Fréttablaðið - 08.10.2004, Blaðsíða 6

6 8. október 2004 FÖSTUDAGUR
Ágreiningur um Sólbak:
Vélstjórar kæra eftir helgi
KJARADEILA Vélstjórafélag Íslands
stefnir að því að leggja fram kæru
til félagsdóms á mánudag eða
þriðjudag eftir helgi vegna stofn-
unar sérstaks félags um rekstur
Sólbaks EA-7 frá Akureyri og
samninga við áhöfnina. Helgi Lax-
dal, formaður Vélstjórafélagsins,
gerir ráð fyrir að niðurstöðu dóms-
ins sé svo að vænta innan þriggja
vikna eftir að kæran er lögð fram.
Helgi segir tvennt koma til
greina í efni kærunnar. „Annars
vegar er að samningurinn sem
gerður var fyrir norðan sé fyrir
neðan lágmarkskjör, sem væri þá í
andstöðu við landslög. Svo væri
hins vegar líka hægt að skoða mál-
ið út frá því hver tilgangurinn hafi
verið með stofnun fyrirtækisins
um rekstur Sólbaks.“ Helgi segir
svo sterk tengsl milli Sólbaks og
Brims að tæpast sé hægt að tala
um aðskilnað. „Þá er spurning
hvort þessu fæst ekki hnekkt með
vísan til þess að þarna hafi verið
um að ræða málamyndagjörning til
þess eins að komast undan ákvæð-
um gildandi kjarasamninga.“ Helgi
bendir á að ákvæði um 30 tíma
stopp milli túra séu bundin í kjara-
samninga sem gildi til ársloka 2005
og Guðmundur Kristjánsson, for-
stjóri Brims, hafi enga heimild til
að breyta þeim eftir eigin hentug-
leika. ■
Nauðsynlegt að
ná samningum
Stjórnarformaður LÍÚ segist ekki telja að útgerðir hlaupi til og stofni
sérstök eignarhaldsfélög um skip með sérsamningum við áhöfn. Hann
segir nauðsynlegt að útgerð og sjómenn nái saman í samningum.
KJARADEILUR „Ég hef ekki trú á að
framtíðin verði sú að stéttarfélög
sjómanna verði jafnmörg og skipin
eru sjálf,“ segir Björgólfur Jó-
hannsson, stjórnarformaður
Landssambands íslenskra útvegs-
manna (LÍÚ) og forstjóri Síldar-
vinnslunnar í Neskaupstað. Hann
segir útgerðarmenn þó fylgjast vel
með þróun mála í deilum samtaka
sjómanna og útgerðarfélagsins
Brims, vegna eignarhaldsfélagsins
sem stofnað var um rekstur Sól-
baks EA 7 á Akureyri. Hann segir
að í samningum við áhöfn Sólbaks
séu atriði sem útgerðarmenn hafi
sett á oddinn í samningaviðræðum
við hagsmunasamtök sjómanna.
„Við höfum viljað koma á hag-
ræði þar sem möguleikar eru til
hagræðingar og að menn reyni að
breyta útgerð-
armynstri í takt
við breytta
tíma,“ segir
Björgólfur, en
bætir við að við-
ræður hafi
gengið hægt.
Hann telur að
frávik frá heild-
arsamningum
eigi allt eins að
geta átt sér stað meðal sjómanna
og annarra stétta. „Eitt af því sem
verið hefur erfitt í samskiptum út-
gerðarmanna og sjómanna er að
engin frávik hafa verið leyfð,“
segir hann og nefnir hafnarfrí sjó-
manna. „Nú eru túrar styttri og
allt aðrar forsendur en þegar þau
voru sett á.“
Björgólfur segir ljóst að sjó-
mannaforystan telji samning
eignarhaldsfélags Sólbaks við
áhöfn skipsins ólöglegan, en legg-
ur ekki mat á það sjálfur hvort
svo kunni að vera. „Það er hins
vegar ljóst að þeir sem málið
snertir skrifuðu upp á samning-
ana, allir sem einn. Svo er þetta
ekkert nýtt með skiptingu afla-
hlutar með fækkun í áhöfn,“ segir
hann og vísar til samnings útvegs-
manna og vélstjóra um að kæmi
til fækkunar vegna nýrra skipa
eða tækni myndi ávinningur
skiptast milli útgerðar og starfs-
manna.
Björgólfur leggur áherslu á að
aukins sveigjanleika sé þörf í
samningum útgerðar og sjó-
manna og bendir á óhagræðið
sem til dæmis felist í að
kolmunnaskip sem veiða í troll og
skip sem stunda nótaveiðar skuli
vera með sama fjölda í áhöfn.
„Olíuverð er nú gjörsamlega að
drepa útgerð kolmunnaskipa og
kostnaður við olíu og laun hleyp-
ur á 80 til 90 prósentum,“ segir
hann. Björgólfur er engu að síður
vongóður um að sjómenn og út-
gerð nái saman. „Annað væri
enda skelfileg niðurstaða og
kannski upphafið að endalokun-
um. Ef við náum ekki að gera
samninga liggur fyrir að við ger-
um við ekki út.“
olikr@frettabladid.is
Félagasamtök:
Mótmæla
ofbeldi
KJARAMÁL Frjálshyggjufélagið mót-
mæltir því sem félagið kallar „of-
beldisaðgerðir verkalýðsfélaga til
að ná fram markmiðum sínum“. Þar
vísar félagið til aðgerða forsvars-
manna sjómannasamtaka sem komu
í veg fyrir uppskipun úr Sólbaki.
„Engan mann má neyða til samn-
inga með ofbeldi, né heldur má hin-
dra samninga með ofbeldi,“ segja
samtökin, en í samningi áhafnar
Sólbaks við útgerðina er kveðið á
um að starfsmaðurinn skuli standa
utan stéttarfélaga. „Tveir aðilar
sem gera frjálsan samning sín á
milli eru ekki að skaða neinn ann-
an,“ fullyrðir félagið. ■
VEISTU SVARIÐ?
1Í hvaða sæti á styrkleikalista FIFA eríslenska landsliðið í fótbolta?
2Hvað er talið að hagnaður íslenskrafjármálafyrirtækja verði samanlagt
mikill á árinu?
3Í hvaða máli braut Reykjavíkurborggegn stjórnsýslulögum?
Svörin eru á bls. 46
Á
rn
i H
ar
ða
rs
on
G
ís
li
Ö
rn
G
ar
ða
rs
so
n
Si
gu
rj
ón
S
ig
hv
at
ss
on
H
al
ld
ór
J
. K
ri
st
já
ns
so
n
T
in
na
G
un
nl
au
gs
dó
tt
ir
LISTIN Í VIÐSKIPTUM
Hádegisverðarfundur FVH og Deloitte
verður haldinn miðvikudaginn 13. október
í Gullteig, Grand Hótel Reykjavík.
SKRÁÐU ÞIG STRAX!
Vinsamlega skráið þátttöku á vef FVH, www.fvh.is,
með tölvupósti fvh@fvh.is eða í síma 551 1317.
Verð með hádegisverði er 3.000 kr. fyrir
félaga FVH og 4.800 kr. fyrir aðra.
Fundurinn er öllum opinn!
D A G S K R Á
Kl. 11.45 SKRÁNING
Kl. 12.00-12.15 ÁHRIF LISTA OG MENNINGAR
Á VIÐSKIPTAÞRÓUN
Halldór J. Kristjánsson,
bankastjóri Landsbanka Íslands
Kl. 12.15-12.30 HLUTVERK LISTAR Í
VIÐSKIPTUM?
Sigurjón Sighvatsson,
kvikmyndaframleiðandi
Kl. 12.30-12.45 SKATTALEG MEÐFERÐ STYRK-
VEITINGA TIL MENNINGAR
OG LISTA
Árni Harðarson, yfirmaður
Skatta- og lögfræðisviðs Deloitte
Kl. 12.45-13.00 ÚTRÁS LISTAR
Gísli Örn Garðarsson,
leikari og leikstjóri
PALLBORÐSUMRÆÐA
FUNDARSTJÓRI: Tinna Gunnlaugsdóttir,
nýráðinn leikhússtjóri Þjóðleikhússins

E
N
N
E
M
M
/
S
IA
/
N
M
13
5
9
3
Áhöfnin á Sólbak EA-7:
Harmar
aðgerðirnar
SJÁVARÚTVEGUR Áhöfn Sólbaks EA-7
harmar að forystumenn sjó-
mannasamtakanna skyldu hindra
löndun úr skipinu í vikunni.
Áhöfnin bendir á að samningar
hennar við útgerðina séu milli-
liðalausir og segir Sjómannasam-
tökin ekki gæta hagsmuna hennar.
„Það er einfaldlega rangt að um sé
að ræða vinnudeilu, eins og for-
ystumenn Sjómannasamtakanna
hafa haldið fram, þar sem enginn
ágreiningur er milli áhafnar
skipsins og útgerðarinnar,“ segir í
yfirlýsingu sem trúnaðarmaður
áhafnarinnar skrifar undir. ■
Deilan við Brim:
Harnaði við
handtöku
KJARADEILA „Samstaðan stendur,“
segir Sævar Gunnarsson, formað-
ur Sjómannasambands Íslands, og
upplýsti að í gær hefðu forystu-
menn Alþýðusambandsins setið á
fundum og rætt næstu skref í
deilunni við Brim.
Á fundi miðstjórnar Alþýðu-
sambandsins á miðvikudag var
samþykkt ályktun þar sem lýst
var fullum stuðningi við forystu-
menn sjómanna og aðgerðir þeir-
ra. Þá kemur fram á vef ASÍ með
handtöku forystumanna sjómanna
hafi deilan harðnað og ljóst að
henni sé hvergi nærri lokið. ■
BJÖRGÓLFUR JÓ-
HANNSSON
UPPSKIPUN Á AKUREYRI
Löndun hófst úr Sólbaki EA 7 um miðjan dag á miðvikudag eftir að forystumenn sjómanna-
samtaka sem hindruðu hana voru handteknir. Skipið hélt aftur til veiða um kvöldið.
HELGI LAXDAL
Formaður Vélstjórafélagsins segir af mörgu
að taka í deilum samtaka sjómanna við út-
gerðarfélagið Brim