barcelona. Voru leystir undan
samningi ásamt Marc Overmars, Michael Reiziger og Rustu Recber.
Mark Robins:
O’Neill sá
besti
FÓTBOLTI „Ég hef leikið undir
stjórn frábærra framkvæmda-
stjóra, eins og Alex Ferguson,
Martin O’Neill hjá Leicester og
Ronnie Moore hjá Rotherham,“
sagði Mark Robins. „Ég hef lært
mikið af þeim öllum en ég verð að
segja að Martin O’Neill sé sá
besti. Hann hefur einstaka hæfi-
leika til að breyta hópi leikmanna
í sigurvegara.“
Robins lék með ellefu félögum
á átján ára ferli en þekktastur er
hann fyrir að skora sigurmark
Manchester United í bikarleik
gegn Nottingham Forest í janúar
1990. Staða Ferguson hjá United
var talin í uppnámi eftir slakt
gengi liðsins og margir hafa hald-
ið því fram að markið sem Robins
skoraði hafi komið í veg fyrir að
Ferguson væri rekinn.
Ferli Robins er lokið og ætlar
hann að gerast þjálfari. Hann hef-
ur þegar tekið UEFA-B þjálfara-
gráðuna og stefnir á að taka
UEFA-A gráðuna í framhaldinu.
Robins vísar einnig til þess sem
Alex Ferguson sagði eitt sinn við
hann á æfingu: „Ef einhver á eftir
að standa sig sem framkvæmda-
stjóri þá ert það þú.“ ■
ANDRIY SHEVCHENKO
Framlengir samning sinn við AC Milan.
Fagnar hér einu af 24 mörkum sínum í
vetur.