Fréttablaðið - 27.05.2004, Blaðsíða 45

33FIMMTUDAGUR 27. maí 2004
Leeds búið að ráða
framkvæmdastjóra:
Blackwell
í brúna
FÓTBOLTI Kevin Blackwell var í
gær ráðinn framkvæmdastjóri
enska knattspyrnuliðsins Leeds
United, sem á dögunum féll úr
ensku úrvalsdeildinni. Blackwell
gerði tveggja ára samning við
félagið en hann tók einmitt við
starfinu af Eddie Gray, fyrrver-
andi leikmanni liðsins á gullaldar-
árum þess, undir lok síðustu leik-
tíðar.
Kevin Blackwell er fjörutíu og
fimm ára gamall og kom til Leeds
sem aðstoðarmaður í júlí síðast-
liðnum. Áður var hann lengi búinn
að vera aðstoðarmaður Neil
Warnock, framkvæmdastjóra
Sheffield Wednesday. Blackwells
bíður án efa strembið starf - fjár-
hagsstaða Leeds er afar döpur en
kröfur aðdáenda liðsins á hinn
bóginn gríðarlegar og þeir vilja
upp og ekkert annað. ■
CHRISTOPHE DUGARRY
Katar freistar. Spilar þar á næsta tímabili.
Enn ein fyrrum stjarnan
á leið til Katar:
Christophe
Dugarry út í
sandinn
FÓTBOLTI Franski framherjinn og
fyrrverandi landsliðsmaðurinn
Christophe Dugarry mun spila í
Katar á næstu leiktíð. Kappinn lék
með enska úrvalsdeildarfélaginu
Birmingham City á síðustu leiktíð
en fékk samningi sínum við félag-
ið rift í mars.
Aðalástæðan fyrir því, að sögn
Dugarry, var að hann átti erfitt
með að aðlagast lífinu í Englandi
og gat engan veginn hugsað sér að
setjast þar að til lengri eða
skemmri tíma.
Dugarry mun spila með Qatar
Sports Club og samningurinn sem
hann skrifaði undir er til eins árs.
Katar er á góðri leið með að breyt-
ast í nýlendu fyrir leikmenn sem
eru við það að ljúka keppni sökum
aldurs og er það vel skiljanlegt -
kröfurnar og gæðin eru ekki í
efsta flokki en launin svo sannar-
lega.
De Boer-bræður verða þarna
ásamt mörgum öðrum og Dugarry
ætti því ekki að leiðast lífið. ■
Umboðsmenn fitna eins og púkinn á fjósbitanum í viðskiptum sínum við Manchester United:
13 milljónir punda greiddar á þremur árum
FÓTBOLTI Manchester United
greiddi umboðsmönnum 13,4
milljónir punda á þremur síðustu
árum vegna kaupa og sölu á leik-
mönnum fyrir samtals 158 millj-
ónir punda.
Eftir kröfur frá hluthöfum um
meira gagnsæi í tengslum við
kaup og sölur á leikmönnum sam-
þykktu forráðamenn félagsins að
birta skýrslu sem sýnir svart á
hvítu kaup og sölur á tuttugu og
einum leikmanni á tímabilinu jan-
úar 2001 til janúar 2004. Skýrslan,
sem gerð var opinber á þriðjudag,
sýndi meðal annars fram á 700
þúsund punda greiðslu til um-
boðsmannsins Gaetano Marotta,
þegar Manchester United keypti
markvörðinn Tim Howard fyrir
2,3 milljónir punda. Hljóta það að
teljast hlutfallslega mjög góð laun
miðað við heildarupphæð samn-
ingsins.
Talsmenn United reyndu að
bera í bætifláka fyrir þessa um-
boðsgreiðslu og sögðu að fleiri en
Marotta hefðu fengið skerf af
upphæðinni en gátu ekki nefnt
nein dæmi máli sínu til sönnunar.
Hins vegar sögðu þeir að þrátt
fyrir þetta hefðu kaupin á
Howard reynst mjög góð fjárfest-
ing. Einnig voru mál Elite Sports
til skoðunar í skýrslunni en það
fyrirtæki er með þrettán leik-
menn Manchester United á sínum
snærum. Það væri svo sem
kannski ekki í frásögur færandi
nema að framkvæmdastjóri fyrir-
tækisins er Jason Ferguson, sonur
framkvæmdastjórans Sir Alex
Ferguson.
„Miðað við skýrsluna er allt á
hreinu á milli Elite Sports og
félagsins,“ lét stjórn United hafa
eftir sér og bætti við:
„Á hinn bóginn viðurkennum
við að áhyggjur manna vegna ná-
inna tengsla milli Elite Sports og
Alex Ferguson séu eðlilegar og
höfum því ákveðið að fyrirtækið
muni í framtíðinni ekki koma ná-
lægt fleiri leikmannakaupum eða
leikmannasölum hjá Manchester
United.“ Strax eftir útkomu
skýrslunnar eru forráðamenn
United byrjaðir að undirbúa aðra
skýrslu þar sem sölur og kaup
United á þessu ári verða gerðar
opinberar.
Nú þegar hefur það komið í
ljós að við kaupin á Louis Saha frá
Fulham í byrjun árs fyrir 12,8
milljónir punda fékk umboðsmað-
ur hans 750 þúsund pund í sinn
hlut. ■
TIM HOWARD
Sést hér í góðu úthlaupi. Var keyptur til
Manchester United á 2,3 milljónir punda.
Umboðsmaður hans, Gaetano Marotta,
fékk 700 þúsund pund fyrir sinn snúð.