Fréttablaðið - 27.05.2004, Blaðsíða 10
10 27. maí 2004 FIMMTUDAGUR
BEÐIÐ EFTIR MCCARTNEY
Aðdáendur gamla bítilsins Pauls
McCartney biðu spenntir eftir fyrstu
tónleikum hans í tónleikaferð um Evrópu
sem hófst í Gijon á Spáni.
Réttarhöld yfir Marc Dutroux senn á enda:
Undirbjó frekari mannrán
BELGÍA, AP Réttarhöldum yfir belg-
íska barnaníðingnum Marc
Dutroux lýkur senn en Detroux er
ákærður fyrir mannrán, nauðganir
og morð. Réttarhöldin hafa staðið
yfir í nær þrjá mánuði og snýst
umræðan nú aðallega um það
hvort saksóknarinn Michel Bour-
let krefst þess að félagi Dutroux,
Michel Nihoul, verði sakfelldur.
Stærsti glæpurinn sem
Dutroux er gefið að sök er án efa
rán á sex stúlkum um miðjan tí-
unda áratuginn, en fjórar þeirra
létust. Dutroux hefur játað á sig
mannrán og kynferðislegt ofbeldi
á stúlkum. Hann segist þó einung-
is hafa verið hluti af neti glæpa-
manna víðs vegar um Evrópu sem
vann að því að fá stúlkur til að
gerast vændiskonur. Þar hafi
Nihoul verið höfuðpaurinn.
Lögmaður eins fórnarlamba
Dutroux sagði kviðdómi frá því í
gær að Nihoul og Dutroux hefðu
árið 1994 haft í undirbúningi ráða-
gerð þess efnis að ræna stúlkum í
Austur-Evrópu og flytja þær til
Belgíu til þess að vinna sem
vændiskonur. ■
Þrjátíu missa
vinnuna á Dalvík
Öllum starfsmönnum kjúklingabúsins Íslandsfugls á Dalvík hefur verið
sagt upp störfum í kjölfar eigendaskipta. „Vonbrigði,“ segir bæjarstjóri
Dalvíkur, sem lítur þó nokkuð björtum augum fram á veginn.
ATVINNUMÁL Öllum starfsmönnum
kjúklingabúsins Íslandsfugls á
Dalvík, um þrjátíu manns, hefur
verið sagt upp störfum frá og með
næstu mánaðamótum. Sundagarð-
ar keyptu í síðustu viku allt hluta-
fé í Marvali sem áður rak kjúkl-
ingabúið en Sundagarðar áttu fyrir
kjúklingafyrirtækið Matfugl.
„Það er búið að taka ákvörðun
um að þetta fyrirtæki hætti af-
skiptum af kjúklingaeldi þar sem
það hefur gengið illa,“ segir
Gunnar Þór Gíslason, fram-
kvæmdastjóri Sundagarða. Að
sögn Gunnars Þórs stendur þó til
að flytja stofneldi, þ.e. varpfugla,
Matfugls norður með tíð og tíma.
„Hluti starfsemi Matfugls hér
fyrir sunnan komum við því til
með að flytja norður,“ segir Gunn-
ar Þór. „Varpfuglinn verður því
þar. Síðan flytjum við eggin suður
og ungum þeim út hér.“
Tveimur til þremur starfs-
mönnum Marvals sem starfað hafa
við eldi verður boðin vinna hjá
Matfugli, að sögn Gunnars Þórs.
Hann á von á því að þegar breyt-
ingaferlið verður yfirstaðið verði
starfsmannafjöldi Matfugls á Dal-
vík fjórir til fimm starfsmenn.
„Þetta eru vonbrigði,“ segir
Valdimar Bragason, bæjarstjóri
Dalvíkur. „Þetta skiptir okkur
miklu máli hér í atvinnuþátttök-
unni.“ Að sögn Valdimars hefur
rekstur Íslandsfugls þó ekki
gengið sem skyldi um nokkurt
skeið. „Það eru svona 25-30 bein
störf við þetta og afleidd störf
eins og gengur,“ segir Valdimar.
„Það svona eitt og sér dugar þó
kannski ekki ef ekki er grundvöll-
ur fyrir atvinnurekstrinum. Menn
verða bara að horfa framan í
það.“
Að sögn Valdimars er þó nokk-
ur bjartsýni ríkjandi á Dalvík.
„Það eru væntingar um að þetta
sé nú ekki heimsendir,“ segir
Valdimar. „Það eru blikur á lofti
um aukningu á störfum hérna
þannig að þetta fólk verður von-
andi ekki atvinnulaust lengi.“
Valdimar á þar við fyrirætlanir
nýrra eigenda kjúklingabúsins
um að setja upp starfsemi í hús-
næði fyrirtækisins auk þess sem
aðrir atvinnurekendur á svæðinu
séu að auka við sína framleiðslu.
helgat@frettabladid.is
Handtaka:
Trúður með
barnaklám
BANDARÍKIN, AP Lögregla í Norður-
Karólínu í Bandaríkjunum hefur
handtekið trúð og ákært hann
fyrir að hafa barnaklám undir
höndum.
Hinn 23 ára Thomas Riccio,
sem er þekktari undir sviðsnafn-
inu Spanky, var handtekinn eftir
að í ljós kom að hann hafði keypt
sér aðgang að meira en 50 síðum
á netinu sem bjóða upp á barna-
klám.
Handtaka hans tengist rann-
sókn á hvítrússneskum barna-
klámshring og hafa um hundrað
Bandaríkjamenn verið hand-
teknir. ■
Öryggisráðstafanir:
Eftirlit á
landamærum
LISSABON, AP Portúgölsk stjórnvöld
hafa tekið upp fullt landamæra-
eftirlit og hafa þann háttinn á
fram í byrjun júlí. Eftirlitið er
hluti af öryggisráðstöfunum sem
Portúgalar grípa til í tengslum við
Evrópumeistaramótið í fótbolta
sem hefst 12. júní.
Búist er við miklum töfum á um-
ferð um landamærin milli Spánar
og Portúgals auk þess sem ferða-
menn verða lengur að komast um
alþjóðaflugvellina þrjá í Portúgal. ■
– hefur þú séð DV í dag?
Stjórnar-
andstaðan hertók
yfirmannaborð
ráðherra á
Alþingi
Stefnuræða Pútíns:
Fleiri hús
og ódýrari
MOSKVA, AP Vladimír Pútín Rúss-
landsforseti hvatti ríkisstjórn
sína í gær til að finna leiðir til að
tryggja framboð ódýrs íbúðarhús-
næðis, heilbrigðisþjónustu og
menntun. Í stefnuræðu sinni sagði
hann jafnframt að Rússland gæti
tvöfaldað landsframleiðslu sína á
næstu sex árum, sem er hraðar en
áður hefur verið talið mögulegt.
Pútín gagnrýndi sjálfseignar-
stofnanir sem vinna að góðgerðar-
málum og mannréttindum og
sagði að sumum þeirra væri
meira annt um að afla sér fjár en
að vinna í þágu fólksins. ■
VLADIMÍR PÚTÍN
Tvöfalda má landsframleiðsluna á sex
árum.
■ ASÍA
TVÆR BÍLASPRENGJUR Í KARACHI
Tvær bílasprengjur sprungu með
um einnar mínútu millibili fyrir
utan pakistanskt-amerískt menn-
ingarsetur í pakistönsku borginni
Karachi í gær. Einn lét lífið og að
minnsta kosti 25 særðust.
RÁÐIST GEGN MEINTUM TALI-
BÖNUM Bandarískar hersveitir
réðust á meintar herbúðir tali-
bana í suðausturhluta Afganist-
ans á þriðjudag. Nokkrir bar-
dagamenn talibana létust í átök-
unum.
■ LÖGREGLUFRÉTTIR
LENTI ÚTI Í SKURÐI Sautján ára
ökumaður á leið í Kjarnaskóg
missti vald á bíl sínum í fyrra-
kvöld með þeim afleiðingum að
hann lenti utan vegar og ofan í
skurði. Ökumaður bílsins var að
sögn lögreglu óvanur að aka í
lausamöl en slapp ómeiddur.
FÍKNIEFNI Á TÓNLEIKUM Lög-
reglan í Hafnarfirði lagði hald á
fjórar e-töflur og lítils háttar
magn af hassi á tónleikum
hljómsveitarinnar Pixies í
Kaplakrika í fyrrakvöld. Einn
maður, ferðamaður á fertugs-
aldri, var handtekinn, grunaður
um dreifingu og neyslu fíkni-
efna. Leitað var á dvalarstað
mannsins og fundust þar fjórar
e-töflur til viðbótar. Maðurinn
viðurkenndi brot sitt og var
sleppt eftir greiðslu sektar.
FÓRNARLAMB BARNANÍÐINGS
Eftirlifandi fórnarlamb Dutroux ráðfærir sig
við lögmann sinn en réttarhöld yfir Dut-
ruox eru senn á enda.
ÍSLANDSFUGL
Öllum starfsmönnum var sagt upp störfum eftir eigendaskipti. Tveimur til þremur verður
boðin vinna hjá nýju eigendunum.
BÍLAR STÖÐVAÐIR
Þrettán árum eftir að Portúgalar lögðu
landamæraeftirlit af tóku þeir það aftur
upp í rúman mánuð.
ÚRSKURÐUR Rannsóknarnefnd flug-
slysa telur að um vanrækslu hafi
verið að ræða þegar lá við slysi á
Keflavíkuflugvelli þann 23. júlí í
fyrra þegar Boeing-flutningavél
Íslandsflugs átti í erfiðleikum
með flugtak. Hélt flugstjórinn þó
áfram ferð sinni eftir að í loftið
var komið og kom í ljós við skoð-
un í Edinborg í Skotlandi að vélin
var þyngri en hleðsluskýrsla
sagði til um. Alvarlegra þótti þó
að þyngdardreifingin í birgða-
rými vélarinnar var kolröng og
var því þungamiðja hennar mun
framar en takmarkanir segja til
um.
Beinir rannsóknarnefndin
þeim tilmælum til Flugmála-
stjórnar að tekið verði upp eftirlit
með beinum úttektum er þjónusta
íslenska flugrekendur og við-
haldsaðila og ennfremur að tekn-
ar verði upp reglulegar gæðaút-
tektir á starfsemi Flugþjónustu
Keflavíkurflugvallar sem hlut átti
að óhappinu. Við athugun kom í
ljós að sumir starfsmenn fyrir-
tækisins voru lítt þjálfaðir og
þekktu ekki verklag við hleðslu
flugvéla. ■
FLUGTAK FRÁ KEFLAVÍKURFLUGVELLI
Mistök voru gerð við hleðslu birgðaflutn-
ingavélar í júlí á síðasta ári með þeim af-
leiðingum að minnstu munaði að vélin
tækist ekki á loft. FR
ÉT
TA
B
LA
Ð
IÐ
/G
VA
Rannsóknarnefnd flugslysa:
Mistök við hleðslu
Boeing-vélar