Fréttablaðið - 27.05.2004, Blaðsíða 16

27. maí 2004 FIMMTUDAGUR
Ráðherra vill taka á atvinnuleysi:
Vandinn greindur
eftir svæðum
Hvalveiðar og hvala-
skoðun eiga samleið
Hagsmunaaðilar segja að halda beri hvalveiðum áfram hér við land
enda einsýnt að slíkt hafi ekki haft nein þau slæmu áhrif
á ferðaþjónustuna í landinu sem haldið hefur verið fram.
SJÁVARÚTVEGUR „Sýnt þykir mér að
hvalveiðar og hvalaskoðun eigi
góða samleið og ekkert stendur í
vegi fyrir að það geti verið svo
áfram,“ sagði Einar K. Guðfinns-
son, þingmaður Sjálfstæðisflokks-
ins, á morgunverðarfundi um
hvalveiðar sem hagsmunaaðilar í
sjávarútvegi stóðu fyrir á Grand
hótel í gærmorgun. Komu þar
fram ýmis sjónarmið en flestir
voru sammála um að halda bæri
veiðum áfram bæði til að vernda
fiskistofna landsins og til að öðl-
ast næga vísindalega vitneskju
um hvali hér við land.
Kristján Þórisson, stofnvist-
fræðingur hjá Landssambandi ísl-
enskra útvegsmanna, taldi það
siðferðilega skyldu Íslendinga að
halda veiðum áfram. „Eina færa
leiðin til að færa sönnur á hversu
mikinn þorsk hrefnan étur er að
veiða hana á skipulegan hátt eins
og vísindaáætlunin kveður á um.
Ætli landsmenn að standa að
ábyrgum fiskveiðum verðum við
að vita með sem nákvæmustum
hætti hvað og hversu mikið hvalir
éta við landið. Óvissa um slíkt
mun hafa alvarleg áhrif.“
Eini aðilinn á fundinum sem
varaði við áframhaldandi veiðum
á hval hér við land var Ólafur
Hauksson, talsmaður flugfélags-
ins Iceland Express, en hann taldi
víst að með þeim væru Íslending-
ar að leika sér að eldinum. „Þrátt
fyrir að áhrif hvalveiða síðasta
árs séu lítið sem ekkert merkjan-
leg í ferðaþjónustunni tel ég að
við getum ekki vænst þess að vera
heppin áfram. Mikil tilfinninga-
semi ræður ríkjum erlendis gagn-
vart hvölum og rök Íslendinga
skipta engu máli ef almenn um-
ræða verður um þær erlendis.“
Til stóð að Árni M. Mathiesen
sjávarútvegsráðherra mætti á
fundinn til að ræða um hvert
framhald vísindaveiða Hafrann-
sóknastofnunar yrði í sumar en
hann tilkynnti forföll vegna veik-
inda. albert@frettabladid.is
ATVINNUMÁL Félagsmálaráðuneytið
setti af stað sérstakt átak á síðast-
liðnum vetri til að vinna gegn
langtímaatvinnuleysi og atvinnu-
leysi ungs fólks. Þetta kemur
fram í svari félagsmálaráðherra
við fyrirspurn Ögmundar Jónas-
sonar þingmanns um atvinnuleysi
ungs fólks í Reykjavík. Sérstök
verkefnisstjórn var skipuð til að
greina vandann á einstökum
svæðum og setja á laggirnar sér-
stök verkefni þar sem atvinnule-
ysi er mikið. Stjórnin ákvað að
beina sjónum sínum til að byrja
með að Suðurnesjum, en ráðgert
er að hún muni greina ástand
mála í Reykjavík eins fljótt og
auðið er.
Áhersla er lögð á að virkja bet-
ur ungt atvinnulaust fólk, sem og
þá sem hafa verið án atvinnu í
langan tíma, og að svæðisvinnu-
miðlanir standi fyrir styttri nám-
skeiðum eða menntasmiðjum
fyrir yngsta aldurshópinn. Auk
þess kemur fram í svarinu að
ráðuneytinu er ekki kunnugt um
að sérstök könnun hafi verið gerð
á atvinnuleysi meðal ungra Reyk-
víkinga af erlendum uppruna, né
á stöðu unglinga sem flosnað hafa
upp úr námi og átt í erfiðleikum á
vinnumarkaði. ■
ÁRNI MAGNÚSSON
FÉLAGSMÁLARÁÐHERRA
Leggur áherslu á að eyða langtímaatvinnu-
leysi og atvinnuleysi meðal ungs fólks.
ÞEKKIR ÞÚ BETRI STAÐ?
Í sjávarbyggðum landsins er það ótvírætt merki um að sumarið sé komið þegar peyjarnir
fara á ufsaveiðar. Þessir tveir voru á gömlu bæjarbryggjunni í Neskaupstað í vikunni, en
urðu ekki varir. „Þekkir þú betri stað?“ spurðu þeir ljósmyndarann, sem uppalinn var á
bryggjunum og húkkaði margan ufsann.
HVALASKOÐUN
Hagsmunaaðilar telja fullvíst að vel sé hægt að stunda hvalveiðar við hlið hvalaskoðunar án þess að nokkur beri skaða af.
FR
ÉT
TA
B
LA
Ð
IÐ
/E
.Ó
L
FJÖLGUN FERÐAMANNA Í
PRÓSENTUM FRÁ ÞVÍ AÐ
HVALVEIÐAR HÓFUST Á NÝ
Ágúst 16 %
September 16 %
Október 26 %
Nóvember 22 %
Desember 5 %
Janúar 30 %
Febrúar 15 %
Mars 13 %
Apríl 15 %